الموضوع: ضــلـــكــــوت وبــــــس

ضلكوت وبس
السلام عليكم ورحمة الله وبركاته
هذي أول مشاركه لي بالمنتدى ولي سنهقلت ياولد تراك طولتها ..........
طبعاً مشاركتي هذي عن زيارتي الأولى لصلاله ...
ولكن سوف اركز في مشاركتي هذي على ضلكوت ...
بحكم ان صلاله فيه الكثير من التقارير المتميزه عنها ... وانا اشوف غير المجدي ان اكتب تقرير عن صلاله ولن اصل الى درجة المتميزين ماشاء الله عليهم كثر ..
لذلك سوف اضع صور قليله عن صلاله لتسلسل الرحله
وأركز على ضلكوت اللي القليل منكم اعطاها حقها ...
بسم الله نبدأ يالله البس النظاره ياولد
تم التحرك من القصيم يوم الاربعاء
الموافق 3/8/1429 هـ
الموافق 6/8/2008 م
من رياض الخبراء الساعه 11:30 ص لاحظوا تاريخ الرحله
ومسكنا الطريق السريع المؤدي الى الرياض وتغدينا بالرياض
ثم واصلنا طريقنا الى الخرج من ثاني اشاره بالخرج يسار طريق حرض
( بس ترى مانصحكم بالطريق هذا لأنه خطر وزحمة تريلات )
روحوا مع طريق الهفوف ترى الفرق قليل ما يستاهل انك تخاطر بنفسك على شان 60 كلم تقريباً والله اني ناسي مدري بالضبط كم بس بالرجعه يوم حسبناها اقل من 100 كلم
المهم نكمل .........
اول ما طلعنا من الخرج لقينا مسجد وصلينا الظهر والعصر .
وفللنا بنزين ثم شبكنا القارمن على لابتوبي
وشغلنا قوقل ارض يوضح مسارنا على الخريطه
وصلنا الى منفذ البطحاء الساعه 9:05 مساءً
وقد قطعنا مسافة 950 كلم من رياض الخبراء
هذي صوره تصبيره من ضلكوت

مواضيع عشوائيه ممكن تكون تعجبك اخترناها لك:

• إفتتاح مركزين للتسوق بصلالة
• زبدة صلاله
• جاي عمان في دوره وعندي كم سؤال ؟؟
• حجزت فمدق الملينيوم منطقة المصنعه مساعدة
• السكن في صلاله ؟؟
• مجمع صلالة السياحي
• يا أهل عمان الشرفاء تكرموا علي بخدمة
• رحلة إلى شلالات الوادىحجة مدينة السياحة العلاجية
• اريدسياحة لصلالة وبرنامج ممتع
• قدر الله وما شاء فعل رحلتي الى صلاله
• الــــى صلالة العزم بإذن اللهأستفسارات
• تفاصيل رحلتي القصيرة إلى العاصمة العمانية مســقط ،،
• طلب طلب طلب
• أنــــا جايكم ياهل مسقط
• تحذير من السباحةفي الخريف اسرة سعودية تفقد ابنها بشواطئ صلالة
• سؤوال عن
• حبينا عمان واهلها من غير مانشوفها فنوينا زيارتها فلاتبخلو علينا بالمساعده
• سلطنة عُمانتشكل عنصر جذب للحركة السياحية
• رحلتي إلى صلالة صيف
• طلب لاهل صلاله

الجزء الثاني
الامارات العربيه المتحده
طلعنا من منفذ البطحاء بحدود الساعه 9:40مساء
بصراحه كان زحمه
دخلنا حدود الامارات وسألنا واحد بالحدود يقول وين رايحين قلنا لصلاله قال وش سالفتكم يالسعودين كل ماسألنا واحد قال رايح لصلاله
ومسكنا الطريق المؤدي الى ابوظبي
قبل ناصل ابوظبي فيه مفرق يودي الى العين طريق سريع
ماشاء الله عليه قمة النظافه والتنظيم والتشجير وكل شي ..
طبعاً كلها طريق سريع من يوم دخلنا الامارات الين وصلنا العين ....
طبعاً كنا مرهقين ولاعب فينا النوم مو كلنا
لأن فيه ناس ماناموا من الدوام مشينا وفيه اللي شبعان نوم
بالبيت والسياره...
طبعاً حنا عددنا 5 اشخاص
السياره لاندكروزر 2001
المهم
دورنا بالعين سكن على طريقنا مالقينا قال السواق وش رايكم نواصل الى عمان
قلنا فيك حيل تسوق قال ايه
قلنا توكل على الله
المهم دخلنا منفذ مزيد الساعه 2:45 صباحاً
وقطعنا 1441كلم
طبعاً عطونا بالحدود العمانيه خريطه للطريق المختصر ...
وحنا ماحنا بحاجتها لأنه معني قوقل ارض هو اللي يدلنا
ذكروني اعطيكم المسار كامل من جوجل ارض من الرياض الى ضلكوت
واذا تبون المسار من الجارمن انا مستعد
أو احداثيات كل اللي تبونه موجود
هذي صور تصبيره من أتين

