الموضوع: امس وصلت من صلالة

السلام عليكم ورحمة الله وبركاته ...
لسه واصل من صلالة... وراح انشاء الله اعطيكم تقريري المفصل من تذاكر وفنادق وتاجير سيارة وجدول يومي وتكلفة الرحلة كلها..
اولا / الطيران
حجزت على الحطوط العمانية بحرين _ مسقط _ صلالة شخصين مع طفلتي المحروسة بينو وكان سعر التذاكر 3990
علما اني شفتها قبل ثلالة ايام ب 2900 بس ما كان عندي فيزا .. مستوى الطيران عادي وبصراحة اغلبه هنود لانهم يطلعون ترانزيت الى الهند من البحرين.. واي شخص يسافر على الخطوط العمانية الى صلالة راح يشوف كثرة الهنود فيها
بالنسبة لدقة المواعيد جيد جدا بس الخروج من صلالة تاخرت رحلتنا اربع ساعات تبهدلنا شوي....

انتظروني عند الوصول وش صار لي مع السكن وتاجير السيارات

مواضيع عشوائيه ممكن تكون تعجبك اخترناها لك:

• زيارة لاول مرة تكفون اخواني
• الطريق بالصور من الحدود السعودية الى صلاله البهية
• إعلان تمديد مهرجان صلالة السياحي إلى سبتمبر شوال
• استــــــــــفٍســـــــــــــااااااررررررر ااااااااا ت
• استخراج تأشرة للخادمة
• منتجعات عمان
• ساعدوني باسبوع رحله لعمان
• فزعتكم يا أهل الجود والخير صلالة
• أرائكم ف صلالة
• صلاله من ألف إلـــــــــــــى الياء
• اهل صلاله ممكن خدمه عاجل
• ياجماعة مستعجل تكفون ؟
• سهل حمران وغابات ناشب وعين أثوم بموسم الشتاء، بتاريخ
• استفسار عن صلاله
• رحلة ومغامرة إجازة العيد الوطني
• استفسار عاجل
• تكفون ترى تكفى تهز الرجاجيل
• وادي دربات قبل الخريف
• الفزعه يارواد السلطنه
• هل نحتاج لملابس شتوية في صلالة أيام عيد الفطر المبارك

راح ننتضر تقريرك باحر من الجمر............

ننتظر تقريرك اللي اتوقع انه رائع واكثر من رائع لان سفريتي القادمه بإذن الله الى صلاله ............

الحمدلله على السلامه اخوي

ثانيا / في المطار واجرة السيارة
لما وصلت مطار صلالة اخذت خريطة شاملة عن عمان وصلالة اسال عنها في المنافذ والمطارات... وقبل كذا كنت ادخل كثير على القوقل ايرث وفادني كثيييييييييييير في معرفة صلالة... وكان عندي جوال n95 نوكيا ركبت عليه برنامج الروت وبصراحة خطيييييييييييير وانصحكم فيه حتى في الجبال يشتغل وفيه اغلب اماكن صلالة... المهم لما وصلت المطار حاولت استاجر سيارة قالو لي مكاتب المطار لاااااااااااا زم فيزا او مستر كارد انتبه اخي الكريم لهذه النقطة... اخذت سيارة تكسي الى مكاتب تاجير السيارات في صلالة طبعا المشوار خمس دقائق الى صلالة واخذ خمسين ريال سعودي ( غالي)...لان المطار قريب جدا من المدينة.. كان وصولي الساعة 8 مساءا وكانت السيارات كلها مؤجرة لقيت دفع رباعي من شارع 23 يوليو 250 ريال وقلت بعدين اغيرها..
ثالثا/ البحث عن السكن ..
لما وصلت تورطت كل الشقق فل في 31/7 لقيت غرفة في وسط صلالة 280 ريال مستواها عادي اخذتها مضطر..لان كانت زحمة بشكل خيالي وبعض المكاتب الله يهداهم استغلو الوضع في رفع الاسعار..

معلومات مهمة لكل مسافر الى صلالة
صلالة مدينة صغيرة تقسمها خمسة شوارع من الشرق الى الغرب اذا عرفتهم راح يصير القارمن والروت في راسك وهي. طبعا ابدا فيها من الشمال الى الجنوب...
الشارع الاول وانت جاي من المطار شارع الرباط كبير وواسع
الشارع اللي بعده شارع 23 يوليو وللاسف تتعبان ومسار واحد وهو شارع تجاري.. وما انصحكم تاكلون من المطاعم اللي بهذا الشارع لان مستوى النظافة فيها 50% باستثناء بن عتيق ... لانكم راح تلاحظون اغلب المسيطرين على السوق في صلالة العمالة الهندية..
الشارع الثالث شارع السلام وهو افضل شارع تجاري كله اسواق ومتوفر فيه اي شي تبيه.
الشارع الرابع شارع المنتزه وبصراحة لما تمشي فيه كانك في شرق اسيا من اشجار جوز الهند والموز وفي اكشاك لبيع الفواكه المحلية ..
الشارع الخامس شارع السلطان قابوس اللي فيه سوق الحافة .
اخر شي الشارع البحري اللي على شاطئ الحافة وانصحكم فيه بالقوة شي خيااااااااااال شاطئ الحافة البحر على طول متحرك وشواطئ نظيفة
على فكرة
بالنسبة للسكن انصحكم السكن في السعادة مكان نظيييف وارخص من وسط صلالة والان اسعار الاجارات نزلت النصف يعني ياحظكم ومتوفرة كثير...

ثالثا/ جدول رحلتي
رحلتي كانت 7 ليالي ثماني ايام ... واعتقد خمس ليالي 6 ايام كافية وزيادة..
كلفتني تقريبا شامل 9000 ريال
اجار السيارة اخت هونداي صغير 2009 ب 100 ريال لليوم ... بعد طبعا ما غيرت الدفع الرباعي بس بصراحة تعبت كثير في الجبال..
خطتي كانت ..
اول يوم / الدحقة ( اثار ناقة نبي الله صالح) وهي في منطقة القوف في صلالة...وعين جرزيز وهي على طريق جبل ايتين وسهل ايتين. وشارع المنتزه لشراء الفواكه المحلية ... وبعدها خلدنا الى النوم انتظروا تحميل الصور...
يالله شباب ابغى تشجيع مشان الصور

الحمدلله على سلامتك اخي وان شاء الله تكون زيارة موفقه في ربوع ارض ظفار الجميلة درة الخليج وننتظر صورك بفارغ الصبر .

سعداء بزيارتك الجميلة أخي العزيز، لاحظت توجه غالبية السعوديين نحو استئجار السيارات والإتيان بالطائرة، وهو فعلا الخيار الأمثل لأن خسارة البترول وبهذلة السيارة ومشوار الطريق ماراح توفر منها الكثير مقارنة بإستئجار سيارة وانت مرتاح، إلا في حالة إن العدد كبير من المسافرين تفرق من حيث قيمة التذاكر.

مترقبين صورك عزيزي الغالي، وراح تكون لنا تعقيبات لاحقا.

متبعين معااااك بس فين الصووووور

والحمد لله على السلامة


وكل رمضان وانت بخير

مطاعم شارع 23 يوليو جيدة جدا وخصوصا مطعم بعلبك مشويات وعنده مقبلات روووعة

ومطعم الشلال مطعم أكل هندي راقي جدا وبالسرا لحد ما تحصل طاولة واكل على مستوى عالي جدا

والخدمة والنظافة 5 نجوم .