الموضوع: حاليا انا في برشلونه

السلام عليكم ورحمه الله وبركاته......

انا حاليا في برشلونه اليوم ثالث يوم لي فيها وبكرة باذن الله استلم السيارة واطلع من برشلونه الي الوسط ثم الجنوب

الاسباني

انا حاليا ساكن في فتدق يورو ستار قراند مارينا خمس نجوم ورااااقي جد وسعرة ممتاز خذيت 4 ليالي بسعر 300 دينار كويتي تقريبا

يبعد عن شارع الرامبلا مسافه 5 دقايق مشي تقريبا


ملاحظه مهمه ::

للامانه انا استفدت من هالمنتدي الشي الكثير وكنت متابع لكم من خلف الشباك وحان دوري لاي استفسار

ودمتم بود

مواضيع عشوائيه ممكن تكون تعجبك اخترناها لك:

• استشارة لخبراء اسبانيا عن مخطط رحلة بين ستة مدن
• أعززززائي وأحبااابي فززززعتكم
• سان سيباستيان؟؟
• اسبانيا في الصيف لمدة ايام
• استفسار لبرامج الايفون
• السفر لأسبانيا لمدة أيام ؟؟؟
• هل تاشيرة اسبانيا تذهب بي الى باريس
• بخصوص نادي برشلونه
• رحلتي الى الاراضي الاسبانيه
• ابي نصيحتكم يا اهل الخير
• اللي بيسافرون اول مره يتفضلو
• محتاج مساعده في الوصول ؟
• أرجو إفادتي عن بعض الاستفسارات
• أسئلة عاجلة عن ماربيا
• استشاره،،، شهر العسل
• أرجو المساعده
• ارجووو الدخووول
• اخر استفسار التاكس فري
• فيزا شنغن لإسبانيا
• امكانية السفر لاسبانيا بفيزا ايطالة

حبيت اضيف لكم......

يوجد مطعم باكستاني يقدم الشورما والفلافل وسعرة مناسب واكله لذيذ

موقعه في شارع الرامبلا وانت رايح الي ساحه بلازا كتالونيا يجيك كارفور علي يدك اليسار هو بعد كارفور بكم محل

اتمني اني فدتكم

حبيب قلبي من وين طلعت اخوي هاوي...

أول شي انشالله ان رايح برشلونة باذن الله لمدة 3 ايام.. بالطبع هناك مدن أخرى بزورها , ولكن برشلونة خصصت لها 4 أيام..

أول أسألتي يا الغالي اهي :

1- كم تبلغ تكلفة التاكسي من المطار الى الفندق في شارع الرامبالا؟؟

2- هل هناك وسيلة مواصلات ارخص من التاكسي للوصول من المطار الى الفندق؟؟؟

3- المواصلات في برشلونة هل هي معقدة أم لا؟؟

4- هل برشلونة فيها أماكن سياحية ( شبابية) ينصح فيها غير الرامبالا وبلازا كاتالونيا وملعب الكامب نو؟؟؟

وقواك الله .. عندي أسئلة ثانية بعد. بس مابي أغثك ..

وقواك الله

يعطيك العافية اخوي ميونخاوي صج ما قصرت...

زين قلتلي 20 يورو, لأن فيه دايخين قالولي ب60 يورو؟؟؟؟


وتنصح بالباص السياحي ولا لا؟؟؟
وجم سعره؟؟

3- أسعار المأكولات مثل الفلافل والشاورما ( الحلال طبعا) والبيتزا جم تقريبا؟؟

4- مجمعات التسوق في برشلونة شلونها؟؟ وهل البضائع المعروضة ( الأصلية ) أغلى من الكويت ولا لا؟؟؟
لأن بصراحة بالكويت عندي عقدة من بضائعهم,, أشتري بضاعة مكتوب عليها صناعة في بنغلاديش ويروح لونها بعد الغسيل ب6 أشهر؟؟
فبصراحة ما قمت اثق ببضائع المحلات خاصة لم اكتشفوا مؤخرا بأن بضائع قوتشي وغيرها طلعت كلها تقليد درجة أولى وليست أصلية,
بالتالي هل تنصح باني أتسوق في برشلونة؟؟ ولا أخلي الفنايل والتي شيرتات كلها مشترى من برشلونة؟؟؟

