الموضوع: توني راجع من قبرص ولله الحمد اللي يبي اى استفسار انا جاهز

السلام عليكم ورحمة الله وبركاته...

هذي رجعتي تو من قبرص ولله الحمد وللي بفضل الله تكللت بالنجاح وسعة الصدر .....كانت رحلتي متنقله ما بين ليماسول وايانابا ولارنكا ....

عندي بعض الاشياء اللي ودي اقولها طحت بتاكسي مصري (صح لعب عليه لين قال بس) لكن والله شفت كل شي صراحه وداني اماكن حلوه وخاص مافي الا انا واللي معي لا معنا ذا الناس والحوسه وبزارينهم الله يهديهم ذا الاجانب(مع ان بزارينهم كل واحد مدك تاكله) بس ولو يطولون مايرجعون الا الليل وحنا يا العرب نبي نشوف ونقعد عنده وبس لين اليوم كله ..مستعجلين دايما

امممممممممممم بس اللي وده يعرف اى شي هناك يسال وانا فى الخدمه ...

احب قبل ما انسى اني اشكر كل من قدم معلومات عن هذي الجزيره الرائعه المشكله اني ما اذكر اسمائهم ولا ابي احد يزعل علي بس اذكر اسم اخر الفرسان الله يعطيه العافيه ويوفقه يارب اللي استفدت منه كثير صراحه ولا يهونون باقي الاخوان ولااخوات ما قصروا والله بس العتب على الذاكره الاسماء ما اتذكرها والله..

والف شكر للجميع

مواضيع عشوائيه ممكن تكون تعجبك اخترناها لك:

• لمن أراد السفر بالقطار في السويد
• كم سعر التذكره من الرياض لأوكرانيا؟
• أين تتزلج في أوروبا ؟
• مجموعة من الاستفسارات حول بلجيكا وضواحيها
• من مطار براغ محطة الباصات فلورنس كارلوفي فري كيف الطريق؟
• ممكن الدخول والمساعده؟؟؟؟؟؟؟؟؟؟
• هل بطاقات مسبقة الدفع مقبوله لشركات التأجير
• ارجو مساعدتي في رحلتي الى البوسنة
• سؤال عن قارة أوروبا ؟؟؟؟
• اي معلومه عن فنلنداااا
• رحلتي لجورجيا وتحذير من بعض المواقف* ألقي نظرة عشان تأمن نفسك
• استفسار عن سفر الباخره
• طير هل ألف تكفي للذهاب إلى النرويج؟
• سعر التاشيره الاوربيه
• مساعدة عاجلة عن السفر لجورجيا ام روسيا
• هل استطيع استخراج الفيزا من سفارة التشيك في الكويت
• هولندا وبلجيكا في اكتوبر
• خبراء هولندا ممكن مساعدة
• سفره ولا في البال
• اذا كانت النيه على المجـــــــــــر سم الله وادخـــــــــــــــل

لو سمحت استفساراتي عن الفيزا لو سمحت كم تطول بالتفصيل

ورقم السفاره

دمتم سالمين

الحمدلله على السلامة يا توني هل لك ان تعطيني معلومات عن الحياة المعيشية في قبرص وعن كيفية الموفقة على الفيزا
وماهي الشروط اللازمة للسفر لقبرص

المشاركة الأصلية كتبت بواسطة q3qoo3


لو سمحت استفساراتي عن الفيزا لو سمحت كم تطول بالتفصيل

ورقم السفاره

دمتم سالمين



اسف على الاطاله بس ماجاني الرد بالايميل وكويس اني شيكت ...

وبالنسبه للفيزا ولا اسهل منها ما يحتاج تروح للسفاره الا اذا انت تبغى يعني عطها اى مكتب ويخلصها لك ..
واذا تبي مكتب معين عندك مكتب العطار للسياحه والسفر تعطيهم اذا ما كنت واهم 120 او 170 وثلاث ايام الا وهي عندك بس تعبي ابلكيشن عندهم وكل شي يخلص .

ومشكوور.

المشاركة الأصلية كتبت بواسطة ramikanbar


الحمدلله على السلامة يا توني هل لك ان تعطيني معلومات عن الحياة المعيشية في قبرص وعن كيفية الموفقة على الفيزا
وماهي الشروط اللازمة للسفر لقبرص



اهلين واسف للاطاله ..اولا اسمي نايف مو توني هذي كلمه عندنا بالسعوديه (توني) يعني الان يعني الان راجع من قبرص ...بس مو مشكله اسمين ولا احلى منها نايف او توني ..حتى توني حلو..

