الموضوع: ســــفرة الى اوربا بالســـــيارة

الاخوة بالمنتدي .... بعد نهاية سفرة 1989, سوف اقوم بسرد قصة سفرة 1990 وما جاء بها من احداث .
كما ذكرتسابقا بان الحديث عن هذه السفرات يمكن لا يخدم احد سوي من يريد معرفة الطريق البري للعبور الى اوربا , والذي يدفعني الى الكتابة , اولا هو التواصل بالمنتدي مع اخواني المتواجدين بالمنتدي ( ولو ان مشاركاتي قليلة بالمنتدي بمواضيع اخواني المتنوعة , فاني اطلب العذر والسموحة ) وثانيا فان الكتابة
تساعدني على تدوين الرحلات التى صارت بالذاكره فقد لدي , بان تكون مقرؤه , ومحفوظة لى ولمن يريد ان يخذ معلومات عن دول اوربية , ولو انها تغيرت فان بعض الامور لاتتغير ...... كاكا.
بعد العودة من رحلة 1989 والتى كان لها صدي واسع , سوي ما بيني وبين نفسي او بالمجتمع المحيط بي .......... وقد كانت فعلا مغامرة ليس لها مثيل , والاهم انها اشبعت رغبتي بتحقيق الذات .
سفرة 1990
كنت على ابواب التخرج ...... ولم اتحمل كثرة الحاح والدي او اخواني ... بالقيام ببيع سيارتي الزد ...
.......... وكثر الحديث ... واخيرا قررت ان ابيعها ... قبل التخرج بشهور وقبل بداية العطله الصيفية ايضا بشهرين او اقل ..... خلاص ما فيه سفر .... اشتر سيارة تعبرك لين بعد التخرج ... وبعدين اختار السيارة اللى تعجبك ....
يصير خير .... شوفولي سيارة ... حاضر عند فلان شفر 1985 نظيفة وحلوه .. خلاص شريت .
...... بدت الامتحانات النهائية .... وعلى نهايتها .... عطونا الشيكات ... فلوس الاجازة .....
........ جاني الصوت من بعيد ... امش ياولد خاوني ... يالهيلع ... ماقدر ... اولا ما عندي موتر وبعدين الاجازة بس شهر ونصف ... ما تكفي ... وراي تخرج .... قام يزينها ... تدري بلغاريا ما نبي نتعدها ... وانا معي واحد يعجبك ... اقول ابعد عني خلني اقضي الصيف بالكويت او اروح بطيارة ... انت تروح بطيارة هين... المهم الوعد فى بلغاريا .........
قلبتها براسي ... طيب ماني رايح لوحدي ... من يخاويني .... ابشر انا بخاويك ... صديق من الكلية ...
...... اعرف عنه بانه مودب وخلوق .. كافى خيرة وشره .. ولد ذرب .. ويحب الكشخة ... انت تحمل الطريق
... ما عليك بروح معك ... خلاص جيب مصروف جيبك ... والسيارة موجودة شفر .. لا تخاف يبي يوصلنا ..
...... مشينا .. ابشر اركب ... الفيز جاهزة .... وترى ماني متعدي بلغاريا ... ربعي هناك ينتظروني ...
........... خلاص معك .............. كاكا.

مواضيع عشوائيه ممكن تكون تعجبك اخترناها لك:

• استفسار عن تأشيرة للسعوديين لليونان؟
• الرجاء المساعدة
• شو الانسب للسفر في هذا الوقت البارد
• شاهد بالفيديو روعة وسحر الطبيعة في أرمينيا
• الفيزا الى اذربيجان
• سفرتى قربت حيل
• ارجو المساعده
• استفسار ومساعده عن رحلتي الكبيره وحلمي بين هولندا وبلجيكا،،
• محتاج نصائحكم وتوجيهاتكم للسفر مع عائلتي لجورجيـا
• رحلتي الي بلغاريا ورومانيا بالسياره
• ارجو الافاده تفعيل دعوه الى اوكرانيا ما هي الخطوات
• ممكن تفيدوني ب الشنط في القطار لاني ب اسافر من هولندا لسويسرا
• ممكن مساعدتكم ابي اسال عن رومانيا
• عشاق البوسنه تعالوا هنا
• سؤال عاجل عن بلغاريا رجاءا
• احتاج معلومات عن هولندا
• الى العزيز الشمالي الغربي
• ياشباب من عنده معلومات عن مصحت بتهوفن عاجل
• مرررره مهم
• الفزززززززعه

