أولاً انا مسافر تبع AIESEC للى يعرفها واللى ميعرفهاش يقرا عنها فى النت لأن وضعى مختلف عن الناس اللى بتقدم لأغراض تانية
اول ماوصلت سلمت الأوراق للحارس اللى على البوابة وكنت عامل نسختين واحدة اصلية وواحدة مصورة بس هو اخد الاصلية وقالى مش عاوزين التانية
بعد شوية نده عليا ودخلت لشباك على اليمين فيه واحدة بتراجع الورق وبتقولك لو فى حاجة ناقصة وبتخليك تبصم على جهاز الكترونى , بعدها بتديك ايصال فيه ميعاد الإستلام ومصاريف الفيزا ( ميعاد الإستلام يوم 27-7 يعنى 13 يوم بالتمام والكمال شغل اجانب بقى ) ........بس الغريب ان الفيزا بتاعتى كان عليها خصم 25% ودفعت 421 جنيه فقط مش عارف ليه , وعملت علامة صح على الابلكيشن بتاعى وكتبت من فوق AIESEC!!
بعدها روحت لشباك تانى على الشمال دفعت وفضلت واقف فى الطرقة لحد الحارس مدخلنى على القنصل ودى ملخص المقابلة
اولاً المقابلة انجليزى ومحبتش اسال عن مترجم لانى المفروض مسافر اعلم الاطفال انجليزى فا لازم اديلو انطباع كويس عنى
اول سؤال قالى ايه المشروع بتاعك فى aiesec قولتلو هعلم الاطفال انجلش وهقدم بلدى للى هيكونو معايا هناك
قالى هتقعد شهرين؟ قولتلو اه
بعد كدة قالى سافرت بولندا قبل كدة قولتلو لا قالى ولا الشينجن قولتلو لا برضو
وهو بيقلب فى الورق وصل لكشف الحساب قالى ده بتاعك ولا بتاع والدك قولتلو لا بتاعى قام بص فى الاسم وفتح الباسبور يشوفو نفس الاسم ولا لا على اساس انى هغشو
وصلنا بقى للحظة التوتر بيقولى انت متخرج قولتلو لا لسه بدرس قالى فى اى سنة؟ جيت اقولو second اتوترت وقولتلو two حسيت انى فعلا ممكن اترفض بسببها دى , قام قالى second? قولتلو Yes قالى ok two حسيتو بيتريق
بعد كدة بيكمل تفنيط فى الورق قولتلو دى صورة البطاقة والباسبور والكارنيه وكدة قالى اه انا شوفتهم بعد كدة قالى ok go !!
ده كل اللى حصل بالظبط
ولما أستلم الباسبورت ان شاء الله بعد 12 يوم هقولكم على باقى التفاصيل
وياريت تدعولى بإستلام الفيزا لانى تعبت كتير فى استخراج الأوراق ومش عاوز التعب يروح على الفاضىمواضيع عشوائيه ممكن تكون تعجبك اخترناها لك:
- الحصول علي الفيزا الامريكية ارجو الافادة من لديه خبرة
- استفسار مستعجل عن التسديد والموعد
- مشكلة المكتب الموحد الخبر ايطاليا
- وصلني هذا الايميل من السفارة البريطانية اللي قد جاه يطمني😢
- ساعدوني رجاااااااااء للسفر لتركيا من مصر ترانزيت يحتاج الي تصريح امني ؟؟
- مشكلة عدم توفر المواعيد سفارة اسبانيا
- انتقال مركز التأشيرات السويسري للمقر الجديد
- فيزا دبي
- ضروري لضيق الوقت أرجوكم
- استفسار السفر بالخادمة لدولة البحرين
- إستفسار بخصوص الفيزا الأوربية
- التعاونية ترفض التأمين لفيزا الشنجن للمسافرين
- نماذج فيز الدول العربية
- استخراج فيزا اسبانيه
- استفسار بخصوص استخراج التاشيرة
- فيزة رومانيا الشنقن هل تشمل دول اروبا الاخرى
- بخصوص الفيزا السويسرية الشنغن
- تجربتي اليوم في الحصول على التأشيرة الامريكية
- تم رفض الفيزا البريطانية ارجو المساعدة وأخذ المشورة من اهل الخبرة
- فيزا ترانزيت الصين
المفضلات