الموضوع: تخطيط شهر عسل في نوفمبر طالب الفزعه

السلام عليكم ورحمة الله وبركاته

أخواني اطلعت كثير على صفحات المنتدى واستفدت كثير بفضل ربي من تجارب الجميع

وهذي فرصتي لألتقي معكم كأول مشاركة .. وتكرموني بنصائحكم وتوجيهاتكم


زواجي في أول شهر نوفمبر وعازمين بإذن الله السفر لأسبانيا علما إنها أول مره نسافر أنا وزوجتي سأرتب لكم استفساراتي:

1- زوجتي طالبه هل يلزم توفير معرف من الجامعه .. وفي حال تقديم طلب الفيزا هل يلزم حضورها وإلا يكفي صورها وجواز سفرها وكرت العائله معاي؟؟

2- تنصحوني أقدم الفيزا في السفارة بالرياض أو القنصلية في جده ؟؟ بصراحه ودي بشئ مرتب ودروس



شاكككككككر لكم

مواضيع عشوائيه ممكن تكون تعجبك اخترناها لك:

• القـول البيـان في أحـد عشـر يومـا في بلاد الإسبـان تقـرير مصـور
• أحذر يا زائر أسبانيا
• ثلاثة ايام في الاندلس نصائحكم
• استفسارات عن جنوب اسبانيا
• الرحلة الاولى من البحرين الي برشلونة مدريد
• إستفسار عن استأجار السياره في اسبانيا
• أسبانيا أو سويسرا ؟؟؟؟؟؟؟
• افيدوني بأسبانيا
• ممكن مساعدة في ترتيب الرحلة
• ياااامشرفنا الليل والنهارساعدني
• مباشرة من برشلونه
• ارجو منكم مساعدتي في تخطيط رحلتي لاسبانيا وفرنسا
• خبراء اسبانيا ضرورررررري جدا
• ارجوكم ردو اعتباري من السفاره الاسبانية
• باي فندق تنصحون
• ارجو المساعده من الاخوه بخصوص تاجير السيارات
• ماربيا هل تحتاج سيارة
• ممكن مساعدة
• برشلونة في يوم نوفمبر
• استفسار بخصوص تذاكر مباريات ريال مدريد

بالنسبه لمكاتب السياحة تواصلت مع كم مكتب هالفتره .. يقدمون عروض حسب فريق يطلع منهم ...

أنا ودي مكتب يرتب لي رحلتي مثل ما أنا أبيها .. هل ممكن ؟؟
وكيف التكاليف مع العلم التذاكر و الفيزا أنا بسويها إن شاء الله

أنا اقول يسوي الحجوزات هو بنفسه وكل امور الرحله افضل من المكاتب يشفطون الفلوس وكل شي متوفر عندنا بالنت والاخوان ما يقصرون..

المشاركة الأصلية كتبت بواسطة Secretary Man
http://www.arabtravelersforum.com/tr...4/#post6115174

ان شاء الله بيفيدونك الاخوان بإذن الله,

بداية نوفمبر الجو خريفي جميل, بس فيه بروده بعض الشي, لكن بالجنوب اكيد تماااااام, بس بالشمال مع حدود فرنسا اكيد بــرد..

انا رحلتي بداية نوفمبر إلى 18.. مع المدام وطفلتي..

بس حاب افيدك بالنسبه للفيزا, فيه مكتب يطلع لك الفيزا الفرنسيه بكل سهووله..

ومتطلباته بسيييطه, ما يحتاج لا تأمين صحي ولا حجوزات ولا كشف حساب ولا حضوورك شخصيا..

فقط جواز السفر وصور شخصيه و تعريف راتب فيه تفاصيل الراتب..

عملي اياها كذا مره مع الفرنسيه وسافرت فيها ايطاليا .. بدون المرور على فرنسا..

اتعابه كانت غاليه, الجواز الواحد ياخذ عليه 1100.. والسفره اللي بعدها خفض لي لين 950 ريال..

اذا حاب اعطيك رقمه خبرني وقوله جايك من طرف فلان, ان شاء الله يعطيك اياها ب 950 وممكن اقل..

اهم شي تشتري راحتك بدال عوار الراس..

وتحياتي لك





تسسلم وبيض الله وجهك ..

عرضك ماينعاف بنبهك لشغله يمكن تفيدني فيها لو حصلت على الفيزا مثل ماتفضلت حجوزاتي من سكن ومواصلات كيف أدبرها هنا وإلا هناك ..؟؟

ويا أخوان أنا رررايح شهر عسل .. فماودي أخسر وقت بشئ غير مضمون .. لو صار أي ظرف وماتمت الرحله جد تحطيم ماودك تبدأها مع المدام بحركات مثل كذا ... على الأقل تجتهد وكل شئ طبعا على الله

أخوي فارس الله يبارك فيك

بقول رأيي حسب ما قريت وسألت بخصوص المكاتب .... الكل يجمممممممع إنهم يأخذون مبالغ طائله .. فنصحني أحدهم إني أقدم ع الفيزا بنفسي .. أما حجوزات السكن والطيران النت مايقصر أو ممكن تستعين بمكتب سياحي ... وهو غالبا ماراح يعتمد حجز قبل ما يشاورك ....