عاش والله كاكا راعي احلى سوالف انت معك المخيم لو أثنين يكفي أنا اشهد انك شقردي كمل وخلنا نستانس بسوالفك تراها وانا اخوك ما ينزهق منها ابد اخوك ناصر العازمي

من كاكا الى الاخ وليد تحية وتقدير ......... اولا شكرا بمشاركتك عزانا وعزاء العرب جميعا ... بشيخنا شيخ الشيوخ ........ الوالد جابر العيش ........

ثانيا : شكرا لمشاركتك بالموضوع ولا توصل ان نكتب مسلسل مثل ما تفضلت ... وحاضر نبي نروح ونسرد

........ وانت خلك مع كاكا .

من كاكا الى ولد عطا ابو بدر ........... تحيه وتقدير من كاكا ..... ترني من حبي لكم ما خاوي الا عوازم ..

واعز ربعي منهم ... من خواهم ما عافهم ..... ابشر تبي تسمع سوالف تسرك ... وعلوم ما حدن سمع فيها ..

....... والهيلع خوته تسرك ويرد خبرها ... خاصه ذي السفرة ... بها فلم اكشن ... من انتاجنا وبطولتنا ...

... تهريب الهيلع ... اصبر تبي تسمعها ......... ويسرنا تواجدك معنا ...... وخلك ساري بمسرنا .. وبعض الامور وانا خوك , طلبتك لا تحرثها ......... راحت مع شباب بوقته .. اخذنا منها مسرنا وضرنا ... ولا انا متحسفين ... على ما فعلنا .... كاكا.

تابع 1990

سفرة الله اعلم فيها ... الترتيب صفر ولله الحمد ... العجله .... فى اولها وتاليها .... فى اواخر شهر 6 /1990 ركبنا ...يادوبك خلصنا الفيز يومين لبلغاريا ... وما نبي غيرها ... والعراق من يومه تاخذ الفيزا ..

.... جاهز ... يه جاهز ... وشلون موترك ... ابشر ان الله ستر عليه يبي يقطعنا ... والتواير زينه و المكيف شغال ... سفينة نوح نبي نركبها ............ كاكا .

خط العراق عارفينها ... بليل من الكويت مسرانا ... كاكا يبوك ليل العراق موحش ... لاتخاف بقطعك بغداد .. والموصل بوصلك ... منها الى زاخو الله يعينك ... بسلمك سكانها ... وانت الحين خلك فى الفندق الدرجة الاولى وراء .. تمدد ... وشبع سبات ... وطريق تركيا طويل من ..... من اورفا .. وديار بكر ... شمال غرب وجهتنا .... والدير حارة ... وابشربالمكيف على حده ... يبردنا .... والباجه ..... بكراعينها ....نبي نفصفصها ....... انت ادري يكاكا ... اسر ... تراني ما عمري سافرت بالسيارة ابعد من السعودية , وملها ..

.... ليلك طويل ... تمدد مثل ما قلتلك بالخمس نجوم بالخلف ... وان تعبت ترى بناديك ... وانت استلمها ...


....... يالله السلامة .... والليل ساتر .... و استنبول ما هي بعيد والطريق قديم ... من البكره ... يكاكا يكاكا ..

..... بسم الله الرحمن الرحيم .... العلم يالخوي .... البريك ...ما عاد يمسك ... والسيارة قامت تلفلف .. ان تعست على البريك ..... وقف نشوف وش فيها .... انت تشوف يكاكا الدهن اللي يغطي التاير الخلفى اليسار

........ شفت ونشالله تساهيل ........ انت وش تقول الزيت مغطي التاير ...ز ياولد لا تحاتي ... الديره الصغيرة قدام ونبي نشوف وش فيها ........ كاكا.

