بسم الله الرحمن الرحيم
إخواني الاعضاء موضوعي هذا لكم أنتو بالذات ؛؛ وفيه عتب على بعض إخوانا المشرفين ،، وتذكروا أنا قلت ( بعض ) وليس كل المشرفين ،،
كل شخص فينا اذا يفكر يسافر قبل لايطلع الفيزا وقبل مايحجز التذاكر وقبل مايحجز السكن يدور عن اي موقع يستفيد منه ويحاول يجمع معلومات عن الوجهه اللي بيسافر لها ،،
ولله الحمد محظوظين بوجودنا في منتدى مهما تكلمنا عنه ماراح نعطيه حقه ،، وهذا كله بفضل اعضاء ومشرفين واداره ،،
لاأجيد المقدمات ،،
راح ادخل في الموضوع ،،
من 2009 وانا اتابع قسم اسبانيا (( للعلم عضويتي - ساري قطر - ماأقدر ادخل فيها ،، لاتقولون هذا امس مسجل هههههه !!
بكل أمانه عرفت اهم الاماكن السياحية واسماء الشوارع والساحات وانا مازرت البلاد ،، وهذا كله بفضل من الجميع
لكن شي واحد بقى عالق في ذهني (( النصابين من بعض الجنسيات العربيه - بدون ذكر دول ابتعادآ عن الحساسيات ...۔
كيف اتحاشاهم وكيف أتصرف اذا صارلي موقف ..۔
واللي اكد الموضوع مواضيع كثيره نزلت في القسم .۔ بالعربي كرهت اسبانيا وانا ماشفتها والسبب !! مواضيع تحذير وحاسبوا وإنتبهو ،، وجزاهم الله خير متأكد انه من باب الحرص والخوف على إخوانهم ،، ولكن بالغوا كثير ،،
يعني مع احترامي لبعض أشخاص يترك اغراضه الشخصيه على الشارع ويقول سرقوني وحراميه ،، هههه طيب انتبه لأغراضك والمال السايب* يعلم على السرقة ،، تأكد في بلادك راح تنسرق اذا ماأنتبهت لأغراضك ،،
او شخص يقول جانا شخص يقول انه من نفس دولتي وراح أعطيكم عروض سياحيه بمبلغ رخيص ومدري شلون ،،؟ يآخي خليجي يعطيك عروض على رحلات سياحيه في اسبانيا ؟ انت مصدق هههه أكيد نصاب ،، ماعمري شفت خليجي يشتغل في اوروبا !!
المهم بعد تفكير دام لمدة سنة كاملة قررت الذهاب الى اسبانيا والله العظيم وانا خائف من مواضيع الاعضاء اللي تعرضو لنصب واستفزاز وسرقه ،،
بالنهاية قعدت في مدريد يومين وفي برشلونه 4 ايام والله العظيم ماشفت شخص عربي جاء وعرض علي عروض او حاول يحتك فيني ،، قعدت أتخيل المواضيع اللي في القسم ،،
مع العلم ركبت التاكسي مره وحده من مطار مدريد الى شارع قران فيا وباقي التنقلات في المترو وركبت القطار الى برشلونه وبعد كانت تنقلاتي في المترو في برشلونة ،،
أنعرض علينا جميع انواع الممنوعات واحنا نمشي في الشارع ،، فيها سلبيات تقدر تغض عينك عنها لانها ماتهمك وماراح يبيعونك بالغصب !!
الخلاصة : اذا فكرت في بلاد حاول تجريها بنفسك ولاتقييمها من مواضيع أشخاص ماعرفو كيف يتصرفون ،،
كلامي فيه قساوه لكن هذي الحقيقه ،،
تحيآتي *مواضيع عشوائيه ممكن تكون تعجبك اخترناها لك:
- مساعدتكم يالربع مسافر في
- شقق عائليه في اسبانيا
- ناوي على السفر
- أسبانيا في أيام لعائله كبيره، ياخبراء أسبانيا تفضلو
- المراوغة الأوروبية صاحب الموضوع جته حالة نفسية ساعدوه
- أسبانيا لأول مره
- أستفسار برشلونة ومدريد
- مساعدة بمعلومات
- التذاكر وفيزاشنقن
- البينابولا كيف احجزفيه؟
- الي عنده خبره في اسبانيا يتفضل هنا
- الى خبراء برشلونة
- هل تستحق فالنسيا الزيارة
- القـول البيـان في أحـد عشـر يومـا في بلاد الإسبـان تقـرير مصـور
- تكفووون فزعتكم ياااعرب
- فندق استفسار
- علم الداخل ما زال مرتفعا في ساحات غرناطة
- ياشباب ايش افضل الفنادق الاقتصاديه في برشلونه ومدريد
- انا بماربياا افيدووني
- اريد زيارة برشلونة مدريد ماربيا
المفضلات