الموضوع: مطلوب معلومات عن أوكرانيا ؟؟؟

أولا : تحياتي للجميع

ثانيا: أبا أخش بالموضوع على طوووول

أنا مستغرب ...
لأني بحثت في المواضيع السابقة عن ( أوكرانيا ) !! وما لقيت شيء

و أوكرانيا هي احدى الدول المستقلّة عن الاتحاد السوفييتي السابق . وهذا اللي أعرفه .. وبس

أرجو من اللي عنده معلومات سياحية عنها ، لا يبخل علينا

والمعلومات المطلوبه ... مثل

1- الفيزا !! كم؟ و كيف ؟
2- السفارات العربية هناك ؟؟
3- العملة ، وهل هي تصنف من الدول الغالية ( مثل أغلب الدول الأوروبية )
4- اللغة ؟ و طبيعة أهلها ؟
5- أفضل الأماكن ؟


يا كثر أسئلتي

مواضيع عشوائيه ممكن تكون تعجبك اخترناها لك:

• افيدوني ياعشاق اوروبا
• جورجيا اكبر تقرير سياحي 2017 من ابن فطوطه
• استفسارات عن بلجيكا الرائعة ؟؟؟؟
• ممساح لو سمحت توقيت الصلوات
• استفسار عن فيزا تسوق الراجحي والشراء من الخارج
• بسافر هولندا
• سافر مع كاكا الى اوربا بالسيارة ـــــ سلوفاكيا
• تنصحوني اسافر والا لا
• معلومات عن البانيا ؟؟ لو سمحتوا
• خبراء روسيا ارجو المساعدة
• اجتزة العيد وارغب السفر لروسيا اربع ايام ارجوكم لا تبخلو علينا ولو بالقليل
• ماهي عملة بولندا
• سؤال لخبراء السفر للتشيك
• تقرير عن متطلبات العلاج الطبيعي في تشيك
• نداء هام ارجوكم
• اللي رايح رومانيا ارجو الدخول
• بخصوص الدعوة من البوسنه
• سفره ولا في البال
• الى خبراء البوسنه
• اينـكم عن كــرواتيــا الساحـرة الانهار الشلالات صفـاء الخضره ووو

[align=center]الظاهر ما أحد راح هناك !!!؟؟؟

شكلي بروح واسبقكم ،

أحد يبي يخاويني ؟؟ [/align]

السلام عليكم ورحمة الله وبركاته

اخوي مسافر انا الحين في طريقي لاوكرانيا وان شاء الله ازودك بالتفاصيل عند عودتي.

انا الحين موجود في بكين - الصين في انتظار الفيزا. ادع لي ان الفيزا تخلص بسرعه.

اخوك الصيني.

السلام عليكم

حياك الله اخوي مسـ مجهول ـافر وحيا الله اخوي الصيني ....

والله اخوي انا مثلك بعد مانزلت موضوعك انتظرت احد يعطينا معلومات لكن من المبدو انه مافيه احد له تجربه وعليه مني انا ارجو تقبلي عذرنا لعدم المقدرة لدعمك بالمعلومات المجربه ... لكن من ناحية معلومات عامه فالنت زخير بها ولو تبي انا وانت وغيرنا شوية على شوية بنحصل معلومات وافره وان شاءالله وافيه ...

ولا تدري خلنا ننتظر أخونا الصيني يروح ويحوس ويدوس ويجيبلنا المعلومات .. ولا وش قولتك اخوي الصيني ....:d

تمنياتي لك بوقت جميل وأيضاً اخوي الصيني تروح وترجع بالسلامه لكن لما ترجع بترجع للصين ولا وين ؟

تحية وتقدير

يا الله يا كريم ،، ارفعوا ايديكم وادعوا معانا يا أخوان
الله يوفقك يالصيني ،، ويجيبلك الفيزا ،، لحد باب بيتكم اللي في بكين
آآآآآآآآآآآآآآمين

لا وبعد ، يجيبها لك القنصل بنفسه آآآآآآآآآآآآآآمين [color="#0000FF"]

السلام عليكم ورحمة الله وبركاته

اخوي ya-mas انا رحلتي مدتها عشرة ايام فيها شغل وفيها وناسه وما اظن اني ابطلع برى العاصمه كييف بس ان شاء الله اقدر اساعدكم بالمعلومات الي ابقدر اجيبها. بالنسبه لرجعتي ابرجع الصين وهي محل اقامتي انا طالب في جنوب الصين.


