الموضوع: ممكن اتشاركوني بمخططي حق اسبانيا

السلام عليكم

اخواني مخطط للذهاب لشهر العسل في شهر 4 الى اسبانيا

وجلست اقرا مواضيع المتدى عن اسبانيا لمدة اكثر من اسبوعين فكونت فكره طيبه عن هالبلد من تقارير رواد االمنتدى المحترمين

كنت مخطط اني اذهب الى 3 مناطق خلال فتره بين 12 يوم الى 15 يوم ولكن حسب ما قرأت ان شهر ابريل تكون فترة ميته لبعض المناطق

انا تقريبا كونت فكره عن اراء الخبرا بالمنتدى ورسيت على منطقتين اذهب اليهم اتمنى تعطوني نصايحكم للمنطقه الثالثه

وهذا مخططي للرحله

1- الجلوس في برشلونه 4 ايام
اليوم الاول واليوم الثاني استخدام الباص السياحي للتعرف على معالم برشلونه
اليوم الثالث الذهاب الى نادي برشلونه للاطلاع على متحف النادي ولو سنحت لي الفرصه شاهد احدى مباريات برشلونه على ملعب كامب نو
اليوم الرابع الذهاب الى مدينة الالعاب الموجوده في برشلونه نسيت اسمها

2-الذهاب الى منطقة غرناطه والجلوس فيها 3 ايام
اليوم الاول الذهاب الى قصر الحمرا والباقي من اليوم التعرف على معالم مدينة غرناطه
اليوم الثاني الذهاب الى جبال sierra nevada
اليوم الثالث الذهاب الى مدينة قرطبه والجلوس فيها يوم كامل ثم العوده الى غرناطه
سؤال بخصوص جبال sierra nevada قريت باحدى المواقع انها فترة الثلج بالجبل تكون ممتده فيها الى اخر شهر 4 فهل بهالفتره الذهاب للجبل تكون ممتعه للتزحلق ولا لا مع العلم اني لم امارس التزحلق من قبل ولكن اريد الذهاب اليها لتجربة شي جديد

كنت ناوي اروح منطقه ثالثه يا ماربيا او سان سباستيان والجلوس فيها لمدة 5 ايام

لكن بعض الاراء جعلتني اتردد الذهاب اليهم بهذي الفتره
حيث ان بعض ردود الاخوان الخبرا تقول ان ماربيا في شهر 4 تكون ميته واغلب المطاعم والمقاهي العربية تكون مغلقه ويقل فيهم السواح العرب (اذا كان فقط تكون ممله لعدم وجود السواح العرب فانا افضل هالشي والمنطقه مانكون زحمه على كلام الاخوان فاتمنى تنصحوني هل اضعها في مخططي لمدة 5 ايام ولا لا)
وكنت ناوي اروح سان سباستيان والجلوس يا 4 او 5 ايام لكن قريت بعض الردود لاينصح زيارتها بشهر ابريل لبرودة الجو فيها فما ادري اذا هالشي صحيح ولا لا

فاذا ما تنصحوني بالذهاب الي ماربيا او سان سباستيان اتمنى ترشحون لي منطقه ثالثه في مخططي واتمنى تكون بمثل رومانسية سان سباستيان

مما هو موجود امامي اتوقع لا يوجد الا اشبيليه او مدريد وبصراحه احسهم يتشابهون مع برشلونه فاتمنى تعطوني منطقه تكون مختلفه بشي اخر

اخر استفسار هل الجو في مايوركا في شهر ابريل يكون مناسب للسفر للعرسان ولا لا وهل منطقه تصلح للعرسان واتمنى تعطوني اسم فندق فيها يكون 5 نجوم ويستحق السفر اليه ويكون يقع في موقع استراتيجي لأهم الاماكن في جزيرة مايوركا

اتمنى كل من له خبره باسبانيا يفيدني برأيه بمخططي

مواضيع عشوائيه ممكن تكون تعجبك اخترناها لك:

• انا حاب اسافر على اسبانيا وفرنسا وايطاليا لمدة 20 يوم كيف اعمل جدول للرحله
• استفسار عن الجولات والعفش ؟؟
• كم أجيب معي كاش في اسبانيا ؟ ولا امشي بالفيزا طول الوقت
• نداء الى الليل والنهار
• مصطلحات أحجام السرير هنا و الفرق بينها
• رحلة شبابية الى اسبانيا وباريس شاركونا في رسم الخطة
• تكفووووووون ساعدوننني يا خبراء ملقا
• استفسار
• اسبانبا لاول مره
• الفيزا الاسبانيه احتاج مساعدتكم
• مطار ملقا والطيران القطري
• وينكم يا عشاق مدريد فيدوني بمعلوماتكم
• مكتب شذونة
• أخيرا أسبانيا
• شرايكم ب
• مسافر الى برشلونه وابي نصايحكم
• مهم جداً الله يخليكم
• استفسار مساعده ؟؟
• فندق
• استفسار الله يجزاكم خير

