يسعد صباحكم مساكم وين ما كنتوا
في البدايه اهلا بكم في الموضوع سواء كنت مشرف عضو او زائر ...
كان بودي اكتب تقرير مطول عن شيراز لكن الحظ ما حالفنا المره هذي
كانت سفرتنا في شهر 2 الماضي ...سفره لمدة 40 ..
المفروض كنا نقضي منها 3- 4 ايام في شيراز .. لكن وقت روحتنا كانت تصادف الاحتفالات بيوم الانقلاب اللي يسمونها (22 بهمن )... شوارع شيراز ما كان فيها محط رجل وحفت رجلنا على فندق حتى لو نجمه وحده ... بس ماكوو ..الحظ ماااش معاند ويانا
وما غير من فندق لفندق نسأل والكل يقولنا فل مافي مجال
لدرجة شفنا ناس ناصبين خيام حقة الرحلات في الشوارع ونايمين ... الحياه حلوه
راح اختصر موضوعي كله بكم صوره التقطها وانا يالسه في الباص واحنا نتنقل من فندق لفندق
هذي صوره لواجهة المطار من الخارج ..
والقادمون والمغادرون اثنينهم يدخلون من نفس المبنى هذا
من المطار على طوووووووووول طلعنا عشان نسد الجوع .. خبركم الجوع كافر
اول مطعم قدامنا شفناه وقفنا عنده .. كان الوقت عالساعه 3 ونص العصر تقريبا ... من حظنا الحلو لقينا ان اغلب وجباتهم مش موجوده لان وقت الغدى انتهى
بس على الرغم من كذا .. الاكل كان يم يم يم
السلطة الايرانيه
وهذا الطبق حقي ..چلو مرغ ^___^
بعدين ابتدت رحلة العناء والضياع في الشوارع ... ومن شارع لشارع ندور فندق يضفنا ليوم واحد عالاقل ...
هذي صور من الشارع الشيرازي .
للاسف ما قدرت اسال عن كثير اشيا ولا اسماء الاماكن او الشوارع لان العالم حولي كانت مشغوله تدور فندق وانا بس همي اصور واشوف شيراز بعد ما غبت عنها 13 سنه
راح تلاحظون الشوارع كلها مزينه بيافطات وتبريكات بالمناسبه
وهنا كنا واقفين بجنب هالمسجد بانتظار مكالمة تليفون من فندق يسأل اصدقائه لو في مكان شاغر عندهم فكانت لي هاللقطات
وهذا المعلم والمزار المهم في شيراز .. شاهجراغ .. وللاسف ما تسنت لي الفرصه هالمره اني ارجع ادخل واخذ صور للذكرى في المكان
دخلته عام 1997 كحب استطلاع واشوف المكان والناس داخل شتسوي
رغم اني كنت صغيره في العمر وقتها ..عمري ما يتجاوز ال 9 سنين الا ان كل شي في السفره مطبوع بتفاصيله في الذاكره ... كنت اتمنى ان عندي صور للاماكن اللي زرتها بوقتها مثل حافظ وسعدي وشاهجراغ وبرسبوليس وتخت جمشيد وغيرها .. بس ليس كل ما يتمناه المرء يدركه...
وهذا السوق التابع للمسجد واللي اسمه بازار شاهجراغ ولاحظوا معاي الزحمه عالسوق منها بتعرفون الزحمه اللي كنت اقصدها لما قلت مافي فنادق فاضيه
ذكرت لكم في البدايه ان في ناس كانت تنام في خيم في الشارع
هنا بتشوفون محل يبيع هالشغلات وشغلات التخييم .. الوانها تونس
وهنا بوابة القران او مثل ما يسمونها دروزاه قران .. بعد ما ياسنا قلنا بننزل هنا شوي وبعدها نكمل الطريق لمدينه ثانيه
للاسف كانت هذي مجموعة الصور اللي عندي لزيارتنا القصيره لشيراز ... انشالله تعجبكم الصور ...
لكن اوعدكم اني انزل لكم صور لرحلتنا بين شيراز وبندر عباس والمناظر اللي تاخذ العقل عالطريق باقرب فرصه
اترككم في حفظ الله
مواضيع عشوائيه ممكن تكون تعجبك اخترناها لك:
- هل يمكن دخول الأردن بسيارة أجرة
- كم تكلفني الرحله ذهاب وعوده الى اليمن
- يلا على وادي السلط
- مطلوب شقق مفروشة على شارع الجاردنز
- هل توجد رحلات من المدينه المنوره الى عدن؟
- زيارة مشهد
- فندق القدس الدولي
- العقبة الأردنية عاصمة السياحة العربية الثانية
- مقبلاتكبابشقفريشعالم ثاني
- عمان في العيد
- سد مأرب العظيم صور
- سهـــر وتســـوق بعـقـلانيـــة
- الي يبغا يروح لتونس لازم يدخل اول
- الاردن أول مره
- عاجل جداً ارجو الاجابة من اهل الخبرة
- صور أعمال صيانة الطريق الصحراوي
- تعرف على ولايات تونسيةحصريا تونسي
- ذكريات من رحلاتي الى الاردن
- معلومات عن جمهورية إيران الإسلاميــة
- الأردن
رد مع اقتباس
المفضلات