الله يسلمك يا كاكا وهالكلام ما نقال الى من طيبك وطيب أصلك وعزلله أني ابسمع سوالفا منك بتسرني تراني أحدر من المخيم يوم وترك عشان أكتبلك وأرجع ..... علما صحيح ومن غير مجامله ..........
وشفيـــــه الموتر....!! ولاني متأكد انك بتجبرها

وأبشرك يا خويي تراني تخرجت اليوم معلنين النتيجه بنجاحي وتخرجي من المعهد الكهرباء والماء

(خلاص ودعنا شهور الدراسه !! العمر يمضي والليالي مقابيل !! عشنا الفرح فيها وعشنا التعاسه !! حتى الشقا لابد عقبه تساهيل !! ياما سهرنا وأنحرمنا الوناسه !! والناس تقضي ليلها بالتعاليل !! والحمدلله خلصنا الدراسه !! وبعدها إنتهت كل المواويل!!)

المشاركة الأصلية كتبت بواسطة عاشق رومانيا


الله يسلمك يا كاكا وهالكلام ما نقال الى من طيبك وطيب أصلك وعزلله أني ابسمع سوالفا منك بتسرني تراني أحدر من المخيم يوم وترك عشان أكتبلك وأرجع ..... علما صحيح ومن غير مجامله ..........
وشفيـــــه الموتر....!! ولاني متأكد انك بتجبرها
وأبشرك يا خويي تراني تخرجت اليوم معلنين النتيجه بنجاحي وتخرجي من المعهد الكهرباء والماء
(خلاص ودعنا شهور الدراسه !! العمر يمضي والليالي مقابيل !! عشنا الفرح فيها وعشنا التعاسه !! حتى الشقا لابد عقبه تساهيل !! ياما سهرنا وأنحرمنا الوناسه !! والناس تقضي ليلها بالتعاليل !! والحمدلله خلصنا الدراسه !! وبعدها إنتهت كل المواويل!!)




الف مبروك و الله انه يوفقك بشغلك الجديد ( وترى ان احتجنا مهندس كهربائي , ما يحتاج انت موجود , تهندسها ) من صبر ياكل العنقود ... والوناسة ملحوق عليها ... اتعب بشبابك .. ويوم تركن .. تجد ما يسرك... كاكا.

أبشر بمهدسا يبي يجبرلك الكهرباء ويحولها سراج

السلام عليكم ورحمة الله وبركاته

كاكا سمعت ان اي هذي السنه كانو شباب عوازم ذاهبين الي المغرب

عن طريق البر وصار الغزو وهم في الخارج لايكون جاك الي جاهم

كاكا وين رحت


Go Go Go Go

تحمسنا مع القصة يا ليتك تكملها

من كاكا الى المشاركين معي بالرحلة ........... السلام واسف على انقطاع الموضوع ... اسباب خارجه عن الارادة ............. كاكا .

( توضيح بان هذه الرحلة كانت في سنة 9190 وانها فقط كتبت للذكرا ويمكن لايستفيد منها الكثير ولكن تبقى رحلة قمت فيها واحب ان اذكرها كما قلت للذكرى ..... ) كاكا .

تكملت الرحلة ........

احب ان انوه بان من كان معي هو الان دكتور وله معزة خاصة لدي ولو ان كل شخص شخصيتة وقدرته على تحمل اعبئ رحلة بسيارة لمسافات طويلة ...... واستسمحة عذرا وهو يعرف شخصيتي جيدا بان اذكر الوقائع دون زيادة او نقصان ...... وقد علمت بانه تابع الموضوع ولا يكون لدية حرج من كتابة الموضوع بالنت , لانها رحلة صارت وجاء ما جاء فيها من اخبار ....... كاكا.

بعد ما كشفنا على السيارة .... تبين بان الدهن هو زيت البككس وان الشبنة بين التاير وعمود البككس تالفة ومن هذا السبب قامت بتهريب الزيت ... واتلاف البريك الخلفي ...... كاكا .

بدا الضيق والمحاتي .... سهل الامور ونشالله تنحل ..... وش العلم يالاتراك ... وشنهو حل المشكلة ...

