الموضوع: الرجاء المساعده ياعرب

بسم الله الرحمن الرحيم
السلام عليم ورحمة الله وبركاته
موضوعي هو سفره مع الاهل انا وزوجتي وبنتي عمره 7شهور طبعا الي تايلند من 1-7-2011 الي 15-7-2011
علي طيران الخليج بحرين بانكوك بحرين
1 ابي برنامج حق منطقتين ومن ظمن المنطقتين بانكوك وتكون المنطقه الاول بعد بانكوك سياحية مانبي قوارب وبحر غيره من الامور نبي جزيره خضره طبيعه حلوه وفيه اماكن حلو لان عندنا رضيعه منبي تنقل وايد وبحر وقوارب مع الفنادق الزينه للاهل.
2 طيران داخلي شلون وشنو الاحسن .؟
3 الفنادق في بانكوك نبي جريبه من الاسواق ومولات وسوق الصيني وسعر مناسب .
4 نبي برامج سياحيه في المنطقتين كيف نرتب وشنو الاماكن الزينه والمكاتب الي ترتب الرحلات اليوميه؟
5 اسما المولات والاسواق واسما المناطق السياحيه؟
6 طريقة الصرف كيف في تايلند اودي معي دولارات مع بات؟
7 اذا ماعليكم امر تضبيط البرنامج معي نبي نستفيد من خبراتكم الطيبه والنصايح الطيبه
8 تذكير رحله مع الاهل وطفله رضيع 7شهور
وشكرا لي تعونكم معي *

مواضيع عشوائيه ممكن تكون تعجبك اخترناها لك:

• ممكن شقق فندقيه في بانكوك
• منتجع العالمي مين يعرف في اي مدينه في تايلاند ؟
• اول رحله لي لتايلند ارجو المساعده
• رحلة اقتصادية الى بانكوك
• عن السوق اليلي
• صباح الخير
• ضروووووري
• ابي ارووووووووح
• هل اجهزة الملاحه ممنوعه في سوريا
• بغيت اختيار نهائي للفنادق
• الطيران الداخلي
• خمسة ليالي في تايلند ، أين اقضيها ؟
• مين الي موجود حاليا في بوكيت وبتايا
• افادة للحصول على ارخص الاسعار لحجوزات الفنادق وما اريد غير الدعاء
• ماليزيا او اندونيسيا او تايلند؟
• هل فيه مكاتب سياحيه لتركيا
• الغرف الثلاثية في شانغماي وبوكيت وبتايا
• عاجل جدااااااااااا
• بصراحة كم عمرك للاعضاء وكم مرة زرت تايلند
• يا أهل حلب تفضلوا بالدخوول

و عليكم السلام و رحمة الله و بركاتة "

أعتقد لو عملت جدولك كلآتي يكون انسب :
- شنجماي 5 ليال
- فوكت 6 ليال
- بانكوك 4 ليال
أفضل طيران داخلي هو التاي ايرلاينز
أرشح لك الفنادق التي تناسبك :
شنجماي ..... سنتارا داونغ تاون - رويال برنسيس - d2
بوكت ...... بان لاي ماي - هوليدي ان - رويال بالم
بانكوك ...... بايوك اسكاي - ماجستيك - اماري بوليفارد
- أخذ معاك الدولار الامريكي و لا تنسي مبلغ ما يقارب ال 10000 بات من العملة التايلندية كمصاريف طريق .
- بقية الاجابات سوف تلاقيها من خلال تصفحك للتقارير الموجودة بالبوابة .
تقبل تحياتي "

أخوي اذا ماتبي رحلات بحريه وقوارب وهالسوالف انصحك تخلي سفرتك محصوره بين بانكوك وشنقماي
أول ليلتين اقعد في بانكوك للراحه من عناء السفر ، وبعدين اطلع شنقماي وارجع آخر اربع ليالي بانكوك للتسوق .
فنادق بانكوك : قراند ماجستيك - نوفتيل سيام
فندق شنغماي ارشحلك d2

تحياتي

اشكركم على الرد والاجابات الطيبة
خلاص قررت اني اروح بانكوك
وشنغاماي
5 ايام شنغاماي
5 ايام بانكوك مقسمه يومين اول ماوصل وبعدين 3 او 4 ايام
شنغاماي فندق دي 2
بس بانكوك مو عارف اي فندق احسن وسط المجمعات وسوق
اخذ Amari Boulevard Bangkok
او Baiyoke Sky Hotel
اوNovotel Bangkok On Siam Square
في احسن بعد ؟؟؟؟

grand Hotel Majestic شوي غالي
وشرايكم في البرنامج زين ؟؟؟

أخوي ولد البحرين ، بالنسبة لفندق بانكوك أنصحك بنوفوتيل سيام .

