الموضوع: طلعنا الفيزا وهذي اهم النقاط

بسم الله الرحمن الرحيم


استلمنا امس الجوازات مع فيزا الشنجن صادره من السفاره الفرنسيه في البحرين وذلك لزياره اسبانيا في عيد الاضحى ۔

ولكثرة الاستفسارات حبيت اوضح بعض النقاط حول المتطلبات وطريقة استخراج الفيزا - طبعا كلامي بكون بخصوص مملكة البحرين ۔

- يجب اولا معرفت السفاره الي يجب تقديم الفيزا عن طريقها۔ السفاره الفرنسيه للمسافرين الى:
فرنسا / اسبانيا / النمسا / اليونان / البرتغال

السفاره الالمانيه للمسافرين الي: المانيا / بلجيكا/ فينليندا / ايسلاندا / لوكسومبورج / النرويج / هولاندا / السويد

السفاره الايطاليه : ايطاليا / مالطا


حجز موعد في السفاره والسفاره الفرنسيه تاخذ رسوم 15 دينار للشخص كرسوم للموعد ( ما ادري اذا باقي السفارات نفس العمليه او لا ) ويتم خصم المبلغ مباشرة من الكريدت كارد

- ملئ نموذج الفيزا و الافضل انكم تاخذون معاكم نسخه احتياط لو صار خطأ في الاستماره ممكن تغيرونها وانتو هناك

- صوره واحده حديثه للوجه فقط والرجال بدون غطاء للرأس

- خطاب تعريف من البنك يبين انك ما زلت تعمل وكم راتبك معاهم

- كشف حساب لاخر 3 شهور ولازم ما يقل المبلغ الموجود عن 1000 دينار حتى لو كنتوا مودعينه الحساب في نفس تاريخ الكشف ما تاثر

- الجواز ونسخه عنه ونسخه من البطاقه الذكيه

- تامين صحي يغطي مدة الاقامه واحنا استخرجناه لمدة اسبوعين بقيمه 7 دينار للشخص واذا كان لشهر يكون ب 10 دينار

- حجز الطيران (حجزنا كان الكتروني)

- حجز الفنادق لطول مدة الاقامه ( احنا عطيناهم الحجز الالكتروني من موقع بوكينج في البدايه قالت ما يصير بس زوجي قال محد قال لنا كان المفروض تخبرونا والكول سنتر مالكم يتحمل المسؤوليه وطلعو المكالمه المسجله يعني ما وهلها تتكلم وفي الآخر قبلت بيه )

-حجز الفندق والطيران لازم يكون بعدد الاشخاص يعني اذا كنتو شخصين سوو نسختين للحجز لانه كل ملف تكون اوراقه لوحدها

- مبلغ الفيزا 32 دينار للشخص غير قابله للاسترجاع حتى لو رفضت الفيزا ولازم يكون عندكم خرده بالضبط المبلغ لانه ما لهم حتى مزاج يصرفون لكم

- يتم اخذ بصمات الاصابع فقط وانتو في السفاره

-تعامل الموضفه الي تستلم الاستمارات قمه في عدم الاحترام يعني شمطاء بكل معنى الكلمه ما تساعد ابدا وكل شي ما يصير وممنوع وخطأ

الفيزا تاخذ من 3- 4 ايام عشان تجهز احنا رحنا الثلاثاء واستلمناها الاحد عطونا لمدة 6 شهور ملتي انتري


هذا الي اتذكره حاليا وان شاء الله اكون افدتكم

مواضيع عشوائيه ممكن تكون تعجبك اخترناها لك:

• البحث في الفردوس المفقود العدسة تتحدث
• اول مره بروح اسبانيا ...بليز فزعتكم
• استفسار عن برشلونه مدريد
• الي رواد ماربيا شنو الافضل
• الاسواق في مدريد وبرشلونه
• هنا تجمع المسافرين على رحلة
• استفسار للسفر لاسبانيا
• أفياش الكهرباء في اسبانيا
• ضروري جدا جدا جدا
• تقرير رحلة لبلاد الاندلس
• ايهم افضل مدريد او اسبانيا
• الفزعة ياخبراء أسبانيا و إيطاليا
• اود السفر من اسبانيا الي باريس
• ما رايكم في هذا المخطط؟ وماهي احلى المناطق الريفية في اسبانيا
• صباحك عسل ممكن استفسار
• السكن في غرناطه
• استفسار بخصوص مدريد
• هل احتاج إلى تأشيرة سفر لبرشلونة ليوم واحد فقط
• ارجو مساعدتي في مخطط رحلتي لاسبانيا و سويسرا
• ساعدونى من فضلكم