وقواك الله مرة ثانية

الله يعافيك

اذا اول مرة تزور برشلونه انصحك بالباص السياحي وبشدة سعر التذكرة لليوم الواحد 19 يورو واذ بتاخذ يومين ب 30 يورو انصحك اخذ يومين واذ شريتهم بيعطونك كابونات لك خصومات علي الاماكن السياحيه مثلا اذ بتدخل نصب كريستوفر كولومبس لما وريتهم تذكرة الباص السياحي عطوني خصم نص القيممه

انا طلبت واحد شورما واحد فلافل واثنين فانتا طلع حسابي 13 يورو

المجمعات حلووووة انا شريت بلوزة برشلونه من النادي ب 73 يورو تقريبا 33 دينار كويتي

بالنسبه للبضايع اصليه او لا لانشتري ال من الوكيل

بالنسبه انك تشتري من الكويت او برشلونه اذ انت راهي وميزانيتك ممتازة اشتر من برشلونه

حبيب قلبي والله

عليك بالعافية الفلافل والشاورما...

لا خيي ان قصدي ان البضايع ( الماركات 9 منو ارخص حسب وجهة نظرك الكويت ولا برشلونة؟؟؟

والتيشيرتات ما اقصد فيها فنيلة برشلونة .. لأنها فنيلة قذرة مع احترامي طبعا لمشجعي النادي..

ولكن اقصد عن التشيشيرتات بشكل عام شلونها غالية ولا رخيصة وهل هي ارخص من الكويت ولا اغلى ..

لأن السفرة بعد 8 أيام تقريبا فبضبط أموري ...

ويعطيك الف ألف عافية على ردودك الرائعة

المشاركة الأصلية كتبت بواسطة kevin
http://www.arabtravelersforum.com/tr...8/#post5691428

حبيب قلبي والله

عليك بالعافية الفلافل والشاورما...

لا خيي ان قصدي ان البضايع ( الماركات 9 منو ارخص حسب وجهة نظرك الكويت ولا برشلونة؟؟؟

والتيشيرتات ما اقصد فيها فنيلة برشلونة .. لأنها فنيلة قذرة مع احترامي طبعا لمشجعي النادي..

ولكن اقصد عن التشيشيرتات بشكل عام شلونها غالية ولا رخيصة وهل هي ارخص من الكويت ولا اغلى ..

لأن السفرة بعد 8 أيام تقريبا فبضبط أموري ...

ويعطيك الف ألف عافية على ردودك الرائعة




الله يعافيك والله بالنسبه للماركات مافتريت عليهم وكان بودي افيدك انت لما تجي برشلونه شوف الاسعار

ودمت بود

المشاركة الأصلية كتبت بواسطة العروبة
http://www.arabtravelersforum.com/tr...2/#post5691512

ان شاء الله رحلة سعيدة وترجع بالسلامة
بس حبيت اسالك اخوي كيف الجو عندك صحيح حااار بالنهار واذا مافيها كلفة عليك ممكن تنزلنا خريطة المترو وعسى طريقة استخدامة سهلة ,,وبس وسلامتك




تسلم لبي قلبك

بالنسبه للجووو روووعه فترة الظهر فيه حرارة بس حرارة الشمس لما تجي بالظلال تحس انك سافرت ديرة ثانيه من الجو اللي يحبه قلبك

للاسف خريطه المترو مش متوفرة عندي

يعطيك العافية أخوي هاوي ميونخاوي على ردك الطيب وافادتك الطيبة ..

سؤالي لك أيضا ..