المشاركة الأصلية كتبت بواسطة soman
http://www.arabtravelersforum.com/tr...9/#post3532749

الجزء الثاني
الامارات العربيه المتحده
طلعنا من منفذ البطحاء بحدود الساعه 9:40مساء
بصراحه كان زحمه
دخلنا حدود الامارات وسألنا واحد بالحدود يقول وين رايحين قلنا لصلاله قال وش سالفتكم يالسعودين كل ماسألنا واحد قال رايح لصلاله
ومسكنا الطريق المؤدي الى ابوظبي
قبل ناصل ابوظبي فيه مفرق يودي الى العين طريق سريع
ماشاء الله عليه قمة النظافه والتنظيم والتشجير وكل شي ..
طبعاً كلها طريق سريع من يوم دخلنا الامارات الين وصلنا العين ....
طبعاً كنا مرهقين ولاعب فينا النوم مو كلنا
لأن فيه ناس ماناموا من الدوام مشينا وفيه اللي شبعان نوم
بالبيت والسياره...
طبعاً حنا عددنا 5 اشخاص
السياره لاندكروزر 2001
المهم
دورنا بالعين سكن على طريقنا مالقينا قال السواق وش رايكم نواصل الى عمان
قلنا فيك حيل تسوق قال ايه
قلنا توكل على الله
المهم دخلنا منفذ مزيد الساعه 2:45 صباحاً
وقطعنا 1441كلم
طبعاً عطونا بالحدود العمانيه خريطه للطريق المختصر ...
وحنا ماحنا بحاجتها لأنه معني قوقل ارض هو اللي يدلنا
ذكروني اعطيكم المسار كامل من جوجل ارض من الرياض الى ضلكوت
واذا تبون المسار من الجارمن انا مستعد
أو احداثيات كل اللي تبونه موجود
هذي صور تصبيره من أتين

أشرت الى مدينة ضلكوت بعنوان موضوعك ولكنك لم تتحدث عنها بشي!!!

المشاركة الأصلية كتبت بواسطة ali wn
http://www.arabtravelersforum.com/tr...2/#post3532812

أشرت الى مدينة ضلكوت بعنوان موضوعك ولكنك لم تتحدث عنها بشي!!!



نعم اشرت الى ضلكوت وانا كتب في مقدمة الموضوع اني راح اكتب تقرير عن رحلتي وراح اركز على ضلكوت بالذات من ناحية التفاصيل والصور

شاكر لك اهتمامك

الجزء الثالث
عمان – عبري الى صلاله
دخلنا حدود عمان وواصلنا طريقنا الى عبري وتبعد عن المنفذ
اعتقد 160 كلم
صلينا الفجر ودورنا سكن مالقينا كلها فل فل فل فل
المهم مانقدر نواصل من التعب والارهاق والنوم
لاننا 18 ساعه وحنا نمشي ما ناقف الا للبنزين
المهم
يوم انا مالقينا سكن رحنا للمسجد ونمنا فيه تقريباً ساعتين فقط
وبعض خويانا مانامو ابد لأنهم مايحبون الازعاج
لأن المسجد هذا داخل وهذا طالع
يوم صحينا من النوم جينا عند السياره وسوينا قهوه وشاهي
وافطرنا وصح صحنا بعد القهوه ههههههه
مشينا مع الطريق المختصر تقريباً على الساعه 9:30 صباحاً
كان الطريق سئ مسار واحد فقط
ولايوجد خدمات في الطريق
بصراحه ملينا من الخط ودنا انا جينا على طياره
من التعب والارهاق والاخلاق خربانه من قلة النوم
المهم
وصلنا صلاله تقريباً الساعه 6:30 من يوم الخميس
كان الجو رووووووووووعه
ضباب كثيف ومطر
بصراحه راح التعب اللي فينا والارهاق ولا كنا جايين من 2500 كلم:0c7u8:
فيه نقطة تفتيش على مدخل صلاله اخذنا منهم خريطتين
ثم رحنا لشارع 23 ايلول
اخذنا غرفه في فندق النصر :0knfu:
وراح اميرنا يدور شقه وبعدين جانا وقال لقيت شقه حلو ونظيفه
اللي هي شقق البرعمي:0rqx5:
بصراحه حلوه ونظيفه وموقعها ممتاز
الشقه اللي اخذناها غرفتين نوم وصاله ومطبخ ودورتين مياه اكرمكم الله
بـ50 ريال عماني 500 ريال سعودي
تعشينا ونمنا استعداد لليوم الاول من الرحله

