السلام عليكم ورحمة الله وبركاته
بداية أشكر الاخوان الي جاوبوا على استفساري في قسم الاستفسارات عن الفيزا الأمريكيه, والله يجعلها حسنات في ميزان أعمالكم باذن الله.
دخلت موقع السفاره الأمريكيه الي هو
http://abudhabi.usembassy.gov/niv/main.html
الفورم من موقع http://usvisa-info.com
والأفضل اتسوون لكم حساب من الموقع نفسه علشان تقدرون تدفعون الرسوم بدون جهد أو أي تعب.
وفعلا تم التسجيل ودفع الرسوم واخترنا موعد يوم 8/5/2014 أي بعد التسجيل بأسبوعين في السفارة الأمريكية في أبوظبي.
طبعا وصلنا وتفاجانا بالاجراءات الأمنية الي هناك , ممنوع الموبايل وممنوع تدخل اي شنطه او اي شي معك, انت وجوازك فقط وطبعا الي ماخذ معاه مستندات.
المهم دخلنا واول شي ايشوفون الطلب الي نحن امسوينه بعدين انروح للمقابله وكانت روتينيه وسهله جدا والي كانت عالكاونتر روووووعه ومبتسمه وبنفس الوقت قالتلي مبروووووووك وافقنا على تأشيرتكم وبيوصلكم ايميل انا ارسلنا جوازاتكم بالامبوست والجوازات بتوصلكم بعد يومين.
استانست واااااايد لأني ماتوقعت بالسرعه هاذي على حسب ماسمعت من البعض انهم معقدين وبتتاخر الفيزا ولا تذكرين ان عندك احد هناك الخ الخ الخ ,, الحمدلله الله سهلها وخلصنا وطلعنا.
وفعلا الجوازات وصلتني بعد يومين مع اني ساكنه بالامارات الشماليه ولاتاخرت.
حبيت اخبركم بالنسبه لمواطنين دولة الامارات مافي داعي تاخذون كشف من البنك ولا اي اوراق رسميه ولا مستندات غير جوازاتكم.
لأنهم مااطلبوا علينا أي شئ,,, وبالنسبه للفيزا عطونا اياها لمدة 10 سنوات .
حبيت كذلك الفت انتباهكم الى ان الحجز على طيران الاتحاد يسوون شيك أب لمطار نيويورك من مطار ابوظبي , فبتخلص اجراءاتك من مطار ابوظبي اقصد الاجراءات الامنيه الي ياخذونها عادة في امريكا , فبتكسب الوقت وبترتاح نفسيا وبتوصل هناك اجراءات عاديه وبس.
انا شخصيا كنت حاجزه على طيران الامارات ويوم عرفت هاي الميزه على طيران الاتحاد غيرت الحجز وحجزت على طيران الاتحاد....
ممتنه لطيران الاتحاد على هالخدمه الرائعة,,,
وشكرا لكممواضيع عشوائيه ممكن تكون تعجبك اخترناها لك:
- عاجل مبرووك لاهل جدة والغربية افتتاح مركز للتأشيرات
- استفسار ضروري جدا
- زوجة الخليجي ودخول بلاد الخليج برفقته
- كشف حساب من البنك الاهلي مترجم بالانجليزي
- اريد المساعد ولكم جزيل الشكر
- تجربة استخراج فيزا شنقن لمدة سنتين وبدون رسووووم
- دفعت المبلغ قبل أكثر من ساعة وحتى الأن يصلني بريد إلكتروني
- تجربتنا مع السفارة الامريكية في ابوظبي
- تأخر اصدار فيزة الزيارة لي
- تكفون يا شباب ارمحتاج منكم الإفاده
- بخصوص تغيير الفنادق قبل إستلام الفيزا
- سؤال عن متطلبات الفيزا الفرنسيهلاصحاب الخبره
- اريد استخراج الفيزا الفرنسية من الرياض
- اجراءت فيزا الشنقن اسبانيا ملاحظات ونصائح
- سفارة النمسا
- عندي فيزا شنغن منتهيه على جوازي هل فيه اجراءات اخرى؟
- فيما يخص السفارة البريطانيه
- تجربتي الفريدة في استخراج الفيزا البريطانيه
- عندى مشكله بخصوص حجز الفنادق ومحتار جدا جدا
- محتار جدا ياريت المساعدة
المفضلات