اخوي مسـ مجهول ـافر هذا انا اقول معك امييييين والف لاباس عليك يا الطيب ووخر عن الشباك وانا ان شاء الله اوعدك بموضوع كامل بالصور عن الاماكن الي بزورها. بس معليش ما اظن اني بشوف الشئ الكثير لان درجه الحراره في هاللحظه عشرين تحت الصفر. على اي حال اذا عندك شئ تبي تعرفه وانا موجود هناك ارسلي وانا في خدمتك. واذا عندك اي موقع على النت او اي موضوع تبي ترجمه ارسلي اياه وابشر بسعدك.


بس بالله لا تحرجني ترى والله ما اعرف اتكلم الا عربي وانجليزي وصيني وروسي يعني فرنسي الماني ومن الشغلات هذي ما عرف.

مع السلامه وبالصيني 再见 。


اخوك الصيني.

[align=center][size="4"][b]يا سلام عليك ، بتسويلنا موضوع كامل ، لا و بعد بالصور .

الله يعطيك العافية ، ويعينك علينا [color="#0000FF"]

[align=center]الله يسهّل طريقك ، وييسّر أمورك يا( الصيني ) يا ولد أم الصيني
آآآآآآآآآآآآآآآآآآآآآآآآآآآآمممييييييييييييينننننن ننن

وأنا لا زلت أنتظر ، موضوعك والصور ، بفارغ الصبر

كل عام وانت بخير ..
وترجع بالسلامة ان شاء الله .. [/align]

ممكن أمفيدك في شي واحد وهو
أن أوكرانية بلد غير سياحي و السبب هو وجود أشعاع نووي في أوكرانيا
والناجم عن أنفجار مفاعل (تشرنوبل) الذي وقع في عام 1986

مرحبا شباب

بعد ما وصلت اوكرانيا ودرست بيها لمدة 3 اشهر تقريبا ، صار فيني احدد اي قدر هذة البلد مبتعدة عن اي شي اسمه تطور او انفتاح
و اي سوال يا جماعة انا حاضرة
بس رأيي انه هالبلد ما تسوى و لو ما الدراسة رخيصة ما قعدت يوم واحد بهالبلد
و ما بيها اي مقومات سياحية كفاية انك ما تلاقي احد بيها يتكلم انجليزي

كولون يعطيك العافية أخوي على هالمعلومات لكن أن شيلت الجواز عادي مو صحيح جواز شي مهم وتخاف أنك تشيله معاك من مكان الي مكان وتحاتيه بصراحة وراح يتعفس من كثر ماتشيلة واذا طاح منك مصيبة الأ والله حطتة بالفندق أو الشقة أمن مليون مره وثاني شي ماشوف من هالسواح يشيل جوازة الأ العرب والشرطة مايوقفون الأ العرب لي درجة أنك من تشوف الشرطة تروح لهم بنفسك قبل لاينادوك وتعطيهم الجواز علشان تختصر السالفه وكل خمس دقايق موقفك واحد واذا طوفك وعديت منه بالشارع وماناداك ماتشوف الأ ماسك ربع الي معاك وباعص مزاجهم ومزاجك وتضطر أنك ترجع وأذا رجعت راح يجيك على وجوازك ويستعبط عليك شوي يبي يطاع فلوس منك بأي طريقة وأذا أخذ منك بلغ ربعه الي قدام يقولهم جايينكم خوش صيده والي أعبر من كذا فيزتهم يا اخوان أنا أول مره أشوف بلد فيزته مو وحده يعني أنت لما تروح تفيز حق بلد تقدر تجيه من غربه الي شرقه ومن جنوبه الي شماله محد يكلمك الا هذا البلد العجيب مايصير يعني عندما تطلب فيزاء من السفاره يشرطون عليك أنك تجيب لهم فاوجر أنك ساكن في فندق ونفترض هذا الفندق في كييف يحطون التأشيره عليه أنك ساكن في أوتيل في كيف ولما تزور أي منطقة نفترض اوديسا ويشوفون فيزتك مكتوب عليها فندق في كيف يحققون معاك شلون جيت اهنيه وأنت مخالف قانونيا في القامة ولازم تغادر المكان وترجع الي كيق طيب شلون ارجع الي كيف كيف يا اخوان مشوار طويل بالقطار 12 ساعة وبسياره 10 ساعات وياخذون عليك مخالفه وكل يوم ثلااثه الي اربعه مخالفينك لين يطفشونك من البلد وترى النقطه هذي يا اخوان مهم اذ بغيتوا تروحون تاكدوا من المناطق الي تبون تزورونها وبلغوا فيها السفاره ترى كل مدينه لها فيزاء عندهم والله بلد مصخره هههههههه

