الف مبروك اخوي العزيز , واتمنى لك حياة سعيدة تفعم بالود والمحبة!!
ردي يحتوي على اكثر من ملاحظة!!!
1- السعودي دايما ً إذا قلت له ثلج يرتاع قلبه ...ليش ؟؟؟ سؤال حلو , يتذكر برد الرياض مثلا يوم يدقه في عظمه وهو جالس في بيته بالفروة وجنب المشب ويحك يد في يد, ويقول يا ويلي ما صبرت على برد الرياض بصبر على الثلج ههههه...وانا اقول معاه حق المسكين...لأن فالسعودية نادرا ما تحصل بيت فيه نظام تدفئه داخلي...لكن شوفني يالغالي انا خارج السعودية وفي مدينه من اكثر مدن العالم بروده (موسكو) لكن الشاهد الله ان البرد ما اعرفه إلا إذا ناظرت من الدريشة وشفت الثلج او خرجت من باب العمارة ومتجه لسيارتي هههههه نظم التدفئة هنا زي المكيفات عندنا فالسعودية في كل مكان. صعب تلقى بيت من غير مكيف فالسعودية صح؟...هنا العكس التدفئة.
2-الملابس الشتوية الاروبية , انصحك بشرائها من اوروبا...ومالك ومال اللي تباع عندنا...لأنها كلام فاضي ولا تعمل بشكل جدي في جو غير الجو السعودي هذا انا شاري ملابس قبل سفري والحين صار لها سنين راكنها في الدولاب من سخافتها...إذا كان ودك تطلع في شوارع اي مدينه اوروبية وتتمشى انت والمحروسه الله يحفظها وتبي تقرب من الشعب اكثر....اشتري اول ما توصل جاكيت...بالنسبة لي مثلا جاكيتي من يوم اقفل السحاب جسمي يفوح من الحراره وانا في درجة حرارة تقل عن الـ 20 تحت الصفر...واتمشى ولا كني إلا اتمشى بالثمامة ايام الربيع.
3-لا تنسى تطعيم الإنفلونزا قبل السفر , من الأشياء اللي تساعدك بعد الله انك تسافر سليم متعافي وترجع كذلك.
4- إذا بتشيل اوروبا عشان الثلج على قولك , تبي تضيع على عمرك رحلة العمر...هههه الله يسعدك. واذا مررررره شللللللت الفكرة امممم سافر على جنوب افريقيا.
الكيب تاون و جوهانسبيرغ مدن حلوة.
الله يتمم لك بخير
المفضلات