السلام عليكم
اخواني انا قدمت على السفاره لي ولعائلتي
وكان موعدنا بتاريخ 18 اوقست قبل يومين
الحمدلله كل شي كان تمام وسلس
احنا مسافرين 7 اشخاص الوالد والوالده واربع بنات واخوي الصغير ماله مقابله
وحسب ما اعرف تأخير الجوازات غالباً للرجال اكثر من النساء
مافي رجال الا الوالد وهو المتكفل بالسفر
راح اذكر تفاصيل آسئله المقابله
في المقابله كانت الأسئله
ليه بتسافرون ؟ قلنا سياحه
اي ولايه ؟ نيويورك وكاليفورنيا
هل سبق وسافرتوا ؟ قلنا بس الوالد قبل 20 سنه
قالت ليه ؟؟ للسياحه
سألت الوالد ايش وظيفتك مع ان بيدها كان تعريف العمل والراتب
لما شافت الراتب ما اهتمت كثير لكشف الحساب ناظرته نظره سريعه بس
سألت كلكم تدرسون
قلنا لا الوالده تشتغل بمدرسه قالت وش وظيفتها قلنا مديره
وانا معلمه
والباقين طلاب
قالت طلبكم مقبول بتوصلكم الجوازات خلال 3-5 ايام ماعدا جواز واحد
بياخذ من اسبوعين لثلاث
ولا ذكرت جواز مين
قالت تحبون تستلمونها مع بعض او اللي تخلص اول
احنا سفرتنا بعد شهر بالضبط من الآن
قلنا اللي تخلص اول
عطتنا ورقه صفراء وفي علامه جنب عباره تحت الاجراءات الاداريه يمكن يطلب معلومات زياده ومكتوب بياخذ من اسبوعين لثلاثه
سألتها اذا ياخذ الجواز اكثر من ثلاث اسابيع
قالت مكتوب بالورقه من اسبوعين لاربع
توقعت ان الجواز هو جواز الوالد
ما ادري اذا له علاقه سفرته السابقه او ايش السبب
وليه يتأخر
للي اخذوا نفس الورقه تأخرت جوازاتكم ؟
احنا بنسافر بعد شهر وحاجزين كل شي
في شي نقدر نسويه عشان ما يتأخر الجواز ؟ ومتى ممكن نستفسر بعد كم ؟
دخلت الموقع مكتوب كذا
Your passport is still with the US Embassy/Consulate
هذي الخانه اللي تتغير فيها الحاله والا وين ؟
ومشكورين مقدماًمواضيع عشوائيه ممكن تكون تعجبك اخترناها لك:
- موعدي بعد اسبوعين في السفارة النمساويه
- استفسار عن فيزا الشنغن
- تجربتي في أستخراج فيزا الشنقن من جدة م جميع طلبات الفيزا
- فيزا دراسة ام سياحة؟
- مشكلة عدم اتمام التسجيل لتأشيرة الفيزا لاامريكا
- دفعت المبلغ قبل أكثر من ساعة وحتى الأن يصلني بريد إلكتروني
- موعدي في السفارة الهولندية
- فيزا دراسة لاسبانيا
- بخصوص تسجيل عنوان الفندق في الأبلكيشن
- الشنغن للاطفال
- ما هي فترة الاقامه لفيزا الشنغن
- رقم واحد لافراد الاعائله
- نماذج فيز دول اوروبا غير الشنغن
- مهم ؟؟؟!!!!!! بخصوص التأشيرة البريطانيه هل هذا صحيح؟؟؟
- لدي فيزا شنغن الفرنسيه وارغب بالذهاب الى البوسنه
- كيف احصل عل فيزا سياحية
- للسعوديين الشنجن السويسرية خلال ايام و يوم واحد للدبلوماسيين
- الفيزا الاندونيسية لليمنيين
- التقديم على الفيزا البريطانيه من دبي مع الدروس المستفاده
- وصلني هذا الايميل من السفارة البريطانية اللي قد جاه يطمني😢
المفضلات