مرحبا اخوي جيمي سول ... صدقني (على طاري العفسة) جوازي مميز من كل الجوازات بالميلان والمنحدرات اللي فيه من كثر مااحطه بالجيب الخلفي للبنطلون وأجلس عليه... بس ويش السواة ووللمعلومة الفندق إذا سكنت فيه يعطونك كرت ومبين فيه رقم غرفتك وتاريخ يوم سكنك وهذا يكفي كإثبات بدون جواز.. بس صدقني حتى الفندق ماأثق فيه هناك..ومن ناحية الفلوس فحدث ولاحرج...ولاكن هذا حكم القوي على اللي موقوي.........

كولون كيف حالك وجة نظرك احترمها مع اني اختلف معك لكن البلد يبيله انفتاح وضعه الي الحين ماهو صحيح ولايحترمون السايح ( العربي) ولا البلد يستحق الزيارة لولا شرطتهم تعبانه ومشاكلهم الكثيره .

ياشباب نبي صور

مرحبا شباب

يعطيكم العافية و الله
كل المعلومات اللي ذكرتوها صحيحة
أنا الحين توني راجعة من أوكرانيا طبعا بعد ما قضيت سنة كاملة من الدراسة و التعب بيها :smartass:
بالنسبة للفيزا يا شباب تقريبا تكلف 300 ريال
و تقدر تاخذها من السفارة الأوكرانية في السعودية أو الامارات
بالنسبة لك هناك اذا وصلت تكون تابع لأي سفارة خليجية موجودة بغض النظر من اي بلد خليجي انت جاي
القنصلية الكويتية وايد تهتم بالخليجيين هناك و خاصة الطلبة
بالنسبة لعملتهم اسمها كرفنه و الدولار يعادل 5.8 كرفن هذا في أخر يوم قبل ما أرجع
و ممكن يرتفع لحد 5.40 هذا في شهر سبتمبر قبل الأنتخابات
في فترة الشتا تنزل قيمة الكرفن معظم الاوقات :11ld:
و الشي الجيد اللي عندهم انه في محلات صرافة في كل مكان
عندهم western union بعد :113:
الدولار و الروبل و احيانا اليورو هي العملات اللي تصرف بسهولة و من اي مكان هناك
شي مهم و لازم تتحذرون منه
:11sted_co
التزوير
لازم تتأكد من الفلوس اللي يعطونك اياها قبل ما تشتري بيها اي شي
لانه كل مرة تروح تبي تشتري شي حتى لو من كشك بسيط هناك يتأكدون من الفلوس اللي تعطيهم اياها
التزوير ممكن يصادفك حتى لو اشتريت من محل كبير تأكد من الجينج
بالنسبة للغلى لا ما تعتبر غالية
تقدر تعيش بمئتين دولار و تقدر تعيش بألف دولار
كله على حسب تصرفك أنت
أحسن فندق في خاركوف اسمه فندق خاركوف ياخذ 300 كرفن في الليلة
في شقق ارخص بس مستواهم اقل بالطبع
بالنسبة لللغة الكل هناك يتكلم اللغة الروسية خاصة بالنسبة للشرق اللي متمسكين بيها
اقصد بالشرق خاركوف و سومي
اللغة الاوكرانية تلاحظها اكثر في مناطق الغرب مثل لفوف
بس بشكل عام اللغة الدارجة الروسية
في كييف يتكلمون الانجليزية :kashkhah:
هذا شي مريح للغاية
كييف قريبة جدا للطريقة الاوربية عندهم مجمعات و مطاعم شوراع كلها تعطيك طابع التطور
أحسن الاماكن للسياحة هناك كييف طبعا
اوديسا كريم
و يالطا
و في هالوقت في حركة سياحية نشطة عندهم لانها مناطق بحرية
بالنسبة لخاركوف مدينة الطلبة تكون منطقة اشبه بالمهجورة هالوقت لانه الطلبة راجعين لبلادهم بس هي منطقة حيوية جدا للدراسة
منطقة دينيسك منطقة جيدة للدراسة ايضا
بس بالنسبة لي انصح بخاركوف ، جامعة كييف او سمفاروبل
بالنسبة للعلاج خاركوف متطورة جدا بالنسبة للأمراض الجلدية و العصبية
في كريميا أحسن طب عيون في العالم
زرت منطقة سومي كذلك يهتمون بالطلبة المميزين للغاية بس هي منطقة اشبه بالقرية
طبيعة أهلها
بشكل عام هم اشخاص غير مباليين في حالهم
يطالعوك بشكل عادي جدا لأنه في عرب هناك وايد
ما يتعرضون لك و لا حتى يحاولون يتكلمون معاك
الا الشرطة هذه خلها على صوب :baaa2:
بس على حالتهم هذي في سرقات وايد بالأسواق بالمترو الأماكن المزدحمة
بالنسبة لي أنا تعودت عالبلد خلاص
بايجابياتها بسلبياتها ببصقيعها :rain: بجوها بكل بيها
بس أي سؤال أنا حاضرة :icon_chee
بالنسبة للصور راح أحاول أحط لكم كم صورة :11oto:
و تحياتي :8888:
candle

