السلام عليكم ورحمة الله وبركاته
في البداية أحب اشكر جميع الأعضاء في هذا المنتدى على مساعدتي وأجابتهم على أسألتي
,, أحنا طلاب وعددنا 2 ذهبنا من تبوك إلى الرياض للتقديم في المكتب الموحد
في البداية حجزنا موعد لكل شخص موعد في يوم 27 ( أمس ) الساعه 9 تماماً ,,
وصلنا المكتب الساعه 8 تماماً .. ولكن خلونا نوقف ونصف سرا لين الساعه 8ونص حتى تدخل ..
دخلنا بحمد الله وتوجهنا الى الأستقبال لأخذ رقم على الموعد .. للأسف الجميع هناك يتحدث الأنجليزيه بدون أستثناء .. وهذي المشكلة كانت صعبه علينا أنا وصديقي بحكم ضعفنا في الأنجليزي ,, أعطيته ورقة الموعد وأعطاني رقم وتم التوجه الى مكتب فرنسا ..
. وصل رقمي في المكتب عند الموظف الأخير ( باكستاني ملتحي ) دخلت عليه انا وصديقي وسلمت عليه ورد علينا السلام .. أعطيته الأوراق المهمه .. قام ياخذ الي يبيه ويرجع لي الي مايبيه .. فجأه قام يتكلم معاي انجليزي ( واخوكم يالله يخارج حاله بالانجليزي ) بس اني فهمت من كلامه ان قالي النموذج هذا قديم لك ولصديقك وأعطاني نموذج بنفس الأسئله بالتمام لكن الفرق ( أن نموذجي من 3 صفحات ) ونموذجه من صفحتين .. وكمان قال لي وين عنوان الكفيل حقك ( انا على كفالة أخوي ) (الوالد متوفي) , وقالي بعد ما تخلصونها هاتوا لي الساعه 2 omg والكلام هذا الساعه 9وربع ؟؟؟؟
ما أهتمينا لكلامه وقلت تعال بس نعبي النموذج .. عبيت النموذج حقي وحق زميلي بخط اليد ,, وأتصلت على أخوي قلت له الموظف يقول يبي عنوان السكن حقك ؟ قال مافيه شي أسمه عنوان السكن . عندهم ورقة الكفاله فيها رقمي وفيها عنوان دوامي وعليها شعار وختم الشركه ( سابك ) قولة مافيه شي أسمه عنوان السكن هذولا يحبون يعقدون الواحد مثل العام ( العام قدمنا انا واخوي سوا وطلعت فيزنا بحمد لله لكن اخوي يقول لما كنت عندهم يقعد يطلب اوراق اول مره اسمع فيها مثل الغرفة التجاريه لشركة سابك . قاله اخوي هذي مو مطلوبة وشركتي سابك ماتحتاج ورقة تصديق من سابك قدمها على مسؤوليتي واذا رفضت انا المسؤول وفعلاً قدمناها وما رفضوها )
المهم لما خلصنا تعبئة النموذج توجهنا لنفس الموظف وقلنا في شي ناقص ؟ قال الصفحه الثالثه من جواز اخوك . وصديقي من جواز أبوه الي عليها التوقيع .,
هذي ماكانت معانا نهائياً,, وش الحل والمشكله لازم نخلص شغلنا اليوم لأن المغرب رحلتنا الى تبوك ؟
أتصلت على اخوي قلت ابيها قال انا بالدوام وجوازي في البيت
صديقي اتصل على ابوه نايم
خرجنا من المكتب الى المكاتب الي في الشارع المقابل نطبع الاوراق من الايميل وكلهم رفضوا ماغير واحد يماني الله يجزاه خير صاحب استديو تعاون معانا وقال اوكي طبعنا ورقة جواز اخوي وورقة جواز ابو صاحبي ..
رجعنا المكتب ورفضوا يدخلونا وكلهم يتكلمون انجليزي .. احاول اتفاهم معاهم شوي شوي بالانجليزي لين ما سمح لنا ندخل ( قلت له في اوراق ناقصه مني ورحت اطبعها من المكتبه ورجعت ) ..
