السلام عليكم و رحمه الله وبركاته
اليوم كان لي تجربه في تسليم المستندات و الجوازات و الحمدلله على كل حال
أولا وقبل كل شي أخذت موعد عن طريق الموقع اللي هو
http://de.vfsglobal.sa.com/
وطريقه الحجز جدا سهله.
طبعا حطيت إيميلي على أساس بيرسلوا تفاصيل الحجز ولكن للأسف
و أتواصلت معهم ردولي بإنك أهم شي تجي في الوقت المحدد و بتلقى إسمك.
قلت أنا ممتاز و سألت عن الطلبات....ردوا عالإيميل بثلاث أشياء فقط
حجوزات و الجوازات و تأمين طبي فقط.
اللي صار اليوم...رحت على عماره الخليج اللي في الخبر عند إشاره الشرطه و لقيت مكتب فيفا سألته وين فرع القنصليه الألمانيه قالي نقلوا للراكه...أنا دقيق في المواعيد الكلام ذا 10:36
المهم طيران عالراكه مقابل كنتاكي أو إذا إنت جاي من طريق الكباري....تاخذ اللفه اللي بين أوتو ستار و أبوذاياب لتأجير السيارت و تسيد لين آخر الشارع تلقى المحل على يمينك
و فعلا لقيت الموقع وعليه لوحه كبيره مكتوب عليها ( المركز الموحد لاصدار التأشيرات ) شي زي كذا
المهم دخلت أنا و المدام و طلعت الدور الثاني و عند كاونتر الإستقبال أول ما سألني عن الموعد
قلتله أنا حاجز ولا جاتني المعلومات....دور في القائمه اللي عنده و فعلا لقيت أسمي و المدام و أعطاني الرقم...
دخلت بعد التفتيش و اللي طلب مني إغلاق الجوال....مدري ليه
المهم دخلت أنتظر رقمي و أنا مجهز كل شي إلا الإستماره ما عبيتها مع إني طابعها بس طنشت.
المهم سألت عن الإستماره وفعلا عطوني إثنين عشان أعبيها في وقت الإنتظار...وعبيتها
جاء دوري الساعه 11:45 تقريبا و أنا ماخذ الرقم 10:55
المهم رحت للكوانتر حق ألمانيا....لقيت هندي
الهندي ما خلا و لا ورقه مطلوبه أو غير مطلوبه الا و سأل عنها.
قلب في الأوراق واللي هي كانت
الحجوزات من بوكنج و تذاكر الطيران ( رجعها لي ) و التأمين الطبي و كشف حساب ثلاث شهور و التعريف من الشركه و صور الجوازات
وقالي ( باقيلك ورقتين فقط اللي هي تعريف بالراتب و ورقه تحمل مسؤليه الزوجه طول فتره السفر )
سدها في وجهي الله يسدها في وجهه
المهم قلتله متى تقفلوا اليوم قال 3 العصر.
طلعت مطرطع وكلمت واحد من الشباب في الدوام يطبعلي الورقه و يسويلها سكان و على إيميلي في خلال عشر دقايق...وساعه أدور شخص يطبع الورقه بالألوان وفرفره من محل لمحل في حائل سنتر لأني جاي من الجبيل الصناعيه و لاني راجع والله الا وأنا مخلص...طبعت الورقه و نسخت الحجوزات لأن نسخه لي و نسخه للمدام الظاهر.
المهم رجعت للهندي قالي باقي ورقه تحمل المسؤليه....و نزلت من مكتب فيفا ب 50 ريال مع إني المفروض أسويها بنفسي في البيت و أكتب عليها بالإنقليزي
رساله موجهه للسفارهـ الألمانيه
أفيدكم بأني أتحمل كافه نفقات سفر زوجتي فلانه الفلانيه و رقم جوزها كذا كذا و وووو الموقع أدناه إنا و رقم جوازي و أوقع....ببلاش ولكن قلت يالله صدقه
وفعلا رجعت للهندي و قام يتفلسف و يقول لازم توقع الجواز في ثالث صفحه و فعلا و قعت الجوازين
وصورتهم من عند فيفا تحت...
و أعطاني ثلاث أوراق أوقعها و في ورقه أجاوب عليها.
المهم بعدها دفعت ال 1040 ريال رسوم الفيزا الوحده 310 و الباقي خدمات توصيل و خرابيط.
وأعطاني الفاتوره و قال عالتبصيم....رحت التبصيم خلال عشر دقايق أنا والمدام مخلصين
عالساعه 2:30 و على كوبر شندني آحلى غدا هندي بهاذي المناسبه هههههههه.
إذا خلصت بتجيك رساله عالجوال و تروح تستلم الجوازات.
* للعلم...كل شخص من أفراد العائله يحتاج موعد و الا بتظطر تدفع 150 ريال عالنفر و تدخل في آي بي...وحده قدامي جاي من الهفوف و ماخذه موعد واحد و هم 4 و رجعها و دفعت 150 ضرب ثلاثه.
* في شخص جا وكان عالنظام القديم ما معاه أي شي....رجع زعلان و طلب منه صوره من الماستركارد
* نصيحه لا تروح هناك إلا و الطلبات كلها معاك عشان تخلص و إنت مبسوط و لا تزعج نفسك
أو إذا تبي تريح راسك...أعطي الجوازات لمكتب و هو يخلصلك الوضع و لا المرمطه بس إدفع الدبل تقريبا.
في الموقع اللي فوق في كل شي من مواعيد و طلبات،
أخيرا....أدعوا لي بأي شي طيب.مواضيع عشوائيه ممكن تكون تعجبك اخترناها لك:
- أرجو الرد للضرورة وآسف قبل كل شيء
- السفارة الألمانية في الرياض الخبر الأكيد
- استفسار فيزا ألمانيا
- البوسنه المختصر المفيد لــ الحصول على الدعوه واستخراج الفيزا
- المخطط في الداخل من اين استخرج فيزة الشنقن ؟
- استفسار عن التأمين و حجز الفندق
- تاشيرة سنة
- بخصوص المقابله لفيزا
- المانيا و يوم
- مشكلة الاجراءات الادارية
- استفسار بخصوص فيزا الشنغن
- محتاج تفاصيل استخراج فيزا علاجية من الكويت
- متطلبات فيزة الشنقن القنصلية الفرنسية بجدة
- نظام الفيزا الجديد لكل دول اوربا من أكتوبر
- السفارة السويسرية فاجأتني بكرمها على غير العادة
- تأخر الفيزا من السفارة النمساوية
- السفرة قربت والتاشيرة تاخرت
- السداد عن طريق بطاقة الفيزا
- استفسار بخصوص السفر خارج البلاد !!
- سؤال مهم جدا هل يمكن السفر والرجوع قبل انتهاء التاشيرة بثلاث ايام
المفضلات