بسم الله الرحمن الرحيم
استلمنا امس الجوازات مع فيزا الشنجن صادره من السفاره الفرنسيه في البحرين وذلك لزياره اسبانيا في عيد الاضحى ۔
ولكثرة الاستفسارات حبيت اوضح بعض النقاط حول المتطلبات وطريقة استخراج الفيزا - طبعا كلامي بكون بخصوص مملكة البحرين ۔
- يجب اولا معرفت السفاره الي يجب تقديم الفيزا عن طريقها۔ السفاره الفرنسيه للمسافرين الى:
فرنسا / اسبانيا / النمسا / اليونان / البرتغال
السفاره الالمانيه للمسافرين الي: المانيا / بلجيكا/ فينليندا / ايسلاندا / لوكسومبورج / النرويج / هولاندا / السويد
السفاره الايطاليه : ايطاليا / مالطا
حجز موعد في السفاره والسفاره الفرنسيه تاخذ رسوم 15 دينار للشخص كرسوم للموعد ( ما ادري اذا باقي السفارات نفس العمليه او لا ) ويتم خصم المبلغ مباشرة من الكريدت كارد
- ملئ نموذج الفيزا و الافضل انكم تاخذون معاكم نسخه احتياط لو صار خطأ في الاستماره ممكن تغيرونها وانتو هناك
- صوره واحده حديثه للوجه فقط والرجال بدون غطاء للرأس
- خطاب تعريف من البنك يبين انك ما زلت تعمل وكم راتبك معاهم
- كشف حساب لاخر 3 شهور ولازم ما يقل المبلغ الموجود عن 1000 دينار حتى لو كنتوا مودعينه الحساب في نفس تاريخ الكشف ما تاثر
- الجواز ونسخه عنه ونسخه من البطاقه الذكيه
- تامين صحي يغطي مدة الاقامه واحنا استخرجناه لمدة اسبوعين بقيمه 7 دينار للشخص واذا كان لشهر يكون ب 10 دينار
- حجز الطيران (حجزنا كان الكتروني)
- حجز الفنادق لطول مدة الاقامه ( احنا عطيناهم الحجز الالكتروني من موقع بوكينج في البدايه قالت ما يصير بس زوجي قال محد قال لنا كان المفروض تخبرونا والكول سنتر مالكم يتحمل المسؤوليه وطلعو المكالمه المسجله يعني ما وهلها تتكلم وفي الآخر قبلت بيه )
-حجز الفندق والطيران لازم يكون بعدد الاشخاص يعني اذا كنتو شخصين سوو نسختين للحجز لانه كل ملف تكون اوراقه لوحدها
- مبلغ الفيزا 32 دينار للشخص غير قابله للاسترجاع حتى لو رفضت الفيزا ولازم يكون عندكم خرده بالضبط المبلغ لانه ما لهم حتى مزاج يصرفون لكم
- يتم اخذ بصمات الاصابع فقط وانتو في السفاره
-تعامل الموضفه الي تستلم الاستمارات قمه في عدم الاحترام يعني شمطاء بكل معنى الكلمه ما تساعد ابدا وكل شي ما يصير وممنوع وخطأ
الفيزا تاخذ من 3- 4 ايام عشان تجهز احنا رحنا الثلاثاء واستلمناها الاحد عطونا لمدة 6 شهور ملتي انتري
هذا الي اتذكره حاليا وان شاء الله اكون افدتكممواضيع عشوائيه ممكن تكون تعجبك اخترناها لك:
- شهر سبتمبر أسافر لاسبانيا بس او دول ؟؟؟
- ارجوا الدخول ضروري
- راحت علينا بـ ريال التذكره
- استفسار عن القصر الملكي
- ساعدوووووني با خبراء اسبانيا
- المساعدة ياااااااهل الخبررررة لوتكرمتو
- محتااااااااار في أمري يا جماعة و أرجو تساعدوني لو تكرمتوا
- ممكن جدول سياحي لمدة ايام في برشلونة ضروري
- بسافر اسبانيا بعد رمضان أبغى اعرف الجو كيف يكون والمصاريف
- سعر اسبانيا بالصيف
- استفسارات متعدده أرجو المساعده
- الله يخليكم رتبوا لي الخمسه ايام
- افيدوني بأسبانيا
- ابي تخطيط رحله لشهر نوفبر لايطاليا واسبانيا بليز
- فنادق برشلونة
- فتح حساب بنكي
- استفسارات طلب جدول سياحي
- الجو في اسبانيا
- ريال تكفي اسبانيا ؟
- جزر الكناري في اسبانيا
المفضلات