الموضوع: مساعدة رحلتي جدة دبي مدريد ذهاب وعودة

سؤال انتم شباب او عوائل
وكم المده كامله 10 بس او اكثر
وكم عددكم
وكم في بالك ميزانيه

اخوي العدد اثنين مع طفل تحت سنتين
والميزانية من 15 الف ريال الى 20 الف ريال

المدة عشرة او تزيد قليل

الرجاء المساعدة وشكرا

مدريد كثره عليها 5 ايام لانها عاصمه كأنها جو الرياض "جو شغل" قصور واماكن تاريخيه ملكيه احسن وسيله للتنقلات الباص السياحي لانها يوريك ويدوربك على الاماكن السياحيه لكن اهم شيء تسكن قريب من شارع القران فيا لان كل شيء جمبها
والمترو في مدريد سهل وواضح لو استخدمته
وبالنسبه للروحه من والى المطار خذلك تكسي اريحلك

بالنسبه للروحه لملقا في القطار والطياره اللي بيفيدك وش ازين اللي جربوها لكن التنقلات في ملقا والمدن والاماكن اللي جمبها احسنلك استأجر سياره وخذلك قارمن يامن هنا اذا عندك اذا تبي تسوي البحث بالعربي وعارفله او من هناك لكن مايوفر مع كل السيارات
بالنسبه للاماكن السياحيه اتوقع في مواضيع واعضاء في المنتدى بيفيدونك اكثر مني لاني انا رحت لمدريد وبرشلونه ومايوركا فملقا ما اعرف عنها غير بالسمع

بالنسبه للميزانيه اذا خلصت امور التذاكر والسكن والتنقل بين المدن من هنا بترتاح كثير
بس حاول تخلص موضوع التذاكر بدري لانها تزيد كل ماتتأخر لكن السكن بتلقى كثير وزيادته اقل من زياده التذاكر

شكرا أخوي عزوز

واتمنى تكمل جميلك

بخصوص كيفية الحجز من مدريد لبرشلونة؟ كيف احجز القطار؟
وأعطيني اسم فندق في برشلونة و ماربيا يكون أربع نجوم وسعره مناسب لانه في فنادق مرررررررررررة كثيرة

وبخصوص السفر من برشلونة لماربيا؟
ومن ماربيا لمدريد

شكرا أخوي

انا موضوعي يختلف كثير جدا

انا موظوعي


ابيكم تفيدوني ايش رايكم بالسفر لاسبانيا من 10 ايام الا 13 يوم بعد الزواج

طبعا زواجي رح يكون بمنتصف شهر 8 / 1432هـ ان شاء الله 14 july 2011
عندي كم سؤال والله يعينكم عليه ابيكم تفيدوني :

اهم شي بالنسبه لحجاب المراه هل يوجد فيه مشاكل

بحكم صغر السن تنصحوننا اننا نسافر هناك يعني هل توجد مظره لنا لان بسراحه اشكالنا صغار بالمره ...

كم تكلفة الرحله وكيف راح يكون الجو

طريقة حجز الفنادق؟ والتنقلات كيف راح تكون؟

كيف احجز لها ؟ وعن طريق اي مكتب؟

بسراحه والله ما اعرف شي ابيكم تفيدوني حتى لو يبغى اللي يفيدني ياخذ اتعابه مافيها شي

اذا بتروح لبرشلونه خل مدريد 3 او 4 ايام والروحه من مدريد لبرشلونه بالطيران او القطار كلها قريبه من بعض سواء بالوقت او السعر
ومن برشلونه لملقا بالطياره احسن ومن ملقا لمدريد القطار اذا ماكنت غلطان اكثر من 5 ساعات او اكثر فتأكد فشف ياطياره ياقطار

بالنسبه للفنادق لاتهتم 4 او 3 نجوم لان كلها زينه وقريبه من بعض اهم شيء الموقع والسعر يعني في برشلونه دور جمب الرامبلا يا اوله يا اخره