معليه خلهم يعاملوننا بدون احترام بالسعوديه بس تطلع بـ 4 ايام ههههههههـ

اتمنى لكم سفره سعيده وعيد اضحى مبارك عليكم

بالعكس يا مزاجي السعوديه افضل
رسومهم بالبحرين عاليه ولا تسترد وبصمه يا رجال يعني كل واحد يجيب عائلته معه
والحين صارت خمس ايام انا بخمس ايام اخذت الفيزا وسته اشهر

شكرا اختي

اختي ام عبد العزيز السفاره تكون في شارع المعارض قبال المتحف بجانب السفاره العراقيه قريب من بيت القرآن وممكن تدخلين موقع السفاره في النت في جميع معلومات الاتصال

المشاركة الأصلية كتبت بواسطة mezajee_ksa
http://www.arabtravelersforum.com/tr...2/#post6290302

معليه خلهم يعاملوننا بدون احترام بالسعوديه بس تطلع بـ 4 ايام ههههههههـ

اتمنى لكم سفره سعيده وعيد اضحى مبارك عليكم



شكرا لك اخي مزاجي بس تصدق كنت رايحه واني واثقه انه كل اوراقنا تمام ومستحيل نسمع كلمه مني مناك بس بعد ما رحنا لهم والي شفناه فقدت الامل نهائي في الحصول على الفيزا بس الحمد لله

وعيدكم مبارك مقدما

المشاركة الأصلية كتبت بواسطة فــيـصـل
http://www.arabtravelersforum.com/tr...6/#post6291356

بالعكس يا مزاجي السعوديه افضل
رسومهم بالبحرين عاليه ولا تسترد وبصمه يا رجال يعني كل واحد يجيب عائلته معه
والحين صارت خمس ايام انا بخمس ايام اخذت الفيزا وسته اشهر

شكرا اختي



رسوم الفيزا ارخص من البريطانيه على ما اذكر دفعنا 45 دينار للبريطانيه وبعد غير مسترد والبصمه الزاميه ..۔ السفاره البريطانيه خذو بصمة اليد وبصمة العين بعد
بس الشغله الجديده الموعد بفلوس و15 دينار للشخص هذي كثيره صراحه ومالها داعي

شكرا على مرورك

مشكوووووووره وماقصرتي على ردك
وعسى الله يوفقكم في رحلتكم....

مبروك الفيزا

بس لفت انتباهي ان عندكم بالبحرين , كل سفاره اوروبيه فيزتهم تشمل كذا دوله..

يعني مثلا الفرنسيه تشمل كذا دوله ومن ضمنهم اسبانيا..

يا ترى هل عندنا بالسعوديه نفس الشي او لا, لان حسب مانسمع ان يجب انك تستخرج فيزا من سفارة البلد اللي راح تنزل فيها اول مره.. وممكن تمشي الحال بما انها شنقن لكن دايما نشوف التحذير من الاخوان..

وفيه ناس تذكر تجاربهم انهم دخلوا بعض الدول الاوربيه بفيزا دوله اوروبيه اخرى بدون مشاكل, ومنهم انا دخلت ايطاليا بفيزا فرنسيه والوضع مافي مشكله..

والان تو طلعت فيزا فرنسيه, بدخل فيها اسبانيا مباشره .. وان شاء الله تمشي الامور على خير

والف شكر لك اختي

تحياتي

سفراً سعيداً إن شاء الله
خذوا احتياطاتكم للبرد والمطر
فالبرد شديد تقريبا - خصوصا على الخليجيين -

تحياتي من مدريد

المشاركة الأصلية كتبت بواسطة secretary man
http://www.arabtravelersforum.com/tr...4/#post6310204

مبروك الفيزا

بس لفت انتباهي ان عندكم بالبحرين , كل سفاره اوروبيه فيزتهم تشمل كذا دوله..

