((كان أختيار سيئ للسكن في فندق CLEMENT BRAJAS HOTEL قريب من المطار أربع نجوم)) في صباح اليوم اللي بنسافر فيه لبلدنا ونحنا طالعين من الفندق عشان نحط الشنط في السياره, كان في رجل شكله فالخمسين من العمر واقف أمام الفندق, حسيت به يراقبنا بعدين دخل ورانا للبوفيه وانا اقول في نفسي شكله حرامي والله العظيم قلبي قرصني لانه كان يشوفنا وجلس في زاوية يراقبنا , مجرد ما حطيت شنطة إيدي ورا ظهري بالظبط على الكرسي وتوني مسميه بسم الله بشرب العصير إلا أحس بالشنطة تنشل من الكرسي أدور يمين ويسار وين راحت الشنطه وأسأل زوجي؟؟؟ هالشي صار في ثواني إلا أشوف هذاك الريال الحرامي من خلف الزجاج شالنها ويركض بسرعة البرق ما أعرف كيف برع الفندق,,, وأشر ت عليه أخبر زوجي طبعا أنا تيبست مكاني من الصدمه وزوجي ركض وراه مارثون عشان يلحقه ووصل لين السياره اللي ركبها وكان فيها 5 حراميه غيره لكن ما قدر يلحقهم للاسف لانهم تحركوا بالسياره , بس سجل رقم السياره وكانت في وحده اسبانيه واقفه برع واتصلت بالشرطه, المهم الشرطه ما سووا شي غير انهم قالوا بيحاولون يدورون السياره ويشوفون الكاميرا اللي صورتهم من الفندق وعطونا أوراق نوقعها ونكتب شو الأشياء اللي كانت فالشنطه طبعا أهمها كان موبايلي والفيزا وكاميرا سوني صغيره , الحمدلله جات سليمه والله سلمنا منهم, اللي اكثر شي متحسفه عليه الصور اللي فالموبايل والكاميرا
حبيت انبهكم لان بالفعل حرامية أسبانيا أيدهم خفيفه وسريعه, من الصدمه سوينا سيرج فالنت عن السرقات في مدريد , سياح من كل الجنسيات ينسرقون, كل يوم ينسرق معدل 200 شخص في أسبانيا بصراحه شي يخوف فالحذر الحذرمواضيع عشوائيه ممكن تكون تعجبك اخترناها لك:
- محدثكم من مدريد
- اخيرا تحقق حلم الكلاسيكو نصيحة
- شهر العسل أسبانيا
- تقرير مدريد برشلونة يمكن باريس
- رفيق سفر إلى ايبيزا وبرشلونة
- رحلتى المنفرده إلى برشلونه ؟ أستفسارات عديده
- أخيرا أسبانيا
- ماهي أجواء أسبانيا في شهر ديسمبر
- برشلونة الرائعة ابريل
- استفسار عن برشلونة
- ارجوكم المساعدة ترتيب للجنوب الأسباني الله يعافيكم
- استفسار عن برشلونة والمدن الجنوبية
- ضروري يا جماعة اسعار التاكسي الكل يدخل ،،
- اللي عنده خبره عن الخطوط السعوديه يفيدني
- أيام في برشلونة ارائكم ونصائحكم تهمني
- الى خبراء حجوزات الفنادق كيف أحجز لطفلتي
- ممكن مساعده
- طلب مساعدة الوجهة مدريد و سانتياغو
- بكل حيادية أخواني
- سان سبستيان
المفضلات