السلام عليكم ورحمة الله وبركاته
اخواني وخواتي حبيت أنقل لكم بهالتقرير البسيط عن رحلتي الى اسبانيا : مدريد وبلاد الاندلس
راح أفصل لكم بأشياء يمكن للبعض بسيطة بس أنا حابة أن أنقل كل تفصيل اذا تسمحون...لأن في تفاصيل غابت عن البعض وأحس إن إهية مفيدة..
نبدي باسم الله
-- بالنسبة للمطار:
اول ما تطلع من المطار تشوف على ايدك اليسار التكاسي واقفين تروح للطابور وتاخذ لك تاكسي وتعطيه اسم الفندق وتتوكلون على رب العالمين.
-- الفندق في اول ليلة
اول ليلة في مدريد كانت في فندق husa paseo del arte فندق نظيف وحلو وتكرمون الحمام كله مع بعض والحمام كبير – الغرفة اللي خذيناها كانت executive- بس الانترنت الواي فاي بفلوس، والفندق قريب منه ماكدونالدوعلى بعد خطوااات من محطة أتوشا وهذا المطلوب اللي كنا نبيه لأن سفرتنا في اليوم الثاني الى قرطبة عن طريق محطة اتوشا.
والمحطة بعد ما تعبرون الشارع بدون اي نزلة لمحطة المترو وبدون اي تاكسي، المحطة على بعد النظر تعبرون الشارع وتروحون لها وتصعدون الى الطابق الثاني حتى تتم عملية التأكد من تذاكركم من قبل المختصين ومن ثم فحص الامتعه والعملية كلها بغااايه السهولة والبساطة لا تحاتون ولا تتعقدون مو مثل المطارات – قصدي بالنسبة للسوائل وما شابه- بعدين تروحون وتوقفون بالطابور حتى تتم عمليه الختم على التذاكر وتنزلون للقطار ، ولما تنزلون للقطار تشوفون انتوا بأي عربة وتروحون لها وتحطون أمتعتكم بالاماكن المخصصة وفي عربتكم يعني يمكم اذا كانت الجناط صغيرة بالنسبة للجناط الكبيرة الصراحه ما شفتها يمنا الظاهر ان لها عربة خاصة، المهم تدخلون العربة وتحطون أغراضكم وتشوفون على الكراسي أو فوق الكراسي الارقام والاحرف لكل كرسي وبس تجلسون على الكراسي المخصصه.
·بالنسبة لي كانت رحلتي عن طريق القطار السريع -واللي حجزت له عن طريق الانترنت- من مدريد الى قرطبة ولا أروع والاشخاص القائمين عليه من امن وموظفي الكافتريا طيبين وخدومين ، على فكرة كانت رحلتنا على الدرجة الاولى فقدموا لنا وجبة الافطار على مستوى الصراحه والعصير عند القدوم، وسماعات ابلاش، وقوابس للشحن
·عند النزول من القطار تصعدون الى الطابق العلوي وتشوفون مركز معلومات الصراحه مفيد واللي فيه كانت طيبه وبشوشة وأفادتنا، ولما تطلعون من المحطة تلقون جدامكم محطة الباصات لونها أخضر، وعلى ايدكم اليسار مجموعه من التكاسي توقفون بالطابور وتاخذون تاكسي للمكان اللي تبونه.
·بالنسبة لنا خذينا تاكسي الى مسجد قرطبة ومن ثم الى مدينة الزهراء والى غرناطة، مع العلم ان في باصات تمشي من قرطبة الى غرناطة ولها أوقات محددة، بس احنا خذينا تاكسي يكون معانا وعلى راحتنا.
·وفي منطقة المسجد تلقون المحلات الكثيرة للهدايا والفنادق ذات الاسماء العربية والكافيهات والمنطقة الصراحه حلوة وهادية واهلها طيبين. علشان تدخلون المسجد من داخل في مكان لحجز التذاكر، ولا تنسون راح يقولون لكم ممنوع الصلاة بس بكل أدب ولباقة من قبل رجال الامن.
وبعدها رحنا لمدينة الزهراء وما بقي منها الا آثار بس في معرض لها ولتحفها وفي فيلم سينمائي يعرض عنها أنصحكم تشوفونه وتشوفون الاثار قبل لا تروحون المدينة اللي ما اكتشفوا منها الا 10 %. وطبعا في حجز تذاكر للمتحف وللفلم ومن ثم الدخول لمدينة الزهراء من ضمن التذكرة.
--- الرحلة الى غرناطة:
[color="purple"]والرحلة الى غرناطة خذت تقريبا الساعتين وشوي، بس الطريج وايد حلو ، ولما توصلون غرناطة تشوفونها مدينة فيها حركة من محلات للسيارات ومحلات للملابس الراقية والعادية، سكنا في فندق [color="black"][url]http://www.booking.com/hotel/es/fontecruz-granada.en-gb.html?fromoffset=40%5B%2Furl%5D%5B%2Fcolor%5D%5B %2Fcolor%5D&aid=358324
فندق حلو في بدايته وحابين ان يطلعون فيه الفندق مبني على آثار ، فأول ما تدخلون تشوفون الاثار تحتكم، وعطونا خصم للمرة القادمة 25% وفي عندي جم شغله بالنسبة للفندق،
-بالنسبة لموظفي الفندق: طيبين ويساعدون وحبوبين ويعرفون انجلش.
