الموضوع: اخترت الحلم هولندا وزوجي ما اقتنع

السلام عليكم
اخواني واخواتي
انا قلبي متعلق بهولندا وزوجي يقول وش ها الاختيار هولندا سمعتها موب زينه وماهي امان وكلها مهاجرين
طبعا مصدره من زملائه
وللاسف هو ماله خلق يقرأ تقارير عشان يحبها
احنا معنا بنات بعمر 18و14 و9
انا مره حابتها بس قلقه
هل هي فعلا موب امان وهل اللي يتعاطون الحشيش ممكن يتعرضون للسياح
من كلام زوجي حسيت اني بروح دول اوروبا الشرقيه
وش افضل سكن قريب جدا من الدام سكوير حلو ومطل على النهر
وايش نصايحكم لنا
عدد الايام اللي بنقضيها هناك تقريبا 5 ايام كيف اوزعها
ابي ازور امستردام ولاهاي وسختففيفن

مواضيع عشوائيه ممكن تكون تعجبك اخترناها لك:

• الرجــــــــــــــاء المساعده
• المرجو المساعدة
• افيدوني ياعشاق اوروبا
• طلب مشورة بليز
• السكن في الريف الهولندي
• ساعدوني ابي سايق عربي باليونان
• السياحة في بولندا تقرير بالصور والفيديو
• يا اخوان ارجو المساعدة ارجوكم مهم مهم
• الفزعة يأهل الخير
• اتمنى المساعده بخصوص السويد والنرويج
• شبااب احد يسافر معاي هذا الشهر لرومانيا؟؟
• وش رايكم في صوفيا
• رومانيا في اغسطس
• بلجيكا و هولندا
• موجة برد تقتل شخصا في موسكو
• لمحبــي رومانيا والراغبين في زيارتها صور من رومانيا
• لهذه الرجه ايجاد برنامج سياحي للبوسنه صعـــــــــــــــــــب
• رايحه اليونان والفيزا يبون تامين صحي يغطي فترت السفر؟ من وين نسوي تامين صحي بالكويت؟؟
• شباب ارجو فزعتكم انا رايح ادرس في اوكرانيا فيدوني
• اريد الدراسه في اوكرانيا ومحتار

بانتظاركم مع الشكر

ليه محد عبرني
بليز ردوا على تساؤلاتي
انا قاعده اجمع معلومات عشان اقنعه
بليز ردوا

هولندا بلد رائع وعجيب ومميز ولها طابع خاص غير عن الدول الاوروبية الأخرى..أنا متاكد انكم راح تنبسطوا فيها..ومدنها كثيرة وفيها طبيعة خلابة.
زوجك على حق وما ألومه وخاصة ان بناته معه.. أمستردام بالليل تخوف ولكن حاولوا قدر المستطاع عدم الخروج ليلاً وخاصة للدام سكوير والسكن في فنادق محترمة..
أخونا القطري له تقرير رائع عن هولندا..أنصحك بقراءته أكثر من مرة وخاصة هناك ردود داخل التقرير مفيدة جدا
على هذا الرابط:
http://www.arabtravelersforum.com/travel264302/
وما دام سفرتكم شهر 9 فهناك مجال بالاجابة على جميع استفساراتك من قبل الاخوة والاخوات هنا.

يامال العافيه يا se
فرحت بردك

السلام عليكم سماااا نجد
اقترح عليكم زيارة البوسنة و الهرسك
بلد الجمال و الطبيعة الفاتنة
بلد من اكثر بلدان اوروبا أمانا
اخوكم بوشناقي

انا جيت من امستردام قبل اسبوعين
بالنسبة للامن والامان اقدر اقول 100 %
لان الشرطة بكل مكان .. والناس هناك يحترمون النظام

عيبها الوحيد انه بلد اباحي جدا
يعني البقالات ومحلات التذكارات ما تقدرون تدخلونها مع بناتكم ..
والحشيش له كافيات خاصة فيه .. انتم ما لكم علاقة بهم .. كل واحد بطريقه ...

انا انصح فيها اذا الازواج بدون عيالهم ..

وسلامتكم

الله يعين انا بروح امستردام يومين ومعي طفلتين صغار وشلت هم

يعني بالليل مانطلع ابد ولا للساحه؟؟؟وش نسوي نجلس بالفندق

والله يااختي سما انا حجزت فندق nh grand hotelولا ادري هو زين ولالا لاني دورت فنادق ولا لقيت احد يمدح شي والحين يوم حجزنا على طول سحبو المبلغ كل الليلتين ولايمدي نكنسل امستردام وان شاءالله تكون ايام حلوه ولايجي شي ينكد علينا وربك يعين

المشاركة الأصلية كتبت بواسطة haifaaa
http://www.arabtravelersforum.com/tr...8/#post3957728

الله يعين انا بروح امستردام يومين ومعي طفلتين صغار وشلت هم

يعني بالليل مانطلع ابد ولا للساحه؟؟؟وش نسوي نجلس بالفندق

والله يااختي سما انا حجزت فندق nh grand hotelولا ادري هو زين ولالا لاني دورت فنادق ولا لقيت احد يمدح شي والحين يوم حجزنا على طول سحبو المبلغ كل الليلتين ولايمدي نكنسل امستردام وان شاءالله تكون ايام حلوه ولايجي شي ينكد علينا وربك يعين