هل يوجد شاطئ بحر ممتاز ممكن نسبح فيه قريب من شاطئ الرامبالا؟؟
ولا الشواطئ مغلقة ومخصصة للمنتجعات فقط؟؟؟
وكم يبعد الشاطئ تقريبا عن الرامبالا؟؟

وقواك الله مرة ثانية

المشاركة الأصلية كتبت بواسطة jgj3
http://www.arabtravelersforum.com/tr...2/#post5696112

عزيزي الحمدلله ع السلامه وسلامه الاسفار
بسالك الله يحفظك من وين استاجرت السياره عن طريق المطار ولا النت يومك بالكويت
وكم سعر اجارها اليومي سواء هنا ولاهناك
ياليت تعطيني تفصيل كامل الله يحفظك
والله يوفقك





يامرحبا باالشيخ ويحفظك من كل شر

انا استاجرتها من النت نوع السيارة bmw الفئه الثالثه من موقع سيكست

سعرها لمدة13 يوم معا التامين الشامل 630 دينار كويتي واليوم الصبح استلمتها وحجزو علي حسابي 150 يورو فقط

ولما جايت استلمها طلبو مني الجواز وايصال الحجز والرخصه الدوليه للامانه هي طلبت الرخصه انا عطيتها الرخصه الدوليه والرخصه المحليه موجودة معاي

معلومه مهمه لك :

خل معاك بطاقه فيزا حق الخطوط السريعه

لاني حاليا انا في فالنسيا وانا ماسك الخط اول ماطلعت من برشلونه لقيت كباين نفس الكابين حقت جسر البحرين حقت الرسوم بس بدون موظفين المكاينه يطلع منها تذكرة تخليها معاك لين توصل المنظقه الي تبيها وقبل ماتدخل المنطقه تلقي كباين الدفع تدخل التدكرة ويحسب اجرة الطريق وتدخل الفيزا ويحاسب وتفتح لك البوابه وتكمل طريقك

اي خدمه انا حاضر

اتمني اني فدتك وفدت غيرك

ياناس حد يفيدني انا بعد اسبوعين رايحه اسبانيا ,,,
اروح بس برشلونه وسان سابستيان ومدريد
ولا اترك مدريد واروح ملقا وغرناطه وماربيا مع برشلونه طبعا
حد يشور علي

المشاركة الأصلية كتبت بواسطة هاوي ومخاوي
http://www.arabtravelersforum.com/tr...2/#post5697032

يامرحبا باالشيخ ويحفظك من كل شر

انا استاجرتها من النت نوع السيارة bmw الفئه الثالثه من موقع سيكست

سعرها لمدة13 يوم معا التامين الشامل 630 دينار كويتي واليوم الصبح استلمتها وحجزو علي حسابي 150 يورو فقط

ولما جايت استلمها طلبو مني الجواز وايصال الحجز والرخصه الدوليه للامانه هي طلبت الرخصه انا عطيتها الرخصه الدوليه والرخصه المحليه موجودة معاي

معلومه مهمه لك :

خل معاك بطاقه فيزا حق الخطوط السريعه

لاني حاليا انا في فالنسيا وانا ماسك الخط اول ماطلعت من برشلونه لقيت كباين نفس الكابين حقت جسر البحرين حقت الرسوم بس بدون موظفين المكاينه يطلع منها تذكرة تخليها معاك لين توصل المنظقه الي تبيها وقبل ماتدخل المنطقه تلقي كباين الدفع تدخل التدكرة ويحسب اجرة الطريق وتدخل الفيزا ويحاسب وتفتح لك البوابه وتكمل طريقك

اي خدمه انا حاضر

اتمني اني فدتك وفدت غيرك



يعطيك العافية اخوي
لكن ما فيه طريقة للدفع كاش ؟؟؟

المشاركة الأصلية كتبت بواسطة visca el barca
http://www.arabtravelersforum.com/tr...8/#post5697668