مثل ما وعدت
صور من كييف

أخت candel انا السنة متخرج من الثنوي و انشاء الله جاي جامعة خاركوف الطبية هالسنة .... يا ريت اذا عندج معلومات عن مستوى الجامعة ؟ و عدد الطلاب العرب فيها ؟ و مستوى السكن الطلابي للجامعة ؟ و كم متوسط التكاليف في الشهر ...؟ و أي أمور تفيدني قبل ما اروح .... وشاكر لج التعاون :107:

هلا بهل البحرين
بس ممكن سؤال قبل ما اجاوبك

مسجل في الجامعة انت عن طريق مكتب خدمات طلابي ؟
عن طريق مندوب ؟
أو طلبة ؟
أو أنت بنفسك ؟

عالعموم اذا رايح هناك أبدأ التجهيزات من الحين :suprise:

أنا رايح عن طريق مكتب ( معهد الأمل ) ... و أجهز نفسي من الحين ... تو الناس؟؟؟ :114:

عزيزي طالب بحريني

أكيد تجهز نفسك من اليوم ، لسبب بسيط جدا
لازم تجمع معلومات كافيه عن الدولة اللي مقرر انت تروحها
أشتري كتاب تعلم الروسية حاول تتعلم و لو حتى الحروف :icon_stud
حتى لو ما قدرت تلفظها بشكل صحيح ، تظل معلومة تعلمتها أفضل بكثير من الجهل اللي راح تحس فيه خصوصا ببداية الأيام :idea:
عزيزي حضر نفسك للدراسة ايضا :55654:
أشتريت كتاب anatomy أي تشريح ؟
أطلس يساعدك تفهم المعلومات اللي راح تاخذها ؟
أشتريت ترجمان ؟ قاموس طبي ؟
أكتب كل الاشياء ، المواد الغذائية اللي ممكن تحتاجها في ورقة و كل ما تتذكر شي ضيفه :1076:
و ضع في أعتبارك مواد الطبخ من بهارات و اشياء ممكن ما تلاقيها هناك :222:
أكيد أنت ما راح تعيش على المطاعم صح ؟ :27:
قضي وقت اكبر مع عائلتك اهلك و اصدقائك :gathering
اسمع تجارب اللي تغربوا و استفيد منهم صدقني راح تستفيد :11one:
و أبدأ اشتري ثياب و أغراض من اليوم :097:
باقي اقل من شهرين لا تأجل كل شي ليوم السفر راح تتعب نفسيا و جسديا و ماديا بعد
بالنسبة لأسألتك
مستوى الجامعة
جامعة خاركوف جامعة عريقة تأستت من 200 سنة هي أقدم جامعة في ولاية خاركوف و كانت تضم معظم التخصصات الى أن أنفصلت الى جامعتين جامعة خاركوف الطبية الحكومية و تضم تخصصات الطب العام و طب الأسنان و جامعة غرازن و هي تضم بقية التخصصات
جامعة خاركوف أول جامعة بدأت التدريس باللغة الأنجليزية منذ عام 1996
و هي الأكثر خبرة في التدريس باللغة الأنجليزية
الطلبة العرب
كثيرون جدا يملئون الجامعة و معظمهم يحملون الجنسية الفلسطينية ، الأردنية و السورية
يوجد كذلك طلبة من لبنان ، اليمن ، السعودية ، عمان ، البحرين ، مصر ، المغرب ، تونس و السودان
مستوى السكن الطلابي
فيه عمارات كثيرة مخصصة للسكن الطلابي في خاركوف
