السلام عليكم ورحمة الله وبركاته
خساير الأسهم خلت الواحد ما يبي يشوف أحد، وكل يوم نزيف فوق نزيف لين كرهت اشوف الشاشة.
ما ابي اشوفها ولا ابي اشوف أو اسمع صوت إزعاج.
أبي ديره ريفية أو بحرية (جزيرة) تكون هادئة، جوها نظيف، ناسها طيبه.
وأبي أسافر لها بأسرع ما يمكن (يعني ما ابي دوخه وفيزه وغيره من الأمور التعقيدية).
فكرة في مدينة (كارلوفي فاري) في التشيك، وذلك عشان المصحات اللي هناك (قلت أخذ لي إسبوع إستجمام وتغير جو مع شويت مساج) بس لما عرفت أن الموضوع يتطلب حجز مصحات وإستخراج فيزه وغيره من امور المراجعه اللي تخلي الواحد يموت من كثر ما يراجع من هنا وهناك.
أنا ابي اروح على طول يعني احجز وبكره اروح المطار واركب الطيارة.
دورة على مكاتب تخلص لي الفيز والحجوزات (بس ما لقيت) وبذات المصحات ما يفيدك فيها (يعني وش يقدمون من خدمات وعروض والأسعار كم وغيره من أمور الراحه).
بس ليت ما تطلع هذي الأشياء يبيلك تراجع من مكان إلى مكان كأنك تراجع دائرة حكومية عندنا. يعني قبل ما تروح (بتموت) من المراجعات.
شباب الله يخليكم اللي عنده أي معلومات يفيدني (يرحم والديكم)
أنا من سكان الدمام (وأروح البحرين بشكل إسبوعي) يعني حتى اللي عنده عنواين مكاتب توفر لي كل اللي ابيه مره واحدة في البحرين يدلني عليها وبكون مشكور مليون.
الله لا يهينكممواضيع عشوائيه ممكن تكون تعجبك اخترناها لك:
- الي الاخوة خبراء اوكرانيا أرجوا المساعدة
- ريموند من راح لها يفيدني
- امستردام
- سوتشي عاصمة الاولمبية الشتوية عام
- ممكن جدول سياحي ايام اول مره اسافر براغ
- النرويج أفضل مكان للعيش في العالم
- مسافر لأمستردام واحتاج مشورتكم
- طرافة تهم السائحين في سيبيريا
- موسكو
- استفسار هام وعاجل شهر عسل اوروبا ابتداءاً من اسبانيا -
- هام جدا الى كل خبير ما هو اسرع ؟
- استفسار ومسساعده لو سمحتو
- من قطر الى رومانيا
- بين هولندا و لندن و أسبانيا ضاع أخوكم إنسان
- استفسارات عن مالطا
- ما هي أفضل المدن الاوروبيه لشهر العسل
- ابي مساعدتكم في جدول شهر العسل
- إلى الغالي حريف امستردام والخبراء الكرام
- افيدوني هولندا ام بلجيكا
- ارجوا المساعدة فى ترتيب برنامج السفر الى بروكسل و امستردام
المفضلات