نصيحه ياخوى هاوي ومخاوي والله الجنوب الأسباني أرف ومرض ولوعت جبد
غالي حيل برشلونه ارخص بمراحل حار حيل بتصير فيك ضربه شمس بعيد الشر ومايسوى بيزه والله
احلى منطاق اسبانيا برشلونه وسان سيباستيان واقطع





مرحبا حاليا انا في ماربيا والجووو رووووعه احترم رايك ووجهه نظرك الديرة كلها غاليه انا سكنت في برشلونه في فندق يورو ستار 5 نجوم لمدة 4 ليالي ب 800 يورو وحاليا انا في ماربيا بيني وبين البورت بانيوس اقل من 5 دقايق بالسيارة ماخذة 8 ليالي ب 1200 يورو والاكل بمطعم هندي حلال بماربيا بالبورت باانيوس نفسها

واللي بيسافر مايحسب للفلوس واللي ماعندة يقعد في بيته احسن له لا يشقي عمرة

المشاركة الأصلية كتبت بواسطة مسافر عالمي
http://www.arabtravelersforum.com/tr...8/#post5709548

يعطيك العافية اخوي
لكن ما فيه طريقة للدفع كاش ؟؟؟




والله ماعندي علم بالنسبه للكاش

اخذ لك فيزا او ادفع من النت قبل لا تسافر وريح بالك

المشاركة الأصلية كتبت بواسطة سما الدوحه
http://www.arabtravelersforum.com/tr...8/#post5707718

ياناس حد يفيدني انا بعد اسبوعين رايحه اسبانيا ,,,
اروح بس برشلونه وسان سابستيان ومدريد
ولا اترك مدريد واروح ملقا وغرناطه وماربيا مع برشلونه طبعا
حد يشور علي




الاختيار لج بالنهايه شوفي اللي خاطرج فيه

انا كنت ببرشلونه وسافرت لماربيا بالسيارة والله رحله ماحسيت فيها بالتعب من حلاة الجو والمناظر

طلعت من فالنسيا الساعه 1 الظهر ووصلت ماربيا الساعه 10 بليل

ماربيا بالنهار جوها لاباس به لاكن بالليل واااااااااااااااااااو

وبالنسبه لمدريد

انا اعتبر المنطقه اللي مافيها بحر مافيها حياة

المشاركة الأصلية كتبت بواسطة lo0o0onely
http://www.arabtravelersforum.com/tr...0/#post5712700

السلام عليكم
مرحبا اخواني

قرأت الموضوع وحبيت اشارككم وافيدكم بالمعلومات اللي عندي

بالنسبة للي طلب سعر التاكسي من المطار
السعر يختلف بالنهار فتح العداد 1 يورو والليل 2 يورو

وافضل طريقة للذهاب من المطار الى ساحة كاتلونية(بداية شارع الرامبلا) هي عن طريق الباص لونه ازرق
مكتوب عليه Aerobus
ب5 يورو

وبالنسبة للي يسأل عن شاطئ قريب من الرامبلا هو La Playa
نهاية الرامبلا راح تشوف دوار مكتوب عليه colon
تاخذ من عنده يسار مشي 5 دقايق وتشوف الشاطئ علي يمينك

معليش هذي اول مشاركة لي بالمنتدى

انا طالب ادرس ببرشلونة ومستعد لأي استفسار

بالتوفيق للجميع



حياك الله والله يوفقك في درااستك

حبيت اقولك معلومه بالنسبه للبحر وقربه او بعدة عن الرمله

ياريت تتاكد من معلوماتك قبل تكتبها مثل

وبالنسبة للي يسأل عن شاطئ قريب من الرامبلا هو La Playa
نهاية الرامبلا راح تشوف دوار مكتوب عليه colon
تاخذ من عنده يسار مشي 5 دقايق وتشوف الشاطئ علي يمينك