أقترح عليك تلغي يوم من غرناطة وتضيف جزر الكناري أو تضيف مدينة أليكانتي في مقاطعة فالانسيا
أما بالنسبة لماربيا فالمنطقة تكون ميته وغير ممتعة إطلاقا

مرحبا اخوي

فالبداية الله يوفقك بزاوجك وييسر امورك ^_^


انا رحت اسبانيا في سبتمبر وكان الجو مره رايق الجو براد مو برد وجو النهار مثل جو الليل واذا فرق فرق درجة درجتين .


اقترح عليك برشلونا تكون 5 ايام او يوم خله مفتوح ولا تربط بباص ولا شي .. برشلونا بتعجبك مره واغلب السياح الاجانب تفضل برشلونا عن مدن اسبانيا كلها .. تنظيمها روعه الاماكن العامة نظيفة وكل ليلة تغسل الشوارع من الحماس ^_*

الباص عندك نوعين الاخضر والاحمر وكل واحد له مسار معين ومعالم معينه وتقريبا لفة الباص من ساعتين ونص الى ثلاث ساعات وشوي .

اذا انت بتروح لملعب الكامب نو رح له وانت طالع مع الباص السياحي لانه يمر بالملعب انزل فيه وخذ لفة واشتر لك من النادي تيشيراتات اذا ودك لان محلهم رايق . وبعد ما تخلص اطلع لمحطة الباص اللي عند النادي وخذ لك اقرب باص نفس لون باصك بالتذكرة حقتك مع العلم ان الساعة تسع يوقف الباص . انصح تركب الباص من2 الظهر عشان يمديك تنزل بكل مكان يمره الباص واذا خلصت اركب اللي بعدة يوديك للمعلم الجاي .

وبالنسبة لماربيا ما انصحك فيها ابد حتى لو كانت بالموسم لانها مو مثل اول واغلبها املاك خاصة ومدري ايش ..

اقترح عليك جزيرة مايوركا بتعجبك مرهـ خذلك فيها 4 ايام تطلع من برشلونا بطيارة ولا باخرة وانصحك بالطيارة لان تذاكرهم رخيصة.


انا سفرتي قسمتها برشلونا 6 ايام ولا خلاصناها كلها , جزيرة 4 ايام , باريس اربع ايام ..


انصحك تختم سفرتك بباريس يكون خطة سيرك الطيارة تنزلك برشلونا وتطلع من باريس لديرتك ويسمون الذكاكر اللي كذا متعدد الوجهات الظاهر . اللي هي تنزل بمكان وترجع من مكان ثاني وعلى فكرة ارخص من انك ترجع من نفس الديرة .

واي استفسار عن التذاكر السكن وسائل النقل ابشر .


واسف على الاطالة ^_*

مبروك و بالتوفيق أن شاء الله

اتفق مع حلاتي بغمازاتي أن تختم سفرتك في باريس

اما المخطط جيد

المشاركة الأصلية كتبت بواسطة zaman99s
http://www.arabtravelersforum.com/tr...0/#post4589570

أقترح عليك تلغي يوم من غرناطة وتضيف جزر الكناري أو تضيف مدينة أليكانتي في مقاطعة فالانسيا
أما بالنسبة لماربيا فالمنطقة تكون ميته وغير ممتعة إطلاقا



جزر الكناري جميلة لكن ماشفت تقارير تتكلم عنها بالمنتدى فمخليني اتردد اروحلها يمكن معيشتها ماتلائمنا كخليجيين

بس اخي الكريم يريت اتوضحلي ليش ماربيا هالفتره تكون ميته عطني اسباب

هل فقط لأنها تكون خاليه من السواح العرب هل يوجد سبب غيره

بالنسبه لسان سباستيان هل تنصح فيها بشهر ابريل هل الجو يكون بارد فيها ولا لا ماتنصح فيها بسبب برودتها

للعلم
بعد تعديل الاسم
dfasx3wdf = الكاسر مسافر

المشاركة الأصلية كتبت بواسطة الكاسر مسافر
http://www.arabtravelersforum.com/tr...0/#post4590880


سؤال لوسمحت لو طلعت فيزا الشنقن الخاصه باسبانيا هل لازم اطلع فيزا شنقن اخرى حق باريس

