الموضوع: مطار بروكسل والتاكس فري اللي مجرب يتفضل

سؤالي عن التاكس فري في مطار بروكسل منو اللي جربها ؟ يقولنا نظامهم ؟ وهل اهم سلسين شلون طريقتهم يشوفون الاغراض ويرجعون الفلوس كاش ويستقبلون المشتريات اللي شريتها من فرنسا ولا لا لان خط سير الرحله فرنسا ثم بالسياره الى بروكسل فالرده راح تكون في مطار بروكسل ومعاي مشتريات فرنسا ف منو جرب يقولي الطريقه عشان اعرف شنو اشتري وشنو ماشتريه )))وشكرا

مواضيع عشوائيه ممكن تكون تعجبك اخترناها لك:

• تعرف على السياحة في بلغاريا..الحلقة 8 حقائق رائعة عن بلغاريا
• الأكل الحلال في قبرص ؟؟؟؟؟
• مسلسل السفر بالسيآرهـ الى اوروبآ
• الفيزا وتجديدها نبي حل منكم والرجاء الدخول ضروري ؟
• رايكم بهذه الشقق بامستردام
• من جرب كارلوفاري بالتشيك الى ميونيخ بالقطار
• انا في هولندا الحين ومحتاج فزعتكم
• رفض منح التاشيرة
• الى الموجودين في بلجيكا حاليا
• فندق في منتجع الصفوه
• هولندا احتاج خبير ياقطري
• كم يوم تطلع تاشيرة التشيك اي خط سير افضل براغ
• رحلة عائلية الى الدول الأوربية
• شهر عسل في اول اكتوبر
• استرافا
• استفسار عن صربيا
• رسالة للمسافرين للتشيك
• سعر تذكرة بروكسل؟؟
• نداء عاجل لخبراء رومانيا
• يا جماعه الي يعرف عن روسيا شىء يدخل يفيدني جزاه الله خير

بانتظاركم ،،،،،

جاري الانتظار

اخي الكريم شكرا عالمشاركه ولكن لم تجب على جوابي
انت شرحت بس معنى التاكس فري وهذي انا عارفتها مو هذا سؤالي!

انا بسال عن نظام مطار بروكسل بالتحديد لان كل مطار لهم طريقه
يعني انا رحت المانيا طريقتهم ان يدخلون الجنط اول وتاخذ البوردنق بعدهااا تروح تسوي التاكس ومايصير العكس لان عند كاونترات التاكس لازم يشوفون البوردنق مالك
وماكان عندي علم وتوهقت نوعا ما وفي جم فاتوره من ماركات معينه كنت شاريه من ايطاليا وبمطار المانيا قالو ماينردون هذول لو ادري ماشريت
ونفسياتهم زفت بزفت

عشان جذي اسالكم عن مطار برووكسل منو مجربهم ؟!!

نظام التاكس فري في اوروبا واحد

لكن ننتظر من جرب مطار بروكسل

السلام عليكم

بالنسبة لنظام التاكس فري في مطار بروكسيل فهو سهل

عند الوصول الى المطار و قبل التوجه الى كاونتر خطوط الطيران لشحن العفش اتجه الى مكتب الجمارك القريب من كبائن الجوازات مع الشنط اللتي تحتوي على مشترياتك هناك باب يفتحه لك موظف الجمارك عند الإنتهاء من المسافر الذي قد سبقك في الدخول الى المكتب
ابرز له اوراق المشتريات اللازمة سيسألك عن مشترياتك و يختار منها عشوائيا ليطلب منك اظهار تلك السلعة الموجودة بالفاتورة اذا لم تستطع ابراز القطع سيبحث في جميع الفواتير و يطلب منك استخراجها له جميعا.
*يفضل ترتيب الشنط حسب ماركات السلع ليسهل عليك فتح الشنطة عند سؤال الموظف عن الماركة المعينة و ابرازها له.

عند التأكد من الأوراق يضع الختم عليها و تتوجه الى مكتب الصرافة القريب منه و تستطيع استرداد المبالغ منه كامله

رحلة سعيدة ان شاء الله

الحمدالله على سلامتي :012:

انا راح ارد على سؤالي بما ان محد رد علي بالتفصيل وبالمعلومة الصحيحه
وللفائده لكم

بخصوص مطار بروكسل جدا هادي وحلو عجبني واجراءاته سهله
والتاكس فري تسوونه لازم بعد البوردنج مو قبله هذي اهم معلومه لكم ،، مو مثل لندن تسونه قبل
دول الاتحاددالاوروربي لاحظته كله بعد البوردنج وكلهم تسوون التاكس فري باخر محطه لكم
يعني انا رجعتي على مطار بلجيكا بروكسل وكان عندي مشتريات من فرنسا فخذوهم عادي
المهم بعد البوردنج تروحون مكان للتاكس فري وتورونهم الفواتير مع النماذج النخصصه للتاكس فري مع جنطكم اللي فيه الاغراض
وعلى الحظ مرات يطلبون تطلعون شغلات عشوائية من المشتريات ومرات بس تفتحين الجنطه عشان يلقون نظره وبعدها يختمون الاوراق
وبعدين تروحون تاخذون الفلوس يا باليورو او دولار
والحلو ان الشركتين مالوت التاكس فري اللي اهما بريميم تاكس وغلوبل تاكس كلهم بمكان واحد تاخذون فلوسهم .. مو مثل مطار المانيا التعيس اللي كل شركة لازم تصفون طابورهم بروحهم وتفصلون فواتيرهم عن بعض عشان كل شركة ترد لكم فلوسهم بروحهم

وبمطار بروكسل اللي استغربت منه ان المحلات تسكر عالسبع ثمان بليل ههههه
بس بشكل عام المطار هادي وجميل والاجراءات سهله

واي سؤال انا حاضرة

الحمد لله على السلامة

بعد الإنتهاء من اجراءات التاكس فري ترجع الى كاونتر البوردنغ لتعمل تشك ان للشنط و بعدها التوجه الى كاونتر الجوازات

الله يجدد سفركم

الحمد لله على السلامة

كل المطارات بعد قص البوردنق حتى لندن
عشان يضمنوا انك خارجة من البلد ولا مايرجعون لك شئ

شكراً لاهتمامك
و ننتظر منك تقرير مفصل بالصور عن رحلتكم

يعطيك العافيه معلومات قيمة عن التاكس فري

شكرا لك وحمدالله على سلامتكم .

لا بلندن قبل البوردنق وانا رايحه بنفسي السنه اللي فات وسويت التاكس قبل كل شي ومعاي كل جنطي قبل البوردنق لندن غييير وشكرا

السلام عليكم

بالنسبة إلى كلام الأخت قد يكون صحيحا فالأمر نسبي يعتمد على الموظف لانه بالمقارنة مع الحالات التي مررنا بها لم يطلب الموظف سوى جوازات السفر و تذاكر الرحلة بحيث يكون تواجدنا متزامنا مع موعد فتح كاونتر الرحلة بعد الانتهاء من هذه المرحلة و استلام المبلغ المستحق من الضرائب المسترجعة توجهنا إلى كاونتر الرحلة لتسليم العفش و استلام البوردنغ

شكرًا من الموبايل