الموضوع: في عيوّني لهفةَ لشي قدييم

هنآ الرياض .. بعد شوي بنروح سريلانكا .. اللي بيروح يجهز شنطته بسرعه ...

واللي آوب رايح معنا ... أحسن

×××

وشسمه !! فيه قرقر واجد ابي أقوله ... بيفيد اللي ناوين على سريلانكا

عآد ترى انا اول مره اروح لها .. يعني لو أخطأت صححوا لي

وموضوعي جمعت فيه خلاصة تجربتي .. وحاولت أدعم بالصور والأسعار

بس ما كثرت الصور ... لان هدفي من الموضوع هو مساعدة اللي ناوين على سريلانكا في التخطيط

انتظروني بعد شوي ..

مواضيع عشوائيه ممكن تكون تعجبك اخترناها لك:

• لاهل الخبرهـ قوا الهنديه
• منتجع نظام اكواخ وشاليه بكولمبو
• رحلة العتبان الى ارض الجنان كيرلا
• رحله عايليه
• رتبوا لي سفرتي لسيريلانكا لمدة اسبوع
• الفزززززعه ياعرررب
• رحلتي الى سيريلانكا العام الثاني مستجدات ومفاجأت
• 7 أيام من الهدوء والترفية في ساحرة الهند ولاية كيرلا
• استفسار عن منطقة في كيرلا
• الميزانية التقريبية لمدة ايام في سيرلانكا
• عاااااجل اخوكم يطلب من المختصين الفزعة لاعدمناكم
• أتمني تساعدوني بخصوص سريلانكا
• خبراء سريلانكا
• استشاره بخصوص كيرلا
• اخوكم محتاج فزعتكم
• رحلتي إلى كيرلا (الهند )
• مساعدة تقدير مبدئي للتكاليف المتوقعة
• هل من نصائح للمسافر وحيداً للهند
• الفزعه للدراسه في الهند مدينه جوا
• عاجل جداااااااااااااااا

ليش سريلانكا بالذات ؟

لأني احب المطر والأجواء الاستوائية .. وخالتي سافرت لها وتمدحها كثير .. ولأني سمعت انها رخيصة

لكن في الحقيقيه وبعد التجربه تعتبر اسعارها مثل ماليزيا وما تفرق كثير عنها

×××

طيب الان احنا نوينا على سريلانكا وش نسوي أول شي ؟

أول شي لازم تطلعون على تقارير وعلى صور عن سريلانكا واذا اعجبتكم تبدون الشغل ..

نبدأ بأيش ؟

اول شي نشوف كم الميزانية اللي احنا حاطينها للسفر .. وبعدين نحدد عدد الايام اللي راح نجلسها هناك .. وأكيد نكون أخذنا اجازه من العمل وضمنا الموافقه عليها وبعد كذا نحجز الطيران ..

اجازتي كانت بتاريخ 27 - 6 - 2012

يعني اروح لمكتب وأقوله يدور لي حجز ؟

لا طبعا ً ... استخدم الانترنت .. انا بحثت في موقع اسمه حجوزات عن ارخص طيران .. بالنسبه لي ما يهمني جودة الخطوط اللي بسافر عليها اهم شي أوصل !

ان شاء الله يركبوني مع العفش .. انا حجزت على الخطوط العمانية عن طريق موقعهم ع الانترنت بسعر 750 ريال للشخص ذهاب فقط .. ترانزيت عن طريق مسقط انتظار ساعة في مسقط .. الاقلاع كان يوم الخميس 28 - 6 - 2012 الساعه 9 بالليل والوصول الساعه 7 وربع صباح الجمعه

(قبل ما نكمل وللي يهمهم الموضوع : الخطوط العمانيه غير جيده وطياراتها صغير ومحركاتها مزعجة )

اما العودة حجزت ع الخطوط السعودية عن طريق موقعهم ع الانترنت بسعر 780 اعتقد والله مو متذكره بس في هالحدود ..

كانت العودة الاربعاء 11 يوليو 2012 الاقلاع الساعه 11:45 صباحا ..

ولان حجزي كان مبكر قدرت آخذ مقاعد في درجة الافق وحجزي ضيافه

حجزنا الطيران ... وشيكنا على جوازاتنا متى تنتهي ... باقي الحين الفنادق ..



