[font="fixedsys"]السلام عليكم ورحمه الله وبركاته
من لا يشكر الناس لا يشكر الله
حبيت اشكر منتدانا الاكثر من رائع على المعلومات القيمه اللي فيه واشكر كل الاعضاء اللي ساعدوني واللي ما ساعدوني بعد يكفي المواضيع والتقارير الحلوه
ابشركم الحمدلله رحلتنا كانت موفقه و كل شي زين وعلى وصف المنتدى وصلت كل مكان ابيه الحمدلله
بس حبيت احذركم خواني ان انصب علينا ب 500 يورو طبعا انا مادري بس كنا نتمشى انا مع زوجي بالرامبلا وشفت ناس متجمعين على واحد وقفت اشوف شسالفه ولا وحده تقولي انتي من وين بالانجليزي طبعا قلتلها من الكويت جان تقوولي اووو نايس تعالي مدام لعبي هاللعبه حلوه وايد والله العظيم مادري على نيتي رحت ولا واحد قاعد علاارض وعنده 3 علب صغار مربعه كبر مالت الجبريت و عنده كره صغيره يحطها تحت واحد من هالعلب ويخربطها وانت عاد تطلعها اول مارحت جان يتجمعون علي يقولولي عطينا 50 يورو انا بيني وبينكم خفت وعطيتهم ولا ادري شسالفه وكلما اقوله الكره هني يطلع غلط شكله ساحر او يجمر على عيونا لان اشوف الكره واثبتها ويطلع غلط و 50 ورا 50 لي ما صارو 500 و بعدها انحشت منهم وقالي زوجي ليش وقفتي هذا قمااار !!!!
والله العظيم ما ادري لا حول ولا قوه الا بالله
وبعدها ياتني وحده مغربيه قالتلي انتي لازم تروحين معاي حق الشرطه نعلم عليهم هذيلا نصابين دايما يسوون بالسواح جذي و فلوسهم مزوره و احنا بالطريج سألتها الشرطه مكانهم بعيد قالت لا بس احنا نمشي شوي شوي عشان يمكن احد قاعد يتبعنا وفي مره كبيره معاها قالتلي يا بنتي سيبج من المشاكل الفلوس تتعوض انا ولدي مات هني
و بعدها خفت قلت حق المغربيه خلاص مابي اروح اخاف يسوولنا مشاكل قالت لا لا تخافين بس مارحنا
و بعدها اكتشفت ان كل يوم يصيدون ناس و كل يوم اشوف ناس تتهاوش معاهم واهما عصابه اييهم واحد يخربط مادري شيقول يشيلون اغراضهم و يمشون اثاريهم بس تقرب الشرطه واحد يقولهم وينحاشون واكتشفت بعد ان المره اللي سولفت معاي اللي قالتلي انتي من وين معاها ريال ثاني اهما عصابه مع هذا اللي يبوق فلوس الناس لان كل يوم يوقفون معاه و يسوون روحهم يلعبون ويعطيهم فلوس اثاري السالفه كلها تمثيل ضرب تمثيل
حسبي الله عليهم
وحبيت احذركم من الطرارين خصوصا العرب اذا جوك ما يوخرون عنك الا لما تعطيهم ... وبيني وبينكم زوجي ما رضى يعطيهم و ندش محلات يقولنا الطرار انا استنيكم هني ما راح اروح !!! واخر شي زوجي صرخ عليه وراح
و وايد حراميه هناك يخرعون
بس منطقه تهبببببببببببل وايد وايد حلوه وايد استانسنا الحمدلله جوها سوقها شوارعها كلها حلوه
بس وايد عليها اسبوع 4 ايام كافي احس حسافه ماعرف انزل الصور ولا جان سويت تقرير حلو
وبسسس
اسفه على الاطاله
مشكوووووورين ما قصرتو خواني[/font]مواضيع عشوائيه ممكن تكون تعجبك اخترناها لك:
- الجو في برشلوووووووونه
- تم الحجز وننتظر فزعتكم
- استفسار للخبراء عن افضل طيران اقتصادي للسفر من برشلونة إلى مدريد
- قطار على الانترنت
- المسافه بين مدريد وبرشلونه
- استفسار عن موقع جولات سياحية
- رحلتي القادمة لاوروبا باذن الله
- افيدوني يا اصحاب الخبره عن برشلونه
- كم تبعد جزر الكناري وما هي منتجعات جزر الكناري
- استفسار عن مدينة في برشلونه
- متى اروح لقصر الحمراء
- اي شخص عنده مرض السكري وسافر اسبانيا يدخل بليز
- شنطي على خطوط الاسبانية
- الطريق من برشلونه الى جنيف
- مشورتكم لبرنامج يومين في برشلونة بليزززز
- الاستماره كيف اعبيها ارجو المساعده
- ساعدوني في وضع برنامجي اليومي في اسباانيا
- استفسار ضروري اتمنى الرد فيزتي شنغن ايطالية والسفرة لأسبانيا بدون ايطاليا
- استفسار عن فيزا الشنغن الاسبانية
- ارجو المساعدة ما هى فرصتى فى الحصول على تأشيرة اسبانيا للمصريين
المفضلات