صح يشوف البحر بس مايقدر يسبح انا كنت ببرشلونه وقطعت مسافه كبيرة وانا امشي تعبت من الشاطي حق السباحه مو البحر حتي نصب كريستوفر كولومبس

والمعلومه الثانيه مافيه تاكسي بيورو كلهم فتح الباب ب 2 يورو وازيدك من الشعر عمارة اذ كنت بمكان وخليتهم يطلبون لك تاكسي التاكسي يحسب عليك من يوم يحرك من مكانه حتي يوصلك

ودمت بود

مرحبا اخوي مهاوي
انا ساكن قريب من البحر
واسبح دايم في المكان اللي وصفته لك


يمكن انت تقصد البحر اللي ما ينسبح فيه موقف السفن اللي بنهاية الرامبلا

بس تمشي مسافة بسيطه من عند السفن وراح تشوف البحر ع اليمين جنب فندق w

معليش يمكن ما فهمت سؤالك, هل تقصد اسم بحر او شاطئ معين والا اهم شي بحر للسباحة؟

أخوي لونلي او وحداني بالعربي...,

يعني تنصحني بالباص بدلا من التاكسي؟؟؟

علما بأن فندقي يقع في شارع الرامبالا...

ولا ما تسوى دام معاي جنطة كبيرة؟؟؟؟

السلام علكيم ورحمة الله وبركاته

اسعد الله مسائك اخوي هاوي بكل ود وخير

سؤوال اخي الفاضل عن المطاعم في شارع الرامبلا

المطعام التي ينصح بها

لاني حاليا في برشلونة والله يكرمك القاري دخلت اليوم مطعم ما كملت اكلي فيه

فياليت لو تذكر اكثر من مطعم

لانه ذبحني دانكن دونات لي يومين افطر فيه

وقريت من احد الاخوان ينصح بمطع يوجد به اكلت البايلا

معليش اخوي هاوي الجوع ذاااااااااااابحني حيل

ولا الاماكن الثاني معروفه السيااااااااااااااحية

اما الجووووووووووووووو خلوها على الله مشممممممممممممس وحراااااااااارة مو بكثيره بس يعني مش تشوي تقلقل.

دمتم بود ودمتم سااااااااااااااااااااالمين

هلا اخوي KEVEN
انصحك بالباص
وبالنسبة للشنطة الكبيرة فيه مكان مخصص للشنط الكبيرة داخل الباص-لا تشيل هم الشنطه مهما كان حجمها

طبعا مطار برشلونه فيه Terminal-1 و Terminal-2
اذا كانت طيارتك ع Terminal-1 قبل ماتطلع من المطار في مخرج ع اليمين وبتشوف علامة موقف للباصات
لونها اصفر واسود - تدخل وتنزل وتشوف الباص قدامك
وللاحتياط اسأله: Plaza Catalunya

واذا كانت طيارتك ع Terminal-2 بس تطلع من المطار بتشوفه برا

وتذكر لونه ازرق ومكتوب عليه بالاسود Aerobus

موفق اخوي

أخوي العروبة
بحثت عن موقع فندقك Miramar Barcelona
قريب من البحر

تبي اماكن سياحية مثل ايش؟
يعني تحب المتاحف؟ حدائق؟ مدينه العاب؟ تلفريك؟ اماكن تسوق؟ مجمعات؟ ....ألخ

معليش بس لو توضح اكثر ايش تحب عشان اقترح لك بعض الاماكن خلال الثلاث ايام


موفق

أخوي Lioneyes

اذا كنت ساكن في الرامبلا
خذ المترو الاخضر L3
واطلع الى passeig de gracia
مو بعيده من عندك

وأنصحك بمطعم اسمه البركه
تلفونه 933234651 - 625194474
إسأل عن شارع valencia رقم 204

حاولت احط صورة تبين الطريق بس ماعرفت

ادخل على رابط جوجل للخرائط : http://maps.google.com/maps
بعدها get directions
وادخل في المربع الاول Metro near Passeig de Gràcia, Barcelona, Espanya
وفي المربع الثاني Carrer de València, 204, 08011 Barcelona, Spain