حجوزات الفنادق :

راسلت شركات كثير ... وجتني عروض مختلفه .. الا ان شركة nkar كانت الاقل سعر ..

ترددت كثير قبل اختارها لان مالقيت عنها تجارب كافيه وبعدين استخرت واتفقت معاهم

كلفني 1130$ للشخص اقامه وافطار ومواصلا بسيارة مكيفه وموديل حديث وسائق مرشد يتكلم العربية 12 ليله من المطار للمطار ..

شركة NKAR Travels & Tours

،،

س: كيف اتواصل مع NKAR ؟


جـ : تواصلت معاهم عن طريق موقع الشركةالالكتروني


عن طريق صندوق المراسلة الموجود على اليسار وكان الرد سريع جدا خلال ربع ساعة!




××××




س : هل هذه الشركة موثوقه ؟




جـ : ان شاء الله انهم ثقه واكتشفت بعد التعامل معهم انها شركة معروفة في

سريلانكا ويعرفونها الفنادق .. صحيح انه لا توجد تجارب كافيه للاعضاء لهذه الشركة

وتعبت وانا ابحث في محركات البحث لكنانا انصح بها ولا امانع في تكرار التجربة

معهم

××××

س : هل استطيع اختيار الفنادق بنفسي ؟

جـ : نعم هذا ما فعلته بالضبط اخترت الفنادق و نسقت الجدول وراسلتهم به

××××

س : عندما قمت بمراسلتهم هل قاموا بتغيير بعض الفنادق !

جـ : قد يكون السبب عدم وجود شاغر .. بالنسبة لي عندما لم يتوفر شاغر في احد

الفنادق التي اخترتها قاموا باخباري بذلك وطلبوا مني اختيار فندق بديل

××××





س : هل يتأخرون بالرد على الايميلات ؟

جـ : ابدا ... غالبا يكون الرد فوري حتى في ايام الاجازات

( السبت والاحد اللي هي اجازتهم كانوا يردون علي بسرعه ! )


××××

س : من هو الموظف الذي تعاملت معه ؟

جـ : كان تواصلي في تنسيق الحجوزات مع الاخت : Dinanjali Siyambalapitiya

وهي بصراحة تستحق الثناء كان بيني وبينها حوالي 90 ايميل ومع ذلك ما لاحظت أي تذمر

بالعكس كانت رائعه..؛
في التعامل وتحاول دائما ان تنفذ لي طلباتي اشكرها من اعماق قلبي

وفي الحسابات مع : Riyaj Ahamed

××××

س : كيف طريقة الحجز معاهم ؟

جـ : اول شي ترسل لهم الجدول وبعدين يشوفون لك الامكانية ،

اذا متوفر يحجزون لك وبعدين يطلبون منك تحول لهم نص المبلغ على حسابهم بشرط ان يكون

التحويل قبل شهر من الوصول ... وبعد الوصول تكمل لهم النص الثاني من المبلغ

××××

س : هل يوفرون سائق يتحدث العربية ؟

جـ : اكيد ..

××××

س : هل واجهت مشاكل في الفنادق ، ( عدم وجود حجوزات باسمك مثلا ) ؟

جـ : ابدا ... دائما اجد غرفتي جاهزه

×××

س : كيف وضع السياره ؟

جـ : ممتازه جدا .. موديل حديث هوندا مكيفه وكان السائق يهتم بنظافتها

××××

س : كم كانت التكلفه ؟

جـ : السعر لشخصين حاملين جوازات الشرق الاوسط لشهر يونيو – يوليو 2012

لمدة 12 ليله هو 2260 $ شامل الافطار فقط ..

××××

س: هل تعتقد ان هذا السعر معقول ؟

جـ : كان هذا السعر ارخص عرض من جميع الشركات التي راسلتها ...

وكان اكبر عرض حصلت عليه هو 3300$ شامل الافطار والعشاء

××××

حجزنا الطيران والفنادق ايش باقي .. ؟؟

[ulist][*]نتثقف ونقرا معلومات ممكن تفيدنا وممكن نطبعها وناخذها معانا .. [*]

نستخرج الفيزا عن طريق الانترنت ارخص واسرع

[*]

نحول المصروف لدولارات ..

