السلام عليكم
اخواني انا قدمت على السفاره لي ولعائلتي
وكان موعدنا بتاريخ 18 اوقست قبل يومين
الحمدلله كل شي كان تمام وسلس
احنا مسافرين 7 اشخاص الوالد والوالده واربع بنات واخوي الصغير ماله مقابله
وحسب ما اعرف تأخير الجوازات غالباً للرجال اكثر من النساء
مافي رجال الا الوالد وهو المتكفل بالسفر
راح اذكر تفاصيل آسئله المقابله
في المقابله كانت الأسئله
ليه بتسافرون ؟ قلنا سياحه
اي ولايه ؟ نيويورك وكاليفورنيا
هل سبق وسافرتوا ؟ قلنا بس الوالد قبل 20 سنه
قالت ليه ؟؟ للسياحه
سألت الوالد ايش وظيفتك مع ان بيدها كان تعريف العمل والراتب
لما شافت الراتب ما اهتمت كثير لكشف الحساب ناظرته نظره سريعه بس
سألت كلكم تدرسون
قلنا لا الوالده تشتغل بمدرسه قالت وش وظيفتها قلنا مديره
وانا معلمه
والباقين طلاب
قالت طلبكم مقبول بتوصلكم الجوازات خلال 3-5 ايام ماعدا جواز واحد
بياخذ من اسبوعين لثلاث
ولا ذكرت جواز مين
قالت تحبون تستلمونها مع بعض او اللي تخلص اول
احنا سفرتنا بعد شهر بالضبط من الآن
قلنا اللي تخلص اول
عطتنا ورقه صفراء وفي علامه جنب عباره تحت الاجراءات الاداريه يمكن يطلب معلومات زياده ومكتوب بياخذ من اسبوعين لثلاثه
سألتها اذا ياخذ الجواز اكثر من ثلاث اسابيع
قالت مكتوب بالورقه من اسبوعين لاربع
توقعت ان الجواز هو جواز الوالد
ما ادري اذا له علاقه سفرته السابقه او ايش السبب
وليه يتأخر
للي اخذوا نفس الورقه تأخرت جوازاتكم ؟
احنا بنسافر بعد شهر وحاجزين كل شي
في شي نقدر نسويه عشان ما يتأخر الجواز ؟ ومتى ممكن نستفسر بعد كم ؟
دخلت الموقع مكتوب كذا
Your passport is still with the US Embassy/Consulate
هذي الخانه اللي تتغير فيها الحاله والا وين ؟
ومشكورين مقدماًمواضيع عشوائيه ممكن تكون تعجبك اخترناها لك:
- ضرورى ما هى متطلبات السفر من مصر الى كرواتيا
- اليوم استلمت الفيزة و اليكم المتطلبات
- استفسار عن الفيزا السياحية مشكلة
- المرجو مساعدة عاجلة
- هل هذا اسمه استغلال اما ماذا؟؟؟
- ارجو المساعده في اسرع وقت
- طلبات الشنقن
- تأشيرتي فنلندية والدخول من ميونخ ،،، واستخراج تأشيرة جديدة لزوجتي
- تجـارب الاعضاء في استخراج التاشيرة السويسرية
- تجربتي بالسفاره الفرنسيه
- ما تلاحظون ان الشنجن صارت أصعب تأشيرة في العالم على السعوديين ليش؟
- السفارة السويسرية فاجأتني بكرمها على غير العادة
- تجربتي مع الشنغن الايطالية مكتب التأشيرات بالخبر
- مكاتب استخراج تأشيرات بالكويت
- يا اهل الخير مساعدة...استخراج فيزا الدراسة في اوكرانيا
- فيزا علاج المانيا فيزا سياحية
- رقم واحد لافراد الاعائله
- تجربتي في استخراج شنقن فرنسا من مركز الاعتماد بجدة احتيالهم
- تاشيره هجرة الى الولايات المتحدة الامريكية
- ترانزيت في مطاهر القاهرة الدولي للجزائريين
المفضلات