تحياتي

شكرا اخواني الاعضا
بتكون الرحلة بين شنغاماي وبانكوك
5 ايام شنغماي
5 ايام بانكوك
هل فندق هوليدان شنغاماي زين وجريب من المناطق الحيوية مثل نيت بزار؟؟؟؟
فندق ريال برنسيس السعر زين بس من غير فطورمادري ليش؟؟
وفندق d2 غالي شوي
اي احسن فندق نوفيتل سيام او غراند مجستك من نحيت الموقع والسوق والمجمعات وسعر؟؟؟؟
شرايكم في فندق Aspen suites bangkok?
ابي يكون الفندق مو في الحي العرب
ابي سعر الفندق 30 دينار بحريني في اليله او حتي 35 دينار
او ترشيح فنادق في هذا السعر؟؟
مع العلم عندي بنت عمره 7شهور
وشكرا

أذهب إلى جزيرة بالي الأندونيسية

فيها جبال تطل على بحيرة عليها فنادق فخمة

جزيرة أمان وجو بارد فوق الجبال


فيه خطوط أسيويه تطير من بالي إلى بانكوك

مشكور اخوي ولد البحرين
مشكور اخوي كنج 1
ابي معلومات عن هذين الفندقين؟
Royal Lanna Hotel بشنغاماي من جميع النواحي نظافه خدمه موقع وغيرها من الامور حق الاهل؟؟

Dream Bangkok بانكوك من جميع النواحي نظافه خدمه موقع وغيرها من الامور حق الاهل؟؟
وشكرا يااعضا

Dream Bangkok

يقع بشراع السوكموفيت ،، لكنه غالي شوي يعني الليلة اكثر من 35 ،،

المشاركة الأصلية كتبت بواسطة سلطان راشد
http://www.arabtravelersforum.com/tr...0/#post5296010

أنا مثلك عندي بنتين وحده 3 سنوات و الثانيه 7 شهور

و الشباب جزاهم الله خير نصحوني بأن اخلي بنتي الصغيره في البلد و ما اخذها بس

ظروفي ما تسمح اني اخليها و لازم اخذها معاي

و كنت ناوي اطلع رحلات بحريه بس لما شفت موضوعك جلت كأني بهون عن الرحلات البحريه

بس يا ترى هل بتكون الرحله ممتعه بدون رحلات بحريه ؟

و وين بنقضي أوقاتنا في ال 14 يوم خاصه في بوكيت و تشيانغ ماي؟

سؤال نبحث له عن مساعده من الحبايب اللي مخلين ثقلنا كله عليهم...... ربي يوفقكم كلللللللللللللكم و انا معكم

اخوي سلطان الرحلات البحرية يعتبر شي اساسي بوكت بس هم في رحلات ثانية

رحلات شنغ ماي

يوم الصعود الي اعلي قمة في تايلند
يوم الركوب علي الفيله والتجول بالغابة
يوم الذهاب الي الماء الساخن
يوم الذهاب الي المصانع

رحلات بوكت

يوم حديقة الحيوان
يوم مسرح فنتازيا
يوم التمشي بالمجمعات التجارية
يوم الانشطة البحرية
يوم التجول في بوكت واكتشافها

واخيرا لازم تطلع رحلات بحرية مثل جزيرة بي بي
لا تطلع رحلة جيمس بوند لانه حيل فيها مغامرات ومتعبه حق الاطفال
وسلامتك




اخوك عبدالله الكويتي

*

اخوي سلطان هذا زياده حق رحلات شنغ ماي

3 - رحلة Night Safari شنغماي
اسم الرحلة Night Safari جوله على متن باص سفاري الخاص داخل المحميه (معا مرشد سياحي ) - جوله خاصه حيث يمكن المشي مسافه 3 كيلومتر داخل الغايه ورؤيه الحيوانات عن قرب وهي عباره عن سفاري ليلي رائع ومعه عرض خاص لموسيقى المائيه حيث تتضمن الرحله - موسيقى مائيه ضوئيه رائعه .

http://www.chiangmainightsafari.com

4 - جولة المنطاد فوق سماء شينق ماى هذا الرابط للحجز في رحلة المنطاد
Chiang Mai Tour - Chiang Mai Hot Air Balloon Tour