[*]

ناخذ احتياجاتنا من معلبات و تسالي و ادوية ..

[*]

ونستودع الله اهلنا وبيتنا ونروح للمطار في اليوم المحدد

[/ulist]

BRB

صحينا الصباح بدري .. افطرنا وطلعنا من هابارنا

مرينا على دامبولا واخذنا بعض الاغراض من السوبر ماركت

وكملنا الطريق الى الكادو .. ( فندق الهوناس فولس )

كان فيه امطار ... والجو من اجمل ما يكون

مر بنا السواق على بيت عائله سريلانكية تصنع كل شي من جوز الهند ..

أكل - شرب - حبال - اواني - خمر - زيت - سقف لمازلهم - مكنسة ..... الخ

شرحوا لنا كل شي .. واعطونا حبال للذكرى نسيناها في سيارة السواق

×××

كان الطريق الى الهوناس فولس ممتع للعين كل شوي يوقف السواق وننزل نصور

لا تلومونا جايين من صحاري هههههههههههه

المهم وصلنا للهوناس فولس ..

يالله يالله يالله .... يارب اسألك الجنه

كان أمطار قويه وضباب واحنا مره مبسوطين طلعنا وتمشينا لين دخنا ههههههههه

بصراحه المكان يفوق الوصف ... قضينا كامل اليوم في الفندق ومرافقه

واحس انه اقصر يوم مر علي بحياتي ...

تعشينا من معلباتنا الله يخليها لنا ههههههه

اترككم مع صور الهوناس فولس

××××





































BRB

فاصل ..






بانتظآر انطباعكم ..{ ميّ

ما شاء الله ...

يعطيك العافيه عالسرد و الشرح الوافي ..
الله المستعان على الحشرات ..

متابعين ..

.
.
.

ماشاء الله

تقرير من بدايته رائع.. سعر التذاكر ممتاز
وفعلا سريلانكا غالية والاسعار تزداد للأسف الشديد
الهوناس فولز موقعه رائع والجلسه فيه ترد الروح
بالتوفيق

رااااااائع وأروع وأجمل مارايت ...الريو ماريو أقصد صور الهوناس سواليف خفيفة الدسم مع خفة دم أضفت للتقرير نكهة مميزة .

المشاركة الأصلية كتبت بواسطة بو نعوم
http://www.arabtravelersforum.com/tr...1/#post7113961

ما شاء الله
صراحة بهرتيني بالتقرير المميز والصور الأكثر من رائعة حتى هوناس فولز كأني أول مرة أشوفها
واصلي الإبداع بانتظار باقي التقرير بشغف
لا تتأخري علينا

بو نعوم ..

كبر راسي ههههههههه .. ترى التصوير بايفون ..

أكبر غلطة اني ما أخذت معي كآميرا

بتشجيعكم سـ أستمر بإذن الله ..

؛

كن بالقرب

ما شاء الله ...

يعطيك العافيه عالسرد و الشرح الوافي ..
الله المستعان على الحشرات ..

متابعين ..

.
.
.



هلا ومرحبا ام عزيز7 ...

الحشرات كنت متخوفه منها مررره بس الحمدلله عدت على خير

,؛

كوني بالقرب

/


متابع بـ صمت
لـ هذا الجمال




/

المشاركة الأصلية كتبت بواسطة أبن السعودية
http://www.arabtravelersforum.com/tr...3/#post7115953

ماشاء الله تبارك الله كل صورة أجمل من الاخرى
الله يعطيك العافية ..




الله يعافيكـ ..

الـأجمل هو تواجدك


؛.

شكرا لأنكـ هُـنا

المشاركة الأصلية كتبت بواسطة درب يرد مايسد
http://www.arabtravelersforum.com/tr...9/#post7116089

رااااااائع وأروع وأجمل مارايت ...الريو ماريو أقصد صور الهوناس سواليف خفيفة الدسم مع خفة دم أضفت للتقرير نكهة مميزة .



،.

أين أنا ؟

لم أجد نفسي بعد هذا الإطراء





ابق هنا ..

/


متابع بـ صمت
لـ هذا الجمال




/






و هذا الجمآل

ينتظر منكـ أكثر من الصمت

نكمل

في هذ اليوم صحينا الساعه 9 افطرنا وسوينا تشك اوت وطلعنا من الهوناس فولس .... للأسف

واتجهنا الى وسط كاندي ..