لكن المشكله الان مافيه توقيع على جواز ابو صاحبي .. قلنا ايش الحل ومرتبكين ؟ الا فيه رجال سعودي جنبنا معاه قلم اسود وحررررريف ههههه قال اوقع لك مكانه بقلمي اسود ما يبان هو صورة او اصل قلنا اي والله تكفى ضبطها .. وفعلاً وقع نفس توقيع ابو خويي وما تلاحظ انه تزوير او توقيع جديد كأنه صورة
رجعت للموظف الحين واوراقي كلها كامله الحمد لله ..دخلنا عليه قال خذوا رقم جديد قلت له احنا كنا عندك بس رفضتنا وخلصنا الاوراق ورفضوا المكتب يعطونا رقم جديد ( لأنهم شخمطوا على ورقة الموعد ) قال لا انا بسأل المشرف ( المشرف سعودي ) سأل المشرف قاله عن موضوعنا قال خلصهم اذا كملوا اوراقهم عادي
قال البكستاني تعالوا يالله .. وياخذ اوراقي كامله وياخذ الي احتاجه كله
1- أصل وصورة الجواز
2- تعريف الراتب حق أخوي
3- ورقة الكفاله الماليه حقت اخوي
4-النموذج مع عدد 1 صورة شخصيه فقط
5-صورة تأكيد الحجز حق بوكنق
6-صورة من الشنغن الأخيره
7- صورة جواز اخوي الصفحه 1 و 3
8-التأمين الصحي
وبعدها أخذ اوراق زميلي ..
واخذ منها نفس الطلبات بأستثناء ( حجز البوكنق )
لأنه كتب على الملف حقي 1/2 وزميلي 2/2
وبحمد لله تم دفع الرسوم 323 ريال لكل شخص .. وتوجهنا الى التبصيم ..( انا قلت للموظفه , انا بصمت شهر سبتمر الماضي هل لازم ابصم واتصور من جديد .. قالت نعم لابد )
وبصمنا الحمد لله وأنتهت أزمتنا كلها وطلعنا على صلاة الظهر ..
*موقف طريف .. ( لما طلعنا للشارع الا صلاة الظهر . قلنا خلنا نرجع نصلي بالمسجد داخل المكتب قبل تفوتنا هههههههه .. مرينا في الامن كمان ههههههه قلنا عندنا اوراق وهذي اوراقنا ( بهذلناه المسكين ) ويالله دخلنا ونروح نصلي ونطلع ) هههههه
أدرررررري كلامي كثير ولقلقتي واجده بس حبيت اسرد لكم قصتي بالتفصيل ههههه
ما يستفاد من الموضوع :
1- النموذج طبعه اخوي موقع السفاره في جدة وقال مرفوض هذا قديم !!
2- كشف الحساب ما طلبه ولا انتبه له فقط أخذ تعريف بالراتب !!
3- حجز الطيران ما اخذه ابداً !!
4- صورة البطاقة البنكيه والفيزا ما طلبها ابداً
5- تعريف الطالب من الجامعه ما طلبه ولا اخذه نهائياً
بالمختصر المفيد تروها سهله جداً الأمور لكن سبحان الله يجيك خوف ووسوسة انهم يرفضونك ..
بالأخير دعواااااتكم لنا أن الفيزا حقتنا تطلع بسلام ولا ترفض ( الحمد لله الأوراق سليمة 100% )مواضيع عشوائيه ممكن تكون تعجبك اخترناها لك:
- جوازي تم اصداره ومش قادر اخد الشنجنهو ده السببساعدوني
- فيزا شنقن من مركز التأشيرات المشترك في الخبر
- مكاتب استخراج تأشيرات بالكويت
- استخراج الشنغن من السفارة الهولندية
- استلمت الجوزات شنغن سويسرية
- تنبيه مستند يجب اضافته لاستخراج تأشيرة الشنجن للعوائل ألمانيا
- معى فيزا شنجن واريد دخول بريطانيا
- استفسار من أهل الخبره بالمنتدي
- الحد الأدنى لكشف الحساب ؟ عاجلاً
- تم رفض الطلب من السويدية افيدونا يا شباب
- استفسار عن تأشيرة أندونيسيا
- تجربتنا مع السفارة الامريكية في ابوظبي
- استفسارات بخصوص نموذج تأشيرة فرنسا
- استفسارات قبل رحلتي الي لندن
- تجربتي لأستخراج الفيزاء البريطانية بالتفصيل خلال أيام
- عاجل جدا اغلاق مكتب التاشيرات الموحد في جده وانتقاله الى الفرع الجديد با ل
- استفسار بخصوص مركز التأشيرات والاستفسار عن الفيزا
- فيزا الهند ؟ بالمركز الموحد ؟
- قصة الفيزا الأمريكية في البحرين
- هنا كل ما يتعلق بـ فيزا استراليا
رد مع اقتباس
المشاركة الأصلية كتبت بواسطة آخـــرفـــرصــة
المشاركة الأصلية كتبت بواسطة haifooonali
المفضلات