بسم الله الرحمن الرحيم ..
تحية طيبه للجميع .. اخوكم Unique مسجل جديد وان شاء الله نفيد ونستفيد !!
عندي كم استفسار بخصوص تايلند ..
حجزنا امس على تايلاند بإذن الله على الخطوط الاماراتية .. الرياض - دبي - بانكوك . والمده 15 يوم
وطبعاً اول مره ازور تايلند وقررنا نروح لـ فوكت / بتايا .. مبدئياً بحكم اغلب السياح يزورون هالمدينتين
لاصحاب الخبره فيه كم استفسار اتمنى بصراحه تجاوبوني عليها .. لاني محتار !!
1 ) ولد خالي سنوياً يسافر لتايلاند ويقولي احجز الفندق واحجز تذاكر السفر الداخلية عن طريق الانترنت
وموظف الخطوط قالي تايلاند مايحتاج تحجز فنادق ولا تذكره .. لان تايلند اغلبها فنادق وتقدر تحجز وانت عندهم وتحجز الفندق اللي تبغاه واللي تشوفه عينك ..
مع العلم ان موظف الخطوط قالي اقدر احجز لك فنادق بس صدقني مايحتاج ولا ابي اخسرك فلوس .
2 ) الخطوط الاماراتية قصينا عليها لانها تعطي 2 بوردينق وليس بوردينق واحد .. بوردينق من الرياض لدبي / بوردينق من دبي لبانكوك
وزي ماانتوا عارفين المشكله بين المملكه وتايلند ومنع السفر .
اللي جرب الخطوط الاماراتية ياليت يفيدنا . وهل صحيح يعطون 2 بوردينق !!! ولا غيروا نظامهم لاني سألت موظف الخطوط قالي يعطونك 2 بوردينق .
3 ) اخذ معي فيزا او مايحتاج ، وكيف طريقه الصرف .. هل اصرف اللي معي دولارات وابدلها بـ بات .. لاني مدري وش الطريقه صراحه .. وهل اخذ المبلغ معي كاش او اخليه بصرافه ..
4 ) رحلتنا بأذن الله في 27/6/2011 م ،،، مااندري وش المناخ عندهم حر برد امطااار !!!!
5 ) بالنسبه للتأشيره .. من وين افيز دخول / خروج من تايلند .. هل في مطارهم ولا عندنا بالرياض
ادري اسألتي كثيره وطولت عليكم
بس ياليت تجاوبون لان صدق هالاشياء والله ماادري عنها ، وأول سفره لتايلاند .. مع خالص تحياتي لكم .
مواضيع عشوائيه ممكن تكون تعجبك اخترناها لك:
رد مع اقتباس
المفضلات