الموضوع: ممكن سؤال ؟

السلام عليكم ورحمة الله وبركاته ,
من عنده فكرة عن cener point langsuan هى شقق فندقية لكن سؤالى هو وين موقعه عن المراكز التجارية فى سيام يعنى كم دقيقة بالسيارة أو مشى على الأقدام ؟
وشنو موجود تحت الفندق من مطاعم أو مولات ؟
بانتظار ردكم يالأخوان .

مواضيع عشوائيه ممكن تكون تعجبك اخترناها لك:

• الفيزا من تايلند من الرياض فزعتكم يالربع هل مشروط حجز فندق لاعدمتكم
• إحذر من هذه و بإذن الله تسلم
• هـــاي سواقه ولا خناقه باللهجه السوريه
• قررت العزم على بتايا
• مطاعم بوكيت ؟
• الي جرب شقق ستي بلازا نانا او الي سمع عنها يتفضل
• ممكن استفسار ياجماعة الخير؟
• ممكن مساعده عن سعر صرف الريال السعودي مقابل الليره السوريه
• حلب بالنيويورك تايمز مقال رائع وصور اروع
• بخصوص طيران الـــ
• مشورتكم تهمنا يا حبايبنا
• منحوتة النسر السوري الاقدم على مستوى العالم
• ما جرى بيني وبين موظف السفارة
• إعمار الإماراتية تدشن أكبر مركز تسوق سوري بدمشق في
• استفسار عن سعر تذكره داخليه
• فزعتكم ابي افضل فنادق للعوايل في فوكيت وبانكوك وشيانق ماي
• لحظة اول مرة اسافر بانكوك
• اول مرة لتايلند ومطلوب معلومات عن فنادق وغيره
• خبراء كو سامت
• اشرايكم احجز ولا لا ؟

وعليكم السلام ورحمة الله ..

اختي الفندق الحين مغلق للتجديد وحاولت اني احجز عليه لكن الموقع الرسمي مايسمح مادري ليش مع انه كاتبين ان افتتاحه بعد شهر 6 ..

وبخصوص المنطقه هي قريبه من المجمعات تقريبا 10 - 15 دقيقه مشي او 5 - 10 دقائق بالسياره ..

وفي في نفس الشارع اكثر من فندق بنضام شقق فندقيه ومنهم ..

1- Fraser Place Urbana Langsuan

http://www.booking.com/hotel/th/fras...ml?aid=1329869

2- Marriott Executive Apartments Mayfair

http://www.booking.com/hotel/th/marr...ml?aid=1329869

وموجود بالقرب منهم ( خلف هالفنادق ) Grande Centre Point Ratchadamri Hotel And Residence

http://www.booking.com/hotel/th/gran...ml?aid=1329869


وان شااء الله الخبره مابيقصرون معاج وبيفيدونج اكثر مني ..

مشكور وما قصرت يالسويدى الله يعطيك العافية
أخوى قالو لى ماى فير ماريوت بعيد عن المراكز التجارية ماادرى شو فى نظرك منطقة ماى فير ماريوت ولا سوكومفيت 16 أو 24 أبعد ؟
أختك أم جمال.

العفو وماقمنا الا بالواجب ..

اختي الماي فير ماريوت اقرب
للـ ( central + central world + siam paragon + siam center + Siam Discovery + MPK )

و sukhumvit 16 + sukhumvit 27 .. أقرب لـ ( robinson + the emporium )

ومن سكومفيت 16 و 27 الى ام بي كي يبيلج تقريبا بالتاكسي 14 - 16 دقيقه على حسب الوقت والازدحام ..

بس احب اوضح لج لاني كنت باحجز في الماي فير لكن جفت تنبيه من اكثر من شخص سكن فيه وهو انه ادواته واثاثه قديم من 2004 ..

واذا تبين نصيحتي بخصوص السكن فـ انصحج بـ Fraser Suites Sukhumvit - Bangkok ..

http://www.booking.com/hotel/th/fras...ml?aid=1329869

فندق نظيف وسعره زين تقريبا اغلى من ماي فير بـ 500 - 800 بات لكنه يستاهل ..

ومن مميزاته ان عنده تك تك يوصلج اقرب سكاي ترين وهي محطه نانا , واذا انتي طالعه من الفندق وطلبتي تاكسي يفرض عليه انه يشغل العداد ( يعني يريحج من عوار الراس معاه ) قريب من شارع العرب تقريبا 5 - 10 دقائق مشي وهالميزه ان تقدرين تطلبين الاكل بالتلفون ويوصلونه لج الفندق اريح لج من الروحه وتجوفين الاشكال اللي مالها داعي )

واذا عندج يهال في خدمه البيبي ستر يعني تخلينهم ساعه ولا ساعتين عندهم ( مع اني مانصح فيها تدرين نادر ماتحصلين حد يهتم في عيال غيره عدل )

والمسافه بالسياره من الفندق الى منطقه المجمعات تقريبا 12 - 15 دقيقه والفندق في sukhumvit 11 ..


واذا نويتي تحجزين فيه طلبي منهم غرفه في الطوابق العليا يعني لو بتحجزين من بوكنق حطي لهم نوت انج تبين هاي فلور ..


واي استفسار انا حاضر ..

لك جزيل الشكر والإمتنان ياأخوى السويدى
لكن دار راسى بخصوص الفناق كل يوم اختار شقة فندقية وارد اغير رايى
بخصوص ماى فير شو تقصد الاثاث قديم يعنى الاثاث تعبان والأسرة تعبانة وشو بخصوص النظافة ممكن تعطينى رايك؟
وممكن تعطينى رايك لو سمحت بخصوصFraser Place Urbana Langsuan من جميع النواحى النظافة قربه من المراكز التجارية شو راح الاقى تحت الفندق من مطاعم , محلات , مولات؟
اختك المحتارة ام جمال

حط لها كل شيء يالسويدي

كل شيء مسموح علشانها

تري تستاهل أم جمال

حط لها كل شيء يالسويدي

كل شيء مسموح علشانها

تري تستاهل أم جمال
الله يقطع شرك ياالعصيمى ما تيوز عن سوالفك بصراحة الكويتيين نفسهم مرحة وطيبة اهل بو جمال من الكويت وسوالفهم مثل سوالفك ما تقصر أخوى اكيد تقول فى خاطرك متى ايي الصيف وتسافر ام جمال ونفتك من اسئلتها ههههههههههههههههههههههههههههههههههههههه

اما اخوى السويدى مشكور ما قصرت على المعلومات وانا بانتظار بوسترات المطاعم دام ان الزعيم سمح لنا