جولة إلى مزارع الفواكة
كهف شيانك داو
حديقة حيوانات شيانك مي
توأم معبدا ملكيا
ويانج كوم كام
ويانج ثا كان
شلالات ماي كلانج
قصـــــر فو فنج
قريــــــة ( دوي بوي )
مزارع ( الاوركيد ) والفراشات
مركز تدريب الفيلة
المعبد القديم ( تمثال بوذا الكبير )
Mummified monk
Heavens garden ( مشاهدة التماثيل المنحوتة على الصخر )
زيارة قدم بوذا
منتزه مارينا القومي
- الرياضات المختلفة....
القفز ..Bungy Jump
نادي الرماية Shooting Club
الغوص Diving
ركوب الخيل Horse- Riding
تسلق الصخور Rock Climbing
التجديف بالقارب في تيارات المياه القوية Rafting

- حديقه تاويشاي TAWEECHAI GARDEN
تبعد عن شانغ ماي 180 كيلو تقريبا
والتنسيق للرحله مع صاحبه الحديقه مباشره
وستقوم هي بنفسها بأخذهم من شيانغ ماي الي الحديقه ( في منطقه فانغ FANG )
ويوجد بقرب الحديقه شلالات .
نقال 0066850405212
من داخل تايند 0850405212
تلفون ارضي 053812050
Email : mailto:[email protected]
واسم صاحبه المزرعه توون TOON
وهي التي سترد علي اتصالاتكم واستفساراتكم

ومن يريد الاستفسار بالعربي فيمكنه عن طريق هذا الايميل :
mailto[email protected]

-- رحلة الى مصانع الحرف اليدوية((الذهب والفضة والنحاس والأخشاب والخيزران والجلود والسيراميك والحرير والقطن ))


- الهوت سبرنج ووتر او الينابيع الحارة او منتجع الينابيع الحارة.

- نهر رينجring rever

- حديقة حيوان شنغماي

- مركز القرود Monkey Centre والإستمتاع بعروض القرود المضحكة والمسلية
الصغار وايد بيعجبهم

- مزرعة الأفاعي Snake Farm وفيها عروض تقدم استعراض مع الأفاعي..وطبعا ممكن تصورون مع الأفعى

- مزرعة الفراشات والأوركيد...

- متحف شنغماي

سلام عليكم ورحمة الله وبركاته اخواني اعضاء المنتدى ومشرفين
شكرا على ردود والاقتراحات الطيبه
بس انا دار راسي من الفنادق في بانكوك وشنغاماي تعبت وانا افكر اي احسن من جميع النواحي كل ما ادش على واحد يطلع في عيوب اكثر من المزايا !!!!!

بس الحين حطيت في بالي فندقين في بانكوك وفندقين في شنغاماي وبي منكم ترشيح واحد هني واحد هناك
مع توضيح المميزات والعيوب لكل الفنادق المطروحه
مع العلم واكرر سفره بتكون( انا وزوجتي وبنتي 7 شهور فقط)
واذا عندكم ترشيح فندق احسن من الاربع الرجاء التوضيح المميزات والعيوب لكل الفنادق المطروحه

اولا الفندقين في شنغاماي من تاريخ 09-07-2011 الى 11-07-2011 5 ليالي هما:
فندق رويال برنسيس شنغاماي
فندق D2 شنغاماي

ثانيا الفندقين في بانكوك من تاريخ 14-07-2011 الى 20-07-2011 6 ليالي هما:
فندقNovotel Bangkok On Siam Square
فندق غراند مجستك بانكوك
أرنوما هوتيل - Arnoma Hotel
Holiday Inn Silom Bangkok

اهم شي من نواحي النظافه والخدمة والموقع الممتاز والراحة لان عندي طفلة 7 شهور ؟؟؟؟؟

شنغ ماي عليك بفندق d2
بانكوك عليك بفندق نوفيتيل سيام

وهذا نصيحة مني لك

المشاركة الأصلية كتبت بواسطة bigbin609
http://www.arabtravelersforum.com/tr...4/#post5296414

اخوي سلطان الرحلات البحرية يعتبر شي اساسي بوكت بس هم في رحلات ثانية

رحلات شنغ ماي

يوم الصعود الي اعلي قمة في تايلند
يوم الركوب علي الفيله والتجول بالغابة
يوم الذهاب الي الماء الساخن
يوم الذهاب الي المصانع

رحلات بوكت

يوم حديقة الحيوان
يوم مسرح فنتازيا
يوم التمشي بالمجمعات التجارية
يوم الانشطة البحرية
يوم التجول في بوكت واكتشافها

واخيرا لازم تطلع رحلات بحرية مثل جزيرة بي بي
لا تطلع رحلة جيمس بوند لانه حيل فيها مغامرات ومتعبه حق الاطفال
وسلامتك

اخوك عبدالله الكويتي

*








شكرااااااااااااااااااااااا جدا أخي العزيز عبدالله الكويتي على مسااااعداتك الغير منقطعه

و أبي منك خدمه لوجه الله ,, صدج اني بثقل عليك شوي بس مالنا غيركم

انت تعرف يالغالي اني ما جد سافرت في رحله للاستجمام وان هذي اول مره.