مافيه تصبيره خلصت

الجزء الرابع
اليوم الاول في صلاله
يوم الجمعه 8/8/2008
قمنا الصباح بدري صلينا الفجر ثم سوينا قهوه وشاهي وتقهوينا وافطرنا
وعينا من الله خير ....
ثم طلعنا من الشقه باستخدام الخريطه الى سهل اتين والجبل
حنا هالحين الساعه 9 صباحاً
الجو كان ضباب كثيف ماتشوف خشمك منه هههههههههه

ما كان فيه أحد فاضي وحنا نقول الناس وينهم
طلعنا فوق الجبل وكل ماترتفع يزيد الضباب
عداد السياره على 20 كلم
ويوم رجعنا على الساعه 11 ونزلنا تحت لقينا العالم والناس والزحمه
فأكتشفنا ان الناس ماتطلع الا الساعه 11 علشان الضباب يكون خف



المهم يوم شفنا الضباب خف وزان الجو وتشوف على مد نظرك
راحنا عند المصالخ وشرينا تويس صغير بـ 50 ريال عماني

وخليناه يصلخه لنا ويقطعه

وهذي تيوس مصلوخه

وهذا لحم على الحجر مدري وش اسمه (مظبي)

سوينا غدانا

ثم تحركنا الى عين جرزيز
وصلينا عندها العصر والظهر

متابعين معك الرحلة

أخي الكريم الغالي

soman

يعطيك الصحة والعافية على التقرير الرائع والمميز .
وبإنتظار بقية التقرير .


تحياتي

المشاركة الأصلية كتبت بواسطة merry girl
http://www.arabtravelersforum.com/tr...1/#post3533191

متابعين معك الرحلة



الله يعطيك العااااااافيه على المتابعه واعتذر عن التأخير لاني مشغول شوي ارتب بالصور

المشاركة الأصلية كتبت بواسطة سالم بن سيف
http://www.arabtravelersforum.com/tr...7/#post3533267

أخي الكريم الغالي

soman

يعطيك الصحة والعافية على التقرير الرائع والمميز .
وبإنتظار بقية التقرير .


تحياتي

ماشاء الله انا أشوف موضوعي منور وانا اقول من وين جاء النور اثر مشرفنا هنا

الله يعطيك العافيه يامشرفنا القدير

ترى اغلب المعلومات السياحيه عن صلاله آخذها من مواضيع ومن ردودك على الاعضاء

وانا اهنئ هذا المنتدى فيك على كرم اخلاقك وسعة صدرك للرد على استفسارات الاعضاء

الجزء الخامس
عين جرزيز وشاطئ المغسيل
الجمعه الساعه 4 عصراً
زي ما قلتلكم بعد ماتغدينا اتجهنا الى عين جرزيز وهي قريبه من سهل اتين
على نفس الطريق وصلينا عندها العصر
ثم تمشينا داخل العين وكان فيها اعمال صيانه


ثم رحنا للكهف وصورنا داخله


وهذا سمك

وهذي بعض اعمال الصيانه بالعين


ثم توجهنا الي شاطئ المغسيل
طبعاً البرنامج هذا اخذته من اخوي سالم بن سيف مع عمل بعض التعديلات عليه
فأنا خليت الاماكن القريبه من بعضها في يوم واحد ....