وبيبين لك الطريق


بالهنا والشفا

موفق اخوي

المشاركة الأصلية كتبت بواسطة lo0o0onely
http://www.arabtravelersforum.com/tr...4/#post5721544

أخوي lioneyes

اذا كنت ساكن في الرامبلا
خذ المترو الاخضر l3
واطلع الى passeig de gracia
مو بعيده من عندك

وأنصحك بمطعم اسمه البركه
تلفونه 933234651 - 625194474
إسأل عن شارع valencia رقم 204

حاولت احط صورة تبين الطريق بس ماعرفت

ادخل على رابط جوجل للخرائط : http://maps.google.com/maps
بعدها get directions
وادخل في المربع الاول metro near passeig de gràcia, barcelona, espanya
وفي المربع الثاني carrer de valència, 204, 08011 barcelona, spain

وبيبين لك الطريق


بالهنا والشفا

موفق اخوي

الله يعطيك العافيه اخوي وما قصرت

من خرائط قوقل مرة قريب من الفندق الي انا ساكن فيه ثاني شارع يسار يجي على اليمين

بارك الله فيك

دمت بود اخي الكريم

ودمتم سالمين

السلام عليكم ..,

أخوي لونلي , قواك الله عالرد ومشكور وايد...,

بس سؤال اخوي ,, هل الفنادق داخل الرامبالا متباعدة عن بعضها؟؟

لأن فندقي واقع في شارع الرامبالا...,

يعني كل خوفي هو انني آخذ باص وعقب ما يوصلني الرامبالا فإن المشي إلى الفندق يستغرق دقائق طويلة .....!!!

ايضا استفسار ثاني , في حالة العودة الى المطار ل آخذ نفس الباص ولا ما يستحق ؟؟؟

يعني هل من الممكن ان الباص يوقف اكثر من محطة وبالتالي يتأخر ذهابي الى المطار؟؟؟


واستفسار ثالث,,.

هل المجمعات التجارية قريبة من الرامبالا ام انها تحتاج الى تاكسي؟؟؟

لانني ناوي اتسوق واشتري فنايل ( تي شيرت) بالاسعار المعقولة, فما هو أفضل مكان؟؟؟

ويعطيك العافية

المشاركة الأصلية كتبت بواسطة lioneyes
http://www.arabtravelersforum.com/tr...8/#post5720148

السلام علكيم ورحمة الله وبركاته

اسعد الله مسائك اخوي هاوي بكل ود وخير

سؤوال اخي الفاضل عن المطاعم في شارع الرامبلا

المطعام التي ينصح بها

لاني حاليا في برشلونة والله يكرمك القاري دخلت اليوم مطعم ما كملت اكلي فيه

فياليت لو تذكر اكثر من مطعم

لانه ذبحني دانكن دونات لي يومين افطر فيه

وقريت من احد الاخوان ينصح بمطع يوجد به اكلت البايلا

معليش اخوي هاوي الجوع ذاااااااااااابحني حيل

ولا الاماكن الثاني معروفه السيااااااااااااااحية

اما الجووووووووووووووو خلوها على الله مشممممممممممممس وحراااااااااارة مو بكثيره بس يعني مش تشوي تقلقل.

