الموضوع: استفسار فندق في بوكيت

اسعد الله مساءكم بكل خير يالغالين


عندي استفسار يالغالين عن فندق وصاني عليه واحد اذا جيت بروح

اسمه

Resort Botanik Phuket


هل هو نظيف وخدماتهم زينه واين موقعه في الباتونق بالضبط
واذا احد عنده موقعه في اجودا او البوكينق يعطينيه يالغالي


مانستغني عن خبرتكم

وتحياتي

مواضيع عشوائيه ممكن تكون تعجبك اخترناها لك:

• استعدادات السفر المبدئيه لتايلند وحجوزرات الناقل والفنادق
• والله ادري أسئلتي كثييييره
• شنو أشتري من بتايا
• احتاج من اهل الخبرة منتجعات في مدينة هواهين
• في طريقي الى سوريا حدث ما يلي
• مساعدتي ف ايجاد شقه
• مشورتكم محتاجتها ضروري
• التأشيرة من مطار بانكوك
• الجو في العيد
• الزحمه فى بتايا فى شهر
• اريد جدول مقترح لرحلتي الاولى الى تايلند
• لأهل الخبره
• استفسار عن طيران
• افضل فنادق في بو كيت شاطئ الباتونغ
• اريد السفر الي تايلند مع اطفالي
• مارايكم في مخطط رحلتي الرجاء دخول الي عندهم خبرة في تايلاند وباقي الاعضاء
• خبراء تايلاند وماليزيا ارجو المساعدة
• فندق رخيص بوسط دمشق
• ابي مساعدتكم محتار بين كم فندق
• صور نادرة لدمشق بالقرن التاسع عشر

الغالي ،، اول مرة اسمع بهذا الفندق ولما بحث عنه لم اجد اي فندق بهذا الاسم في بوكيت ،،

يعطيك العافيه اخوي ولد البحرين


بس اللي سمعته انه تقريبا مقابل لشاطي الباتونق

واسمه بوتينق ريزورت ع مااعتقد

انت كم مخلي ميزانية الليلة للسكن ؟

خبرنا وراح نعطيك افضل منه بمليون مرة ،،

تركي طع شوري دامكم شباب

بس حبيت اتأكد الفندق بالنسبه لكم فقط للنوم بقيه اليوم شبه كامل بتكونون بالخارج صحيح؟

مايحتاج تبحث عن فندق فيه مطعم فخم ومركز صحي ومساج وخرابيط لان كل هالأمور متوفره بكل مكان بخطوات مشي من الفندق

لذلك احرص على فندق نظيف وموقعه استراتيجي بس

مثلي انا سويت كذا,, انا كنت طالع مع واحد من الشباب بس واخذنا فندق روعه في كورنر صغير يبعد 5 دقايق مشي للباتونق بيتش او اقل
و5 دقايق مشي للبنغلا ستريت او اقل

المساج والاكل والشوبنق كله حولك وحواليك وسعره خرافي 1600 بات بالليله للغرفه يعني تقريباً 200 ريال

الفندق مافيه خدمه الغرف من ناحيه الاكل.. وعندهم خدمه التنظيف فقط من الصبح حتى 5 مساءً وانت طالع الصبح قلهم يزبطون الغرفه وخلاص
الانترنت مجاني في كل مكان وفي فطور باللوبي من 7 ونص لـ 11 كل يوم بسيط فواكه وكرواسون وجبن ومربى وكوفي وبيض وفي السطح فيه بركه صغيره يمكن 3 متر في مترين بس وعمقها متر و20 سم بس

انا ذكرت لك مافي الفندق من مزايا وعيوب

اذا لقيت فندق فخم وسعره مقارب لهالسعر احجز فيه اما اذا كانو البقيه بعيدين عن هالسعر فنصيحتي احجز في هذا الفندق
اسمه \the album hotel

ماتقصر يالغاليُ ورايتك بيـضاء

بس من ناحيه ان احنا ثلاث اشخاص

هل يوفرون لنا 3 اسره او الحساب بيكون فقط ع سريرين والثالث يدفع له حسابه

اخذ فندق بان لاماي بيتش موقعه ميه ميه
واسعاره هم زينه وانصحك فيه حيل
والكلام من تجربة شخصية وشوفه بتقريري سنة 2008

المشاركة الأصلية كتبت بواسطة تٍِرٍِكٍِيٍِ
http://www.arabtravelersforum.com/tr...0/#post5386880

ماتقصر يالغاليُ ورايتك بيـضاء

بس من ناحيه ان احنا ثلاث اشخاص

هل يوفرون لنا 3 اسره او الحساب بيكون فقط ع سريرين والثالث يدفع له حسابه



الغرفه ماتشيل اكثر من اثنين ،، الثالث لازم له غرفه ثانيه

الفندق اللي ذكره اخوي عبدالله الكويتي ممتاز وكان هو خياري الآخر لولا اني سكنت في آلبوم

طبعاً فندق اخوي عبدالله الكويتي كامل ومتكامل من كل النواحي واغلى شويتين بسبب انه فيه جميع الخدمات

بالتوفيق

يعطيكم العافيه ياشباب ماقصرتو والله