السلام عليكم ورحمة الله وبركاته
أول شيء قبل ما أبدأ الموضوع احب اشكر كل احد في هذا المنتدى اللي ساعدني بعد الله في التقديم لفيزا الشنغن
لدى السفارة الفرنسية في مركز التآشيرات الموحد بالرياض.. كان كل موضوع مفيد وكل استفسار يحظى بالرد السريع من الأعضاء فجزاكم الله ألف خير
وأخص بالشكر اخواني Tab و آخر فرصه.الله يفتح لكم كل باب خير ويحقق لكم كل ما تتمنون لان الموضوع
كان جد مؤرقني خاصة اني كنت متأخره في التقديم وماكان في وقت كافي.
أول شيء واجهنا صعوبه في حجز موعد من الانترنت لان الموقع كان في مشكله تقريبا كان نص رمضان
فاضطرينا نروح للمركز نفسه ..أول شيء قال الاستقبال مافي مواعيد متوفره يعني زي افقدوا الأمل لان كان زحمممه ...بس الحمد لله ماسمعنا له قلنا اعطينا رقم وبس..
دخلت عند مشرف السفاره الفرنسيه وكان عنده ناس كثير بعدين سألني وش المشكله قلت اني ابغى احجز مواعيد
فقالي انتظري هنا بتجي واحده وتسوي اللي تبين.. وجلست اتجول بالمكان انتظر فجأه واحده وقالت what's the problem
قلت لها اني ابغى احجز مواعيد وهكذا..دخلت معاها المكتب وسألتني كم موعد تبين واخذت الجوازات
وبعدين صار اقرب موعد قبل سفرتنا بتسع ايام فقط
ولكنها طمنتني انها بتجلس من ٥ ايام إلي ٨ أيام
بعدها رجعت البيت وبديت اشتغل عالابلكيشنز طبعا احنا عائلة كثار ماشاء اللهوالابلكيشنز كان في اسئلة كثير
وكنت اسألكم هنا وتردون بكل رحابة صدر شكرا مره ثانيه
وبرضو دقيت عالمركز نفسهم وكانوا يردون ويجاوبون على اسئلتي اللي ماتخلص وكمان ارسلت ايميل للمركز نفسهم وجاوبوني بعد..
بعد الاسئلة الكثيره والقراءات المتعددة جمعت المستندات التالية:
١-تأمين سويته عند التعاونية.
٢-صورتين لكل شخص.
٣-تعريف بعمل وراتب المتكفل بالمصاريف.
٤- كشف حسابه لآخر ٤ شهور.
٥-تذاكر السفر.
٦-حجوزات الفنادق.
٧-الجوازات واصحباها موقعين عليها.*بالنسبة للي تحت ١٨ يوقع عنهم ولي أمرهم.
٨-صوره لكل جواز مع الصفحه الموقع عليها.(بالنسبه للنساء لازم تطلع منابت الشعر واضحه )
٩-الابلكيشنز.(اصحابها موقعين عليها)* بالنسبة للأطفال تحت ١٨يوقع عنهم ولي امرهم
بالنسبة لبنت اختي اللي بتسافر معانا كان يلزمها مسنتدات (دوكيومنتس) زياده:
١-خطاب من ولي أمرها يسمح لها بالسفر (لانه مو مسافر معاها وهي طفله) يحتوي على توقيعه مع توقيع الام
٢-صورة من جواز ولي امرها موقع عليه (واحنا بالمركز طلبوا يشوفون الاصلي وكان معاي الحمد لله D:
٣-خطاب من المتكفل يتعهد في انو بيتكفل بمصاريفها وموقع عليه.
الحين كل فرد من العائلة اوراقه صارت مرتبة كالتالي :
الابلكيشن - الصور -الجواز -صورة الجواز-حجز الفندق (اول فندق راح نسكن فيه) -حجز الطيران-التأمين-صورة لفيزا قديمه-بس
المتكفل:
الابلكيشن -الصور -الجواز-صورة الجواز-حجز الفنادق (كلها اللي راح نتنقل لها)- -حجز الطيران-تعريف بالعمل والراتب-كشف حساب-التأمين.
وحان الموعد كان يوم الأحد قبل امس
اخذوا كل الاوراق طبعا الحمد لله كانت كامله وزياده كشف الحساب اخذوا بس آخر شهرين وتذاكر السفر رجعوها
والحمد لله خلصنا وكان المكان مو زحمة ابدا زي رمضان __
وعسى في كل تأخيره خيرةوبإذن الله راح ابشركم انها طلعت كلها
واللي عندو أي سؤال لا يتردد (L)مواضيع عشوائيه ممكن تكون تعجبك اخترناها لك:
- استفسار بخصوص حجز الفنادق لفيزا شنغن
- قرار من الامارات بمنع اليمنيين و السوريين من دخول أراضيها
- استفسار عن دخول دول الخليج
- تغيير مواعيد السفر بعد تقديم الشنغن
- استفسارات فيزا امريكا الجنوبية و الوسطى مرجع
- استفسار مهم فيزة بريطانيا للمتقاعدين؟
- الاستفسار عن الحصول على تأشيرة أوكرانيا
- محتاج فيزا شنغن مستعد لدفع أي مبلغ لإستعجالها
- اختلاف في التوقيع
- استفسار بخصوص فيزا استراليا الترانزيت
- هل يوجد طريقة اخرى لتسديد رسوم التأشيره غير الفيزا او المستر كارد
- ارغب في استخراج تاشيرة شنغن للتشيك وعددنا 5 اشخاص
- فزعتكم عاجلا استخراج فيزا شنغن لطفلتي عمرها شهرين
- هل تجديد الفيزا الشنقن يحتاج حضور للمركز الموحد ؟؟
- بخصوص فيزا الارجنتين؟؟؟
- فيزا شنغنالكويت
- عندى مشكله بخصوص حجز الفنادق ومحتار جدا جدا
- استفسار عن الراتب
- بخصوص الفيزا
- استعلام
المفضلات