-اما بالنسبة تكرمون للحمام ترى على اجزاء ولكم شوي على الخصوصية خصوصا بالنسبة للشاور- ودي أحط لكم الصور بس الصراحه ما اعرف شنو الرابط اللي يطلبه الموقع.
-بالنسبة لخدمة الغسيل ما عندهم خدمة الغسيل الجاف، وهذي مشكله للي عندهم جاكيتات وحراير.
-خدمة الانترنت الوافاي ببلاش وسرييييييييعه
-لا توجد بالغرفة اله الشاي والقهوة.
-التلفزيون بلازما مع محطات اسبانية وانجليزية فقط.
-ومن الفندق الى قصر الحمراء يمكن تاخذ لك 10 دقايق بالتاكسي.
-خلف الفندق شوارع ضيقة عتيقه حلوة فيها الكثير من محلات الاخوة المغاربة من ملابس وحلويات عربية ومطاعم حلال عربية .
-وتوجد الكثير من المطاعم التركية واللي الصراحه كلينا منها شاورما دجاج حلووووة
-وبجانب الفندق الآلات الخاصة لصرف بطاقات قصر الحمراء. والعملية سهله لصرف البطاقات، وهي كالتالي:
تروح للماكينة وتضغط على اللوحة علشان تشتغل وتختار انجلش، وتختار صرف بطاقات محجوزة، ومن ثم تحط بطاقة الاعتماد اللي على اساسها حجزت التذاكر وبعدين تطلع البطاقة وتنطبع لك البطاقات.
-الناس تحب السهر في غرناطة حتى بالايام العادية فتشوفونهم يمشون ويضحكون ويسولفون بالشارع لي الصبح.
وفي فندق راح تلقونه بموقع booking اسمه الحمراء حده قريب من قصر الحمراء يمكن تمشون له وايد حلو مكانه.
واذا ما طلعتوا التذاكر من اي ماكينه يمكم تقدرون تطلعونها من مكاين اللي في قصر الحمراء بس لا تتأخرون لأن لكم موعد محدد للدخول مو لقصر الحمراء لقصر ناصر اللي موجود على البطاقة فحطوا في بالكم قبلها بساعه انتوا واصلين الحمراء ومصدرين التذاكر وتدخلون قصر الحمراء لأن المسافة من المدخل الى بوابة قصر ناصر تاخذ لها 10 دقايق مشي او اكثر وبعدين توقفون بالطابور للدخول والطابور طويل.
فاذا رحتوا قصر الحمراء وما طلعتوا التذاكر ، روحوا عند محل الهدايا والتذكارات كملوا سيده خلوه على ايدكم اليمين كملوا سيده راح تشوفون غرفة زجاج تدخلونها وتروحون لأي ماكينة وتسوون الخطوات اللي قلت لكم اياها فوق.
·مع العلم ان محد سأل عن الجواز بس في موقع الحجز للتذاكر كانوا كاتبين ان يجب احضار الجواز. فأحسن خلوا معاكم نسخة من الجواز.
·نصيحتي للحريم لا تلبسون تكرمون كعوبه او اي أحذية غير مريحه لان وراكم مشي مشي.
لما تدخلون داخل القصر كملوا سيدة وبعدين اخذوا يسار راح تشوفون العلامات فسهالة ان شاء الله.
-- الرحلة الى المسجد الجامع في غرناطه:
بالنسبة للمسجد الجامع في غرناطة واهوة المسجد الجديد اللي تم بنائه حديثا فهو مفتوح طول الوقت للمسلمين تقدرون تروحون وحتى لو شفتوا الباب مسكر راح سيده تلقون واحد يفتح لكم الباب تقدرون تدخلون وتصورون قصر الحمراء لأن القصر جدامه والمنظر عجييييب وتقدرون تدخلون وتصلون بالمسجد في مكان للرجال وللنساء وفي مكان مخصص للوضوء.
ومن حوله البيوت الجميله القديمة.
-- نصيحتي اخذوا تاكسي يلف فيكم لأن برأيي أهل الديرة أعرف بشعابها حتى لو درسناها دراسة فاهمه يعطونكم المواقع والاماكن الحلوة اللي بديرتهم.