بصرآحة كنت راسمه في بالي صورة أحلى لكاندي لكنها كانت أقل من توقعاتي ..

اخذنا جوله بالسياره في كاندي ثم صعدنا للمطل ..

وكان بالقرب منه مصنع الاحجار الكريمه .. دخلنا .. و تفرجنا ع الفيلم التعريفي ..

ثم شرح لنا واحد من العاملين شرح بسيط عن الاحجار وانواعها و كذا ..

ثم طلعنا فوق وعرضوا بضاعتهم علينا ..

واذا اعجبكم شي من عندهم كاسروا .. تراهم يخفضون السعر


طلعنا من المصنع للحديقه الملكيه في كاندي

كانت تذكرة الدخول 1100 للسائح والمرشد ب 50 روبية

كانت كبيرة مره تمشينا فيها وقال لنا السواق راح اوريكم اهم الاشياء

هي حلوه بس مو مره .. ( تستحق الزياره ) .. لكن مافيه شي مميز

طلعنا منها مرينا على محل للحرير حلو

و اسعارهم معقوله ..{ في خاطري فستان شفته عندهم تحسفت اني ما اشتريته


وبعد كذا كملنا الجوله في المدينه الصغيره نوعا ما .. وكالعادة لازم نمر سوبر ماركت هههههه

ثم توجهنا لفندقنا : منتجع ثيفا



مكان رائع جدا من كل النواحي ..

وفي هذا الفندق ولأول مره اشرب مشروب الضيافه اللي يقدمونه الفنادق اول ما نوصلهم

... مشروباتهم غريبه كأنها أدويه .. الا هذا الفندق الرآئع

الغرف رائعه ونظيفه واطلالتها مميزه ... ومايميز الفندق هو الهدو ء والرومانسيه ..

الاكل عندهم مراااا حلو ونظامهم تطلب من المنيو يعني مافيه بوفيه..

طريقة التقديم عندهم خيال ..

الفندق نظيف وحلو ورايق وهااادي

وكل شي فيه يهبل يهبل ههههههه

باقي اليوم قضيناه في الفندق ...

اترككم الان مع الصور ..




،




الحديقة الملكية ..

وهذا المنظر بتشوفونه كثير في سريلانكا


الناس يستحمون في الانهار ... الحمدلله ع النعمة
















BRB

جميل ما آراه


رائع ماقرأت


تقرير نحتاجه لمعرفة السلبيات قبل الإيجابيات


لك كل الإحترام مميزتنا الفاضلة

وين أنتي أو غاصة بسنبوسك..عجلي ترا سهرتنا على سواليفك وأسلوبك الي تقل شيرة. من الموبايل

صحينا الصباح وافطرنا في الفندق
وجلسنا نتمشى فيه شوي


واسكشفنا المنطقه حوالين الفندق


وعلى الساعه 3 طلعنا نتجول في كاندي


رحنا للمعرض التابع للحكومة وكان جيد نوعا ما


وبعدين رحنا لمحل يبيع ملابس وخصوصا الزي السريلانكي


وطلعنا منه على مول حلو اشتريت من محل اوديل اللي فيه


كثير عجبتني بضاعتهم


وبعد كذا رحنا للمسرح الشعبي نتفرج ع العرض الراقص


يبدأ الساعه 5 ونصف وسعر التذكره 500 روبيه


مدة العرض ساعه بس لازم تاكل بندول لانه يسبب صداع


وماهو حلو كثير


طلعنا من المسرح وتجولنا بالسياره في كاندي


وبعد كذا رحنا للمطل نشوف كاندي من فوق في الليل


ومنه طلعنا على مطعم بيتزا هت تعشينا فيه وبعد كذا رجعنا للفندق

وهذه بعض الصور


اطلالة الفندق من غرفتنا ولاحظو المسبح في زاوية الصورة












وهذا فطورنا في مطعم الفندق










آآآآهـ أحلى أكل أكلته في سريلانكا


ياليت كل الفنادق مثله

طلعنا من الفندق الساعه 9 بعد ما سجلنا شكر لهم في دفتر الزوار

ولما طلعنا وأحنا نازلين في الطريق الا نشوف تكتك مسوي حادث ومنقلب

جاء زوجي بيصوره الا يكتشف انه جواله مو معه !!!