بس الإشكاليه اللي واجهتني مالقيت مكتب يرتب لي رحله حسب رغبتي أنا وينظمها لي بدون ما أحس إنه يستغلني وهذا سبب مشاركتي في المنتدى ...........

أبي النصيحة والتوحيه الصادق المحب

جمممممميل جدا إنه خريف .. لأنه خفت يكون برد تتظلع تتمشى كأنك علاق ملابس

طيب الشمال ودي أرررروح للريف وأتنقل فيه .. مايمديني أبدا !!!!!!!!

انا السنه الماضي بنوفمبر رحت شهر عسل بإيطاليا, فريتها من الجنوب إلى الشمال مرورا بـ 7 مناطق

وكل التخطيط والحجوزات من سكن ومواصلات من النت, وساعدتني التقارير بهالمنتدى الرائع..اهم شي التخطيط السليم

اقرا تقارير اسبانيا, كل منطقه وين احسن مكان تسكن فيها, مثلا برشلونه تسكن قريب من الرامبلا.. تدخل مواقع حجز الفنادق وتختار فندق يناسبك سعره قريب من الرامبلا.. وتقرا عنه تعليقات القراء ووو.. ثم تسوي الحجز والدفع..

يعني سو شغلك من هنا قبل ماتروح, ارخص..

بالنسبه للمواصلات, حتى القطارات تقدر تحجزها من النت..

التكاسي استخدامك لها للضروره مثلا من المطار للفندق, لانها غاليه..

بتضبط امورك ان شا الله..واي استفسار كلنا موجودين..

انا هالسفره ناوي اغير, بستأجر سياره , يعني مابحتاج القطارات او التكاسي والباصات..


تحياتي لك..

نوفمبر بإيطاليا, بالجنوب أي بروما كان الجو روووعه, بالنهار الجو تمام, بالليل يبرد بعض الشي,,

كل ما نصعد شمال وصولا إلى ميلااان وحدود سويسرا, الجو صار برررد وامطااار.. اظن شمال اسبانيا مع الحدود الفرنسيه بيكون نفس الشي..

بيعجبك جنوب اسبانيا, مع الجو الخريفي والبارد, بشوف جمال وخضررره والاوراق الصفرراا

أبو خالد لاهنت

ياشباب وينكم !!!!!!!!


ردوا علي ... أيهم أفضل السقاره بالرياض أو القنصلية في جده ؟؟

وهل يلزم وجود زوجتي !!!!!!!

لأني أنا في جدة وهي في الحنوب ... ممكن تفيدوني .... وأيضا تنظيم رحلتي معاي

يارررررررب أحد يرد ...

مشرفينا الكرااااااااام ...

اليوم اتصلت من 11 إلى 2 ما أحد يررررد كل التحويلات جربتها ......

الله يوفقنا وإياك ماقصرررررررت .. شكلي بخاويك وبنشب لك بالرحلة


ماربيا ماودي فيها ملقا حلو ... كذا مناسب .. اش رأيك نروح بمبلونه من الشمال ... وبرضه جزر الكناري حييل ودي فيها أساسا هي سبب اختياري لأسبانيا شايف لها تقرير بالوثائقيه مررررررره أعجبتني وجهود الأخوان ماقصروا .. وما أنكر إني استفدت منها


طيب يا عزيزي أنا أشتغل أعمال حره .. اش الحل مع الراتب والتعريف ... خايف يردون طلب الفيزا

لاحظت ما أحد معطيني وجه غيرررررك ..

الله يسخرك دنيا وأخره ..

اهلا اخوي ابوعمر, حياك الله عزيزي لو تبي معاي بنفس الطياره بعد هع..

بالنسبه لإيطاليا جلست فيها 14 يوم, ونفس الشي بنوفمبر, وكانت رحله جدا ممتعه واجواءها ممتازه ماعدا اخر منطقه رحلت لها وهي ميلان بالشمال, كانت بارده ومطر, لكن برضوا حلووه..

بالنسبه لبمبلونه بالشمال وعندك سرقسطه بين مدريد وبرشلونه, مره حلوه طبيعه وشلاااالات..

لكن نحتاج نتأكد من الجو مضبوط, ممكن بالنسبه لك مع المدام جاكيت وملابس ثقيله تمشي,

لكن هالسنه وضعي خير, معاي رضيع .. ربي يحفظها من البرد واعراضه..

