المشاركة الأصلية كتبت بواسطة أبو عمر الخالدي
http://www.arabtravelersforum.com/tr...2/#post5241524
بسم الله الرحمن الرحيم
السلام عليكم ورحمة الله وبركاته
أنا أول مرة أسافر خارج المملكة ولا عندي خبرة في السفر ولا عندي جواز ولا أجيد اللغة الانجليزية ولا أعرف أتعامل مع مواقع الانترنت للفنادق
وأريد السفر مع أمي لأنها دائما تحلم بالسفر إلى أوروبا ولاكن ظروف والدي لا تساعد فلما كبرت أنا بدأت هي تطلب مني أن أسافر بها منذ ثلاث سنوات وهي تطلب مني ذلك وهذه السنة توكلت على الله وسأسافر بها انشاء الله
حددت سبع دول لزيارتها { أسبانيا ، فرنسا ، ألمانيا ، التشيك ، النمسا ، سويسرا ، إيطاليا }
في مدة 20 - 25 يوم وستكون في شهر شعبان
علما بأن الميزانية مفتوحة والحمد لله
عندي بعض الأسئلة أرجو منكم مساعدتي وسأدعو لكل من يساعدني
س 1 / هل يمدين أحجز الآن ؟
س2/ ماهي الخطوط المناسبة وما هي أسعارها ؟
س 3 / بالنسبة للفنادق كيف طريقة الحجز وأنا لا أعرف أحجز عن طريق الانترنت ؟
س 4 / بالنسبة للغة فأنا لا أعرف انجليزي هل سأواجه مشاكل وهل سيكون هناك مترجمين وهل المترجم سيكون
معي 24 ساعة وهل يذهب معي لكل الدول السبع أم في كل دولة آخذ مترجم وهل القاموس الناطق يغني أم لا ؟
س 5 / بالنسبة للتنقل بين الدول ماهي الطريقة المناسبة ؟
س 6 / ماهو البرنامج المناسب وكيف أعرف الأماكن السياحية ؟
س 7 / هل تكفي ثلاث أيام لكل دولة ؟
س 8 / ماهو القروب السياحي وما هي طريقته وهل تنصحونني به ؟
س 9 / كم تتوقعون التكلفة ( من غير الأسواق ) ؟
س 10 / ما هي طريقة اصدار الجواز والتأشيرة ؟
أدري إني طولت عليكم وكثرت الأسئلة . آسف جدا
وأرجو مساعدتي في بري لوالدتي وتحقيق حلمها ولكم من الله الأجر والثواب ولن أنساكم من صالح الدعاء
أرجو المساعدة ولو بالإجابة على سؤال واحد
بحاول اساعدك باللي اقدر عليه
اول شي سبع دول في 25 يوم مره مره كثير حتى لو ان الميزانية مفتوحة لكن تقدر تخليها 3 دول وكل دولة تمر فيها كذا مدينة
بعطيك مثال
اول شي رح فرنسا لباريس اجلس فيها 3 ايام
بعدين رح بالطيارة الى كان اجلس فيها 3 ايام
بعدها اطلع لأسبانيا - برشلونة اجلس فيها 4 ايام
بعدين رح ماربيا اجلس فيها 4 ايام
بعدين اطلع مدريد اجلس فيها 3 ايام
من مدريد اطلع لسويسرا - جنيف اجلس 5 ايام
بعدها ارجع باريس يومين تكون سفرتك 25 يوم وترجع بالسلامة لديرتك
الحين بحاول اجاوب على اسئلتك :
س 1 / هل يمدين أحجز الآن ؟
اكيد يمديك تحجز من الحين ولو تعرف احد له خبره بالحجز من مواقع النت بتلقى عروض حلوة كل ما حجزت من بدري صار ارخص لك
2/ ماهي الخطوط المناسبة وما هي أسعارها ؟
ما حددت لنا انت من وين عشان نفيدك
س 3 / بالنسبة للفنادق كيف طريقة الحجز وأنا لا أعرف أحجز عن طريق الانترنت ؟
عشان تحجز من مواقع النت لازم يكون عندك بطاقة فيزا او ماستر كارد ولازم تشوف لك احد يعرف بالحجوزات وهي سهله مره
س 4 / بالنسبة للغة فأنا لا أعرف انجليزي هل سأواجه مشاكل وهل سيكون هناك مترجمين وهل المترجم سيكون
معي 24 ساعة وهل يذهب معي لكل الدول السبع أم في كل دولة آخذ مترجم وهل القاموس الناطق يغني أم لا ؟
ما يحتاج مترجم مش حالك بالاشارة
واذا تبي تطلع من مكان لمكان بتكسي مثلاً من المطار للفندق خل سواق التكسي يشوف اسم الفندق والعنوان وهو يدلك
وباقي امورك بالاشارة ههههههه مالك غير الحل هذا واحذر من العرب النصابين في كل مكان لا تسولف مع العرب اللي يقلط معك وانت تمشي بأي مكان ودايم بالسفر تخلى عن طيبتك وخلك اقشر والا اكلوك النصابين
س 5 / بالنسبة للتنقل بين الدول ماهي الطريقة المناسبة ؟التنقل بين الدول والمدن انصحك بالطيارة بما ان معك الوالده الله يخليها لكم
س 6 / ماهو البرنامج المناسب وكيف أعرف الأماكن السياحية ؟
انصحك تطلع خريطة اوروبا من قوقل وشف كم دوله تقرر تروح لها وشف كل دولة وش المدن اللي تبي تزورها وخطط رحلتك على الاساس هذا مثال : فرنسا قريبه مره من سويسرا ومن اسبانيا
وعلى الاساس هذا تحرك
س 7 / هل تكفي ثلاث أيام لكل دولة ؟
ثلاث ايام لكل دولة اكيد ما تكفي لأنك بتحجر نفسك في مدينه وحده
لكن قلل الدول ورح شف المدن في الدولة الوحده
يعني فرنسا فيها باريس - كان - نيس ما تكفي 3 ايام تشوف كل المدن هذي
اسبانيا - مدريد - برشلونة - ملقا - ماربيا - فالنسيا
ما تكفيها ولا 15 يوم
س 8 / ماهو القروب السياحي وما هي طريقته وهل تنصحونني به ؟
اغلب الدول الاوربية والمدن الكبيرة فيها الباص دورين سياحي يدور فيك كل الديرة اللي انت فيها وكل ديره لها رسم معين وتستفيد منه يوم كامل وبعضها يومين بنفس قيمة التذكره
س 9 / كم تتوقعون التكلفة ( من غير الأسواق ) ؟
ما اقدر افيدك فيها لأني مو على بينه الدول بالتحديد والسكن وغيرها
س 10 / ما هي طريقة اصدار الجواز والتأشيرة ؟
راجع موقع الجوازات بالنت وتلقى كل المطلوب
والتأشيرات مكاتب السياحة والسفر الكبيرة تسويلك التأشيرات وكل ما يلزم
اتمنى اني حاولت اساعد ولو بشي بسيط من الاسئلة
المفضلات