الموضوع: تكفون الفاس طاح بالراس

السلام عليكم ورحمة الله وبركاته

كل الشكر للقائمين على هذا الصرح الشامخ عامه

انا مسافر اسبانيا في تاريخ 31-10-2011 والرجوع في تاريخ 11-11-2011 طبعا" شهر عسل

الحمدلله تم استخراج التاشيره بسهوله وشراء التذاكر على الخطوط القطريه 3300 لشخص الواحد من الدوحه الى برشلونه

بصراحه المشكله عندي في الجدول ما قدرت ارسم جدول لرحلتي مو عارف كيف ارتب جدول سياحي لي طبعا" هذي اول زياره لي لسبانيا واوربا بشكل عام

النقطه الثانيه داخل المدن شنو وسيلة التنقل التكاسي او استأجر سياره بسائق

المترو كل المسافرين يمدحونه بس انا المشكله عندي مو عارف كيف استخدمه او كيف اعرف انه رايح للمحطه الي ابيها او اوقات خروجه من المحطات

النقطه الثالثه شهر نوفمبر كيف راح يكون الجو برد مررررررره او معتدل ومناسب لطلعات والجيات

تكفون والله العظيم متوهق من جد

مواضيع عشوائيه ممكن تكون تعجبك اخترناها لك:

• أسبانيا جغرافيا وسياحيا وتاريخيا
• أريد أي أحد أتواصل معه في مدريد ممكن أحد يساعدني
• ابي فيزة سياحية
• انا عريس جديد واريد فندق جميل في وسط برشلونة
• بسررررررررررعه ابي اروح من اسبانيا الى لندن بسرع وقت ساعدوني
• وأخيرا رحت أسبانيا
• ومضة أخرى من برشلونة
• مطلوب فندق في برشلونه
• استفسار السكن لخبراء وزوار برشلونة
• ساعدوني في وضع برنامجي اليومي في اسباانيا
• احتاج مساعد ضرووووووري وبشكل عااااااجل
• الحـقـونـي الرحله مش بعيده
• اسبانيا الاندلسفي الصيف
• من باريس الى مدريد او من لندن الى باريس ارجوا مساعدتي
• ملقا ماربيا
• ماذا عن ال في المطاعم في اقليم كاتلونيا والباسك
• من ملقا الى برشلونة بالقطار
• أرجوا إفادتي مسافر شهر عسل
• كيف احجز كرسي من النت علي الطيران الداخلي في اسبانيا
• الطريقة المضمونة في شراء تذاكر مباريات برشلونة

تكفووووووووووووووووووووووووون ردوووووووووووووووووووووووووووووووووووود

مبروك و بالتوفيق أن شاء الله

هدي بالك و وسع صدرك ماله داعي تتوتر ...۔ انت مسافر علشان تنبسط
وصدقني الموضوع ما يستاهل وأذا وصلت هناك بتعرف أن الموضوع بسيط جدا

***

حددت المدن الي ودك تزورها ؟؟؟
تذاكر الطيران الذهاب و العودة من برشلونة ؟

استغرب من البعض يخلي السفره هم وبدل ماينبسط يغتلق !

ماحد طلع من بطن امه عالم

المترو بكل بساطه تعرف اقرب محطه لفندقك .۔ وتعرف اقرب محطه للمكان اللي بتروح له .۔ تنزل عالدرج وتمشي ومعك خريطه لين تلقى القطار وتحدد وجهتك من الخريطه وتركب القطار وتتوجه لها لو كانت على نفس الطريق

ولو كانت وجهتك بطريق ثاني .۔ تنزل في نقطة التقاطع وتغير القطار واللوحات الارشاديه والخرائط موجوده بالنت وبالفندق ومعلقه بالمترو ولو غلطت اركب القطار وارجع لان اوقات بدل ماتروح يمين تروح يسار وبعدين تكتشف

