السلام عليكم ورحمة الله وبركاتة
ازيكم وعاملين ايه ؟ انتو كويسين ؟
مثل ما اغلب يعرف اني بديت في تقريري لبوكيت وللاسف ماكملت
لظروف خارجه عن الاراده ومع الوقت انحذفوا الصور على التقرير الاول
http://www.arabtravelersforum.com/travel418631/
ذلك قررت اني ادخل دوووغري على تقرير بوكيت واكمله هالمره ان شاء الله
في البدايه حبيت اشكر كل من نقل لنا سفرته وصورها وحط تقرير لولاهم وبفضل الله وبفضلهم
ما كنا بنستانس بهالشكل ..
البدايه مثل ماتعرفون واللي تابع تقريري لـ قولد كوست او رابط التقرير
الاول بيعرف ان اخترنا نصيف في دولتين
ونضرب بحجر عصفورين ..
واختارنا بوكيت & قولد كوست
والحجز كان عن طريق مكتب سياحي ومن باب النصح
لان مثل ماقال الرسول عليه الصلاه والسلام
الدين نصيحه وانا مانصح اي شخص يحجز عن طريق مكاتب سياحيه
لانهم يبالغون في الاسعار والحين الحمدلله
المواقع متوفره وكل شيء عن طريق النت ارخص
وافضل و اوفر لكم
الطيران :-
تم حجز الطيران الداخلي
http://www.airasia.com/
انطباعي عن الطيران ممتاز لكن عيبه الاكبر التأخير
وهالشيء صادفنا واحنا رايحين وراجعين
وكان التاخير بين 40 دقيقه اللى 1:30 ساعه
السكن
ملينيوم تصنيفه 5 نجوم والفندق عباره عن قسمين
قسم على الشاطىء وهو الارخص
وقسم البحيره "الليك" الاغلى
طبعا اللي حاجز لنا ماوضح لنا الفرق بينهم
ولا قال لنا ان في فرق في السعر ولا شيء
بالصدفه عرفنا ..
الفندق جيد جداً ايجابياته ان يقع في مكان استراتيجي والافضل
مقارنه بفندق هوليدي ان مريت عليه واحنا رايحين الفنتازيا ومكانه
ماعجبني بعيد ومرتفع و المكان شبه مقطوع مقارنه بالملينيوم ماشفت عداله
الا سفن الفن
عكس ملينيوم تحته مجمعين واحد ماركات والثاني عادي ومطاعم عالميه وكوفيات
مثل بيتزاهت و كنتاكي و ماكدونالد و ستاربكس هاغن داز وغيرهم
وما ننسى سلسلات السوبرماركت العالميه كارفور هذا كله حولكم وقريب عليكم
وقربه من البحر والمطاعم العربيه مثل الشرق و مكتب بوم و شارع البنقلا رود
سلبياته :-
بما ان قريب من البنقلا رود وهو معروف بالبارات اصوات الديسكو واصله للغرف هذا بالنسبه
للغرف المطله على الشارع اما الثانيه مادري فيها احنا من التعب كنا نرقد على طول
الفندق 5 طوابق مفتوحه يعني اول ماتدخلون تحسون برطوبه وحر واغلب اللي يسكنونه
قروبات ماشفت عرب الا 2 شباب خليجين و كويتيه وزوجها بس الباقي قروبات من الهند
والصين واليابان و فرنسا كان بينهم مغاربه
فطورهم مايليق بمستوى الفندق صغير ومحدوود انا مافطرت فيه دخلت ادور كروسون كاكاو
مالقيت طلعت اما اختي وخالتي وزوج خالتي كانوا يأكلون عادي يغزرون اكلهم بالفاصوليا
والبيض طماط والكورن فلكس بس الاغلب ماكانوا يفطرون وماستفدنا شيء من حجزنا للفطور
الصرف :
صرفنا من بانكوك عند ابو داود 6000 درهم وكان يومها 1000 درهم = 8.800 بات
وكان افضل واحد في نانا سعره ذاك اليوم ومع نصحيه الاغلب ان الصرف في بانكوك
ارخص من بوكيت فخذنا بالنصيحه ..
ورجعنا سحبنا بعدها في بوكيت 4000 درهم حق السوق
الرحلات :
كان عن طريق بووم ومكتبها عند مطعم القاهره ..
الى هنا اتوقف انتظروني ،،
مواضيع عشوائيه ممكن تكون تعجبك اخترناها لك:
- بي بي ايلند
- معلومات قد تفيدك حياك
- الجو في تايلند
- جزيرة سام واي في تايلند
- ستة فنادق في بانكوك تحتاج تصويت منكم وارئكم
- استفسار
- اريد تجديد جوازي السعودي وش الطريقة
- ابو عبدالعزيز يحدثكم من تايلند
- استفسار عن افضل شركة لشحن السيارات
- استفسار وعاجل
- سفرتي يوم والفيزا يوم أحد مر عليه هالشيء
- او ؟
- استفسار يوم تايلند
- مسافر بعد العيد مشورتكم تكفوووون
- أخر المستجدات عن الفيضانات
- شريحة تليفون في تايلند
- متر سمك الثلج بعرنة صور حديثة
- استفسار
- جده دمشق يوميا طيران اجنحة الشام
- برنامج ايام في بانكوك وشنغماي
رد مع اقتباس
المشاركة الأصلية كتبت بواسطة الفلاسية
وتقدرين تلغين اي شيء ماتبينه هو بيعطيج ورقه
مافي صور ابي اشوفهم
المفضلات