اأبي منك تسوي لنا جدول أنا و أخوي وليد صاحب هذا الموضوع بحيث يضمن لنا متعه كبيره اثناء الرحله

مع مراعاة عدم الذهاب الى الاماكن الغير صالحة لاصطحاب الرضع .

مثلا:


أبيك تسويلي برنامج لبانكوك في 4 أيام تذكر فيها أفضل أفضل الاماكن اللي ممكن نروحلها .

و برنامج آخر لتشيانغ ماي في 5 أيام

و برنامج آخر لبوكيت في 5 أيام ( كل هذا مع مراعاة ان الاماكن المنتقاة تصلح للأصطحاب الرضع )

و هل تفضل انه نروح قبل تشيانغ ماي ثم بوكيت و لا أفضل نروح بوكيت قبل ثم تشيانغ ماي؟


أعذرني على الثقل و ربي يعطيك طولة البال.

المشاركة الأصلية كتبت بواسطة bigbin609
http://www.arabtravelersforum.com/tr...2/#post5303742

هلا وغلا بأخوي سلطان وليد
تري ماسوينا الا. الواجب وانا حاضر بكل شي
انا افضل لك تروح اول شي شنغ ماي بعدين بوكت ومن ثم بانكوك العاصمة



برنامج حق شنغ ماي 5 ايام

يوم الذهاب الي الغابة والركوب علي الفيلة
يوم الصعود الي اعلي قمة بتايلند
يوم رحلة الى مصانع الحرف اليدوية((الذهب والفضة والنحاس والأخشاب والخيزران والجلود والسيراميك والحرير والقطن ))
يوم الذهاب الي الهوت سبرنج ووتر او الينابيع الحارة او منتجع الينابيع الحارة.
يوم الذهاب الي مركز القرود monkey centre والإستمتاع بعروض القرود المضحكة والمسلية
الصغار وايد بيعجبهم
- مزرعة الأفاعي snake farm وفيها عروض تقدم استعراض مع الأفاعي..وطبعا ممكن تصورون مع الأفعى
- مزرعة الفراشات والأوركيد...




برنامج جزيرة بوكت

يوم حديقة الحيوان بوكت
يوم الانشطة البحرية مع مسرح فنتازيا
يوم رحلة سفاري بوكيت
يوم زيارة المعـبد
يوم التسوق بالمجمعات التجارية




برنامج بانكوك
يوم دريم وورلد
يوم السوق العائم
يومين تسوق بالمجمعات والتجهيز للسفر



اخوكم عبدالله الكويتي



كأنكم عطيتوا بانكوك أيام قليلة

* هل الرحلة الى جزيرة بي بي تنفع للرضع؟

ما فيها تعب عليهم يعني؟

هيفاء الحلوه

الرحلات البحرية لا انصح بها للرضع لكن ممكن تروحون شرط حجز رحلة في مركب مكيف وحديث ،،

هناك عدة وسائل نقل في الرحلة هناك السبيد بوت وهذا لا يصلح بتاتا لا للعوائل ولا الاطفال ، وهناك المركب الكبير وهو طابقين هو الافضل للعوائل لانه غير سريع ويبحر بهدوء لكن غير مكيف ومشكلة الجو الحار والمشمس لا يناسب الصغار ،، لذا شوفي لج مكتب يوفر مركب مكيف يناسب العوائل

مرحبا شباب وشابات المنتدى
ابي ترتيب او برنامج حق 10 ايام في بانكوك فقط من تاريخ 10-07-2011 الى 19-07-2011
نبي نخلي اول 4 ايام او خمس ايام سياحة ووباقي الايام الخمسة تسوق
ولكم جزيل الشكر

الأماكـــــــــــــــــــــــــــن الترفيهيـــــــــــــــــة والحدائق :.