اركدش ..... مافيه عندنا حل ...سوى فك البريك .... ونحطة بالدبة ........ يكاكا ... خلنا نرجع .....يالخوي لاتحاتي ..... نبي ندرجها شوي شوي ..... استنبول ما هي بعيده ونشالله نجد من يصلح الخراب و يعدلها ...

..... وجوم وسكوت ... هاذي امور عادية ... توقع تصير ... دام انك بسيارة ... وقديمة ... وهذه تجربة ... وخطاء مني اني رحت عليها .... لكن ما عليك تبي دودينا ونشالله تقطع الفرجة ..... ما لومك انت ذرب و ما متعود على لفحة الشمس ... وما فيه فندق درجة اولي ... والمتوفر عندي ... الله يسلمك الكشن الخلفي .. يكفي ... نشغل المكيف ... وتمدد وخل البلقي على الله ثم علي ... متعود البهذلة ... والطرق الطويلة تمتعني .. ةان توسخت ملابسي ما هي اكبر همي ..... وريحت الدهن اللي علقت بثوبي ... عندي عادي ... ودي ... من الزيت لو غسلتها بالصابون ... ريحتها ما تهمني .....

....................................... اتبع كاكا.

يزين دلكم يالاتراك .... حمام كراجكم وينه ...... وش تبي تسوي ... يالخوي باخذ دش ... وعين من الله خير .... وانت بعد سو مثل ما سوي ...... وما عليك ترى بين عليهم شطار .... ومضخت الزيت اللى بعد خربت ..... ما تشوف ركبو بدالها مضخت بريك لسيارة لادا ... بعد يازينها ترهيم ... والشبنة قطعو من الخياش مع .... قطعة قديمة ... لشفر موديل 65 لبسوها وبمحل الخربانه رهموها .... استريح قلتلك تراهم شطار .............. كاكا .

الرائ ...... لا ما نبي نجلس في استنبول من الجراجات على طول خط بلغاريا ـ برقاص نبي نمشي الحين الظهر ونشاله ما يمسينا الليل الا وحنا في فارنا ......... شورك وهدايت الله يكاكا... طيرتنا ... ادري والله اني طيرتك ... وهذا غلط مني ... لكن ودي ان يكون تعبنا واحد .... وفارنا ما بيننا وبينها سوي .... 250 تقريبا ..... وخل جلستنا وحده .............. كاكا .

سلام يا بلغاريا ....ولو ان السلام واجد عليك .... وما تستحقينة .... النفوس الشينه .... بالجوازات ... وتحريك الراس بالعكس ... يالله السلامة ..... تمتع يالخوي بالرحلة ... ولا يضيق خلقك .... واكل من الموجود ... ولا تدور على ... مطاعم الفخمة ... تراها هنية في برقاص ما توجد .... وهذه فارنا بالطريق الساحلي على البحر الاسود ... نبي نوصلها .... الوقت لسه بدري وماجات الساعة فوق العشر ... والنهار طويل ... ولا تحاتي السكن انشالله نبي نعينه .....والهيلع .... شبيهي .... قدامي ... ابشر بعزك ...


..................... كاكا .


قريبا دخول فارنا ....................... كاكا.

الاخ الرهيب ............... سلام وتقدير من كاكا .

وشكرا على المشاركة ............ ونشالله نكمل الرحلة ........... اخوك كاكا.

يا هلا و يا مرحبا ترحيبتا كلها ورود بصاحب الغالي يخوك ترى موضوع بولندا جمعت وسويته ببلوتوث وخلنا نجمعلك هذا اذا خلصته ترى الربع والجماعه كلهم متشوقين على الموضوع الجديد

وبتوفيق يا صاحب الغالي اخوك ناصر العازمي

المشاركة الأصلية كتبت بواسطة عاشق رومانيا


يا هلا و يا مرحبا ترحيبتا كلها ورود بصاحب الغالي يخوك ترى موضوع بولندا جمعت وسويته ببلوتوث وخلنا نجمعلك هذا اذا خلصته ترى الربع والجماعه كلهم متشوقين على الموضوع الجديد
وبتوفيق يا صاحب الغالي اخوك ناصر العازمي




هلا وغلا بخوي ناصر ........... وترى كاكا بعد يهديك السلام ........... كاكا .

