السلام عليكم ورحمة الله وبركاته
اليوم كان موعدي الساعه 9:45 بمركز التأشيرات الموحد بالخبر بالراكه
المركز فيه السفاره الفرنسيه والايطاليه والنمساويه والألمانيه والأسبانيه بشكل منظم وجميل
وفيه البريطانيه والكنديه
واذا ماخاب ظني الامريكيه والأستراليه
عموما موعدي كان vip دخلنا الصاله الرئيسيه بوقت مبكر الساعه 8 وامتلأ المكان وجا الموظف وقف عند كاونتر الأستقبال الساعه تقريبا 8:30 ونادى قال اللي موعده 9 يجي
رقم المواعيد يدوي بالقلم ودخلوا عدد لابأس فيه
بعدها بشوي الساعه 9 تقريبا جا موظف ثاني وجلس بالكاونتر وقام يوزع ارقام بالكمبيوتر كل واحد حسب السفاره اللي جاي لها او القسم اللي جاي له
عطاني رقم ودخلت داخل ورحت صالة vip جلست اقل من 5 دقايق لأن كان فيه شخص قدامي وبعدين جا دوري
وكان المكتب فيه بنت جدا محترمه ومتعاونه ما اقول غير الله يحفظها ويستر عليها ويسعدها
الأوراق اللي خذتهم
الأبلكيشن معبأ
صورة من الجواز وموقع في الصفحه الثالثه بنفس التوقيع اللي بالأبلكيشن طبعا هي ماقالت لكني قريت هنا وسويت نفس الشي
الـتأمين الطبي
ايضا لفت نظري وجود مكتب صغير وفيه شخص سعودي محترم مكتوب عليه التامين الطبي واعتقد انه يتبع لشركة معينه لعمل تأمين للي متورط او مايدري والله اعلم لكني ماسألته عن أي شي
حجز السكن
صورة وحدة فقط مقاس 3.5*4.5 خلفيه بيضاء ومكشوف الرأس
كنت مودي معاي كشف حساب ورجعته لي
قالت لي مافي بصمه ولا تصوير لأن الجهاز معطل واعتقد ان الجهاز له اسبوع تقريبا معطل فقط نتكفي بأخذ الأوراق منكم
بعدها جا وقت الحساب واندصمت من المبلغ
قيمة التأشيره او الفيزا 388
وهنا الصدمه قالت لي ان قيمة رسوم ال vip للشخص الواحد 280 ريال وهنا انصدمت انا قريت هنا بالمنتدى ان رسوم ال vip 150 ريال فقط يعني دفعت 560 رسوم خدمه مافي اي فرق غير اني خلصت مبكر واشوفها كثيررررره جدا لكن العوض من الله سبحانه
قالت لي تحب نرسل لك الجواز إذا خلص بإذن الله بالأرامكس فقلت اي وعطتني ورقه عبيت فيها عنواني ورقم جوالي
عموما واخيرا اشكر الأخوان المشرفين بموضوع استفسارات الشنغن على تفاعلهم وإجابتهم على الأستفسارات
و التجربه كانت جميله وموفقه وهذه بتكون بإذن الله اول سفره لأوروبا
ختاما دعواتكم بالتوفيقمواضيع عشوائيه ممكن تكون تعجبك اخترناها لك:
- استفسار بسيط عن الفيزا الكندية
- تجربيتي اليوم في المكتب الموحد بالخبر المنطقة الشرقية
- ساعدوني بالنسبه لفيزا ايطاليا ضروووري
- محتار جدا ياريت المساعدة
- هل يمكن استخراج الفيزا البريطانية قبل سن 21 سنة
- هل يمكن استخراج فيزا جديدة مع انه لم تنتهي الفيزا الاولى طالب زائر
- تجربتي مع سفارة النمسا
- الشنغن الايطالي ممكن يدخلني اسبانيا ؟؟؟
- ما هي فترة الاقامه لفيزا الشنغن
- دخول البحرين من السعودية فلسطيني بوثيقة مصرية
- استفسار بخصوص رفض فيزا دراسة بايطاليا
- بالنسبة للسفارة الفرنسية
- اشكالية نموذج طلب الفيزا الامريكية السياحية للعائلة
- سؤال عن السفر إلى دولة أوروبية أخرى في السفرات اللاحقة بعد إصدار تأشيرة الشنغن
- استفسار مهم عن فيزة سويسرا
- مشكله في تعبئة الابلكيشن
- فيزا من السفارة الاسبانية
- المدة المطوب انتظارها للتقديم مرة أخرى بعد الرفض
- دخول اسبانيا بفيزا فرنسية
- الدخول إلى ميونيخ بفيزا تشيكية بدون أية عناء
رد مع اقتباس
المفضلات