طالب منكم المساعده لرحلتي من دبي إلى صلاله

**ahmed2** · 01-15-2015, 05:01 PM

أنا سعودي سأتواجد مع عائلتي في دبي الأسبوع القادم وأريد أسافر إلى صلاله بسيارتي

لذلك وش الطريق اللي يوصلني الى الحدود العمانيه

ثانيا من بعد الحدود العمانيه أريد أعرف وش افضل منطقه اللي تستحق أني أجلس

فيها وأنام فيها يوم أو يومين من أجل السياحه وأخذ راحه لحين الوصول الى صلاله

وهل توجد شقق أو فنادق في تلك المناطق وهل هي مكلفه

أيضا أريد أعرف تكلفة الشقق أو الفنادق لي ولعائلتي بمنطقة صلاله

أرجو من أهل الخير مساعدتي

تحياتي للجميع

مواضيع عشوائيه ممكن تكون تعجبك اخترناها لك:

**alifun** · 01-15-2015, 05:01 PM

والله يا أخوي أتمنى أفيدك
بتتوجه بإذن الله من دبي إلى حتا- عمان مباشرة وأعتقد مسافة ساعة بالسيارة أو أقل للحدود العمانية
بعدما تطلع من الحدود طبعا بتروح لدوار العقر ومنها مباشرة أفضلك تتوجه لمسقط وهيه على بعد ساعتين تقريبا من دوار العقر (طبعا أقصد المسافة دون توقف) وكنصيحة (بسبب حرارة الجو والرطوبة على السواحل بالصيف) أفضللك تتوجه للجبل الأخضر وما أتصور يحتاجله أكثر من يوم ..
طبعا خبرتك بتطلع من دوار العقر ستريييت لدوار برج الصحوة بعدها تآخذ يمين وتتوجه للطريق السريع مسقط نزوى..
والتخييم زين لو تحب وآمن سواء للعوائل أو للشباب وشفت عوائل خليجية كثيرة تخيم ..
أنصحك تطلع من نزوى بإتجاه صلالة بالكثير الساعة 4 عصرا عشان تدخل صلالة بوقت النهار بسبب الضباب وصعوبة الرؤية..
تحياتي وتمنياتي بإجازة حلوة وسعيدة ..

**ahmed3** · 01-15-2015, 05:01 PM

أشكرك يا بحر الدموع على هذه الإفاده

يعني تريدني أتحرك من دبي عن طريق حتا للحدود العمانيه لمدة ساعه وبعدها

من الحدود العمانيه الى مسقط ساعتين

ومن مسقط الى صلاله كم ساعه ؟

وكم تقريبا تكلفة السكن بمسقط وهل فيه مناطق تستحق زيارتها قريبه من مسقط

خلال تواجدي هناك ؟ وما هي الأماكن أيضا التي تستحق الزياره في مسقط ؟

تحياتي لك

**ahmed3** · 01-15-2015, 05:01 PM

اذا تبي نصيحتي اطلع من دبي وريح في العين ومن العين على طول على منفذ مزيد - حفيت العماني

وبعدماتخلص اجراءتك تطلع على عبري ومن عبري على الطريق المختصر الى محطة غابه طبعا فيه محطه جديده

قبل غابه على الطريق المختصر عبي منها وبعد ماتطلع من محطة غابه بتروح لهيما ريح فيها وبعد ماتريح على طول لصلاله بتجيك استراحة قتبيت شيك عليها بالبنزين
وبعدها على ثمريت ومن ثمريت تقريبا 80 كيلو الا انت في صلاله.

ملحوظه اذا مريت من عندي محطه عبي بنزين لانه من المحتمل انك ماتحصل بنزين عند المحطة اللي بعدها وخل هالملاحظه قاعدة مهمه في سفرك لصلاله.

المسافه من منفذ مزيد الى صلاله تقريبا من 950 الى الف كيلو قد تزيد او تنقص

**ahmedali** · 01-15-2015, 05:01 PM

المشاركة الأصلية كتبت بواسطة faall
http://www.arabtravelersforum.com/tr...0/#post4032606

اذا تبي نصيحتي اطلع من دبي وريح في العين ومن العين على طول على منفذ مزيد - حفيت العماني

وبعدماتخلص اجراءتك تطلع على عبري ومن عبري على الطريق المختصر الى محطة غابه طبعا فيه محطه جديده

قبل غابه على الطريق المختصر عبي منها وبعد ماتطلع من محطة غابه بتروح لهيما ريح فيها وبعد ماتريح على طول لصلاله بتجيك استراحة قتبيت شيك عليها بالبنزين
وبعدها على ثمريت ومن ثمريت تقريبا 80 كيلو الا انت في صلاله.

ملحوظه اذا مريت من عندي محطه عبي بنزين لانه من المحتمل انك ماتحصل بنزين عند المحطة اللي بعدها وخل هالملاحظه قاعدة مهمه في سفرك لصلاله.

المسافه من منفذ مزيد الى صلاله تقريبا من 950 الى الف كيلو قد تزيد او تنقص

هذا هو الكلام السليم بس بزيد عليه :
1- من دبي ما يحتاج تريح في العين واصل طريقك
2- حاول تمشي الفجر أو قبله حتى تقطع الطريق بدون تعب ( بورك لأمتي في بكورها )
3- لا تفكر في الإقامة بين دبي وصلالة ولا حتى ساعة .
4- خذ معك سندويتشات وشاي من البيت لأن ما فيه للأسف مكان نظيف تأخذ منه شي حتى توصل صلالة