السلام عليكم ورحمة الله وبركاته
أسعد الله اوقاتكم جميعاً
حبيت اطرح موضوعي بدري حتى يتمكن الكل بإفادتي جزاكم الله خير
المعطيات :
أعرفكم على نفسي : عبدالعزيز , العمر 25 , صيدلي , عزوبي ولله الحمد
ساعدوني في ترتيب جدول وبرنامج سياحي في اوروبا
وأنتم أهل المساعدة وكفؤ لها
سبب الرحلة : زيارة أخوي في بولندا , وايضا جولة سياحية في اوروبا
مع العلم : إستخرجت الفيزة من السفارة التشيكية لسهولة الإجراءات
مدة الفيزة : 3 أشهر إبتداء من 1 جون الشهر القادم.
1- تحديد موعد السفر وعدد الليالي :
موعد السفر إبتداء من 9 جون الشهر القادم ولم أحجز طيران حتى الآن
مع العلم إنه بإمكاني السفر من : الرياض , الدمام , البحرين
ولا افضل الطيران الي ينزل اولا في إلمانيا لصعوبة إجراءاتهم
عدد الليالي مفتوح حتى شهر واسبوع.
2- تحديد المدن والقرى التي تريد السكن فيها مبدئياً :
براغ علشان فيزتي صادرة من سفارة التشيك
أو بولندا (مدينة أولشتن) زيارة اخوي وبجلس هناك 5 ايام
ان شاء الله وبعدها انطلق في جولة على الأراضي الأوروبية
سواء لوحدي او كان اخوي معاي , وغالباً لوحدي لإرتباط اخوي بالدراسة
3- ذكر عدد الاشخاص في الرحله ( كبار + صغار ) :
شخص في الغالب.
4- ذكر فيما اذا كنت ترغب في استئجار سياره من عدمه :
طبعاً وانا ممن يفضلون التنقلات والسياحة الجوالة .
5- الميزانيه المقترحه للرحله :
مبدأياً نتكلم عن 25 ألف ريال سعودي بإذن الله ومن الممكن الزيادة
في اوقات كثيرة راح اسكن عند اخوي في بولندا لذلك تقل الميزانية
والآن اليورو طايح واصل لـ4.9 هل تنصحوني اخذ كاش؟
مع العلم عندي عدد 2 فيزة : تسويق من بنك الراجحي ومداد من بنك البلاد
كم أضع مبلغ في كل فيزة وماهي إقتراحاتكم .
6- الفنادق :
هذا الموضوع مسوي لي قلق شوي لاني مو عارف مسار الرحلة
ولا احب احجز واحكم نفسي في حاجة
هل تنصحوني بالموتيل , والسكن الخاص بالسياح الرحل (على السريع) !
7-اللغة الإنجليزية:
قراءة ممتاز وكتابة كذلك , تحدثاً : أفهم الي قدامي وش يقول لكن
لو بتكلم معه بقعد اوصف له توصيف المعلومة تبي توصل بالعافية
المطلوب :
برنامج سياحي ورحلة منسقة , تسلسل المدن بالأقرب إختصاراً للوقت والجهد
أعتقد انه من الصعب البداء بإلمانيا لأنهم متشددين من ناحية الفيزة لأنها صادره من التشيك!
انا الآن بين يديكم وهذي المرة الأولى التي ازور فيها اوروبا
كل معلومة تهمني بتفاصيلها لانني أحب أعيش كل دقيقة على الخير بإذن الله
يابعد حيي والله اعتبرونن أمانتن بين يدينكم
..
هذي معلومات جمعتها بنفسي عن طريق مواقع الطيران :
الذهاب :يوم 9 - 6 - 2012
العوده : يوم 17 - 7 - 2012
(العوده لا يوجد تاريخ ثابت لاني بترك المجال مفتوح)
الخطوط التركية ( ذهاب وعوده )
الرياض - اسطنبول - براغ
5000 ريال
الخطوط السعودية + الفرنسية (ذهاب فقط)
الرياض - باريس - براغ
2300 ريال
الخطوط السعودية + الفرنسية (ذهاب فقط)
الرياض - باريس - وارسو
2300 ريال
الخطوط الهولندية ( ذهاب وعوده )
البحرين - أمستردام - وارسو
3850 ريال
بإنتظاركم
مواضيع عشوائيه ممكن تكون تعجبك اخترناها لك:
رد مع اقتباس
المفضلات