جزر الكناري نفس الشي عزيزي, احس صعب انتقل فيها من الجنوب للكناري ومعاي رضيعه..

انا بالاساس كانت سفرتي مفروض لفرنسا, عندي شغله لعملي يوم او يومين والباقي سياحه..

لكن لما عرفت انها بااااااارده, قالوا عملي عندك بأسانيا .. تقدر تسوي الشغله هناك, قلنا يلا اسابنا احلى وادفى بعد..

لذلك صاير احتياطي جدا ومضحي في بعض المناطق علشان لا اتعبها..

بالنسبه للفيزا لرجل اعمال حره, بكلمه الحين وارد لك خبر..

تحياتي

ماتقصر وبيض الله وجهك ........

الله يخليها لكم وتقر عينكم فيها ... ماتنلام

بالنسبه لي أبي مكان هادي يعني عرسان نبي مكان هادي وتغيير جو ..

شوف الرجال وعلمني الله يوفقك

اخي العزيز ابو عمر,

تو كلمت صاحبي اللي بيشتغل في الفيز..

قلت له انك اعمال حره, كيف وضع تعريف الراتب..

سألني اعمال حره يعني عندو شركه, قلت له ما عندي خبر بالضبط..

قال يقدر بواسطته يطلع لك الفيز لك وللمدام, بدون تعريف راتب وبدون تعريف للمدام..

لكن للاسف بيزيد عليك السعر..

بيطلع الشخص الواحد بـ 1000 ريال, يعني 2000 ريال.. وراح ياخذ 50 علشان يضبط وضعك بالنسبه لإلغاء شرط تعريف الراتب..

على فكره انا المره الاولى عملها لي بـ 1100 للشخص الواحد..

أحصل رحلات من السعوديه ماتفرق معاي أي منطقة أو حتى البحرين
إلى برشلونه .... لو فيه كذا تمام يضبط برنامجي
ياااااااااااااااااااارب

يصير برشلونه - سرقسطه - مدريد - ملقا - جزر الكناري


اش رأيككككككككم بالتخطيط الأخير !!!

وبالنسبه للفيزا الفرنسيه ممكن أجيب حجوزات وهميه للفنادق ولو وقفوني بالمطار بطلعها لهم وأقول غيرت رحلتي

ينفع كذا !!!!!!!!!!
باديها بنيه لف ودوران

فيه عندكم الخطوط المصريه,

من جده إلى برشلونه..طبعا ترانزيت بالقاهره ساعتين واشوي تقريبا..

بعدين من برشلونه تروح سرقسطه, وبعدين مدريد,وبعدين ملقا (ملقا التنقل بتكاسي غالي , فتختار باصات او قطارات) وبعدين جزر الكناري .. وبعدين ترجع بطيران اقتصادي اما لبرشلونه او مدريد للعوده للوطن

وعلى فكره الخطوط المصريه السعر اللي اخذته منهم خرااااااافي..

بس ترى كل يوم يتغير السعر ..

انا اخذته من 5 نوفمبر لين 18 بـ 3070 ريال لشخصين ورضيع..

وتخيل كنت مخطط اول من 4 نوفمبر إلى 17 نوفمبر طلع السعر بـ 5800 ريال..
شفت فرق يوم كيف يصير؟..

تحياتي

بعلمك بالنسبه لتعريف العمل ممكن أجيب من صاحب المكتب اللي أشتغل معاه وأجيب كشف حساب ما فيها مشكله بس المهم مايقولون كيف مايطابق رصيدك الشهري تعريفك وإلا أنا ماعندي مشككله ....

بالنسبه للتكاليف أحسها كبيره شوي يعني لو بيمشيها الرجال ... يعني بتمشي بالنظامي ماعندنا خلاف

انا للحين ماجا ببالي اسوي حجوزات وهميه , لكن شكلي بسوي..

لان الاخوان يقولون عادي بس تبرز لهم حجوزاتكم حق اسبانيا ..

السنه الماضيه دخلت بالفيزا الفرنسيه ايطاليا, وماتكلموا ابدا..

وطبعا قبلها دخلت امستردام لان رحلتي ترانزيت, بس سألني الموظف وين رايح, قلت له روما للسياحه, قال تفضل..

اهااااا

تقصد صاحبنا هو بيعمل لنا حجوزات وهميه ثم يلغيها !!!

عساه ثقه

الله يبيض وجههههههههههك ...

ترسل لي رقمه على الخاص ....