هذا موقع لحجز القطارات
http://www.raileurope-gcc.com/book-now/

وهذا للطيران الداخلي
http://www.edreams.net/

او
http://www.expedia.com

والسكن شف بوكينق او اكسبيدا اذا بتاخذه كامل تذاكر وسكن يكون عرضهم مميز


واذا كنت توك ماشريت تذاكر شف لو خليت برشلونه اول وجه لك وبعدين تروح لملقا واخيرا مدريد وترجع منها او تروح وترجع من نفس المدينه

فادرس كل الخيارات وعلى اساسها قرر

خرجون
اسبانيا حلوه شهر عسل
التفاصيل اللي سألت عنها بردلك عن بعضها قريبا

أخوي زيزو شكرا على صبرك وتوجيهاتك جزاك الله خير والله لها قيمة جدا كبيرة

المهم

بالنسبة للمواصلات
من مدريد لبرشلونة ودي بقطار بس ما حصلت!!!
وبالنسبة من برشلونة لملقا سهل ومن ملقا لمدريد برضه تمام


وبالنسبة لايجار سيارة تنصحني او تاكسي

أتمنى تتواصل معاي الله يرحم والديك

تحياتي

انت شيكت في الموقع وعلى حصلت على القطار ؟

بالنسبه للسياره في ملقا انصحك تستأجر ارخص من التكسي مليون مره
وهذول موقعين يفيدونك وسهل الحجز عن طريقهم
http://alendacarrental.com/pc.htm
http://www.arguscarhire.com/

بالنسبه للتواصل ايميلي موجود والله يحييك في اي وقت
وانا احاول اخدم باللي اقدر عليه

شكرا أخوي على صبرك الله يرحم والديك

أنا شيكت في الموقع ولا حصلت القطار

بخصوص السيارة باذن الله ارتبلها

بخصوص اهم الاماكن السياحية بس الاسماء
في مدريد (ثلاث ايام)
في برشلونة (ستة ايام)
في مالقا (خمسة ايام)

شكرا أخوي

zizo521 لوسمحت بما انك ذهبت الى مايوركا هل ممكن تعطيني برنامج سياحي لمدة 4 ايام داخل مايوركا

وهل تنصح بالذهاب لها بشهر ابريل ولا لا

الكاسر في مايوركا
استأجر سياره وتمش جزيره فيها كل شيء وتدور فيها بساعه
وفيها شواطئ ومطاعم ومقاهي تطل على البحر وهي بشكل عام متنوعه
والموقع هذا بيفيدك
http://www.things2dospain.co.uk/index.dcx

بالنسبه للوقت مدري بالضبط بس هي بشكل عام جوها زين اغلب السنه وفي موضوع في المنتدى ذاكر الطقس في اسبانيا

نور
انا شيكت القطار انت حط التاريخ وسجل ايميلك لانهم حتى الحين مانزلوا جدول الرحلات كامل حسب كلامهم
بالنسبه للاماكن السياحيه الباص السياحي يدوربك في اغلب الاماكن السياحيه الحلوه في المدينه سواء في مدريد وبرشلونه وزياده على كذا اذا سكنت جمب المنطقه الحيويه في المدينتين بتلقى اماكن كثير جمبها تمشيه وجلسات

بالنسبه ملقا انا اعرف في القصور هناك بس وينها او وش وضعها او الايام اللي تكفيها مدري لكن اكيد في مواضيع بتفيدك

وشيك الموقع اللي كتبيه للكاسر اتوقع بيفيدك

طيب أخوي عزوز الله يرحم والديك شاكرلك ومقدر وقفتك جزاك الله خير

أخوي بخصوص ملقا أفضل أو ماربيا؟؟؟

ووالديك
والله يحييك في اي وقت وانا احاول افزع باللي اعرفه
بالنسبه وش افضل بصراحه مدري بس كل المدينتين قريبه من بعض حوالي 70 كيلو فلازم تمرهم كلهم

أخوي عزوز الله يثيبك بالجنة ووالديك

بودي في مساعدة تعطيني اسم فندق في كلا من
مدريد
برشلونة يكون عالبحر
ملقا ويكون عالبحر

الله يرحم والديك بالكثير خيارين لكل مدينة الله يجزاك كل خير

معليش يانور انا مالي في الفنادق
دور في بوكنق و اكسبيديا ودور على اساس الخريطه وراح تلقى في المكان اللي تبي