-- رحلة العودة الى مدريد بالقطار العادي من محطة غرناطة:
محطة غرناطة صغيرة وبسيطة، اول ما تدخلونها راح تلقون لوحه ورقية - سبورة - فيها الرحلة القادمة وارتاحوا ليما يوصل القطار وفي كافتريا على ايدكم اليمين، واول ما يوصل القطار قبل الموعد بنص ساعه، يوقفون الناس طابور علشان يتم التدقيق على التذكرة ومن ثم فحص الامتعه ومنها الى القطار وعلى حسب العربة اللي انت حاجز عليها، تروح لها وتحط أغراضك وتقعد
خذت الرحلة 4 ساعات وشوي لكثرة التوقفات بس الصراحه المناظر روعه فاحنا ما حسينا بالوقت، وبالقطار العادي حجزنا في الدرجة الاولى ويقدمون فيها الافطار والجرايد بس طبعا جرايدهم، والقطار طبعا مو نفس السريع السريع ارقى من ناحية الاثاث والتصميم من داخل.
** بس تطلع من محطة أتوشا اتبع الاشارات الى المخرج exit وتطلع على موقع التكاسي وتاخذ لك تاكسي وتمشي، وفي المحطة محلات ومطاعم كثيرة.
--فندق مدريد "المقلب"
[color="purple"]حجزنا ليلة في فندق [color="black"][font="Times New Roman"][url]http://www.booking.com/hotel/es/villadelareina.en-gb.html?fromoffset=0%5B%2Furl%5D%5B%2Ffont%5D%5B%2 Fcolor%5D%5B%2Fcolor%5D&aid=358324
الصراحه بالنسبة لي أعطيه من ** لان الغرف صغيرة بدرجة مو طبيعية، وحاارة بعز البرد، والتهوية سيئة، والانترنت الواي فاي ابلاش اخذوا المعلومات الخاصة بالشبك من الاستقبال، يبعد 5 دقايق او 10 من محطة أتوشا، حلاته فقط في موقعه على شارع القران فيا بس مقابله فندق vincci capitol الصراحه ماادري عنه اذا زين ولا لأ. بس ماكدونالد جدام الفندق وكافتريات كثيرة وفي كافتريا لاتراك مسلمين قريبه من الفندق.
** بالنسبة للشارع القران فيا فيوجد فيه الكثير الكثير من المحلات المعروفة والمشهورة ومحلات الصغيرة الرخيصة فتبون جناط للسفر تلقون، مطاعم تلقون، ملابس تلقون، تذكارات تلقون.
--مطار مدريد حلو وكبير ومرتب ونظيف ومعاملة الصراحه عجبني والمطاعم الكثيرة المنتشره والمحلات التجارية المعروفة زارا ومانغو وماركات ثانية كثيرة .
للاسف كان ودي احط لكم الصور بس ما اعرف يقولي الرابط وماادري شنو قصته
* على ما تقدرون اكلوا من الزيتون
(بالنسبة لكيفية الحجز للقطار):
- عن طريق موقع http://www.renfe.com/index.html وبعدين روحوا على الجهة اليمين من فوق لكلمة purchase ودخلوا وحطوا الاماكن والمحطات والتواريخ اللي تبونها وبعدين متى ما اخترتوا، بعدين تدخلون معلوماتكم الشخصية أنا صارت معاي غلطه اني كنت ادخل 00965 وبعدين الرقم الشخصي فماكان يقبل وكان يطلع لي خطأ، فبعد مساعدة أحد الاخوان طلع اني ما احط 00 بس رقم الكود، وطبعوا التذاكر وبالسلامة ان شاء الله.
(بالنسبة لكيفية حجز تذاكر الحمراء):
- عن طريق هالموقع وتقدرون تشوفون التعليمات الخاصة
http://www.alhambradegranada.org/en/info/ticketsale.asp
للي حاب ارقام التكاسي اقدر اعطيكم اياها اذا توافق ادارة الموقع
و أي اسئله ثانية قولولي اخاف اني نسيت. Jمواضيع عشوائيه ممكن تكون تعجبك اخترناها لك:
- خبراء برشلونه انتظر المساعده
- افضل منطقة للسكن بمدريد وبرشلونه ؟
- مساااااعدة يا مشرفين بوابة السفر الي أسبانيا
- رايح اسبانيا يوم ومو عارف اخطط
- برشلونه و مدريد ؟؟؟
- شرح بالصـــــور لكيفية حجز موعد في مستشفى باراكير للعيــون
- ارجوا المساعدة في إستئجار السيارة
- ارائكم ومساعداتكم
- احداثيات بعض مناطق اسبانيا
- افيدونا من خبرتكم
- الفزعه يارجال البلوغرانا والملكي والخفايش والغواصات
- مساعدتكم في فنادق مدريد برشلونه والجنوب تكفون
- افيدوني بـ افضل خط سير ل ثلاث دول اوربيه
- من جنوب اسبانيا على طنجه بالعباره كيف ومن اين؟
- برشلونة و ماربيا استفسارات و مخطط رحلة
- استفسار الفنادق المترو ؟؟
- القطار كيف احجز
- محتاجة مساعدة من الخبراء
- مساعده
- فندق برشلونه
رد مع اقتباس
المشاركة الأصلية كتبت بواسطة الـ ع ــنآ ~
المفضلات