الموضوع: مساعده في مخطط برشلونه

السلام عليكم أعضاء البوابة الإسبانية


ماقصروا أعضاء البوايه الفرنسيه وطالبين فزعتكم في ترتيب جدول باريس


أنا إن شاء الله راح أكون في برشلونه من الفتره 1-3-2012 إلى 5-3-2012


وراح أسكن في هذا الفندق Barcelona Hotel Colonial

http://www.booking.com/hotel/es/barc...ml?aid=1329869

والصراحه أحترت كيف أرتب الأماكن السياحيه القريبه من بعض فقلت خلنا نشوف الأعضاء وخبرتهم


اليوم الأول الخميس1-3 ==
اليوم الثاني الجمعه 2-3==
اليوم الثالث السبت 3-3== حضور مباره برشلونه في الكامب نو
اليوم الرابع الأحد 4-3 ==
اليوم الخامس الأثنين 5-3==


ويعطيكم العافيه مقدماً

مواضيع عشوائيه ممكن تكون تعجبك اخترناها لك:

• للخبراء بإسبانيا
• لكل نشمي ويحب الفزعه وزار برشلونه
• شركة تؤمن للسفر لمن هم فوق السبعين؟؟؟؟
• مساعده في برشلونه
• احلى مكان للسكن في اسبانيا
• اي اجمل برشلونه او مدريد؟
• الفيزا فرنسيه و انا مسافر اسبانيا مساعدتكم الله يخليكم لا اتورط
• ابغى اسهل طريقه للذهاب من اسبانيا لفرنسا والعكس
• حالياً في مدريد
• أرجو الدخوول للاهمية واجب انساني
• ابغاء من المنتدى سكن لعائلة كبيرة في مدريد
• المسافة بين مطار مدريد ومدينة برشلونة
• طلب لي بوابة برشلونة ؟
• مسافر في شهر إن شاء الله
• مساعدة يا خبراء برشلونه
• شهر العسل الى اسبانيا
• افيدوني برااايكم
• ارغب في برنامج لرحله لسبانيا
• ملاهي برشلونه باقي عالسفرة يومين
• شهر عسل في الصيف اقتراحاتكم وملاحظاتكم

مرحبا

جدول لبرشلونه:

الخميس 1 / 3 , تطلع ساحة كاتالونيا وتركب الباص السياحي , لونه اخضر فاتح وشعاره عين ورموش ملونة, (اماكن بيع التذاكر في ساحة كاتالونيا) وتختار المسار الازرق,سعره 23 يورو , وبتطلع معاه لملعب برشلونة Camp nou والمتحف داخله وبتطلع لحديقة Parc guell وكنيسة Sagrada Familia ومتحف بيكاسو وبعض مباني جاودي..

الجمعة 2 / 3 , من ساحة كاتالونيا تدخل شارع الرامبلا وتمشي فيه الى النهاية لين توصل دوار مكتوب عليه (colon) وبعده بتشوف البورت , تطلع رحلة بحرية (ساعة ونص) سعرها 14 يورو , وبعدها ترجع وبتشوف ع اليمين مجمع Maremagnum , وخلفها لوحبيت تروح الحديقة المائية Aquarium , وبعدها تروح شاطئ برشلونة La playa , بعدها تتمشى في شارع Passeig de gracia حلو للتسوق وفيه كافيهات ومطاعم..

السبت 3 / 3 , مباراة في الكامب نو.. (الملعب قريب من محطة مترو Badal المسار الازرق L5) , لو عندك وقت قبلها تروح الحي القوطي Barrio gotico جنب شارع الرامبلا..

الاحد 4 / 3 , من ساحة كاتالونيا تنزل في محطة القطارات وتاخذ القطار اللي يروح التبيدابو(L7) وبتنزل منطقه وبعدها تركب ترام (عربة قديمة تنقلك لأعلى الجبل) وهذي اعلى منطقة ببرشلونة وفيها قصر التيبيدابو ومدينة الملاهي Tibidabo hill, سعر دخول الملاهي 25 يورو , بعدها تطلع لساحة اسبانيا Plaza espanya وتحضر عروض النافورة الموسيقية من 7 - 9 الليل..(عرض النوافير مجاني)..