كان البحر هايج

وهذي نافوره بس بدون نافوره هههههههههه

وهذي نافوره بنافوره هههههههههه

وهذي النافوره من بعيد

وهذا منظر رهيب

وكان الجو على شاطئ المغسيل رووووووعه
براد – حلو – بدون رطوبه
قعدنا على الشاطئ وسوينا شاهي وقهوه ... طبعاً العزبه كامله معنا
وصلينا المغرب والعشاء على الشاطئ
ويوم جت الساعه 7 أو 8 مدري ناسي
رجعنا الي الشقه وفي الطريق مرينا على قريه اسمها ( سمهرم )
دخلنا واخذنا فيها لفه ... ماجازت لنا وطلعنا ...
وصلنا الشقه .. اللي ياخذ دش واللي راح يدور مغسله واللي يسوي العشاء واللي يقطع البصل ... كانت الادوار موزعه على اعضاء الرحله كل واحد عارف شغله .:1rkcj:
المهم
راح الامير يتفقد المواقع والمحلات جنب الشقه .. لقى مكتب تأجير سيارات ..
فأتفق معه ان ياخذ لاندكروزر جي اكس 2008
قال المكتب كيلو مفتوح 50 ريال عماني
وكيلو محدد 40 ريال عماني
قال خلاص بكره الصبح امرك ....
انتهى اليوم الاول من الرحله ...
بتغطية 3 مواقع سياحيه مهمه
- سهل اتين والجبل
- عين جرزيز
- شاطئ المغسيل
وتصبحون على خير الى الجزء السادس ضلكوت

المشاركة الأصلية كتبت بواسطة Munati
http://www.arabtravelersforum.com/tr...4/#post3534234

SOMAN

التقريررررررررررررررررر روووووووووووووووووعة وصلالة اروع خخخخخخخخخخخخخ

وان شاء الله تكون من المتميزين بهالتقرير

متابعة .....................

شكراً على الاطراء ........... تراني تحمست بزود ابكتب عن كل دول الخليج هههههههههههههههه

شكرا جزيلا لك
لكل هذا الاهتمام
وربما أضفيت على رحلتك كل التوثيق التاريخي
وسنتابع الجديد منك ؟
والمعذرة ع السؤال في بداية التعقيب السابق.

المشاركة الأصلية كتبت بواسطة ali wn
http://www.arabtravelersforum.com/tr...7/#post3534487

شكرا جزيلا لك
لكل هذا الاهتمام
وربما أضفيت على رحلتك كل التوثيق التاريخي
وسنتابع الجديد منك ؟
والمعذرة ع السؤال في بداية التعقيب السابق.

شكراً لك على المتابعه ....
بالنسبه للسؤال عادي أخوي من حقك انك تسأل وتستفسر عن اي شي ماهو واضح

اتمنى منك انك تكتب لي ملاحظاتك على التقرير بدون مجامله لأن هذا تقريري الاول ولابد ان يكون هناك بعض الاخطاء والملاحظات ودي اني اتلافاها في التقارير القادمه

المشاركة الأصلية كتبت بواسطة مسقطية
http://www.arabtravelersforum.com/tr...1/#post3534831

شكرا على هذا الموضوع السريع الخفيف ع القلب، ومتابعين

شكراً لكي اختي مسقطيه على هذا الاطراء ....

اتمنى منكي انك تكتبن لي ملاحظاتك على التقرير بدون مجامله لأن هذا تقريري الاول ولابد ان يكون هناك بعض الاخطاء والملاحظات ودي اني اتلافاها في التقارير القادمه

الجزء الثامن
الشجره المعمره في ضلكوت
ورحلة العوده الى صلاله

تحركنا من موقعنا وجدنا شجره غريبه عليها شبك ويوجد له بوابه مفتوحه
ويوجد لوحه تعريفيه لهذه الشجره
على طول رحنا تسلقنا الشجره

شجرة التبلدي
أو كما تعرف عالمياً (الباوباب)
وتعرف محلياً ( انكجي – هيروم ذري )
من الاشجار النادره والمهدده بخطر الانقراض وتعتبر هذه الشجره
واحده من (27) شجره موجوده بمحافظة ظفار .
تنمو هذه الاشجار وتتكاثر في افريقيا ويوجد منها عدد تسعة انواع على
مستوى العالم سبعه انواع موجوده مدغشقر ونوع في محافظة ظفار وآخر موجود في استراليا .
يصل متوسط ارتفاع هذه الأشجار في محافظة ظفار الى 15 متر ، بينما يصل متوسط قطر جذعها الى مترين .



