الموضوع: استفسارات جديده ومهمه ۔ هل من اجابه ؟

السلام عليكم ۔

حجزت بفندق
Apartamentos Allada

وللأسف اكتشفت عقب ماخلصنا حجز انه شقق وموقعه مدري وينه والغلط غلطي لاني وكلت كلش لمكتب ### بدون ما اتابع معهم الله يقلعهم .۔ كل اللي قلته ابي الماجستيك قال فل قلت اجل اي فندق عالرامبلا وحجزلي هذا وجيت ودفعت بكل غباء على اساس واثقه واخرتها يوم عاد فضيت ورحت بحثت عنه صار اولا شقق مهب فندق ثانيا مهب عالرامبلا .۔ هذي الاتكاليه وماتسوي

عاد بحثت في بوكينق وطلع لي هالتعريف له :

تمتلئ منطقة Borne بالشوارع الملّتفة التي تشكل متاهة لتوفر لك أكثر المناطق إثارة في المدينة، ويوجد بالقرب من الشقق كنيسة Saint Mary وحدائق المدينة ومتحف بيكاسو ومتحف الشوكولا والكاتدرائية وسوق Saint Catherine بالإضافة إلى العديد من المواقع الهامة. بالإضافة إلى دخول مجاني إلى المتحف المصري في برشلونة.

ولا ذكر وش يبعد عالرامبلا ولا الكتالونيا .۔

السؤال اللي عنده خبره بهالاماكن المذكوره حوله .۔ كم تبعد عن الرامبلا ؟؟ يعني كم يبعد فندقنا عنه بالتقريب مو شرط شي ثابت بس عشان اطمئن ..؟ ولو صار بعيد وش افضل وسيله للتنقل .؟؟

لان والله اعلم ماهقيت ان فيه مكتب سياحي بالفندق لانه شقق مو فندق اساسا .

،،

مصارعه الثيران مررررره ودي احضرها .۔ فالسؤال متى تقام ؟؟ ووين ؟؟ وايش وسيلة النقل ؟ وكيف اعرف هناك ؟؟
سواء في برشلونه او ماربيا والمناطق اللي حولها .۔ لان وقتنا ببرشلونه زحمه فودنا نخلي الثيران في ماربيا .۔ ينفع ؟؟

،،

توني انتبه لنقطة بالباص السياحي اللي هي (( الخطين ( احمر _ اخضر )) .۔ كيف اعرف خطة سير كل لون عشان اختار اللي ابي ؟؟
واهم شي عندي ملعب برشلونه + التلفريك هذولا اي خط سير اي لون ؟؟


،،

ملاهي Tibidabo
متى اوقاتتها ؟؟ متى تفتح ومتى تصك ؟؟ ووش وسيلة النقل لها ؟؟

،،

حي القوطي قريب ولا بعيد عن فندقنا وكيف نروح له ؟؟

،،

والف شكر لكم جميعا وانشاء تكون هذي اخر استفساراتي ..

مواضيع عشوائيه ممكن تكون تعجبك اخترناها لك:

• استفسار لخبراء اسبانيا
• الفزعه ياخبراء اسبانيا
• افضل منطقة للسكن بمدريد
• توقيت في اسبانيا
• محتاجه مساعدتكم ضررروري
• استفساررر ياهل اسبانيا
• استفسارات ماربيا و برشلونه و مدريد
• أحتج الرد ضروري أنا في برشلوووونه
• ابي موقع للطيران الداخلي
• مساعده لرحلتي للاندلس
• استفسارات عن اسبانيا
• استفسار عن جبال البرانس
• ممكن مساعدة في تخطيط رحلة شهر عسسل ؟؟
• الطيران من أسبانيا لفرنسا؟؟
• اسبانيا شهر
• رحلة شهر العسل مساعدتكم يا مشرفي اسبانيا
• مـــتــــــــــ ــــرو بــــرشـــلونة بالتفصــيل
• يالنشامى و لمحبي التخطيط للسفر بلييييز اختكم في حاجتكم لاتردونها
• أجمل مدينة أسبانية زرتهاسؤال لجميع أعضاء المنتدى
• ضرووووووووووووووري جدا جدا جدا مابقى وقت تكفون

نسيت شي /

حجزنا الداخلي علاخطوط الاسبانيه من برشلونه لماربيا ذهاب وعوده بفيزا تبع اختي وقريت من خلال بحثي بالتقارير انهم يطلبون البطاقه اللي دفعت منها بالمطار لتأكيد الحجز ۔ ف وش الحل ؟ طبعا مستحيل اخذ بطاقة الفيزا حقة اختي معي ۔ مع العلم انهم ارسلو لي عالايميل التذاكر وتاكيد الحجز وطبعتهم كلهم .۔

هل هالفيزا بتسبب لي سالفه بالمطار ؟؟ وكيف اتجاوزها ؟؟

اول حاجه عذرا على تعديل الموضوع ولكن الغلط غلطك وماللمكتب ذنب انك تشوهين سمعته

ثاني حاجه موقع الشقه جيد ويبعد عن الحي القوطي 500 متر تقريبا وعن رامبلا 1 كيلو مشي

لكن يعيبه ان مافيه محطة مترو مره قريبه منه واقربها Jaume I في الحي القوطي ولكن فيه محطة باصات قريبه منكم

بالنسبه لوضعكم حاولوا تغيرون الحجز من المكتب ولو ماحصل فانسب وسيلة مواصلات لكم في اوقات اليوم هو الباص او المترو وبالليل لو متأخر الوقت فالتاكسي اكيد

مصارعة الثيران توقفت في برشلونه وانشالله يفيدونك الاخوان اذا هي تقام حول ماربيا ولا لا , لان مانيب متابع لها

http://www.arabtravelersforum.com/travel378056/

الملاهي تحتاجين تدخلين الموقع وتشوفين اوقات الدوام باليوم اللي تبين تروحينه
http://www.tibidabo.cat/en/homepage
الوصول لها عن طريق الباص من ساحة كاتالونيا (بلازا كاتلونيا) اللي فرامبلا على هالباص Tibibus T2A
وفيه برضو بالقطار عن طريق خط L7 توقفين بمحطة بنفس اسم اللامهي وبعدين ترام للملاهي

احتمال كبير يطلبون الفيزا لما يكون الحجز اون لاين فالافضل تاخذين نسخه من جواز اختك وتكتب عليه انها حجزت لك عن طريق فيزتها وانها على خبر وموافقه .. وخلي معك نسخه من البطاقه احتياطا .. وطبعا تكون الكتابه بالانجليزي وموقعه

اخبر ان فيه ملاهي باشبيليه لكن ماربيا ما عندي علم