مرحبا اخوي
حبيت افيدك لاني كنت مثلك جدااااااا متخوف من المترو قبل سفري..
لكن الحمدلله سافرت قبل 3 اسابيع وكان اسهل شئ استخدام المترو هناك (باستثناء مترو باريس جنني).۔
عزيزي اول مانزل الفندق راح يعطيك خريطه وراح يدلك ع اقرب محطة مترو من فندقك
بعدين لاتخاف كل مشوار قبل ماتطلع من الفندق اسأل الرسيبشن عن اقرب محطه للمكان اللي بتروح له وراح ياشر لك ع اسمها ويقولك هي على اي لاين ولو تحتاج تغيير او لا ( ترى هاذي شغلة الرسيبشن لان بعض الناس بالذات احنا العرب تخجل من السؤال رغم انك راح تشوف الاجانب كل مادخلوا وخرجوا يسالون عند الرسيبشن)
بعدين لمن تنزل للمترو راح تجد عند المدخل لوحة فيها خط مسار المترو اتأكد منها ان اسم المحطة اللي تبيها موجوده على نفس المسار.۔
بعدين اوقف مع الناس انتظر القطار ولمن يجي اركب فيه(مافي مانع تسال اللي واقفين معاك هل القطار يودي لمحطتك ام لا ترى الشعب الاسباني خدوووووم)
الحين وانت في القطار طالع فوق الباب راح تشوف مسار المحطات اللي راح يوقف فيها القطار.۔ كل مايقرب يوقف في محطه لمبتها راح تغمز وراح يعلنوا ان المحطه الجايه اسمها كذا .۔ لمن تشوف محطتك غمزت لمبتها استعد للنزول.۔
لمن يفتح الباب انزل وان مافتح اضغط على زر صغير على الباب ينفتح( لاتضحكوا لاني واجهت ذا الموقف وماكان احد بينزل للمحطه ذي غيرنا وماعرفنا نفتح الباب)
لمن تنزل اتبع اللوحات اللي مكتوب عليها خروج لان في مسارات لتغيير الخط ( او امشي ورا اكبر مجموعه من الناس خخخخخخ) وراح تطلع للمكان اللي تبيه.۔
المهم انك ماتنسي لون الخط اللي جيت منه عشان العوده
ورحلة موفقه

ايه نسيت اقول لك ان التاكسي في برشلونه سعره جدا معقول

يعني ممكن المشوار يأخذ منك 8 او 12 يورو

فاذا احتجته استخدمه.۔
الله معاك

المشاركة الأصلية كتبت بواسطة batel2011
http://www.arabtravelersforum.com/tr...8/#post6198172

السلام عليكم ورحمة الله وبركاته

كل الشكر للقائمين على هذا الصرح الشامخ عامه

انا مسافر اسبانيا في تاريخ 31-10-2011 والرجوع في تاريخ 11-11-2011 طبعا" شهر عسل
الحمدلله تم استخراج التاشيره بسهوله وشراء التذاكر على الخطوط القطريه 3300 لشخص الواحد من الدوحه الى برشلونه
بصراحه المشكله عندي في الجدول ما قدرت ارسم جدول لرحلتي مو عارف كيف ارتب جدول سياحي لي طبعا" هذي اول زياره لي لسبانيا واوربا بشكل عام
النقطه الثانيه داخل المدن شنو وسيلة التنقل التكاسي او استأجر سياره بسائق
المترو كل المسافرين يمدحونه بس انا المشكله عندي مو عارف كيف استخدمه او كيف اعرف انه رايح للمحطه الي ابيها او اوقات خروجه من المحطات
النقطه الثالثه شهر نوفمبر كيف راح يكون الجو برد مررررررره او معتدل ومناسب لطلعات والجيات
تكفون والله العظيم متوهق من جد

يحول مع التحية إلى الأخ لونللللللللللللللللي مدير
إداراة التخطيط و الأستراتيجيات في البوابة

التوقيع
الشـــدفا

كل الشكر لك من رد وبالتوفيق للجميع وريحتوني الله يريحكم

بالنسبه لجدول الرحله انا ناوي ازور 3 مدن
1-برشلونه
2-مدريد
3- مو عارف انتوا رشحو لي مدينه تكون حلوووه بشهر نوفمبر

انا فكرة في الجنوب الاسباني شنو رايكم ؟؟؟

طبعا" عندي سؤال مهم جدا"

كيف طريقة استأجر السياره في اسبانيا ؟؟ وماهي الاوراق المطلوبه ؟؟ وهل رخصتي السعوديه تكفي ام لا ؟؟

بالجنوب اسكن في ملقا وممكن منها تزور المدن القريبه

السياره تحتاج رخصه دوليه تطلعها من النت او مكاتب السياحه

الحجز عن طريق مواقع الشركات او الفندق اللي تسكن فيه يجيب لك

يعطيك العافيه يا مشرفنا الغالي

شنو رايك في الجنوب في شهر نوفمبر ؟؟؟

كيف طريقة استخراج الرخصه الدوليه عن طريق النت

وينكم يا اصحاب الخطط الاستراتيجيه

حلوو انك تزور الجنوب وخصوصا غرناطة وقرطبة واشبيلية..ومنها تزور الآثار الاسلامية والجو يكووون جميل جداً

المخطط:

برشلونة 5 ايام
الجنوب: اشبيلية يومين
غرناطة يوم ( واذا كان في بالك تزور قصر الحمراء احجز التذاكر من قبل افضل)
ملقا او ماربيا 3 ايام ومنها تزور المناطق اللي حوالينها

مدريد: 4 ايام

في مدريد وبرشلون الاكتفاء بالباصات السياحية والمترو
اما باقي المناطق تحتاج سيارة مع جارمن