وهذه قواقع موجود بالشجره


ثم انتقلنا الى موقع صيادين السمك


وهذا سمك طازج

ثم اتجهنا الى الشاطئ الرملي
وجدنا حطام طائره مروحيه قديمه على الشاطئ




ثم رجعنا الى صلاله قبل ان ينزل علينا الضباب
لأن الطريق وعر وطويل




واعتذر عن قلة الصور في رحلة العوده لأن الكاميرا فضت البطاريه
والى الجزء التاسع
عين رازات – وادي دربات

السلام عليكم ورحمة الله وبركاته

ضلكوت، وما أدراك ما ضلكوت! اختزلت مفردات الجمال في إطار غريب وفريد! لك أن تراها في موسم الصرب في أواخر شهر سبتمبر "26-9-2009" من تصويري لها ولولاية رخيوت والمسار إليها:

http://www.flickr.com/photos/shanfar...7622604690482/

ومنها:





صدقني على الرغم من عشقي للخريف، إلا أن موسم الصرب يخليك تشوف كل ما يقصد من كلمة "طبيعة!"، تحياتي لك أخوي، وأنا منتظر البقية على أحر من الجمر، والسلام عليكم ورحمة الله وبركاته.

أخوكم في الإسلام

المشاركة الأصلية كتبت بواسطة المهاجره 75
http://www.arabtravelersforum.com/tr...7/#post3540357

اكثر من رائع والله



شكراً على مرورك وتابعي معنا باقي التقرير

تقريررررررك أكثر من روعة
بالتوفيق،،،

الجزء العاشر
وادي دربات
يوم الاحد الموافق
10/8/2008
الساعه 11 ظهراً
بعد الفطور والتجول في عين رازات
انطلقنا الى وادي دربات



تمشي مع الطريق حتى ينتهى الطريق في مواقف للسيارات














وهذا الكهف اللي عند الوادي

وبعد ما اكتشفنا المنطقه حتى مصب الشلال
ولكن للأسف لم تكن فيه شلالات في وقت رحلتنا
لأن سنة 2008 الامطار قليله والله اعلم....
رجعنا وبحثنا عن مكان للغداء
فأتفق الجميع على هذا المكان


ثم اخذت اتجول في الموقع لأخذ الصور



تجربة وضع التقريب في الكاميرا

ثم ضبطنا القهوه ياسلام

ثم بدأ امير الرحله باعداد وجبة الغداء
ما شاءالله على اميرنا متواضع
هو اللي يسوق ويسوي القهوه والغداء والعشاء
اللي بيروح لصلاله ياخذه معه هههههههه


افااااااااااا غدانا فيه ريحة حرق
انا وين مدحتك ......



وهذا الغداء
سموا الله يحييكم واللي ما غسل أيديه يروح يغسل

تذكرون التيس اللي اخذناه من سهل اتين
هذا اللحم منه ما شاء الله 3 ايام وما خلص

والى الجزء الحادي عشر والاخير
شيحيت

شكرا جزيلا لك أخي الفاضل تقرير في قمة الروعة ،،

السلام عليكم ...

تقرير رائع وممتغ أخوي ...

تدري ... أخلى مافي الرحلة .. هو التفاهم بينكم ...

وقصر المدة ... مع المناطق اللي رزنوها ...

لكن أنا عندي سؤال ...

شلون شبكتوا الغارمن عاللاب توب ؟؟

ومن وين جبتوا النت ... عشان تشغلون غوغل ايرث ؟؟؟


تمنياتي لك اخوي بالتوفيق ...

ونبي تقارير مثل هذا التقرير ...

اسيرالدوحه

يعطيك العافيه اخوي على التقرير

من تجربة شخصية .. ضلكوت من افضل مناطق ظفار من جميع النواحي .. فقط بعدها من صلالة يعتبر عائق اما الكثيرين لزيارتها

ننتظر منكم المزيد أعزائي ولكم جزيل الشكر على هذا التقرير الحلو مره

شكراً على التقرير الجميل
ضلكوت احسها عادية مافيها شي زايد عن صلالة
شجعتني انزل تقريري من العآم وانا ابنزلة

لماذا بعض الصور اختفت من التقرير ومكتوب مكانها " منتديات مكتوب "

الله يعطيك العافية تقرير متميز

ماشاء الله رووووعه

وش رايك تنفع السفر لصلالة لعائلة صغيره ؟؟

وهل سيارتي الأكورد الدلوعه بشوارع الرياض تقدر توصلنا لضلكوت وبقية الأماكن الوعره ؟؟

وشكرا لك اولا وأخيرا ..

تقرير أدى الى قرار بزيارة ظلكوت فورا ..

جهد تشكر عليه ..

بس ياليت تشرح لنا بالتفصيل يكيف شغلت قوقل ارث في السفر ..