الموضوع: احتاج معلومات عن الاردن

السلام عليكم
انوي زيارة الاردن لاول مره انا وصديقي
حبيت اعرف عنوان سويتات فندقيه في عمان وبمكان ممتاز وتكون راقيه
وحبيت اعرف مكان استئجار سيار مع سائق وكم السعرالمعقول؟
وياليت حبيت اعرف كيف الجو هذي الايام ووش تنصحوني بالاماكن الحلوه
وهل الخطوط الاردنيه ممتازة؟ وش تنصحون اخذ خط تلفون؟ وماهي نصائحكم وتحذيراتكم؟

مواضيع عشوائيه ممكن تكون تعجبك اخترناها لك:

• ماهي البنوك المشتركه بين الجزائر ومصر
• الجزائر أروبا صغيرة على أرض افريقيا
• فنادق جبل الحسين
• انا اتحدي اي واحد يعرف وين هذي المنطقة
• أنا مغربي أريد السفر للأردن استفسار
• سؤال لاهل الاردن ؟؟؟؟؟
• لكل مسافر إلى تونس
• مهرجان صيف عمّان
• كم المسافة بين عمان ودمشق وبكم ساعة اقطعها
• عاااجل أسواق مشهد الايرانية
• مطلوب استشارة بخصوص السفر للاردن
• صور لرحلتي الى اهل الكهف والبحر الميت في الاردن
• ممكن مساعدة
• الحياة اليومية في الجزائر
• اليمن بتصوير الوالدة الله يحفظها
• سؤال عن اليمن السعيد
• عاجل الفزعة ياهل تبوك
• جولهـ استكشافيهـ غيرت الكثير
• هل أجد خريطة سياحية للأردن عمان ؟؟
• تحذير من السفر لسوريا بالسياره

؟؟؟؟؟؟؟؟؟؟؟؟؟؟؟؟؟

اخوي ابن الرياض .. بالنسبه للسويتات الفندقيه انصحك ومن تجربه شخصيه عقب مانصحوني فيها بالمنتدى ان تأخذ بيتي روز سويت بالشميساني منطقه رائعه وحولها كل المتطلبات , والفندق نفسه رائع وجميل وسعره كذلك مناسب جدا ..
وتجد شرح كامل عن بيتي روز وهو عباره عن سويتات فندقيه , في موضوع مثبت في اعلى الصفحه بعنوان
دليل شامل للفنادق والشقق المفروشه بالاردن
ولما تدخل الموضوع بتلقى باخر الصفحه موضوع للاخ saharaA فيه شرح وافي عن السويتات وبتلقى العنوان ..

وبالنسبه للسائق والسياره ما اقدر افيدك للاسف لاني انا جايه بسيارتي الخاصه من الرياض لذلك ما احتجت سياره بعمان ..


وبالنسبه للجو طبعا اعمل حسابك انه برد موووووووت واحيانا يكون اخف شوي , هذا غير الامطار اللي تزيد من البروده احيانا
بس اذا اخذت اجنحة بيتي روز بتكون مرتاح لان فيها تدفئه مركزيه , لذلك بالفندق تكون مرتاح شوي من ( تلبيد الهدوم ) بس اذا طلعت ثقل اللبس ...

وبالنسبه للخطوط الاردنيه اعتقد انها كويسه ومافيها الا عيب واحد وهو انك لو يصادفك ضروف و تضطر تغير رحلتك بعد ما قصيت التذاكر يضيع عليك نسبه من سعر التذكره
بينما الخطوط السعوديه لو غيرت توقيت الرحله ما تخسر شي وحتى لو تهون مره وحده ترجع لك فلوسك ..

وبالنسبه لخط التلفون انصحك بامنيه خاصة اذا انت رقمك السعودي ورقم اللي بتتصل فيهم من الاتصالات السعوديه stc لانه لهم اتفاق مع بعض , يعني لو تتصل من امنيه على رقم من الاتصالات السعوديه ارخص من الشبكات الاردنيه الثانيه ..

ونصائحي لك ياخوي انك تتصل بامك اول ماتاصل وتطمنها عليك لاني اشوف الام دائما قلبها يغلي على عيالها وتبي بس تتطمن انهم بخير وهم يستكثرون هالشي عليها ويمكن ينسون , بينما لا ينسون انهم يتصلون ويهذرون بالساعات مع ربعهم على امور ماتسوى ..
ثانيا استمتع برحلتك واتقي الله حيثما كنت فأعلم انه يراك حتى ان لم تكن تراه ..

تحياتي لك واتمنى اني قدرت افيدك ولو بجزء بسيط ..
اختك : ريم

وعليكم السلام ورحمة الله وبركاته

عمان فيه فنادق كثيره وانا انصحك الان السكن في حي الشميساني من ناحية الجو
واذكرلك بعض الفنادق في المنطقه فندق الشرق الاوسط وفندق الكمودور وفندف الامباسدور وفندق اغادير
والاخير انا جربته ممتاز لبعد الحدود وانا سكنت عندهم وهذا التلفون والايميل
علماً انه تاسس 1997واعيد تاثيث وصيانته في عام2007

+962 6 583386: هاتف
+962 6 5604136: فاكس
mailto:[email protected] : بريد إلكتروني

اما اماكن أستئجار السياراة في نفس المنطقه عند حدائق الملك عبدالله
والجو الان مال الي البروده في اليل
والخطوط الاردنيه جيده ولكن الافظل الخطوط السعوديه
والاماكن كثيره في العاصمه
وانصحك ان تتفق مع سائق تكسي على برنامج يوم كامل
اما عن خط التلفون يوجد في الاردن ثلاث شبكات والافظل امنيه
واتمنى لك رحله موفقه ولك كل احترامي



