السلام عليكم ورحمة الله وبركاتة ,,,
اللهم صلي وسلم على سيدنا محمد وعلى آله وصحبه اجمعين
احبائي واعزائي اعضاء منتدى المسافرون العرب الكرام
كل عام وانتم بخير وصحه وعافيه
هذا اول تقرير لي في هذا المنتدى وان شاء الله مو اخر واحد بقدرة قدير
وهالتقرير راح يكون عن رحلتي الأخيره لبلاد الخضره والشلالات وبلاد الشعب الطيب (( سريلانكا ))
اول شيء احب ابدي فيه وهو شلون جت سالفه السفر إلى سريلانكا !!
كنت بشهر ابريل قاعد بالدوام الصبح ولا يجيني مسج من صديق مقرب لي بس صارلي فتره مو شايفه
المهم اطالع المسج وبعد السلام واخبارك وعلومك مكتوب بالمسج انا وجم واحد من الشباب ناوين نسافر بالصيف
واذا حاب تكون ويانا تشرفنا وكذا ، وذكروا لي انهم كانوا محتارين بين 3 دول !!
والي هي ( البوسنه - الهند - سريلانكا )
انا الصراحه انصدمت ودقيت على صاحبي وقلتله الحين آمنا بالله البوسنه والهند نقول عادي
بس سريلانكا شدخلها بالموضوع هااا
قالي والله سمعت انها حلوه وكذا قلتله شوف سريلانكا انساها محنا ناقصين الي عندنا مكفينا هني ههههههه
وقلتله اشور عليك شور فكر بالهند او اندونيسيا احسن وانا راح اشوف بالنت التذاكر وكذا قالي اوكي
وقمت ابحث بالنت وشفت تذكره اندونيسيا غاليه قلت خل تولي خخخخ
وشفت تذاكر الهند وسريلانكا ولا متشابهين وقلت بالله خل اشوف صور سريلانكا والطبيعه الي مصدقين انفسهم فيها
والصراحه شفت ويليتني ما شفت ههههههه صور روعه ما صدقت وجرني رابط على هالمنتدى وشفت التقارير
وانا افتر من تقرير لي تقرير ومو مصدق ودقيت على صاحبي وقلتله اقول فلان قال هلا قلتله سريلانكا ترا زينه خلاص خل نروح لها هههههههههه قالي صج والله قلت ايه والله روعه
ومن هاذي اللحظه بدينا الاعداد للرحله وكنا بشهر ابريل 2011
وسامحوني بوقف الحين وبكمل معاكم التقرير اليوم بالليل لاني الحين بالدوام
وراح ابدا معاكم بفتره الاعداد للرحله واول يوم لنا بسريلانكا مع الصور الي ما تنعد ولا تنحصى خخخ
إلى اللقاءمواضيع عشوائيه ممكن تكون تعجبك اخترناها لك:
- لعشاق الثلوج
- رأيكم و مساعدتكم في البرنامج النهائي لـكيرلا
- استفسار عن دلهي ؛ اقري؛ كشمير الهند !!!!!
- أسعفوني قبل ساعات أو أقل بعد
- كيرلا شهر مارس استفسارين لو سمحتم
- ائراكم تهمني في برنامجي السياحي في سيريلانكا
- حياكم الله سوال عن توقف الخطوط الهنديه
- مسافره مع الوالده والوالد احتاج مواصلات وبرنامج مريحه
- ابى سايق فى دلهى؟
- اَتسفساَر بسيط عن المعاَهد في قواَ
- ساعدوني يالطيبين وبسرعه
- ابغى برنامج سياحي لكيرﻻ
- أفضل سائق الناطقة بالعربية سري لانكا
- بخصوص الصرف وكم مسموح ناخد كاش للهند
- انا وعائلتي ممكن مساعدتكم
- سواق ممتاز وامين جرته مع العائلة
- سؤال عن مركز بيع
- الطريقة الصحيحة لحجز لكيرلا الهند والمضمونة بأذن الله
- ارجو تقييمكم لمخطط رحلتي ارجو الرد عاجلا للأهمية
- احد يقدر يساعدني في حجز الفنادق لاني افدغ ومن جنبها
المفضلات