دمتم بود ودمتم سااااااااااااااااااااالمين





حياك الله لو قريت موضوعي من البدايه كان ماسالتني علي العموم

حياك الله

المطعم تلقاة بشارع الرمله وانت ماشي رايح صوب ساحه كتلونيا تلقي المطعم علي يدك اليسار بعد ماتتعدي كارفور بكم محل

المشاركة الأصلية كتبت بواسطة lo0o0onely
http://www.arabtravelersforum.com/tr...0/#post5713630

مرحبا اخوي مهاوي
انا ساكن قريب من البحر
واسبح دايم في المكان اللي وصفته لك


يمكن انت تقصد البحر اللي ما ينسبح فيه موقف السفن اللي بنهاية الرامبلا

بس تمشي مسافة بسيطه من عند السفن وراح تشوف البحر ع اليمين جنب فندق w

معليش يمكن ما فهمت سؤالك, هل تقصد اسم بحر او شاطئ معين والا اهم شي بحر للسباحة؟




اي اقصد الي عند فندق w بس يالشيخ الشاطي اللى عند هالفندق مايصلح تسبح فيه لانه قليل ادب خخخخخخخخ

بس والله مشوار من الرمله الي الشاطي هناك واللي بيروح له مشي بيحس بالمشوار

هههههههههههههه

هلا اخوي هاوي

اسبح الصبح والا قريب المغرب مع وقت الحداق وما بتشوف قلة ادب ههههههههه

وقبل ماتسبح شيك سرعة الرياح وخذ احتياطك ترى الموج عالي بعض الاحيان

واذا ماتحب المشي استخدم المترو والبحر موقعه عند المترو الاصفر رقم 4 M4-Barceloneta

الله يحفظ الجميع

اخوي KEVEN

بالنسبة لفنادق الرامبلا كلها جنب بعض (مصفوفه ع طول الشارع)
بس من بداية الرامبلا للنهاية ياخذ منك مشي 10-12 دقيقه

ولو تحط اسم الفندق عشان نعرف موقعه ونعطيك تفاصيل اكثر

وبالنسبة للباص يوقف مرتين بس ماياخذ وقت - كل وقفة تحميل وتنزيل ركاب ع السريع
واذا كان مافي زحمه خلال 15-20 دقيقه وتوصل ولو فيه زحمه 30 دقيقه

وبالنسبه للمجمعات: في مجمع اسمه Maremagnum بعد نهاية الرامبلا بتشوف دوار وتاخذ من عنده يسار
وبتشوف ممر للمشاة عند السفن على اليمين وبتشوف المجمع
مو كبير المجمع بس اسعاره حلوة

موفق اخوي

لو سمحت اخوي رحت لمطعم امير الليل العربي بقراسيا ولا لا ابي مكانه بالضبط جزاك الله خير

المشاركة الأصلية كتبت بواسطة GoldenSmile
http://www.arabtravelersforum.com/tr...8/#post5743588

لو سمحت اخوي رحت لمطعم امير الليل العربي بقراسيا ولا لا ابي مكانه بالضبط جزاك الله خير




هلا اخوي

معليش برد بالنيابة عن اخوي هاوي ومخاوي

مطعم امير الليل موقعه

Plaza del sol , 2

وطبعا Gracia تطلع لها بالمترو الاخضر M3 واسم المحطة Fontana

تطلع من المحطة وتنزل ع شارع passieg de gracia وخلك ع يسار الشارع لين يجيك محل الاتصالات Orange

وتاخذ يسار وبتلقى الساحة والمطعم



موفق اخوي

وصلت بالسلامه الي الكويت ولي عودة اخري باذن الله الي بلاد المليون ثور هههههههههههههه

لاني بصراحه بالطريق وانا ماشي اشوف الثيران بكل محل

ترقبووو التقرير قريبا باذن الله

المشاركة الأصلية كتبت بواسطة lo0o0onely
http://www.arabtravelersforum.com/tr...6/#post5765266

هلا اخوي

معليش برد بالنيابة عن اخوي هاوي ومخاوي

مطعم امير الليل موقعه

plaza del sol , 2

وطبعا gracia تطلع لها بالمترو الاخضر m3 واسم المحطة fontana

تطلع من المحطة وتنزل ع شارع passieg de gracia وخلك ع يسار الشارع لين يجيك محل الاتصالات orange

وتاخذ يسار وبتلقى الساحة والمطعم



موفق اخوي



جزاك الله خير اخي ماقصرت الله يديم فضلك