بالمقدمه
شكر خاص من كل اعماق قلبي لكل من ساعدني
في هذا المنتدى الرائع
مااحب اذكر اسم شخص معين وانسى الباقين فالشكر للجميع
///////////////
رحت للسفاره (مكتب الاعتماد) الألمانيه
طبعاً بالبدايه واول خطوه سويتها
1- اخذت موعد22/6/2014
وصارتلي مشكله مع الموعد ماقدرت اسدد عن طريق النت
يطلعلي EROR
المهم طبعت الموعد * لازم تكتب الاحرف الانجليزيه كبيره
للي يقول مارضا يطبع معاي الموعد - المهم طبعت الموعد
وبدون تسديد ورحتلهم واخذت رقم انتظار ورحت للموظف على طول
طبعاً عادي مو VIP والسوالف هذي
ترى مومطلوب حجز طيران للسفاره الالمانيه وطبعاً الاخوان بالمنتدى وضحو هالشي
2- اخذ الموظف مني الابلكيشن والتعهدات انا كتبتها بخط يدي
وسهله جداً
3- اخذ كشف الحساب 3 شهور من البنك ومختوم جبته معاي احتياط
4- تعريف بالراتب بالانجليزي
5-اخذ صورة الفيزا كارد احتياط جبتها
6- صور خلفيه بيضاء 2
7- التأمين الطبي اخذته من شركتي وكان ميد غلف وراسلنا شكرة ميدغلف
وارسلولي الخطاب بملف pdf ونسخته ملون واخذه الموظف بدون اي مشكله
8- صوره للجواز اول 3 صفحات -صفحةالجواز الاولى والمرافقين والتوقيع
9- حجز عن طريق بوكينق للي يقول مايقبلون بوكينق اخذها وماقال شي
9- المهم دفعت الرسوم ودفعت رسوم الموعد عندهم * في ناس قالولي مايصير تسدد
الموعد عندهم فالموعد يسدد عندهم عادي مافي اي مشكله
10- قال الموظف تعال معي بصم وبصمت طبعاً البصمه بجنب كاونتر الموظف
اللي اخذ اوراقي
المهم مااخذ مني الا ربع ساعه وانا مخلص من عنده كل هالاجراءات
وطحت بواحد هندي حبوب وطيب ونفسيته توب
حبيت اني اعتمد على نفسي ولا اروح لمكاتب السفريات واسعارهم المبالغ فيه
وحسيت مالها داعي مكتب سفريات وانا جاي جاي سواء مكتب او بنفسي
فإختصر هالخطوه احسنلك واوفرلك
وبعدين صدقوني اذا اوراقكم كامله وش اللي يمنع انك تقدم بنفسك ليش هالخوف
وحطيت ببالي حتى لورفضو الفيزا
مافي مشكله اسافر لأي دوله وبلا هالقاره العجوز
وبعدها جتني رساله has been dispatched to the embassy
2
has been recieved by embassy
3
under process
4
is ready for collection
5
has been dispatched from the embassy
6
وهذي اخر رساله بعد مااستلمت الجواز منهم امس
collected from joint visa
واستلمت الفيزا لله الحمد 9/7/2014
طبعاً اختصرت الرسايل
المهم بالنسبه لأستلام الجواز ترى مافي مشكله بالنسبه
للي ضيع الايصال تعطيهم رقم الجواز ويطلعلك جوازك
او احد يستلمه عنك - صارت مع اللي كان قبلي استلم جوازات غيره
واللي بجنبي مامعاه ايصال وعطاهم رقم الجواز وبدون اي مشكله استلم
الجواز
زبدة الكلام يااخوان المسئله بسيطه فوق ماتتصورون
بس الناس اللي يهديهم مكبرينها حيل وخايفين بسبب عدم اكتمال اوراقهم
فإعتمد على نفسك ولاتروح مكاتب دام ربعنا موجودين بالهالمنتدى
هذي تجربتي وحبيت اني اطرحها للأستفاده
وأي سؤال ابشروووووووومواضيع عشوائيه ممكن تكون تعجبك اخترناها لك:
- إستفسار صغير
- تم استلام جوازي من السفاراه الالمانيه بتاريخ
- استفسار عن الفيزا الالمانيه ضروري تكفون
- سؤال عن تأشيرة السعودية للعائلة
- استفسار عاجل عن مشكلة في تعديل تاريخ الميلاد في طلب الفيزا
- تجربتي في السفارة النمساوية
- تقديم الطلب من البحرين
- ضروري وعاجل بالله عليكم -لاتتركوني بدون رد
- سؤال عن السفر إلى دولة أوروبية أخرى في السفرات اللاحقة بعد إصدار تأشيرة الشنغن
- بعد قراءة صفحة قدمت لفيزا بريطانيا
- استفسار بخصوص مدة فيزا الشنغن والتمديد
- التأشيرة و مشاكلها معي
- طلب المساعده في الفيزا الامريكية
- فيزا بورتريكو
- خدمة الاونلاين فيزا كندا
- متطلبات الفيزة الهندية في الرياض لغرض السياحة
- وش المطلوب لفيزة الهند تكفون ياللي سافروا قريب
- فيزتي البريطانية انفرضت ارجو المساعده
- تأخر الفيزا من السفارة النمساوية
- الفيزا خلصت اليوم وسفري الاحد الجاي الفجر؟؟!!!!!!!
المفضلات