السلام عليكم
اخواني انا قدمت على السفاره لي ولعائلتي
وكان موعدنا بتاريخ 18 اوقست قبل يومين
الحمدلله كل شي كان تمام وسلس
احنا مسافرين 7 اشخاص الوالد والوالده واربع بنات واخوي الصغير ماله مقابله
وحسب ما اعرف تأخير الجوازات غالباً للرجال اكثر من النساء
مافي رجال الا الوالد وهو المتكفل بالسفر
راح اذكر تفاصيل آسئله المقابله
في المقابله كانت الأسئله
ليه بتسافرون ؟ قلنا سياحه
اي ولايه ؟ نيويورك وكاليفورنيا
هل سبق وسافرتوا ؟ قلنا بس الوالد قبل 20 سنه
قالت ليه ؟؟ للسياحه
سألت الوالد ايش وظيفتك مع ان بيدها كان تعريف العمل والراتب
لما شافت الراتب ما اهتمت كثير لكشف الحساب ناظرته نظره سريعه بس
سألت كلكم تدرسون
قلنا لا الوالده تشتغل بمدرسه قالت وش وظيفتها قلنا مديره
وانا معلمه
والباقين طلاب
قالت طلبكم مقبول بتوصلكم الجوازات خلال 3-5 ايام ماعدا جواز واحد
بياخذ من اسبوعين لثلاث
ولا ذكرت جواز مين
قالت تحبون تستلمونها مع بعض او اللي تخلص اول
احنا سفرتنا بعد شهر بالضبط من الآن
قلنا اللي تخلص اول
عطتنا ورقه صفراء وفي علامه جنب عباره تحت الاجراءات الاداريه يمكن يطلب معلومات زياده ومكتوب بياخذ من اسبوعين لثلاثه
سألتها اذا ياخذ الجواز اكثر من ثلاث اسابيع
قالت مكتوب بالورقه من اسبوعين لاربع
توقعت ان الجواز هو جواز الوالد
ما ادري اذا له علاقه سفرته السابقه او ايش السبب
وليه يتأخر
للي اخذوا نفس الورقه تأخرت جوازاتكم ؟
احنا بنسافر بعد شهر وحاجزين كل شي
في شي نقدر نسويه عشان ما يتأخر الجواز ؟ ومتى ممكن نستفسر بعد كم ؟
دخلت الموقع مكتوب كذا
Your passport is still with the US Embassy/Consulate
هذي الخانه اللي تتغير فيها الحاله والا وين ؟
ومشكورين مقدماًمواضيع عشوائيه ممكن تكون تعجبك اخترناها لك:
- سؤال عن السفر إلى دولة أوروبية أخرى في السفرات اللاحقة بعد إصدار تأشيرة الشنغن
- نماذج فيزا بريطانيا
- تجربتي في فيزا سويسرا
- عاوز اعرف خطوات والمطلوب بالظبط لفيزا سياحة تونس بالنسبة للمصريين
- ضروري جدا جدا جدا
- مكاتب استخراج تأشيرات بالكويت
- كيف استخرج فيزا سياحية كوبا وجامايكا!
- دخول اسبانيا بفيزا ايطاليه
- للي يسالون عن تتبع الطلب الفيزا بالنظام الجديد
- كيف احجز موعد في السفارة النمساوية بجدة لاستخراج الشنغن
- مساعدتكم في التأشيرة سؤال مهم جدا
- عندي استفسار بسييط عن الفيزا ساعدوني بالاجابه لو تكرمتو
- فيزة اليونان لمهندس مقيم زوج مواطنة
- نصيحة اضافية لوجه الله لمن يراجع مركز التاشيرة الموحدة في جدة
- الفيزه من النت لليمنين المسافرين الى تركيا
- استفسار عن التأمين و حجز الفندق
- حجوزات الفندق باسمي هل تنقبل ؟؟؟؟
- استفسار بخصوص السفر خارج البلاد !!
- استفسار بخصوص استخراج تاشيرة الدخول للسريلانكا
- هل بالامكان اطلع تأشيرة لامريكا قبل العيد ؟
المفضلات