ورجعنا للفندق والحمدلله لقيناه

أخذناه و كملنا الطريق

كان الطريق لنوراليا متعب ويدوخ ويجيب الغثيان والصداع

مرينا في الطريق على فندق رامبودا فولس

دخلنا فيه وصورنا الشلالات عن قرب

كان فيه سعوديين ساكنين فيه ... بصراحه ما توقعت

طلعنا من الفندق وكملنا الطريق لمزرعة فراوله

نزلنا فيها واخذنا ايسكريم بقطع الفراوله ب240 روبيه

واخذنا فراوله حبات علبه صغيرة ب 200 روبيه

وكانت حلوه بس مو أحلى من فروالة ( جبل الاولداغ في بورصه - تركيا )

وطلعنا منه على مصنع بلو فيلد اخذنا جوله في المصنع

وجلسنا اخذنا كوب شاي وبعد كذا اشترينا منهم bop و bopf

و بعد التجربة انصحكم بـ bobf لأنه أثقل

طلعنا من المصنع وكملنا الطريق الى نوراليا

وصلنا نوراليا وعلى طول ودانا السواق للبحيرة

دخلنا من جهة شاليهات جوفنتورز وتمشينا

وبعدين اخذنا قارب قال لنا الساعه ب 4000

وقلنا نبي نصف ساعه قال 2000

ويوم ركبنا لف بنا ربع ساعه ونزلنا هههههههه

طنشنا بمزاجنا هههههه

بعد ما خلصنا جتنا حارسة الامن للحديقة

و قالت ادفعوا تذاكر دخول الشخص ب 100

اثاري السواق مدخلنا من عند الفندق عشان يكون بلاش ههههههه

بعد كذا طلعنا من البحيره ورحنا للفندق

كان الفندق بعيد عن نوراليا اسمه ويرويك قاردن

والرد الجاي بيكون عن هذا الفندق

جلسنا باقي اليوم في الفندق وتعشينا فيه وعقب نمنا

الصور .. مزرعة الفراولة

بحيرة نوراليا

المشاركة الأصلية كتبت بواسطة biobio
http://www.arabtravelersforum.com/tr...3/#post7119233

جميل ما آراه


رائع ماقرأت


تقرير نحتاجه لمعرفة السلبيات قبل الإيجابيات


لك كل الإحترام مميزتنا الفاضلة

biobio

وجودك هنا وتشجيعك أسعدني



لا تذهب بعيدا

المشاركة الأصلية كتبت بواسطة ياسمينة ستي
http://www.arabtravelersforum.com/tr...1/#post7120861

غاليتنا مي

ماشاء الله تبارك الرحمن ابدعتي

تفاصيل حجوزات الفنادق رائع وسرد جميل وتصوير اجمل

يعني تقرير واااااااااااااااااااااو تشكرين عليه

ماتخيلت سرلنكا جميلة لهدرجة مناظر سبحان الخالق بس الحشرات صدق مشكلة

بس المناظر تنسيك التعب

تابعي عزيزتي نحن بانتظارك

يعطيك العافية



ياسمينة ستي

نورتينا يالغلا ..

سريلانكا من أجمل البلاد التي زرتها

الطبيعه هناك خلابه ورآئعه .... صحيح انها بدائية وفقيره

لكن الشعب ... يالله ... رغم الهموم والفقر دائما مبتسمين



حبيت سريلانكا كثير كثير كثير

...

كوني بالقرب

المشاركة الأصلية كتبت بواسطة درب يرد مايسد
http://www.arabtravelersforum.com/tr...3/#post7121063

وين أنتي أو غاصة بسنبوسك..عجلي ترا سهرتنا على سواليفك وأسلوبك الي تقل شيرة. من الموبايل



ههههههههههه بسم الله علي ّ


انشغلنا شوي


تعرف نهاية الاسبوع طلعات وكيذا ...