دريم ووردلد مدينة الاحلام وهي مدينة العاب للاطفال والكبار
الموقع الالكتروني : Dream World : Welcome to the World of Happiness

تقسم هذه المدينة العملاقة إلى ثلاثة أقسام :

أولا :حديقة الأحلام dream world plaza وأبرز ما فيها
- حديقة الحب
- التلفريك
- عجائب الدنيا السبعة
- القارب المائي
السوق العائم
حديقة الزهور ( روز جاردن
مدينة سيام بارك
مدينة الملاهي
حديقة حيوان دوسيت
سفاري وورد( حديقة الحيوان المفتوحة ، والحيوانات حرة طليقة )
ماجيك لاند
حديقة التماسيح
الجسر المعلق في نهر كاوي Bridge over the River Kwai
الوادي السويسري هو ريزورت جميل كبير في منطقه راتشابوري

ومنطقه راتشابوري تقع 80 كلم غرب العاصمة بانكوكوت حدها جمهوريه اتحاد ميانمار (بورما) من الغرب
يمر نهر ميا كلونغ في منتصف المدينة ويمكن الوصول لها عن طريق السيارة اة الباص او القطار .



اخوك عبدالله الكويتي

السلام عليكم
حيا الله ولد ديرتي
انا الصراحة كل سنة اروح تايلند مع زوجي وعيالي
واستفدت وايد من المنتدى بس ماعرف اسوي تقارير
بس اذا احد عنده سؤال طبعا مستعدة بخصوص فندق بانكوكAspen suites bangkok
انا سكنته السنة اللي طافت انا اكثر شي يهمني النظافة الصراحة الفندق نظيف وايد لان جديد اصلا واللي يشتغلون هناك ممتازين حتى اللي في المطعم شحليلهم والرسبشن والكل الصراحة
انصحك بالنفدق وبقوة بعد لاتتردد
هو قريب من نانا بس صاير في داعوس يطلعك على ستاربكس ومطعم لبناني ومجمع ومكدولنز وصيدلية يعني حق عوائل خوش مكان حتى في صفت الفندق روضة اطفال وبيوت ناس راقية يعني مب كل فنادق وعندهم توك توك يوصلك راس الشارع مجانا وراعي التوك توك حده فن عيالي استانسو عليه (مخرخش)
لازم تسكن هالفندق ام العيال بترتاح انا متاكدة

وبخصوص شنغماي انا سكنت ذيج السنة في فندق (فيلا بيلا) حلو ورايق وبعيد يعني 40 دقيقة حق النايت بزار لان انا بالنسبة لي احب اسكن في فنادق تشبه طبيعة المنطقة اللي انا فيها يعني شنغماي ماحب السوق احب اسكن في فندق في منطقة تحيط فيها الجبال والطبيعة

وبوكت الفندق طبعا كل سنة ماغيره (سنتارا كارون بيتش) بعيد عن لوية باتونغ بيتش واللي يميز هالفندق كل شي حولي لان عندي يهال
مطاعم برادات صيدلية اللي تبي بس المنطقة هادية في الليل ماميش اللي خبرك حوالينا وذي اهم شي

يعني نصيحتي كوني زوجة وام انصحك بفندق سنتارا كارون بيتش في كارون واسبن سويت في بانكوك وبيلا فيلا ف ي شنغماي اذا انت تحب الهدوء

والرحلات البحرية تحملو منها صعبه
وين بتبدلون الياهل والرضاعه وشمس بتلته حرام اذا كلش كلش ودكم في البحر اجرو قارب برايفت احنا سوينا جذي رحلة صيد صدنا السمك الزين وكلناه طبوخه لنا وتسبحنا وابد انااااسة ورجعنا
وترى المسافات طويلة عندهم مب مثلنا حذفت حصاه الا وصلت يعني ام العيال لازم تحضر شنطة حق الصغيرة فيها كامل احتياجاتها اذا بتنقلون وعندي رقم وحده تايلندية خوش مرة حق اذا تبون حجوزات او اي شي انا اعرفها من 2007 وهي ترتب لي كل حجوزاتي

واي شي انا حاضرة

لا شكرا علي واجب يا اخوي ولد البحرين

صباح الخير شباب وشابات المنتدى
بتكون رحلتي النهائية على تاريخ 3-07-2011 الى 11-07-2011
بتكون فقط بانكوك في فندق all seasons bangkok siam 3 star
على طيران الخليج
اذا ماعليكم امر ابي برنامج ترفيهي حق اول 4 ايام كل يوم وين اروح واحسن شي مع اسم المنطقه او المكان بالغة الانجليزيه و تايلنديه حق تاكسي

واخر اربع ايام حق تسوق في المجمعات والاسواق الشعبيه وخصوصا ( الاماكن الرخيصه حق الساعات وشنط والملابس)مع اسم المنطقه او المكان بالغة الانجليزيه و تايلنديه حق تاكسي

واذا عندكم اي اقتراحات او اضافات بكون لكم شاكر

رحلة حلوه بمقترحاتكم وترتيبكم

عبدالله الكويتي
ولد البحرين
وغيرهم من الاعضاء الله الله فيني وفي الاماكن الزينه وطيبه وشكرا