بسم الله الرحمن الرحيم
سلام عليكم ورحمة الله وبركاته
القصة ومافيها إن زواجي إن شآء الله بيكون بعيد رمضان بالتحديد في 4 شوال وشهر العسل
بيكون ربع عسل شكله :101: لأنه تـقريبآ بيكون 9 أيام وعشان كذا أنا قلت مالي الا جزر المالديف
عشان لاقلت بنروح المالديف يكون الجواب ( وااااو المالديف نسوي مثل توم كروز وهولمز)
بعدها جيت هنا وقريت الموسوعات اللي كتبها أبو عبد العزيز وتـفحصتها أو بالأحرى جلست عليها ساعات
وأنا أقراها بعدها جاني تساؤلات كثيره !؟
قلت اسألكم وماأظنكم بتـقصرون معي خصوصآ إنه شهر عسل ومالها داعي يخرب علي :smile:
مبدئيآ الميزانية راح تكون من 25 إلى 30 ألف ريال شاملة التذاكر لمدة من 9 إلى 11 يوم
السؤال الأول
ماهو المكان المناسب والأفضل مع العلم إني أبي في مكان واسع لشاطيء وكوخ ويكون مافيه أحد
ولو كان فيه أحد مايكون قريب ويصير أي شيء بتسويه تـفكر باللي ساكن جنبك مثل نظام شاليهاتنا :24:
لو بتتحرك لازم تقول للي جنبك بالشاليه الثاني ممكن تبعد شوي أبي أمشي من قوة إنه لاصق فيك يعني
ماودي إني أروح وبالأخير يصير قلق ويخرب أم السالفه ويخليني :112: لأني أحب أمخمخ على روقان وماأحد
حولي ؟
السؤال الثاني
ماهي النشاطات اللي أقدر أسويها واسعارها هي والتـنقلات تقريبآ
عشان أروح وآخذ معي جدول على عدد أيام الرحلة من قبل أمشي لأني بروح لأول مره وأكيد فيه نشاطات
وأماكن مايعرفها إلا اللي راح لها ؟
السؤال الثالث
الحين أنا بروح ووجبة الفطور والعشاء عليهم ولها وقت محدد إفترض جدلآ إنها راحت علي نومه وماصحينا
إلا بوقت مافيه وجبه السؤال يكون كم اسعار الأكل والشرب تقريبآ مثال المويه ب 17 ريال بواشنطن :x1:
السؤال الرابع
سمعت أنه الواحد يفضل إنه يآخذ بعض الوجبات معه لانها ماتوجد الا بمالي ولازم تروح مشوار بيخت والا
بطائرة بحريه عشان تشتري مثلا فيشار أنا أدري انه فيشار ماهو شيء خطير بس لو تمسك مع المدام
تقول ابي فيشار قبل نشغل البروجكتر ونسوي سينما :106: ؟
السؤال الخامس وأدري إني طولت بس إني بتزوج وإعذروني
سمعت إنه فيه أوقات يكون فيه فياضانات ومد وجزر وحركات ممكن تخليك تتعلق فوق الشجرة :baaa2:
فهل وقتي أنا مناسب وهل وقت فيه زحمه وسياح وإلا لا ؟
أتمنى أحصل اجابه للتساؤلات وأكون داعي وممنون ومقدر وشاكر لكل شخص ساعدني بأسعد أيام حياتي
أخوكم يـزيـد
مواضيع عشوائيه ممكن تكون تعجبك اخترناها لك:
رد مع اقتباس
المفضلات