لا الشنغن لكامل اوروبا باستثناء بريطانيا
وحط في بالك البلده الي بتزورها اول شي لازم تطلع الشنغن من نفس سفارتها
يعني اذا اول دوله هي اسبانيا ,, فطلع الشنغن من السفاره الاسبانيه

المشاركة الأصلية كتبت بواسطة الليل و النهار
http://www.arabtravelersforum.com/tr...0/#post4591670

ماربيا ما فيها شئ عموما
أذا ودك ممكن تلغي غرناطة وتسبدلها بمربيا
وتزور غرناطة وقرطبة

بنسبة لسان سباستيان ومايوركا فما عندي علم بصراحة



بصراحه انا ماتحمست لها الا من تقارير الشباب بالمنتدى الحين استغرب من بعض الاراء الي يقولون ان مافيها شي من دون ذكر اسباب منطقيه

عندي خبر ماربيا مافيها الا البترو بونس

بس كنت باخذها كنقطة انطلاق للمناطق الاخرى الي حوالينها مثل قرطبه وغرناطه وروندا وميخاس وغريها من المناطق

يعني كان مخططي برشلونه 4 ايام وغرناطه 3 ايام مع زيارة قرطبه وراها اسكن في ماربيا 7 ايام للتعرف على اكثر قدر ممكن من الجنوب الاسباني

وودي اروح سان سباستيان لكن مادري اذا الجو بشهر 4 يساعد للذهاب لها ولا لا

المشاركة الأصلية كتبت بواسطة المسافر ـآلصغير
http://www.arabtravelersforum.com/tr...2/#post4592262

لا الشنغن لكامل اوروبا باستثناء بريطانيا

وحط في بالك البلده الي بتزورها اول شي لازم تطلع الشنغن من نفس سفارتها

يعني اذا اول دوله هي اسبانيا ,, فطلع الشنغن من السفاره الاسبانيه

شكرا للمعلومه اخي الكريم

اتمنى من اخواني الخبره يشاركوني بارائهم بمخططي والاجابه على استفساراتي

وينكم يا خبرا اسبانيا

المشاركة الأصلية كتبت بواسطة الكاسر مسافر
http://www.arabtravelersforum.com/tr...6/#post4592456

بصراحه انا ماتحمست لها الا من تقارير الشباب بالمنتدى الحين استغرب من بعض الاراء الي يقولون ان مافيها شي من دون ذكر اسباب منطقيه

عندي خبر ماربيا مافيها الا البترو بونس

بس كنت باخذها كنقطة انطلاق للمناطق الاخرى الي حوالينها مثل قرطبه وغرناطه وروندا وميخاس وغريها من المناطق

يعني كان مخططي برشلونه 4 ايام وغرناطه 3 ايام مع زيارة قرطبه وراها اسكن في ماربيا 7 ايام للتعرف على اكثر قدر ممكن من الجنوب الاسباني

وودي اروح سان سباستيان لكن مادري اذا الجو بشهر 4 يساعد للذهاب لها ولا لا



1- ما دام ماربيا ما فيها إلا البورت بانوس أو زي ما يقولوا بالأسبانية بويرتوبانوس فلا تسكن هناك ممكن تسكن في ملقا نفسها على الأقل مدينة كبيرة أو تسكن في مدن الساحل القريبات من بعض فونخيرولا أو بينا المادينا
لكن بصراحة أنا ماني مع الجنوب في ها الوقت ( لو سكنت في غرناطة يكون أحسن )
2- سان سباستيان في شهر 4 راح يكون جوها حلو لأنك في فصل الربيع بس غيرها أحلى ( حلاة الشمال في الصيف )
3- مدريد أشوفك مستبعدها وأنا في رأيي أنها أفضل مدينة في أسبانيا لتنوع السياحة فيها خصوصا في ها الوقت من السنة
لكن خلينا نعيد ترتيب رحلتك مرة ثانية وبتركيز فياليت تركز معي وتختار المدن حتى نكمل مع بعض ( وأنا بصراحة مع مخططك الأول مع إضافة مدريد )

مرحبا اخوي ...



بخصوص الفيزا ماعندك مشكله تدخل فيها لباريس ..