وش السالفه ماني عارف بقصدك بانك جمعته وحطيته في البلوتوث .......... الله يرحم ولدينا ووالديك خل الموضوع بس بالنت ولا تنشره ......... وترى هذه سوالف من قبل سنين ومحدن تهمه الحين .... كاكا .

وشكرا على المرور ......... وبعلمك سوالف ربعي العوازم ..... وشلون تراهنا انا ننزل روماني من وانيت وهو يمشي بسرعة 60 ك ..... وثب وثبت غزال الله انه يسامح الدماك وش سوى بذاك المسكين .... كاكا .

تابع كاكا .

الديرة ....... طاقها الفقر والجوع ... ولو ان هناك بعض الرومانيين اللى ارجعوا من الخارج مثل امريكا بعد تغير النظام الحاكم .. وبدو يستثمرون فى ديرتهم...... وقد تعرفنا على احدهم وهو صاحب مطعم كبيرجدا ... لكن ما عنده اكل ... سوى القليل وانواع معينه حيث انه لا يستطيع ان يستورد بذلك الوقت ....
وقد كان طيب الى اقصى درجة حتى انه كان يسمح لنا عند القدوم اليه بان نكون نحن الطاباخين الى مانريد وكان معنا بعض الماكلاه من الكويت ...... والمطعم ولو انه يعتبر من الدرجة الاولى عندهم الاان رواده قليلين جدا ....... وقد صادف ان بذلك الوقت كانت نهائيات كاس العالم ..... وصارت حج وحاجه ...منها نطبخ عشانا او غدانا ونشوف المباريات ....... لا ولنا من يغسل السيارات .... ملوك بدون ملك ....كاكا.
الصرف كان مرتفع جدا والديرة ارخص من التراب .... والمائة دولار كانت تعيشنا لمدة اربعة ايام مع يومية السكن بالفندق وتزيد بعد فوق البقشيش ........ كاكا.

اما الفندق .... حدث ولا حرج ... حنا الوحدين اللى لنا حرية التصرف و السهر في اللوبي ... ويتجمع علينا اصحاب الفندق وكانت سيدة مع ابنها البالغ عمره 20 سنه تقريبا من اعمارنا وكان صديق لنا ... ولنا غرف مفتحة على بعضها ومتقابلة ... والدور اللى حنا فيه محدن معنا فيه ..... كاكا .

جلسنا حوالي سبوع وكان احلى اسبوع يمر علينا ..... وخوينا خليناه .... يحس بطعم السفرة بالسيارة ...
... والترانز مفتاحه معه .... وحنا الثلاثة بالشفر وكل شي ماشي عندنا .... وخوينا يعيني عليه من الاتكيت .. والكشخه ... واللى يشوفنا يقول رومانيين منتفين ......... كاكا .

بطريق العودة .... الى بلغاريا ..... وفلوسهم عيت تخلص ..... بالخط على الطريق .... وش رايك ياكاكا ...

..... وش عندك يالدماك .... تراهن على اني انزل الرماني هذا اللى راكب الوانيت ... من غير ما يوقف السائق ..... يالدماك اعوذبالله من شرك وش ناوي عليه ... شف وشلون بيطمر من السيارة وهي تمشي ...
.. حط ايده في جيبه وطلع خمطة فلوس من عملتهم ( لي ) اللى باقي منها وقام يحذف يوم صار بجنبه وقدامه ....... الروماني من الطمع وهو يشوف عملتهم تطاير قدامة ما مسك نفسة لين السيارة توقف ... خذف نفسة .... على العشب وقام تقول ما سوي شي وخذ يجمعها ....... الله انه يهديك يالدماك ... كسرت الروماني .... كاكا.

لوووووووووووووووووووووووووووول لازم ضحك بالسفرة ولا ما تعتبر خوش سفرة

تابع عسى ما تشق بطونه ضحك بس لما اتخيل الروماني يحذف عمرة لووووووول