بس بالأجمال مستواه على قد الحال :yuk:
و اذا أنت شخص متطلب ما راح تعيش بأوكرانيا :ranting2:
نصيحة مني
أشترط على المكتب الطلابي و أتفق معاه على مستوى السكن اللي راح تسكن فيه حتى ما تتفاجأ اذا وصلت هناك
متوسط التكاليف
هذا يعتمد على صرفك أنت
300 دولار ممكن تكفيك اذا حاسبت على نفسك و ما اشتريت اي شي غير الأكل و المواصلات
اما اذا كانت حياتك مطاعم و طلعات و تسوق ف 700 دولار ما راح تكفيك :surfing:
بس لازم بالبداية تحمل معاك مبلغ زين يكفيك للسكن للثياب الشتوية :11ld: لأي طارىء :11sted_co
ها بعد ما عرفت هالمعلومات
للحين تو الناس ؟ :suprise:

الله يسلمك ياكاندي السراحه ودي اروح انا هناك سياحه هل ممكن تشرحين با التفصيل وش وضع السياحه هناك وهل فيه احد هناك ممكن يمشينا في البلد وكل شي بحقه

أخوي العزيز مروان

بالنسبة للوضع السياحي ما اقدر أفيدك بشكل كبير خصوصا أني ما زرت الا 3 مقاطعات في أوكرانيا و هي خاركوف سومي و كييف
و المناطق السياحية في أوكرانيا تتركز في كييف ، أوديسا ، كريميا ، يالطا و هي مدن ما زرتها صراحة
و معظم هذه المدن مدن شاطئية تطل على بحر
و بما أنه من ضروريات دخولك الى أوكرانيا لازم تثبت مكان أقامتك ، و لازم تحجز فندق أو تأجر شقة قبل ما تروح فتقدر بالمرة تحجز تور أو كروز مع كروب سياحي أوروبي
و أنصحك أنك تحجز مع كروب لسبب بسيط جدا
أأمن لك و أحسن بعيد عن المضايقات و الأبتزاز خصوصا أنك عربي
تقدر تحجز عن طريق مكتب سياحي يوفر رحلات لروسيا ، لأنه أوكرانيا في كثير من الأحيان يضمون الرحلات السياحية فيها مع روسيا
أو تقدر أنك تجي على كييف و تنضم لكروب أوروبي هناك فيه العديد من الرحلات السياحية المنظمة من أوروبا لأوكرانيا
أو اذا تحب من بلدك أحجز لك مرشد أوكراني أو روسي يتكلم اللغة الأنجليزية و يجولك في أنحاء أوكرانيا
أهم نقاط لازم تاخذها في أعتبارك
أبتعد عن العرب هناك سواء قالوا بيساعدونك أو بيدلونك أو حتى بيشتغلون لك مترجمين أو مرشدين سياحيين
لأنك راح تتعب نفسيا و ماديا و النصب هذا شي مفروغ منه
بالنسبة لللأنتقال من منطقة لمنطقة أبدا أبدا لا تستخدم التكاسي الخاصة
الطرق طويلة و في شرطة عالحدود و ما تدري شنو ممكن تواجه
أستخدم الطائرة ، الباص الأكسبرس أو القطار ، مع أنه القطار لا حول له و لا قوة
المرشدين السياحيين الروس متوفرين و بسعر معقول و تقدر تكاسر على السعر بعد
و لو كنت الحين في أوكرانيا لكنت ساعدتك أكثر
تحياتي

