السلام عليكم ورحمة الله وبركاته
بعد الحصول على تاشيرة بريطانيا وشنغن والسفر إلى بريطانيا وشنغن احببت أن اخوض تجربة السياحة في أمريكا
واليوم تقدمت بطلب التاشيرة الأمريكية وكانت الاجراءات جداً سهله وغير معقدة واخلاق الموظفين رائعه والنفسية طيبة
وبعد الانتهاء قالت يور ركويست ابروفد يو ول رسيف مسج اون يور موبايل ويذين فايف دايز تو كوللكت يور باسبورت فروم ارامكس
يعني طلبك تمت الموافقة عليه وراح تجيك رساله خلال خمسة ايام القادمة على جوالك لاستلام جوازك من ارامكس
الحمدلله
أولاً: نصيحة للجميع محاولة الحصول على موعد فترة الصباح أفضل شي 7 ونص أو 8 افضل موعد والسبب تكون قبل الزحمة ورقمك مايطول والنفسيات على الصباح تكون افضل من فترة الظهيره j
ثانيا: احضار الموعد مطبوع بالاضافة إلى الابليكيشن مايحتاج الا الصفحة اللي فيها صورتك الشخصية
ماراح يطلبون الابليكيشن كامل لان موجود عندهم وورقة السداد مايحتاجونها لان ماتقدر تحجز موعد اذا السداد ماوصل بس اللي حاب ياخذها احتياط مو مشكله
مايحتاجون اي صورة لا للجواز ولا غيره
كشف الحساب اللي ينزل عليه الراتب بالاضافة إلى تعريف بالراتب فقط يكفي ويهمهم بكشف الحساب أنهم يطلعون على الراتب اخر ثلاثة أشهر كافي
الرصيد مايحتاج يكون فيه رصيد في الحساب طالما أن عندك راتب وللاحتياط رصيد لو 15 ألف كافي وزياده بعد
التنبيهات
يجب التحقق من عنوان اقامتك في امريكا راح يسالون عنه ولو كان فندق جيب معك عنوان الفندق الموجود في الحجز حقك ولو حاب تاخذه عشان الموظف يشوفه ويسجله عادي
تجي على حسب موعدك تلقى ناس صافين طوابير برى كل طابور امامه لوحه مسجل فيها الموعد الخاص بالطابور
بعد مايجي دورك تتاكد الموظفه من موعدك وورقة الابليكيشن اللي فيه الصورة فقط ( هي الورقه لما تسجل بياناتك كامله في الابليكيشن اللي مكتوب عليها هذه ليست تأشيره رسمية) لان بيكون فيها باركود وهذا اللي يهمهم
بعدين تدخل داخل يواجهك موظف ياخذ جوازك ووالورقه اللي فيها بالباركود يمرر الجهاز عشان يعطيك رقم
وتدخل على رقمك عند الموظفه تتاكد من معلوماتك وتشوف الاوراق اللي يحتاجونها وتبصم وهي تحط الأوراق المطلوبه في ظرف شفاف مع الجوازات
ترجع تجلس لين ماينادون رقمك مره ثانيه تدخل عند الموظف أو الموظفه للانترفيو ولو معك عائلة يكونون معك بالانترفيو والتبصيم
بعد الانترفيو تقولك او يقولك الموظف تم الموافقة ويحتاج طلبك إلى مدة (تقولك المدة)
أي سؤال أنا جاهزمواضيع عشوائيه ممكن تكون تعجبك اخترناها لك:
- ما هي فترة الاقامه لفيزا الشنغن
- بالنسبة للسفارة الفرنسية
- تأمين أرامكو
- نماذج فيزا الشنغن
- فيزة رومانيا الشنقن هل تشمل دول اروبا الاخرى
- تجربتي في استخراج شنقن فرنسا من مركز الاعتماد بجدة احتيالهم
- مشكلة زوجي و جوازه ،،،
- حصلت اليوم على التأشيرة البريطانية هنا تجربتي
- متطلبات فيز الدول العربية
- استفسار عن مكتب لاستخراج الفيزا في جدة
- مسافرة إلى الأردن بجواز سفري مصري
- اريد المساعد ولكم جزيل الشكر
- المتاجرة بالمواعيد وصمت المسؤولين
- تجربتي في أستخراج فيزا الشنقن من جدة م جميع طلبات الفيزا
- اجراءت الفيزا الفرنسيه بالخبر
- الشنغن لخمس سنوات
- استفسار بخصوص فيزة اسبانيا بعد تعديل و تجديد جواز السفر
- استفسارات عاجلة جداً السفارة الألمانية
- البوسنه المختصر المفيد لــ الحصول على الدعوه واستخراج الفيزا
- شنجن فرنسا من مكتب التأشيرات بالخبر.... أرجو الإفادة.....
المفضلات