الاثنين 5 / 3 , من ساحة كاتالونيا تركب الباص للمطار ,, لو فيه وقت قبل الرحلة ,, تسوق في مجمع el corte ingles اللي مقابل مواقف باص المطار في ساحة كاتالونيا..

اماكن مختلفة :
- عندك منطقة villa olympica مطاعم ومقاهي وسهرات , مفتوحة الى 5 الصبح..
- ساحة Plaza rial تقام فيها يوميا عروض فلامنجو مدة نص ساعة , تبدأ العروض 8:30 و 9:30 و 10:30 وسعرها 8 يورو , قريبة من شارع الرامبلا..
- منطقة قوس النصر Arc de triomf والحديقة اللي جنبة اسمها سيوتاذية وداخلها حديقة حيوانات..
- مجمع L'illa من اكبر المجمعات وموقعه على شارع Diagonal


يوفقك ربي ان شاء الله

هلا والله أخوي Looonely
الصراحه استفدت من الجدول بس عندي كم أستفسار إذا ماعليك أمر


بالنسبه لساحه أسبانيا وعرض النوافير هو نفسه The Magic Fountain العالميه
ولا غير لأن دخلت موقعهم ومكتوب بس يوم الجمعه والسبت العرض

وبالنسبه لتلفريك برشلونه Funicular De Montjuic
وين مكانه ووين راح يوصلني
واسمح لي على كثرة الأسئلة ويعطيك العافيه اخوي

وبعد إستفسار أخوي

في مهرجان في برشلونه بدايه مارس لأن لما حجزت الفندق ارتفع السعر عندي بدايه الشهر وسمعت أن في كرنفال في هذي الفتره


ويعطيك العافيه اخوي

المشاركة الأصلية كتبت بواسطة Wolf993
http://www.arabtravelersforum.com/tr...5/#post6558003

هلا والله أخوي Looonely
الصراحه استفدت من الجدول بس عندي كم أستفسار إذا ماعليك أمر


بالنسبه لساحه أسبانيا وعرض النوافير هو نفسه The Magic Fountain العالميه
ولا غير لأن دخلت موقعهم ومكتوب بس يوم الجمعه والسبت العرض

وبالنسبه لتلفريك برشلونه Funicular De Montjuic
وين مكانه ووين راح يوصلني
واسمح لي على كثرة الأسئلة ويعطيك العافيه اخوي

مرحبا
ايه هذي نفسها النافورة الموسيقية
قبل ماتسافر بكم يوم ادخل على موقعهم وشيك وقتها احتياط , لان الاوقات تتغير من وقت لوقت..
ولو صارت الجمعة والسبت فقط , تخليها مع جدول يوم الجمعة (لان السبت بتكون المباراة)

والتلفريك , نهاية شارع الرامبلا تاخذ يمين ,وبعد تقريبا 300 متر بتشوف فندق ع اليسار اسمه Marina وعنده التلفريك وياخذك الى جبل المنجويك..

موفق ان شاء الله

المشاركة الأصلية كتبت بواسطة Wolf993
http://www.arabtravelersforum.com/tr...5/#post6558323

وبعد إستفسار أخوي

في مهرجان في برشلونه بدايه مارس لأن لما حجزت الفندق ارتفع السعر عندي بدايه الشهر وسمعت أن في كرنفال في هذي الفتره


ويعطيك العافيه اخوي



مرحبا

ادخل على هالموقع وراح يفيدك بجميع الفعاليات المقامة في برشلونة مع اوقاتها وطريقة الوصول لها
http://www.barcelonayellow.com/bcn-events-calendar

يوفقك ربي ان شاء الله