السلام عليكم ورحمة الله وبركاته
بعد الحصول على تاشيرة بريطانيا وشنغن والسفر إلى بريطانيا وشنغن احببت أن اخوض تجربة السياحة في أمريكا
واليوم تقدمت بطلب التاشيرة الأمريكية وكانت الاجراءات جداً سهله وغير معقدة واخلاق الموظفين رائعه والنفسية طيبة
وبعد الانتهاء قالت يور ركويست ابروفد يو ول رسيف مسج اون يور موبايل ويذين فايف دايز تو كوللكت يور باسبورت فروم ارامكس
يعني طلبك تمت الموافقة عليه وراح تجيك رساله خلال خمسة ايام القادمة على جوالك لاستلام جوازك من ارامكس
الحمدلله
أولاً: نصيحة للجميع محاولة الحصول على موعد فترة الصباح أفضل شي 7 ونص أو 8 افضل موعد والسبب تكون قبل الزحمة ورقمك مايطول والنفسيات على الصباح تكون افضل من فترة الظهيره j
ثانيا: احضار الموعد مطبوع بالاضافة إلى الابليكيشن مايحتاج الا الصفحة اللي فيها صورتك الشخصية
ماراح يطلبون الابليكيشن كامل لان موجود عندهم وورقة السداد مايحتاجونها لان ماتقدر تحجز موعد اذا السداد ماوصل بس اللي حاب ياخذها احتياط مو مشكله
مايحتاجون اي صورة لا للجواز ولا غيره
كشف الحساب اللي ينزل عليه الراتب بالاضافة إلى تعريف بالراتب فقط يكفي ويهمهم بكشف الحساب أنهم يطلعون على الراتب اخر ثلاثة أشهر كافي
الرصيد مايحتاج يكون فيه رصيد في الحساب طالما أن عندك راتب وللاحتياط رصيد لو 15 ألف كافي وزياده بعد
التنبيهات
يجب التحقق من عنوان اقامتك في امريكا راح يسالون عنه ولو كان فندق جيب معك عنوان الفندق الموجود في الحجز حقك ولو حاب تاخذه عشان الموظف يشوفه ويسجله عادي
تجي على حسب موعدك تلقى ناس صافين طوابير برى كل طابور امامه لوحه مسجل فيها الموعد الخاص بالطابور
بعد مايجي دورك تتاكد الموظفه من موعدك وورقة الابليكيشن اللي فيه الصورة فقط ( هي الورقه لما تسجل بياناتك كامله في الابليكيشن اللي مكتوب عليها هذه ليست تأشيره رسمية) لان بيكون فيها باركود وهذا اللي يهمهم
بعدين تدخل داخل يواجهك موظف ياخذ جوازك ووالورقه اللي فيها بالباركود يمرر الجهاز عشان يعطيك رقم
وتدخل على رقمك عند الموظفه تتاكد من معلوماتك وتشوف الاوراق اللي يحتاجونها وتبصم وهي تحط الأوراق المطلوبه في ظرف شفاف مع الجوازات
ترجع تجلس لين ماينادون رقمك مره ثانيه تدخل عند الموظف أو الموظفه للانترفيو ولو معك عائلة يكونون معك بالانترفيو والتبصيم
بعد الانترفيو تقولك او يقولك الموظف تم الموافقة ويحتاج طلبك إلى مدة (تقولك المدة)
أي سؤال أنا جاهزمواضيع عشوائيه ممكن تكون تعجبك اخترناها لك:
- مسافر جديد وتجربتي في استخراج الفيزا
- السفارة الاسبانية
- لو سمحتو المساعدة فيزا لروسيا
- لدي فيزا شنغن الفرنسيه وارغب بالذهاب الى البوسنه
- كيف استخرج فيزا سياحية كوبا وجامايكا!
- فيزا السياحية لها اكثر من شهور
- تجربتي للفيزا الامريكية
- استفسار مهم بخصوص موعد مقابلة السفارة الأمريكيه الله لا يهينكم
- تأشيرة شنغن ،، فرنسا ،، مكتب الخبر ،، ومتطلبات تسبب الحيرة
- استخراخ فيزا شنغن للسفارة الاسبانيه
- استفسار بخصوص تأشيرة النمسا
- نصيحة اضافية لوجه الله لمن يراجع مركز التاشيرة الموحدة في جدة
- فيزا من السفارة الاسبانية
- الشنقن في يوم
- إستفسار بخصوص الفيزا الأوربية
- حجز موعد للفيزا في الخبر
- أول مرة أقدم على الشنجن الفرنسية ومحتاج بعض المساعدة في كتابة نموزج الفيزا
- اهم سؤال فى المقابلة لماذا بقيت فى امريكا لمدة 4 شهور
- استفسار استمارة الطلب للفيزا النمساويه
- هل نقدر نطلع فرنسا ونرجع بريطانيا
المفضلات