المعيشه يا عزيزي تعتبر غاليه بس مو غاليه مره مره ...الباوند الواحد يعادل 7ريال ونصف .(وعليك الحسبه)

اللي صراحه تلاحظ انه غالي ويمكن يهز الميزانيه التكاسي بصراحه اشوفها انا مبالغ فيها مره العداد تشوفه يمشي مقل ثواني الساعه والله العظيم وفتحة الباب عشان تركب 2ونص يعني انا اعتبره غالي بالنسبه للدول الثانيه .

اما بالنسبه للاكل والله يا عزيزي اغلب اكلهم خنزير وانت بكرامه فا اعتمدنا على المطاعم العالميه (ماكدونادز_بيتزا هت _كنتاكي _وفي مطاعم لبنانيه ما فيها شي كباب وحمص وزي كذا)واسعارها عاديه نفس باقي الدول الثانيه فا الاكل ان شالله لا تشيل هم .

بالنسبه للاماكن الترفيهيه بصراحه مافي كثير بس اسعارها معقوله وتستاهلها مثل الواتر بارك (العلب مائيه)
حلوه مره واسعارها معقوله امممممممم مدري اذا كنت افتدك ولا لا بالنسبه للمعيشه واذا في شي فى بالك علمني وانا اجاوبك.

بالنسبه للفيزا مافي شي صعب انا اخذتها عن طريق مكتب وسهلي كل شي سلمت جوازي وعبيت ابلكيشن وعطيته سعر ما يقارب ال170 ريال وثلاث ايام وهي طالعه وخالصه .

ما ادري اذا كان افدتك وزي ما قلتلك اذا في شي معين قولي وارد عليك ....والف شكر

حمدلله علي السلامه ياتوني ههههههه اخوي استفسار عن اسعار الفنادق واسماء الفنادق اللي سكنت فيها

حبيبي نايف الحمد لله على السلامه والله يعطيك العافيه

معلومات قيمه ومنكم نستفيد الله يعافيك

ياليتك رجعت لبعض المواضيع المكتوبه بالكامل كان

لقيت بعض التنبيهات بالنسبه للمواصلات خاصه التكاسي

وتركتها وحجزت عن طريق المكاتب السياحيه كان وفرت

كثير وايضا لو رحت لشمال قبرص التركيه متعه .

على العموم الحمد لله على السلامه والجيات اكثر على

فكره كنت هناك بهذي الاجازه كان وريتك قبرص على

اصولها وتحياتي للجميع؟

اهلييين والله يسلمك والحمدالله على السلامه ....والله مدري كثيرين قالولي لا تروح التركيه عشان كذا ما رحت قالو اقل من عاديه مدري عنهم عاد

ثانيا الشركات اللي تقول عنها يعني ما تاخذ قروبات ؟؟ ولا تقدر تاخذها الحالك ؟؟

ثالثا والله من جد قهر ما كنت ادري انك هناك على الاقل شفنا اشياء اكثر معك ..

ويعطيك العافيه ...

حمدا لله على سلامتكم اخي العزيز نايف والحمدلله انك انبسطت بسفرتك والخير والبركة فيك وفي اعضاء المنتدى الغالين

يسعدك ربي

يا اهليييييييييييين وسهلييين باخر الفرسان ......يله شفلنا سفره ثانيه على ذوقك خلنا ننبسط ....تصدق اني افكر يا بروناي او اليابان مدري ليش ماسكه معي هالثنتين ولا انت شفلي سفره على مزاجك

ويعطيك الف عافيه على مرورك الكريم ونشوفك انشالله في مناسبات ثانيه ....

الحمد الله على السلامة توني ههههههههه

بصراحه عجبني اسمك

اخ توني

والله احسن مافي قبرص الشواطئ وناسها ...............واممممممممممم والباقي عادي

مشكوووور اخوي

الف الحمد لله على السلامه..

حبيبي نايف الحمد لله على السلامه والله يعطيك العافيه

اسف للتاخير بس والله احس قبرص يستاهل تكون متزوج والجو والشواظئ بس

الأخ نايف

الحمدلله على السلامه

الله يسلمك يا مهاجر ...ومشكووور على مرورك