السلام عليكم جميعا ..
اخيرا تم وصولنا ولله الحمد لعمان , سبحان الله كل امورنا كانت ميسره لاقصى الحدود ..
حتى على الحدود البريه بالاردن والله كانوا موظفين الجمارك قمه بالتعاون والذوق بالرغم ان اخوي كان محمل السياره بكراتين وشنط ومفارش وكانت ممتلئه للأخر الا انهم ماعطلوه ابدا ولا حتى بهذلوه وفتشوه مثل ماكنت اسمع من البعض
بالعكس على طول مشوه وبس سألوه اذا معه الكترونيات وقال لهم ابداً فا قالوا له تفضل بحفظ الله ..
واول ماتعدى الجمارك وقفه شاب اردني يطلب منه توصيله لعمان فا ركبه معه وكان هذا الشاب كذلك قمه بالاخلاق وساعده للوصول لعمان خاصة ان اخوي اول مره يروح لعمان لذلك مايدل الطريق , ساعده الشاب الاردني الله يجزاه الف خير وماتركه حتى وصله للفندق بالسلامه وبذلك كانت رحلة اخي بالسياره اسهل مما تصور وسخر الله له اولاد الحلال الطيبين ..
وكذلك انا وأولادي سافرنا جواً وكانت الامور جدا متيسره وخروجنا من مطار الرياض ودخولنا لعمان كل الاجرأت مرت بسهوله ولله الحمد ..
طبعا اسقبلنا اخي بالمطار لانه سابقنا بيوم وكان متفق مع سائق اردني بحيث انه يسوق فينا بسيارتنا في اول الايام حتى نتعرف على الطرق جيدا ثم يسوق هو السياره بنفسه ..
المهم طلعنا من المطار ورحنا عشان نشوف الشقق الفندقيه اللي ناوين نسكنها من خلال مساعدتكم لنا بالموقع , وكانت المفاجأهولا شقه فاظيه , والسبب انه راس السنه والشقق زحمه والكل يقول يوم السبت انشاءلله نفظى .. طبعا انا لاحظت ان الشقق الفندقيه اللي مثل سنا والاحفاد كلها محجوزه بينما الشقق الاقل مستوى فاظيه وكذلك الفنادق الفخمه , يعني كانت الزحمه على المستوى المتوسط بينما الغالي جدا والرخيص جدا فاظيه ..
المهم كان اخوي اول يوم ساكن بالهوليدي ان وكان مسوي خروج وخلاص على اساس مباشره بنروح للشقه لما ياخذنا من المطار .. المهم ظلمت الدنيا واشتد البرد واحنا نفتر بالساره وجمدوا اطفالي الصغار من البرد وبصراحه كلنا جمدنا من البرد لانه كان قارص جداً ..
لذلك قررنا نسكن اوتيل الى يوم السبت انشاءلله , طيب وين نسكن ؟؟ قال اخوي نرجع للهوليدي ان ؟؟ قلت انا صعبه عشان اطفالي احتاج مكان فيه مطبخ صغير عشان اقدر اغسل رضعاتهم واعطيهم اكلهم الخاص براحتي ..
وجلست استرجع بذاكرتي الاجنحه الفندقيه اللي استعرضتوها في موقعكم الكريم , وعلى طول جاء في بالي بيتي روز وفجأه قلت للسواق روح للشميساني قالي ليش قلت لبيتي روز قال اخوي وش يدريك يمكن زحمه ؟؟ وعلى طول طلعت تلفوني لانه مخزن فيه الرقم عقب يوم اكلمهم قبل اسبوع عشان استفسر , وكلمتهم وكان متوفر فيه ولله الحمد واتجهنا مباشره لهم واخذنا سويتين كل واحد صاله ومطبخ وغرفه وحمام وكانوا مفتوحات على بعض وبصراحه كانوا موظفين الاستقبال كذلك بقمة التعاون والذوق واللطافه وبسرعه دخلوني انا والاطفال يوم شافونا تعبانين واخوي كمل الاجراءات ولحقنا ..
وكانت السويتات قمه بالنظافه والترتيب مثل ماقال عنها الاخ الكاتب في موضوعه تجربتي في بيتي روزيعني مايحتاج اعيد الوصف ولا ارفق صور لانه راح يكون موضوع مطابق ..
المهم دخلنا وجاب لنا السواق عشا من برا وتعشينا ودفينا ( وعينا خير )ونمنا بسلام ولله الحمد ..
قمنا الصباح وافطرنا تحت والفطور طبعا مجاني وجميل جدا ولذيذ طبعا ورجعت عشان اكتب لكم هذا التقرير عن بداية مشواري بعمان اللي بصراحه عشقها قلبي من كرم وطيب اخلاق اهلها وتعاملهم الكريم ..
وانشاءلله اليوم بعد العصر متواعدين مع الشقق نشوفها بحيث اننا نقرر وين نسكن وننتقل غدا صباحا انشاءلله .. وبيتي روز اللي انا فيها بصراحه جميله جدا وسعرها مناسب كذلك بس السبب اني ما استمر فيها انه مافيها فرن او بوتوقاز اقدر اطبخ عليه وانا جالسه شهرين ومن الصعب اني كله من برا خاصة ان معي اطفال صغار ولولا هالسبب والله لاجلس كل الشهرين فيها بسبب الراحه والامان اللي حسيته فيها وكذلك جود ولطافة موظفيها ..
وانشاءلله ارسل لكم بعد كم يوم تقرير عن الشقه اللي راح نسكنها بكره باذن الله وعن انطباعي عنها وعن الاردن بصفه عامه ...
تحياتي للجميع وانشاءلله ما اكون مللتكم بطول الحديث ..
اختكم ريممراسلتكم من عمان ..
مواضيع عشوائيه ممكن تكون تعجبك اخترناها لك:
- المساعده في ترتيب رحلتي الى عمان
- طلب مساعدة سريعة مسافر تونس بعد ايام ومحتار في مكان فندق
- الى من يحب المغامرات
- اول مرة اروح عمان بتاريخ
- جوله ممتعه حول اليمن اين تقع هذه الصورة ؟
- احترت بين ايران والبحرين
- أفضل طبيب عظام في الأردن
- لقطات رائعة للجمهور الجزائري فى جنوب افريقيا
- دعوه لزيارة الاماكن المقدسة في قم ومشهد
- استفسار
- مدينة قورينا الليبية تفوز بجائزة السياحة العالمية بمعرض لندن الدولي للسياحة
- طلب من الاخوه الاعزاء
- مساعدة الى سقطرى خلال الشهور القادمة ان شاء الله
- الاخت ارجو المساعده في الاردن
- هل فعلا بدأ تشديد الاجراءات الخاصة بالفيزا بشكل متبادل بين المغرب و الجزائر
- الأردن
- بعض الأماكن السياحيه بالأردن
- مطعم ريم البوادي تجربة شخصية
- ارغب في رؤية الشتاء التونسي والاستمتاع بالثلوج
- ممكن مساعده بخصوص ايران
رد مع اقتباس
والله مدري وش المشكله بالضبط بس حاولت اكثر من مره ولا ضبطت ..
المشاركة الأصلية كتبت بواسطة =ريم=
المشاركة الأصلية كتبت بواسطة =ريم=
المفضلات