يعني مثلا الفرنسيه تشمل كذا دوله ومن ضمنهم اسبانيا..

يا ترى هل عندنا بالسعوديه نفس الشي او لا, لان حسب مانسمع ان يجب انك تستخرج فيزا من سفارة البلد اللي راح تنزل فيها اول مره.. وممكن تمشي الحال بما انها شنقن لكن دايما نشوف التحذير من الاخوان..

وفيه ناس تذكر تجاربهم انهم دخلوا بعض الدول الاوربيه بفيزا دوله اوروبيه اخرى بدون مشاكل, ومنهم انا دخلت ايطاليا بفيزا فرنسيه والوضع مافي مشكله..

والان تو طلعت فيزا فرنسيه, بدخل فيها اسبانيا مباشره .. وان شاء الله تمشي الامور على خير

والف شكر لك اختي

تحياتي



تقسيم الدول على السفارات من اجل اتسخراج الفيزا فقط يعني تسهيل غشان لا يكون ضغط على سفاره دون الثانيه خصوصا انه فقط 3 سفارات اوروبيه (شنجن) فقط في البحرين
بس الفيزا تقدر تروح بيها لاي دوله في الاتحاد الاوروبي

تحياتي

المشاركة الأصلية كتبت بواسطة حسّوم
http://www.arabtravelersforum.com/tr...8/#post6318638

سفراً سعيداً إن شاء الله
خذوا احتياطاتكم للبرد والمطر
فالبرد شديد تقريبا - خصوصا على الخليجيين -

تحياتي من مدريد



احنا نحب البرد واوروبا ما نزورها الا في الشتاء
ماخذين احياطاتنا وشكرا على النصيحه

بس ممكن اعرف كم الحراره حاليا

مبروووك عالفيزآآ .۔
وتروحون وترجعون بالسلآمـة .۔

بس عندي سؤال.۔
التأمين الصحي للسفر من وين بالضبط ؟!؟

وآحنا بنقدم عالفيزآ جريب بعد لأن سفرنآ لـ أسبانيا و فرنسا نهاية نوفمبر آن شاءالله.۔

شكراً لج.۔ عسآج عالقوة ..

لازم اكون مقيم بالبحرين عشان اطلع الفيزا من البحرين ؟ لاني سعودي و البحرين اقرب لي من الرياض

المشاركة الأصلية كتبت بواسطة reflected flow
http://www.arabtravelersforum.com/tr...4/#post6349384

ليه هم وش يبون اجل ؟



يبون ايميل تاكيد الحجز من الفندق نفسه او حجز مختوم من مكتب سفر بس احنا ما عطيناها وجه وخذت الحجز من بوكينج

المشاركة الأصلية كتبت بواسطة Bahrain Princess
http://www.arabtravelersforum.com/tr...0/#post6349610

مبروووك عالفيزآآ .۔
وتروحون وترجعون بالسلآمـة .۔

بس عندي سؤال.۔
التأمين الصحي للسفر من وين بالضبط ؟!؟

وآحنا بنقدم عالفيزآ جريب بعد لأن سفرنآ لـ أسبانيا و فرنسا نهاية نوفمبر آن شاءالله.۔

شكراً لج.۔ عسآج عالقوة ..



مشكوره عزيزتي
التامين خذيناه من bmi
بسعر 7 دينار للشخص لمدة اسبوعين واذا تبون لشهر سعره 10 دينار ويسوونه خلال 10 دقائق وانتو قاعدين اهم شي معاكم البطاقه الذكيه ويفضل الجواز عشان الاسم ينكتب صح

وبالتوفيق في سفرتكم

المشاركة الأصلية كتبت بواسطة reflected flow
http://www.arabtravelersforum.com/tr...6/#post6349746

لازم اكون مقيم بالبحرين عشان اطلع الفيزا من البحرين ؟ لاني سعودي و البحرين اقرب لي من الرياض



والله ما عندي فكره اخوي بس تقدر تتصل على مركز الاستعلامات في السفاره وتسالهم
الرقم موجود في موقعهم على الانترنت

شكرا اختي ...۔
بس أخي مزاجي ...ليش تخوفنا من السفاره في السعوديه ....نبغى التشجيع( :

عدنا من سفرتنا الاكثر من رائعه ولله الحمد

تحياتي