السلام عليكم ..
احبائي احب اقولكم عن رحلتي البسيطه للبحر الميت وانشاءلله ماتكون ممله ..
قررنا نروح للبحر الميت الاسبوع الماضي , وطبعا اخترنا يوم الجمعه لان اليوم الوحيد اللي ماعندي فيه جلسات علاج لولدي واقدر اروح فيه لمشوار بعيد , بينما باقي الايام يادوب اطلع مشاوير قريبه بس ..
المهم قمنا صباح الجمعه وكان طبعا هالكلام قبل هطول الامطار وقبل ان يشتد البرد , وكان الصباح جميل ومشمس وبارد على خفيف ( يعني ربيعي )افطرنا وظفينا اغراضنا على اساس نقضي النهار هناك ونرجع قبل تظلم , وكانت هذه اول مره نروح ولا ندري وش بنلقى وكيف الوضع هناك ..
المهم مشينا والطريق تقريبا من شقتنا بالجبيهه الى هناك كان ساعه , ويوم وصلنا هناك كان زحمه شوي ولا ندري باي منطقه نجلس لانه كان فيه كذا موقف او شاطئ
فيه مواقف عند الشواطئ المجانيه
ومواقف عند الشاطئ السياحي وهذا دخوليته للاردني 10 دينار وللسائح 15 دينار ..
وطبعا فيه الشاليهات الخاصه اللي عند الفنادق اشوفها من بعيد وكان ماعندها ناس وحسيتها خاليه لذلك مافضلتها لاني حسيت مافيها حياة , وممكن تكون حلوه للي بيقضي يوم كامل هناك وحاب ياخذ شاليه خاص عشان يرتاح ..
المهم احنا اخترنا الشاطئ السياحي لان المجاني ماكان مرتب ولا فيه جلسات ولا مظلات , الا اللي جايب مظلاته واغراضه معاه ممكن يرتاح , يعني هذا مناسب للمقيمين بالبلد لانه متوفره كل هالاغراض عندهم بس السائح اكيد ماراح يكون جايب معه كل هالاغراض لذلك الشاطئ السياحي كان مناسب جدا وموفر كل سبل الراحه ..
دخلنا وكان مرتب جدا وعلى شكل مدرجات او طوابق مدرجه , يعني تدخل تلقى ساحه كبيره فيها المقى ومطعم فيه بوفيه مفتوح واعتقد انه تبع جبريوكان اغلبه اجانب ياخذون من البوفيه ويصفون على هالطاولات وياكلون ..
واذا مشيت شوي تنزل مثل الدرجه وتلقى الساحه اللي فيه جلسات ومظلات خشب ثابته وكراسي وطاولات والمسبح بالوسط ( وكان مسبح كبير جدا ومرتب ونظيف ) والجلسات داير مداره .. طبعا البحر بالاخير لازم ننزل كذا مدرج بعدين ننزل للشاطئ .. بعد كذا ننزل درجه ثانيه ونلقى نفس الجلسات اللي تو ومسبح ثاني كبير كذلك وهذا للاطفال والصغار اللي توهم مايعرفون يسبحون زين لان المسبح اللي بالمدرج الاول للكبار وكان اغلبه اجانب جالسين يتشمسونبينما المسبح اللي بالمدرج الثاني للي عندهم اطفال صغار يسبحون والاهل جالسين على الطاولات وكان اغلبه عرب (وطبعا احنا جلسنا فيه لانه كان مناسب)
ولا زال فيه المدرج الثالث ننزل درجه بعد هالمسبح ونصير بمدرج اللي قبل الشاطي وهذا فيه مثل اماكن مفتوحه للدش للي يبي يتحمم بالمويه بعد ما يطلع من البحر وقبل لا يطلع لمدرجات المسابح عشان لا ينتقل رمل البحر معاه للمسابح (وبصراحه هذه الطريقه جميله لانها حافظت على نظافة المسابح )
واخر شي تنزل على درج عريض ينزلك للشاطئ وفيه ناس فارشين جنب الشاطئ وجالسين وناس مثلنا مخلين اغراضهم على الطاولات اللي عند المسبح وينزلون للشاطئ ثم يرجعون لها ..
طبعا احنا جلسنا بعد ما اخذنا جوله وتفرجنا واخذنا طابات من المقهى ( شاي وقهوه وكيك ) وجلسنا على الطاوله وتمتعنا بالجو الجميل وحتى العائلات المجاوره لنا كانوا ودودين وكان فيه حديث مشترك بينا مما اظفى على الجلسه بعض المتعه والتعليقات الساخره على حركات اطفالنا
وبهذه الصوره انا في المدرج الثالث اللي فيه الدوش للي بيغسل قبل يطلع للمسبح وهذا هو واضح قدامي الدش وبالمقابل طالع المدرج الثاني اللي احنا جالسين فيه وهذه المظلات الخشبيه واظحه وتحتها الكراسي والطاولات والناس جالسه هناك حول المسبح ( بس كان من غير الائق اني اصور في نفس المكان لانه خصوصية ناس جالسين على المسبح ولا حبيت احرجهم )
وهذه صوره وانا بنفس المكان لكن هالمره موجهه الكاميرا لتحت على الشاطئ وجلسات المسابح اصبحت خلفي
واخيرا هذه صوره وانا نازله تحت وواقفه على الشاطئ ومصوره المنظر اللي فوق وشاطئ البحر
مواضيع عشوائيه ممكن تكون تعجبك اخترناها لك:
- سد مأرب العظيم صور
- جولة في متحف الأطفال ـ حدائق الحسين
- معلومات سياحية عن ليبيا
- الدراسة في الأردن أو ماليزيا ؟
- الحمامات التونسية باقة من المتعة للسياح والزائرين
- مسخن بنت الجبل ؟؟؟
- سؤال لاهل الاردن عاجل
- برنامج لمدة ايام للسفر الي تونس
- صور أخرى من ليبيا متجدد
- استفسار مهم لواحد يبغى يزورالمغرب العربيجزائرتونسمغرب
- السكن للعزاب ،،
- عاجل
- تذكرة اقتصادية
- الى جميع محبي تونس عاجل جدااا
- الاردن من تبوك او القريات
- استفسار عن فيزا للبحرين سياحه
- صور تونسية موسوعة صور تونس
- السياحة في الأردن مقال شامل أعجبني
- اكبر مدبنة العاب بشمال افريقيا
- مساعده في ايجاد شقه في تونس العاصمه
رد مع اقتباس
وناموا الاطفال وبداء هنا الاحساس بالجوع طيب وش الحل ؟؟
وقلنا خل نجربها خاصة انها قريبه عندنا وبتكون اسرع حل , وعلى طول اتصلنا بالسايق وطلبنا منه يروح يجيب لنا منها وجابها واكلناها وبصراحه كانت لذيذه جدا وخاصة اللي بالخضار فقط واللي بالجبن ..
المشاركة الأصلية كتبت بواسطة =ريم=
المفضلات