اتمنى يعجبك الجزء اللي نزلته

نهاية العالم لا يذهب لها الا الأشداء من الرجال .. واضح إنكم تعبتوا من شريت الشراب ..أكيد تقطعن الأولات. من الموبايل

قايله لكم سواقنا يعرف يختار الاوقات المناسبه للقصص





ههههههههههههههههه والله ضحكت من قلبي الله يسعدك يا مي

بس صراحة البيت حلو اعجبني كنه من الطراز الاوروبي

الظاهر انك ماتمشين ابد
قبل السفر بشهر لازم تسويين بروفات كل يوم مشي لنص ساعة ع الاقل عشان تتعودين ع المشي
ولاتنسين الاحذية الرياضية انا دايم البسها خصوصا في السفر

بس والله المسافة طويـــــــــــــــــــــلة ماالومك كلها مرة وحدة

لازلت مستمتعة معاك الله يسلمك ويعطيك العافية

تقرير مميز وممتع بارك الله فيكم

الصباح افطرنا في الفندق

و سجلنا في دفتر الزوار

وعقب طلعنا الى بنتوته ..

و مرينا في الطريق على

مصنع بلو فيلد مره ثانيه واخذنا زيادة علب شاي هدايا

وكملنا الطريق المتعب جدا بكثرة المنعطفات واحسسنا صداع ودوار وغثيان

خلال الطريق مرينا على شلال

Devon المميز والرائع

كان من أجمل ما رأت عيناي !!

فعلا سريلانكا اجمل مكان للتفكر في خلق الله سبحانه وتعالى

وكان قريب من الشلال مصنع شاي نسيت اسمه يبيع شاي واغراضه


يبيع اشياء حلوه ومميزه جدا واسعارها شوي مرتفعه


المكان حلو مره تمشينا فيه و طلعنا كملنا الطريق


و الطريق صحيح انه طويل ومتعب لكن اجمل المناظر راح تشاهدها


ومرينا على مدينه واتولا ميزة هالمدينه انه لازم كل يوم تمطر


وفعلا واحنا فيه امطرت


وطول الطريق كان فيه خط القطار اللي يمر على المناظر الحلوة


و في نصف الطريق مرينا على قوارب التجديف بصراحة كنا مترددين نجربها او لا !


وكان سعرها غالي مره 4000 روبيه للشخص


وفي النهاية اخذناها وكانت اجمل واروع تجربه سويناها تستحق التجربه وبشده ..


لكن اكتشفنا انه كان ملعوب علينا بالسعر ومدبل علينا 3 اضعاف بعد ما وصلنا بنتوته


المفروض سعر الشخص 1500 روبيه بس ماعليه اهم شي انبسطنا


كان الجو مطرررررررر قوي استغرقت رحلة قارب التجديف ساعه و نصف


ممتعه لابعد حد ..


طلعنا منها وغيرنا ملابسنا وكملنا الطريق


و خلال الطريق وقفنا نصلي في مسجد قامت ببناءه هيئة الاغاثة الاسلامية


باسم شخص سعودي ما شاء الله عليه


وكملنا الطريق وصلنا بنتوته الساعه 6 ونصف المغرب


سجلنا دخول وعقب تعشينا في الفندق الرائع جدا جدا avani


كان الشخص ب 2000 وطلبنا 2 سبرايت المجموع مع الضرائب 4500


الاكل كالعادة في مطاعم سريلانكا يالله يالله تلقى شي زين الحمدلله ع النعمه


بس يعتبر اكلهم جيد جدا ..


تعشينا وكنا مرهقين جدا بعد الطريق والتجديف ونمنا ..

الصور ..




احد مصانع الشاي على الطريق







شلال ديفون







وهنا زوووووم









المسجد اللي قلت لكم عنه

[u]شي ما شفتوووه





صور اخترتها لكم من سريلانكا بشكل عام


مع الاعتذار لعدم جودة التصوير ..{ تصوير آيفون







http://www.0zz0.com


http://www.0zz0.com

http://www.0zz0.com




http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com


http://www.0zz0.com

معليش تكررت الصور



http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com


سيارتنا



http://www.0zz0.com


http://www.0zz0.com


http://www.0zz0.com


http://www.0zz0.com

http://www.0zz0.com
http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com



وبس

.....

في أمان المولى ....{ ميّ

مشرفين لو سمحتم .. ممكن تساعدوني في تنسيق بعض الردود؟ اعمل لها توسيط مو راضي!