__________________

خذ خط زين الاردنية لانه تشتغل بالسعودية وأنا مجرب
بس تشتغل دولي بالسعودية (زين الاردنية)
أحسن منطقة بعمان الجبيهة وأتجه لشقق الاحفاد أحسن لك وأدفا لك بعد حيي
*************
ياأبن الرياض
لك حق تزعل ولك حق نرضيك
رحـــــلة سعــــيدة وتصـــلون بالســــلامة
كاسترو الشمالي بخدمتك من حائل الى عمـــان


تم التحرير من مشرف البوابة .
تعليقات وخروج عن صلب الموضوع

هذا رابط من المشرف الغالي
http://www.arabtravelersforum.com/travel316617/

شكرا فديتكم والله مستحي منكم والله كفيتوا ووفيتوا فديتكم

المشاركة الأصلية كتبت بواسطة هواها قطري
http://www.arabtravelersforum.com/tr...5/#post3581425

اخي ابن الرياض :ماشاء الله الاخوة اعطوك معلومات رائعة بس احب اني افيدك ببعض الاشياء حتى ما اكون بخيلة خخخخ
اولا بخصوص السكن ليش انت و صديقك ما تأجرون لكم استديو في منطقة ضاحية الرشيد ترى هالمنطقة راقية جدا وهادية والكثير من العائلات والشباب السعوديين إلي جايين لفترات قصيرة اجوفهم يسكنون فيهاوفي الكثير من الاستديوهات للايجار.
ثانيا بالنسبة لخط الهاتف انا شخصيا انصحك بخط امنية لانه كثيييييييييييييير ارخص من زين ترى عن تجربه شخصية انا عندي الخطين و دايما اكلم هلي في قطر بالساعات من خط امنية اما زين فما يصلح تتصل في لبرع لانه ينصرف مثل الماااي.
بخصوص السايق والله في انا اعرف سائق محترم ممكن يرافقكم ويجيبكم ويوديكم وهو سائق محترم وكان عايش في الامارات قبل بس طبعا موش بلاش خخخخخخخخخخ كل شي بسعره هههه بس مدري إشلون اعطيك رقمه.
النصائح: مثل ما تفضلت الاخت ريم اعمل حسابك بالملابس الشتويه و إلا راح اتصير دجاج مثلج خهخخخخخخخخخخ, و دايما حاول ان ما اتشيل معك مبالغ كبيرة اكثر شي استخدم بطاقة atmو خل معاك اشوية خرده(فكه) و الخرده هااي ضرورية طبعا للتكاسي والدكاان و .......الخ, ونصيحة شخصية يا اخوي في شركة تكاسي في الاردن اسمها المميز و رقمها065799999 لان بصرااحه هالشركة معروفة وامان وبالعداد وما في اي استغلالية لان بصرااحة التكاسي الصفرة هاااي جفت منها الووووووويل خخخخخخخخخخ استغلال موب طبيعي طبعا موب كلها للامانة بس الغالبية العظمى الا من رحم ربي خخخخخخخخ فانصحك وزانت مرتاح في البيت تتصل في الشركة ويسئلونك تبي تويوتا او مرسيدس وكل ربع ساعه نصف ساعه اتحصل التكسي عندك واسعارهم جدا معقولة لان لو ركبت تكسي اصفر وشمووا فيك ريحة الخليج بيستغلونك عدل واتمنى ما احد يزعل في المنتدى من كلامي لان هذا الواقع الي جفته, واخيرا وليس اخرا اتمنى لك زيارة سعيدة وانشاالله راح تستانس لان اردن دولة جميلة بشعبها وهواها وارضها.



فديت قلبك طيب اخوي ارسلي برساله خاصه تكفى رقم السائق؟ اوكي لاهنت

اهلين فيك اخوي ابن الرياض ويسعدني ان ردي عليك بيكون اول مشاركه لي
الاردن هذي الايام بررررررررد وفيها منخفض جوي ومتوقع هبوط ثلوج
بالنسبه للسكن كثير فمثلا
عندك فندق الكراون بلازا خمس نجوم اليوم ب 118 دينار للشخص الواحد يعني بالسعودي 625 ريال واذا تجز عن طريق مكتب سياحي تاخذه ب 530 للشخص
فندق اكاسيا بالشميساني اربع نجوم الشخص الواحد ب 45 دينا يعني 238 ريال وعادي تسكن انت وصاحبك بغرفه بهذا السعر
تبي شقق عندك شقق السعاده بجانب السيفوي ماشي حاليها وفيه النبهان برضو ايجار الشقه اعتقد الحين ومو متاكد غرفتين ممكن تكون ب 30 دينار
الخط خذ خط زين حلو وفيه عروض
الخطوط الاردنية حلوه
الاماكن
عندك مجمع مكه مول على شارع مكه مجمع جدا راقي وفيه سينما رايقه
واي شي اسال عنه هنا قبل تطلع وعموما دايما حسس الي قدامك انك فاهم كل شي
احب اقولك عن الصرف الالف ريال ب 188 دينار
امرني بعد تدلل اسال الي تبغا وانا بطلع السبت يمكن نتقابل خخخخخخخخخخخ

توصل بالسلامة يارب

السيف بالتوفيق انا أن شاء الله الجمعة بعمان
هاه أبن الرياض أقتنعت والا لا