السلام عليكم
احب اشكر اعضاء المنتدي علي كل معلومه استفدتها من الموقع
دي تجربتي في الفيزا الامريكيه وان شاء الله تفيد ناس تانيه
الاشخاص المسافرون : انا وزوجتي وابني رضيع
الجنسيه : مصري
المهنه : محاسب
الخطوات لتجهيز الاوراق
1 - تعبئه ابليكشن عائلي من الموقع
2- انشاء معرف علي صفحه تحديد الموعد
3- كشف حساب بنكي 3 شهور
4 - خطاب تعريف من العمل موثق من الغرفه التجاريه
5- خروج وعوده بس ما احتجتها ولا احد طلبها
6- صور بمواصفات امريكا
بعد تعبئه الابليكشن دخلت علي صفحه تحديد الموعد وطبعت ورقه الدفع طلع 1824 ريال في ايصال واحد
ذهبت الي بنك سامبا وسددت المبلغ تاني يوم فتحت تحديد الموعد لقيت المبلغ نزل اوتوماتيك في الحساب وجاهز لتحديد الموعد الاحد الماضي 6 ابريل الساعه 9 صباحا
يوم المقابله :
وصلت هناك الساعه 8 وقفنا في الصف ودخلنا علي الشباك الخارجي اخذت ورقه الموعد والابليكشن وسجلت الحضور علي ما اظن
دخلنا السفاره بعد التفتيش تمشي شويه ودخلنا المبني فيه اتنين في وشك بتديلك رقم بعد ما تاخد كشف الحساب وورقه التعريف وتحطهم في الجواز
دخلنا الغرفه الاولي عشان التبصيم جاء الدور علينا واعطيتها كشف الحساب والخطاب والجوازات فقط وبصمنا ولم تسال اي حاجه ووضعتهم في ملف بلاستيك
توجهت للصاله عشان المقابله وجاء الدور
المقابله بالانجليزي
دخلنا علي الشباك كان فلبيني بس زي العسل ومحترم جدااا
هو :صباح الخير
انا : صباح الخير
هو : بقالك قد ايه في المملكه
انا : خمس سنوات
هو : بتشتغل ايه
انا : محاسب
قعد يعمل حاجات علي الكمبيوتر كل ده وزوجتي شايله ابني وواقفه ورايا ومش في دماغها ايه اللي بيحصل وهو بعد كده بص علي خطاب التعريف وكشف الحساب وقلب في الجوازات
هو : سافرت فرنسا امته
انا : سبتمبر الماضي
هو : كم قعدت هناك
انا :26 يوم
هو : 26 يوم ليه كل ده
انا : قلتله كنت محتاج ازور كل حته هناك
هو : ليك قرايب هناك انا : لا
هو : ليك قرايب في امريكا انا : لا
طبب ان احط صوابعي الشمال وزوجتي ايضا
وبعد كده قالي مبروك فيزاك متوافق عليها وهتوصل في اسبوع وقالو مفيش رسوم هتدفع لارامكس خلاص رسوم ارامكس داخل رسوم الفيزا
اليوم استلمت الجوازات لي ولابني بتاشيره خمس سنوات
والمفاجئه فيزه زوجتي شيكت علي الحاله لقيتها اجراءات اداريه انا اتصدمت بس الحمد لله بعدها بساعتين تغيرت الي اصدار وان شاء الله بنستلم جوازها بكره من ارامكس
ده كل اللي حصل وان شاء الله الامور تتيسر للجميع
والاستفسارات في الموضوع المثبت فوق بتاع الاخ اخر فرصه
وشكراااااا من الموبايلمواضيع عشوائيه ممكن تكون تعجبك اخترناها لك:
- مواعيد الشنقن ؟؟
- ايش رايكم يا جماعة اقطع الصفحة من جواز السفر؟؟؟
- مدة الشنغن
- تجربتي في استخراج الشنقن من المركز الموحد ب ام الحمام الرياض
- سفارة المملكة في ألمانيا تنبه للحصول على التأشيرة وتسجيل المبالغ المالية
- فيزا شنغن من يوم الى الان لم تستخرج
- استلمت الفيز اليوم
- التقديم على الفيزا البريطانيه من دبي مع الدروس المستفاده
- √تجربتي في استخراج الفيزا√
- ارجو المساعدة من الاخوة والاخوات ضروري
- تقديم الطلب من البحرين
- تجربتي مع جهة عملي والغرفة التجارية لـ ورقة التعريف لـ تأشيرة الشنقن
- تأشيرة
- اقدر اعمل تفويض لواحد يستلم عني الجواز من السفارة ولا لا ؟
- السفر الى جورجيا لغرض السياحة
- استخراج شنجن من بلد والنزول الى بلد آخر ؟
- افيدوني في مشكلتي الله يساعدكم ذهبت لفرانكفورت وحصلت معي مشكله غريبه
- احتاجكم ضروري في الاجابة علي اسئلتي باقي على الدراسة شهر ونصف
- اليوم في المكتب الموحد عشرات السعوديين يلغون حجوزاتهم لعدم صدور تاشيراتهم الالمانية
- تفويت الموعد عاااااجل
المفضلات