الاخوان والاخوات اللي ردوا عليه

برجع اعقب على ردودكم اكيد


بس تعبت الحين


Brb من الموبايل

المشاركة الأصلية كتبت بواسطة درب يرد مايسد
http://www.arabtravelersforum.com/tr...5/#post7124495

نهاية العالم لا يذهب لها الا الأشداء من الرجال .. واضح إنكم تعبتوا من شريت الشراب ..أكيد تقطعن الأولات. من الموبايل




فعلا المكان جميل ولكنه يحتاج لياقه عاليه

لان لو كان ع المشي تهون !

الطريق مره يطلع ومره ينزل ومو مستوي

ومره درج ومره يزلق ... وحاله

بس تصدق ! كان فيه رحلة لمدرسة ابتدائية ...ماشاء الله عليهم ما تعبوا مثلنا

هههههههههههههه

المشاركة الأصلية كتبت بواسطة ياسمينة ستي
http://www.arabtravelersforum.com/tr...9/#post7125289


ههههههههههههههههه والله ضحكت من قلبي الله يسعدك يا مي

بس صراحة البيت حلو اعجبني كنه من الطراز الاوروبي

الظاهر انك ماتمشين ابد
قبل السفر بشهر لازم تسويين بروفات كل يوم مشي لنص ساعة ع الاقل عشان تتعودين ع المشي
ولاتنسين الاحذية الرياضية انا دايم البسها خصوصا في السفر

بس والله المسافة طويـــــــــــــــــــــلة ماالومك كلها مرة وحدة

لازلت مستمتعة معاك الله يسلمك ويعطيك العافية



ههههههههه..

صحيح البيت حلو .. لكن ممل بسبب الهدوء ...!

اما على المشي... الحمدلله امارس رياضة المشي يوميا

لكن هذا مو اي مشي ؟! هذا 8 كيلو !!

حياك يالغلا

المشاركة الأصلية كتبت بواسطة المليباري
http://www.arabtravelersforum.com/tr...3/#post7128423

تقرير مميز وممتع بارك الله فيكم



سعدت بتواجدك

شكرا لك

مي
والله ضحكت وانا اقرى تقريرك من جد اسلوبك يهبل ماشاء الله
البيت اللي سكنتوه يمه يروع انا خوافه اتوقع كنت بهج من ثاني يوم باين فيه الصمت والرعب لا وطفى الكهرب كملت
طبيعة سيرلانكا مشابهه مره للهند ونفس النظره الشعب ودود والطبيعه تنسيك بدائية المكان
اما التسوق حاسه فيك ترى
كنا ناوين على سيرلانكا من كم سنه واكثر شي حمسني مصانع الماركات ههههههه..
الحمدلله ان اخوي راح قبلي ورجع بالعلم اليقين لا مصانع ولاغيره
يالله تجربتك حلوه وتقريرك مفيد الله يجزاك خير

ما شاء الله تقرير جميل و الصور اجمل

طبيعه خلابه

يعطيك العافيه

لا زلنا متابعين التقرير المميز
لا تتأخري علينا
دمتي بحفظ الرحمن

المشاركة الأصلية كتبت بواسطة مسافره 27
http://www.arabtravelersforum.com/tr...3/#post7132533

مي
والله ضحكت وانا اقرى تقريرك من جد اسلوبك يهبل ماشاء الله
البيت اللي سكنتوه يمه يروع انا خوافه اتوقع كنت بهج من ثاني يوم باين فيه الصمت والرعب لا وطفى الكهرب كملت
طبيعة سيرلانكا مشابهه مره للهند ونفس النظره الشعب ودود والطبيعه تنسيك بدائية المكان
اما التسوق حاسه فيك ترى
كنا ناوين على سيرلانكا من كم سنه واكثر شي حمسني مصانع الماركات ههههههه..
الحمدلله ان اخوي راح قبلي ورجع بالعلم اليقين لا مصانع ولاغيره
يالله تجربتك حلوه وتقريرك مفيد الله يجزاك خير



اهلين ومرحبتين





يارب تدوم هالوناسه
بالنسبة للبيت ... فعلا انا اول يوم قلت لزوجي خلينا نغير الفندق


بصراحة ما ارتحت فيه خصوصا في الليل





اما التسوووق من جد مقلب هههههههههههه ما توقعت كذا


×××


حياك وشكرا لتواجدك

المشاركة الأصلية كتبت بواسطة هديل الليل
http://www.arabtravelersforum.com/tr...5/#post7133215

ما شاء الله تقرير جميل و الصور اجمل

طبيعه خلابه

يعطيك العافيه



الله يعافيك ...