الله يعطيك العافيه اخت كاندي افادتني المعلومات كثيرا وانا السراحه ارتحت كثيرا لكلامك لانها تحس انها من القلب
لكن عندي استفسار هل انتي نازله مره ثانيه هناك لاني السراحه هناك اناس عرب يمدحون في ها الدوله ويقلون ماعندنا مانع نكون مرشدين الرجو الرد وبسرعه لو سمحتي وان السراحه مادري ايهم افضل رومانيا ام اوكرانيا

[grade="DC143C FF7F50 800080 008080 4169E1"]أخي العزيز صالح

بالنسبة لكيفية الحصول على المرشدين السياحيين
أنا بصراحة لم أتفق مع أي منهم ولكني أعلم أنهم متوفرين
لأنه خلال رحلتنا قامت مدرسة روسية من معارفنا بمساعدتنا في التجوال في أوكرانيا

أما بالنسبة لأسعار التذاكر فهي مناسبة و ليست غالية بالمرة
بس على فكرة هم يستخدمون طائرات مروحية كبيرة لطيرانهم الداخلي

موفق و سامحني على القصور [/grade]

أخي مروان
[grade="00BFFF 2E8B57 800080 FF6347 DC143C"]
الحمد لله أني قدرت أفيدك
أنا نازلة مرة ثانية على أوكرانيا بس ما حددت متى بالضبط
بس الأكيد أنه مش خلال الأجازة :282:
بالنسبة للعرب اذا تحب يرشدوك هناك
هو ما في مانع لكن لازم تعرف هالناس معرفة وثيقة علشان ما يخدعوك
و علشان ما تنغش على الأقل بالأسعار
بس بالنسبة لرومانيا بصراحة ما عندي أي معلومات عنها
بس شفتها في فيلم أمريكا شيكا بيكا :109:
هههههههههه :11ughboun
حلوة البلد متهيأ لي طبيعتها مثل أوكرانيا

و بالتوفيق [/grade]
:8888:

اختي كاندل ... لأسباب خارجة عن ارادتي ... قررت الذهاب للدراسة في جامعة دانيسك الطبية و ليس خاركوف ..فأتمنى أذا كان عندك أي معلومات عن الجامعة أو المنطقة ... خصوصا مستوى الجامعة ..

حسب ما سمعت أنه لا يوجد فرق كبير في المستوى بين الجامعتين ... عالعموم أي معلومات تقدرين تفيدين بها اتمنى انك تعلمينها بها ... و لك جزيييييييل الشكر :107:

مشكككككككككككككككككككككككككككككككككوووور يا كاندل عن كل المعلومات

الأخت كاندل وش رايك بوضع العرب هناك ممكن ينفعوني بشيء اواستغلاليين كمايقول بعض السياح

السلام عليكم ورحمته....
الى جميع المهتمين بالسفر لأوكرانيا.... أدعوا لي بالتوفيق لأني ماشي انشالله في اجازة هناك لمدة 40 يوما واننشالله اذا رجعت حدثتكم عن سفرتي هذه ولكم مني جزيل الشكر..........

أختي العزيزة كاندل .. شكراً جزيلاا على كلامج الجميل و المشجع

و الله يوفقنا و يوفقكم و يحفظنا و يحفظكم :107:

[grade="dc143c ff1493 ffa500 800080 00bfff"]الأخ العزيز مروان

الأفضل أنك تعتمد على نفسك ، و اذا أحتجت للمساعدة الطارئة عندك السفارة السعودية و الكويتية[/grade]

[grade="FF1493 800080 DC143C"]أخ kolon

بالتوفيق ان شا الله [/grade]

أخي طالب بحريني

العفو :soccer_h4

حياك الله

:bounce8:

الاخت

هل انتي الان موجوده في اوكرانيا




الاخ كولن نريد منك اخر المعلومات