=================
الليل والنهار واحد في امستردام ... 24 ساعة فساد * فساد .. بعكس المدن الثانية اللي فسادها بس بالليل
وبالنسبة للفندق لازم تتاكدو من اسم الفندق مضبوط .. فيه كذا فندق اسمه ان اتش ..
اللي في الدام سكوير اسمه ان اتش جراند كرانزا بولسكي وهو فندق راقي جدا .. وموقعه روعة

وبالتوفيق للجميع

هيفاء انتي متى سفرتك
اذا هي قبل العيد لاتنسيني قولي لي تجربتك في امستردام
وكم غرفه حجزتوا
ياسر
احترت في امستردام
الله يكتب اللي فيه الخير

طيب إذا فساد 24 في 24 ساعه ليش عوايلنا السعوديين يروحون لها؟؟؟؟

أستغرب من بعض الردود بكل صراحه والاخت سما نجد لاتزال تبي امستردام مع احترامي لها والمصيبه ان معها بنات متربيات بنجد بيروحون هناك في قمة الإنفتاحيه بيصير عندهم صدمه عنيفه كل هذا ليش؟؟؟ عشان امهم تبي هولندا!!!!

عموما الله يستر على بناتنا وحريمنا وعليكم وخلو الأماكن ذي لأهلها من رأيي وبكل أمانه وأرجو منكم تقبل مروري بصدر رحب ولا أحتاج ردود كان مجرد تعليق وأنا اضم صوتي مع صوت زوجك والله يحفظ بناتكم (أمانتكم) من كل شر
وشكرا لجميع من شارك بالموضوع

انا انصحك اختي العزيزة بالسويد
بلد رائعة .. امن وامان .. طبيعة خلابة .. خضارة عريقة
انا مقيم بالنروج ولكن اعشق السويد

أنا كل يوم اقرى شي يخليني أصد عن امستردام + ثنتين من اهلي نصحوني بعدم الذهاب لها
ومع هالموضوع شطبتها نهائي من برنامج الرحله ( سلكت ودليت من ملف الوورد )
خاصه ان معاي اطفالي 4 سنوات + 1ونص
ابعد عن الشر وغنيله والله يحفظ الجميع إن شاء الله

المشاركة الأصلية كتبت بواسطة روح المسك
http://www.arabtravelersforum.com/tr...1/#post3974051

أنا كل يوم اقرى شي يخليني أصد عن امستردام + ثنتين من اهلي نصحوني بعدم الذهاب لها
ومع هالموضوع شطبتها نهائي من برنامج الرحله ( سلكت ودليت من ملف الوورد )
خاصه ان معاي اطفالي 4 سنوات + 1ونص
ابعد عن الشر وغنيله والله يحفظ الجميع إن شاء الله




كفو وعقبال البقيه

الحمد لله
اللي فهمت منكم ان الفساد بس قي امستردام بشطبها من مخطط الرحله واريح بالي

وازور قيثورن ( فينيسيا هولندا) ولاهاي وروتردام .

انا رحت هولند قبل سنتين هولندا من ناحية الامان جيدة بشكل والشعب مسالم وطيب لكن انا لا أحبذ الخروج
في اوقات متاخرة ليلا في اي دولة اوروبية بسبب كثرة السكرانيين والمجرمين اوروبا بشكل عام ليست امنة في
الليل لكن بالفعل هولندا بلد اباحي والعري منتشر في شوارع هولندا اكثر قليلا من بقية اوروبا
لكن هولندا مثل ماقلت هولند من ناحية الامان جيدة والشرطة الهولندية قوية لكن الحذر والاحتياط واجب بكل تاكيد
وكذلك يجب تجنب التعامل مع المهاجرين الافارقة والمغاربة والسبب ان بعضهم نصابين ومجرمين يستغلون السياح
فينصبون عليهم انا بالنسبة لي اعجتني هولندا لكن الناس الذين يتحسسون ويتضايقون من المشاهد الاباحية في
الشوارع فهولندا ليست خيار جيد لهم مع العلم ان العري في جميع اوروبا وليس فقط هولندا لكن هولندا بزيادة شوي

انا ذهبت الي امستردام في ال 2008 و كنا (شباب فقط)

والله اني اعتبرها اقذر مدنية زرتها في حياتي فأشوفها جداً صعبه تاخذين بناتك و في هذا العمر و تروحون

اشكال غريبه تمشي في الشارع و بأوضاع غريبه المحلات الاباحيه كثيره .. محلات او كافيهات الحشيش منتشره

والي خلاني اقتنع بقذرتها اني زرت جنيف بعدها على طول مكان جميل وراقي و نظيف بكل ما تعنيه الكلمه

شتان بين المدينتين

هذي و جهة نظري البسيطه

أصحاب العوائل واجب عليهم يحرصون أكثر .. وخصوصا من عندهم أبناء أو بنات بأعمار أبنائكم....