شكرا لتواجدك ... وردك اللطيف

المشاركة الأصلية كتبت بواسطة بو نعوم
http://www.arabtravelersforum.com/tr...9/#post7134179

لا زلنا متابعين التقرير المميز
لا تتأخري علينا
دمتي بحفظ الرحمن

شكرا لك مشرفنا


واسعدني تواجدك ... بس ترى التقرير خلص هههههههه


ما الومك ما دريت انه خلص لانه قصير





نورتنا

أختي الفاضلة
لقد استمتعت بمتابعة تقريرك المميز


نعم هي تجربة رائعة بكل مافيها من سلبيات وإيجابيات
يعجبني فيك برغم بعض السلبيات* إللا أنكم أكملتم استمتاعكم وأكملتم رحلتكم دون تأثر بـــــ ( - )


هذا هو طبع المتميزين دائماً

*بعض السلبيات هي أمور طبيعية في بلد استوائي ليس فيه من مظاهر التطور العمراني إللا القليل لديهم عادات وتقاليد وإعتقادات أيضا ربما فيها الشيء الغريب

المشاركة الأصلية كتبت بواسطة نـــزّاف
http://www.arabtravelersforum.com/tr...1/#post7136951

/


السلام عليكم


الحقيقة خشيت أن أتكلّم و أخدش روعة البدايات
لكن دام السالفة فيها ( البيت المسكون ) هنا لازم أتكلّم و أقول رأيي فيه
لكن راح أقوله في تقريري إن شاءالله

دمت ِ بخير


/





سعيده بعودتك ..


ماشاء الله اطلعت على تقريرك ... واعجبتني فكرتك فيه


كنت افكر اسويها قبل أكتب موضوعي لكن حسيتها صعبه ومتعبه ...


لاحظت في تقريرك عن سريلانكا انك تفضل السكن في البنقلو !!!


ممكن اعرف السبب ؟


وشكر لتواجدك هنا ...

وااااااااااااااااو
وش ذا التقرير الرائع
الف شكر مميزتنا
شكرا بو نعوم للدعوه الطيبه لموضع اختنا الطيبه

وااااااااااااااااو

مااقول الا الله يعطيك العافية

غاليتنا مي ابدعتي تقرير رائع وصور جونان وسرد ولا احلى عيشتينا معاك الجو بالوصف

بس ضحكت من






اول ما طلعنا من المطار حسيت اني اتفرج على تلفزيون ابيض واسود



خخخخخخخ الله يسعدك

الله يمدك بالصحة والسلامة وتعيشي وتحطيلنا تقارير رائعة مثلك

كل الشكر لك

اختي ,,, ܔღ مـــــيّ ღܔ.

حقيقة سيرلانكا وصلت بشكل جميل عبر تقريرك

دمتي بكل خير

المشاركة الأصلية كتبت بواسطة عبدالعزيز
http://www.arabtravelersforum.com/tr...1/#post7154001

اختي ,,, ܔღ مـــــيّ ღܔ.

حقيقة سيرلانكا وصلت بشكل جميل عبر تقريرك

دمتي بكل خير



وجودك هنا شرف لي



دمت بخير

المشاركة الأصلية كتبت بواسطة بوحميـــــــــد
http://www.arabtravelersforum.com/tr...3/#post7190403

الحمدلله على السلامهـ
بصراحهـ من اجمل التقارير
سرد مميز وصور مميزهـ
راااائع بكل معنى الكلمهـ
سلمت الايادي مميزتنا
تحياتي لكِ

الله يسلمك ..


شرفت بمرورك هنا


دمت بخير

ماشاء الله
الفوتوغرافية كلها جميلة

المشاركة الأصلية كتبت بواسطة نجم سريلانكا
http://www.arabtravelersforum.com/tr...3/#post7211293

ماشاء الله
الفوتوغرافية كلها جميلة



حياك الله اخوي نجم سريلانكا


شكرا لك

تقرير ممتع

شكرا على التقرير