اي شي تبيه راسلني ^_^

المشاركة الأصلية كتبت بواسطة zaman99s
http://www.arabtravelersforum.com/tr...0/#post4596950

لا خلك كذا بس يرشلونة 5 أيام في رأيي كثيرة عليها ( طبعا كل إنسان له ذوقه ) ممكن تأخذ منها يوم وتضيفه على مدريد
سان سباستيان لو قدرت تستأجر سيارة فيها تكون ممتعة
غرناطة حلو عليها كذا بحيث تزور أشبيلية وقرطبة وممكن تفكر بزيارة ماربيا عشان بسس تشوف بويرتوبانوس اللي العالم طايرين فيه
الجزر أنا ما أفضلها بصراحة ما فيها إلا البحر



تسلم اخوي على نصايحك

ان شاء الله بأجر سياره في سان سباستيان

بس اخوي الجو في سان سباستيان بشهر ابريل هل راح يكون فيها ثلوج او امطار كثيره لنا ماتوسوا اسوق بهالاجواء الي بتكون جديده علي

استفسار فقط ماربيا ليش ماتنصح فيها بشهر 4 يريت تعطيني فقط اسباب لنك مانصحت فيها من دون سبب

يعني مثل شنو راح يتسكر فيها هالوقت

المشاركة الأصلية كتبت بواسطة حلاتي بغمازاتي
http://www.arabtravelersforum.com/tr...2/#post4597102

مرحبا اخوي ...



بخصوص الفيزا ماعندك مشكله تدخل فيها لباريس ..


اي شي تبيه راسلني ^_^



تسلم اخوي ومشكور على نصايحك ان شاء الله لو احتجت لأي شي بتواصل معاك

وشكرا لمساعدتك

المشاركة الأصلية كتبت بواسطة الكاسر مسافر
http://www.arabtravelersforum.com/tr...4/#post4598364

تسلم اخوي على نصايحك

ان شاء الله بأجر سياره في سان سباستيان

بس اخوي الجو في سان سباستيان بشهر ابريل هل راح يكون فيها ثلوج او امطار كثيره لنا ماتوسوا اسوق بهالاجواء الي بتكون جديده علي

استفسار فقط ماربيا ليش ماتنصح فيها بشهر 4 يريت تعطيني فقط اسباب لنك مانصحت فيها من دون سبب

يعني مثل شنو راح يتسكر فيها هالوقت



ما أعتقد يكون في سان سباستيان ثلوج في شهر 4 بس إن شاء الله بشوف لك الموضوع من خلال شخص ساكن هناك بس اليومين هذي ما قدرت أصيده
ماربيا أصلا سيئة كمنطقة سياحية ولا يميزها شي لكن اللي يخلي الناس متعلقة فيها هي الزحمة والمقاهي والسياح ( خصوصا العرب ) لذا لما تفقد هذه الأشياء بتفقد كل ما يميزها حتى فيه مطاعم عربية تسكر في ها الوقت

المشاركة الأصلية كتبت بواسطة zaman99s
http://www.arabtravelersforum.com/tr...6/#post4599236

ما أعتقد يكون في سان سباستيان ثلوج في شهر 4 بس إن شاء الله بشوف لك الموضوع من خلال شخص ساكن هناك بس اليومين هذي ما قدرت أصيده
ماربيا أصلا سيئة كمنطقة سياحية ولا يميزها شي لكن اللي يخلي الناس متعلقة فيها هي الزحمة والمقاهي والسياح ( خصوصا العرب ) لذا لما تفقد هذه الأشياء بتفقد كل ما يميزها حتى فيه مطاعم عربية تسكر في ها الوقت




يريت اخوي لو تقدر اتعرفلي شلون الاجواء بشهر ابريل يريت تسأله ومشكور على سعة بالك معاي

وانا بانتظارك

وينكم يالخبرا نورونا باقتراحاتكم وتعليقاتكم يالنشامى

zaman99s تراني ناطر ردك بخصوص سان سباستيان في شهر ابريل شلون الجو يكون فيها وضعه

المشاركة الأصلية كتبت بواسطة الكاسر مسافر
http://www.arabtravelersforum.com/tr...8/#post4604578

وينكم يالخبرا نورونا باقتراحاتكم وتعليقاتكم يالنشامى

zaman99s تراني ناطر ردك بخصوص سان سباستيان في شهر ابريل شلون الجو يكون فيها وضعه



اليوم رد علي الرجل ويقول الجو في سان سباستيان في شهر 4 حلو درجات الحرارة ما بين 8 - 16 درجة

المشاركة الأصلية كتبت بواسطة zaman99s
http://www.arabtravelersforum.com/tr...8/#post4604888

اليوم رد علي الرجل ويقول الجو في سان سباستيان في شهر 4 حلو درجات الحرارة ما بين 8 - 16 درجة



مشكور عالمعلومه

ممكن تعطوني برنامج في مايوركا لمدة 5 ايام
يعني اهم الاماكن الي لازم ازورها

افيدوني بمشورتكم جزاكم الله خير

وبنكم يالربع