اهلا اخوي ابو عمر,

الخاص معطل عندك, فعل الخاص علشان ارسل لك رقمه

وموفق ان شا الله

[size="5"]اهم شيء تأمين السفر لا يلغيه ويدخلك بمخاطره خله يعطيك بوليصة التاميييييييييييييييييييين وتأكد انها سارية المفعول قبل لا تسافر بيوم او بساعات وخلها معك لو احد طلبها منك بالمطااار تحيااااااااااااااااااااااااااااااااتي[/size]

المشاركة الأصلية كتبت بواسطة Secretary Man
http://www.arabtravelersforum.com/tr...4/#post6130664

اهلا اخوي ابو عمر,

الخاص معطل عندك, فعل الخاص علشان ارسل لك رقمه

وموفق ان شا الله




جربت أغير في الخيارات بس ما أدري يا أخوك .. شكل نظام المنتدى يسمح للرسائل بعدد من المشاركات

المشاركة الأصلية كتبت بواسطة daayem1
http://www.arabtravelersforum.com/tr...2/#post6131662

[size="5"]اهم شيء تأمين السفر لا يلغيه ويدخلك بمخاطره خله يعطيك بوليصة التاميييييييييييييييييييين وتأكد انها سارية المفعول قبل لا تسافر بيوم او بساعات وخلها معك لو احد طلبها منك بالمطااار تحيااااااااااااااااااااااااااااااااتي[/size]




أبشر الله يعطيك العافيه وشكرا لتنبيهك

ياهلا فيك أخوي Abo Omar07

ياريت تعمل الفيزا بنفسك عند السفاره وماراح تكلفك شيئ

أو تعطيها مكتب سفريات مختص بالفيزا ويسويها لك بشكل قانوني

ولاتعرض نفسك للمخاطر...

وإن شاء الله يرد عليك أحد المشرفين وينورك يارب

أختك أم عبدالعزيز

المشاركة الأصلية كتبت بواسطة *صوت السهاري*
http://www.arabtravelersforum.com/tr...8/#post6144218

ياهلا فيك أخوي abo omar07

تعطيها مكتب سفريات مختص بالفيزا ويسويها لك بشكل قانوني

أختك أم عبدالعزيز




حياك أختي أم عبدالعزيز

أبشرك هذا الحاصل توجهت لمكتب سياحي يخرج الفيز .. بس لازم أخلللللص الحجوزات ومخطط الرحله

دعواتكم يتمم لنا ربي

اخوي ترى الامور سهله اتبع خطوات الاخ زماني ولا الشدفا وتساهيل والفيزا ب324 ريال للشخص وزوجتك ماتحتاج تعريف لانك انت المتكفل بالرحله

شوف التقارير واعتمد على نفسك بتحس الامر احلى


مبروك مقدما الزواج وتروح وترجع بالسلامه

السلام عليكم
سفرتك نفس وثت سفرتي لأسبانيا
وستكون وجهتي "برشلونة - ملقا " ومنها ازور أشبيلية وغرناطة وماربيا والرجوع في نفس اليوم" ثم برشلونة

بالنسبة للحجوزات الخاصة بالفنادق إنت ادخل مثلا موقع booking ولمن تختار فنادق روح للمكتب السياحي يحجزلك التذاكر والفنادق لكن انتبه لنقطة مهمة شوف سعر الفندق في الموقع وعند المكتب لو كان نفسو أسهلك تحجز من المكتب السياحي
أنا أيضا في جدة فطريقة عمل الفيزا نفس المكتب يسويها خلال أسبوعين بإذن الله تطلع تحتاج خطاب تعريف من العمل بالراتب ولو عندك تأمين تجيب خطاب من شركة التأمين والجوازات وصورتين شخصية تلاتة ونص في أربعة ونص
ولا داعي من حضور زوجتك
طبعا الأفضل من المكتب تحجز الطيران الدولي والداخلي والفنادق فقط
أما ترتيب الرحلة فإمكانك تسنفيد من مواضيع المنتدى جداااااااااااا مفيدة تفيدك بشكل مفصل

ملحوظة مهمة ترى مكاتب السياحة أستوعبت فكرة إنو كل شخص يقدر يحجز الفنادق من النت بالتالي أسعارهم سارت نفس سعر النت مافي فرق غير يمكن عشرة ريالات فقط
هذا إللي أنا عملتو

بالنسبة للسكن أبحث في كل منطقة عن أكثر شارع حيوي وفي خدمات والسكن في آمن مثلا برشلونة يفضل السكن في منطقة كاتلونيا "أسبانيا بلازا" وفيها كثير فنادق جيدة
عشان تكون رحلتك مهي مكلفة حاول تدور على فنادق أربعة نجوم بدل خمسة لأنها فخمة وتوفر عليم مبلغ ممكن تستغلو في التسوق والمشتريات

إذا في أي استفسار اخر ان شاء الله أفيدك حسب اطلاعي على الموضوعات الخاصة بأسبانيا
مع انو ماشاء الله دي أول مره أروح أسبانيا بس مهم الانسان يقرأ بالتفصيل عن البلد قبل مايروحها